Lipstick Lullaby

Chapter Seven

SASKIA

Sinindihan ko ng lighter ang yosi na nasa pagitan ng mga labi ko. Hinithit ko iyon bago ipinihit ang ulo ko at ibinuga sa hangin ang usok. Nakaupo kami ni Ninang sa iisang mesa kasama ang lalaking naka-virgin sa akin, si Migs. Tanda ko pa rin hanggang ngayon ang pangalan niyan.

May isa pa siyang kasamang lalaki na kamukha niya, katulad nito may mala-gintong buhok din ito.

"Ano'ng pinunta mo dito?" Tanong ko makaraan ang ilang minutong katahimikan. Nagpalit-palit ang tingin ko sa kanila. "Ah, alam ko na gusto niyo. Aalukin niyo kong makipag-threesome sa inyo? Sorry ha pero di na ko pwede. Alam kong ganito ang trabaho ko pero hindi ako katulad ng iniisip mo. You can't judge a book by each other."

Umiinom ang lalaking kasama niya ng alak na inorder nila at nabuga niya iyon. Kahit inuubo ay hindi niya napigilan ang tumawa. "Bro, this girl is something. She is killing me!"

"No, I didn't come for that." Seryoso ang mukhang sabi ni Migs at tinapunan niya ng matalim na titig ang kasama niya.

"Pogi, ano bang kailangan mo sa inaanak ko, ha?" Tanong ni Ninang.

"Ninang, siya yun." Mahinang bulong ko.

Namilog ang mga mata ni Ninang. "Yung lalaking nakakangkang sa'yo? Sabi mo isa lang?"

"Ninang, siya lang." Turo ko.

"Pogi, madami akong narinig tungkol sa'yo!" Tinitigan ni Ninang ang lalaki na para bang sinusuri siya. "Dakota ka daw!"

"Sorry?" Kumunot ang noo ng lalaki.

"Ninang!" Saway ko sa kanya.

"Malaki daw si general. Anaconda." Bumungisngis ang bakla at bumaba ng tingin sa katawan niya.

Humalagapak sa tawa ang lalaking kasama ni Migs.

Napaayos ng upo ang lalaki na para bang naiilang. Niluwagan nito ang butones ng suot niyang polo. "Can we talk in private? Just the two of us?"

Pumayag akong makipag-usap sa kanya ng kami lang. Iniwan namin si Ninang at ang kasama niyang lalaki at lumipat kami sa kabilang mesa.

"What is your name again?" Tanong niya sa akin.

"Saskia." Sabi ko.

"Saskia, you do know I'm getting married, right? Hindi ba sa bachelor's party ko tayo nagkakilala?"

"Ano ngayon?"

"I don't know." Bumuntong-hininga siya. "Yung nangyari sa atin, that was just a mistake. I feel guilty. I don't know why I'm here. We shouldn't have done that."

"Ano'ng gusto mong gawin ko?"

"Nandito ako para makiusap sa'yo. Don't tell anyone about what happened between us. I'm begging you, Saskia. I'm going to marry the woman I love, I waited my whole life for this. Hindi ko alam ang gagawin ko kapag nawala siya sa akin. I can't lose her... not just yet..." Desperado ang boses niya.

Sandali ko siyang tinitigan. Hindi ko maiwasan na mainggit sa babaeng binanggit niya. Ramdam ko ang pagmamahal niya para sa magiging asawa niya. Nagkamali nga siya noong nakipagtalik siya sa akin pero mahal niya ang girlfriend niya. Hindi ko alam pero parang may kung anong kurot akong naramdaman sa dibdib ko. May lalaki kayang magmamahal sa akin ng katulad ng pagmamahal ni Migs sa magiging asawa niya o magiging katulad din ako ni Nanay?

"Mahal mo talaga siya, 'no?" Tanong ko.

"Yes. More than I can ever tell." Nagbaba siya ng tingin na tila ba mapapaso siya kapag nagtama ang mga mata namin. "But I ruined that love..."