Ang Mutya Ng Section E (Book 2)

Chapter 142

Message

Jay-jay's POV

Kung may bibig lang ang mata 'ko, kanina pa ako minura nito. Bukod sa patong-patong na eyebags, nadagdagan na naman ng panibago. Buti na lang at hindi pa ako nakikita nina Tita at Kuya kundi tatadtarin na naman nila ako ng tanong.

"May nangyari ba?" tanong sa 'kin ni Ci-N.

Umiling lang ako. "W-wala 'to..."

Binaba niya yung dala niya at naupo sa tabi ko. Kahit wala nang luha, pinupunasan ko pa rin yung mata ko.

"Jay... Ano ngang nangyari?" tanong niya.

"May nalaman lang ako tungkol kay Papa."

"Hindi ba dapat masaya ka?"

Nagpilit ako ng ngiti. "Masaya naman ako. Ang komplikado lang kasi ng sitwasyon namin." Nagbabadya na naman ang mga luha ko.

"Okay lang 'yan..." Inakbayan niya ako at hinimas sa balikat. "Bababa din ang singil sa kuryente," sabi niya dahilan para mapangiwi ako.

Ano'ng connect ng kuryente?

Bigla na lang siyang tumawa nang malakas. Impakto! Nagdadrama ako rito tapos biglang hihirit ng gano'n.

"S-sorry!" natatawang aniya.

Kumuha ako ng unan at hinampas sa mukha niya. Hindi pa rin siya tumigil sa pagtawa kaya pinaghahampas ko na siya ng unan.

"Aray! T-teka lang! Tama na!"

Paano kaya ako titigil kung ayaw niyang tumigil sa pagtawa?

Kusa rin kaming napagod kaya huminto na ako. Panira ng moment 'tong batang kumag na 'to.

"Ikaw na masaya," inis na sabi ko.

"S-sorry na... Hindi lang ako sanay na malungkot ka," sabi niya habang nakangiti sa 'kin.

Sabagay, kahit ako rin. Hindi na rin ako sanay na malungkot ako. Lagi kasing masaya 'tong mga ulupong na at siyempre, nakakahawa.

Pero kahit wala namang connection yung sinabi ni Ci-N sa mga sinabi ko, nagawa pa rin n'on na pagaanin ang loob ko.

"Ano palang nangyari sa lakad mo?" pag-iiba ko sa usapan.

"A-ano... A-ayos lang," sagot niya sa 'kin habang umiiwas ng tingin.

Bigla kong naalala yung nangyari kanina. Napangiti na lang ako nang 'di oras. Hindi ko alam kung aasarin ko ba siya tungkol do'n o ililihim ko muna.

"Ahhh..." sabi ko habang nagna-nod.

Napatingin ako sa dala niya na binaba niya kanina bago tumabi sa 'kin. Dalawang eco bag at isang paper bag.

"Ano 'to?" tanong ko at binuksan yung isa sa eco bag.

Chibog!

Ang daming pagkain! Mukhang nag-grocery ang loko. Sunod kong binuksan yung paper bag. Magazine ang laman n'on, kumuha ako ng isa at tiningnan.

Condo unit? Penthouse? Apartment?

Ano 'to? Parang brochure ng mga pwedeng tirhan. May estimated price din sa bawat dulo ng page.

"Bakit may ganito ka?" tanong ko kay Ci na kasalukuyang nagbibihis.

"Bigay ni Ate sa 'kin... Mamili na daw ako. Ikukuha daw niya ako."

"Ha? Ikukuha? Bakit?" taka kong tanong.

Seryoso lang yung itsura niya habang tinitingnan yung hawak ko.