Ang Mutya Ng Section E (Book 2)

Chapter 143

Sunday Morning

Jay-jay's POV

"Nagsisimba ka pala?" bungad ko kay Ci-N paglabas niya ng banyo.

"Minsan lang talaga. May nag-aya lang kasi sa 'kin ngayon," sagot niya.

Ayyyiieeehhhh...

Kilala ko na. Hindi na kailangan pang sagutin. Rakki San Diego lang naman ang pangalan.

Napatingin ako sa cellphone ko nang marinig kong tumunog 'yon.

Yuri Calling...

Lumabas muna ako ng kwarto. Ayokong ipaalam dito kay Ci-N na tumatawag si Yuri. Baka kung ano'ng isipin niya.

"Hello?" halos pabulong kong sagot.

"Busy ka?" bungad niya.

"H-hindi naman... Bakit?"

"Simba tayo," aya niya.

Napatingin ako sa pinto ng kwarto. "A-ano... K-kasi..."

"Great! Sunduin kita in 20 minutes," sabi niya at biglang pinatay yung tawag.

Bastusan?!

Tropa talaga sila ni Keifer, eh. Parehong pinapatay agad yung tawag. Paano ako magsisimba? Kailangan makaalis na 'tong isa bago ako mag-ayos.

Pumasok ako sa kwarto at agad na naupo sa kama. Kuwari wala lang yung tawag.

"Ayos lang itsura ko?" tanong ni Ci.

"Ayos naman."

"Pang-'That's my Bae' na ba?" sabi niya habang nagpapapogi.

"Sisimba ka ba o magpa-fashion show?"

Kamot-batok siyang ngumuso. "Sisimba."

"Lumayas ka na! Okay na 'yang itsura mo!" inis na sabi ko.

Umalis ka na!

Ilang minuto na yung nasasayang sa pakikipag-usap ko sa kaniya.

"Ito na nga... Aalis na nga," sabi niya at tsinek yung wallet at cellphone niya.

Naglakad na siya palapit ng pinto. Akala ko lalabas na siya pero humarap na naman siya sa 'kin.

"Sure kang okay lang?" tanong niya.

"OO NA! GWAPO KA NA!" sigaw ko at ngumiti naman siya nang nakakaloko.

"I know you'll say that," sabi niya sabay kindat.

Binato ko naman siya ng unan. Agad nga lang siyang nakalabas bago pa tumama sa kaniya 'yon.

Paglabas niya, bahagya kong binuksan yung pinto ng kwarto ko at pinakinggan sya. Narinig kong nagpaalam na siya kina Tita Gema at Tito Julz.

Nakaalis na 'yan!

Agad akong tumakbo papasok ng banyo. Mabilisang ligo ang ginawa ko. Pati sa pagbibihis, mabilisan lang.

Pants at t-shirt lang ang sinuot ko. Nagmamadali na kasi ako at hindi ko naman alam kung ano'ng dapat suotin.

Patakbo akong lumabas ng kwarto ko at dumeretso sa sala. Si Tita Gema ang sumalubong sa 'kin.

"Jay... Saan ang lakad?"

"Sa... Sa... Sa... Magsim—"

"Ma'am, may tao po sa labas, hinihintay si Miss Jay-jay," putol nung maid sa sasabihin ko.

Si Yuri!

"Sino daw—"

"Alis na ako Tita!" sigaw ko at mabilis na tumakbo palabas.