KONTESERO (BxB)

Chapter 2

Nagising akong bigla dahil sa ingay ng mga aso kong nagkakahulan. Alas 8 ng umaga ng silipin ko ang oras sa aking cellphone.

Mamaya pang alas onse ng umaga ang duty ko sa trabaho. May tao sa harap ng bahay at kilala ng mga aso ang dumating dahil kahol ng pananabik ang naririnig ko sa kanila.

Marahil si nanay ang nasa labas ng bahay at naghatid sa akin ng alamusal dahil gawain naman ni nanay na bistahin ako sa lumang bahay namin tuwing umaga.

Bawal kasi ang maraming aso sa isang bahay namin sa subdivision kaya ako at mga alaga kong aso ang kasama kong dito naninirahan.

Agad akong nagsuot ng jersey short dahil nakabrief lang ako ng natulog. Malinsangang ang hatid ng hangin kagabi dahil panahon ngayon ng summer.

Agad akong lumabas ng kwarto ko at pinagbuksan ang nasa labas ng bahay.

Hindi si nanay kundi si Carl Julian ang nasa labas na may dalang supot ng pagkain. Padala ng nanay siguro dahil tatlong bahay lang naman ang layo niya sa bahay ng mga magulang ko kung saan sila parehong subdivision nakatira.

"Ang aga mo ah?"

Nasilaw ako sa liwanag ng araw kaya medyo iritable pa ako sa pagising.

Dali dali namang pumasok si Carl Julian. Iniisa-isa ang mga asong sabik na bumati sa kaniya ng himas. Binuksan ang supot ng pandesal at binigyan isa isa ang limang aso. Kagaya ko magiliw si Carl sa aso kaya maamo sa kaniya ang mga alaga ko.

Nagtungo ako sa lababo at naghilamos. Nagpakulo ng tubig para sa ititimpla kong kape na iinumin naming dalawa

Dalawang puswelong kape ang aking tinimpla. Nakaupo si Carl Julian ng abutan ko ng kapeng para sa kanya.
Umupo ako habang dahandahang humihigop ng mainit na kape.

Nakatingin siya sa akin at saka binuhay ang kaniyang cellphone at itinapat ang screen sa aking paningin.

Naibuga ko ang kape sa screen dahil sa pagkabigla at pasong naramdaman ko dahil sa aking nakita.

Inagaw ko sa kaniya ang cellphone at inisa-sa ang ang larawan doon.

Halos namula ako sa galit sa mga nakita ko.

Isang pekeng facebook account na nakapangalan sa akin. Isang time line na nakasulat doon na

"Randolf Amores is Gay!"

Ang masama pa ay nakapost doon ang ilang mga larawan ko ng nakahubad. Bagamat di kita ang mukha ko ay alam kong akin iyon at ako iyon.

Liban sa mga larawan ay ang ang conversation sa chat kung gaano ko kamahal ang taong kachat ko.

Halos nagtago ang lima kong aso ng sumigaw at nagmura ako sa galit. Maging ang iniinom kong kape ay naibato ko sa sama ng loob dahil sa eskandalong ito.

Magbiro ka na sa lasing wag lang sa bagong gising.

Pero hindi biro ito dahil isa itong paglababag sa karapatan ko bilang individual.

Kilala ko ang may gawa ng lahat ng ito! Si Brian! Alam ko kung bakit niya ginagawa ito. Kailangan ba niya ng pera?o gusto nya lang manira talaga dahil sa hindi kami magkasundo at nauwi kani sa hiwalayan.

Ganito ba siya kasira ulo kung mabigo?

Iniisa isa ko kung sino ang maaring inadd niyang tao na kilala ko. Anim na tao na taga dito sa amin ang inaad niya ang iba ay di ko kilala.

Inaadd din niya dito si Carl at Chona,isang tagakabilang kanto sa bahay ng nanay, ang iba namay malapit na kaibigan ko.

Sumikip ang dibdib ko dahil ano ang karapatan niya na pangunahan ako sa aking nararamdaman.