ملك روحي(الجزئين )

البارت الثاني

ثم سكتت ملك باقي الطريق والدموع تتلألأ في عينيها .وما انا وصلو الي امام العماره(منزلهم عباره عن شقتين مفتوحين في بعض واحده بتاعه اهلهم والتانيه محسن اشتراها لما اتجوز) حتي ذهبت ملك مسرعه الي حجرتها وهي تبكي .
مالك بغضب:اووف اوف وانا اصلاً ازاي اكلمها كدا.

يجرى مالك خلف ملك تدخل ملك غرفتها وتقفل الباب

مالك :يابت افتحي قطعتي نفسي الله يحرقك الله يخليك افتحي.

ليسمع صوت انين ملك ولا تجيب

مالك:ملك انا اسف والله انا مخنوق بس .

ملك ببكاء:طب وهتقول ايه المضايقك.

مالك:ماشي افتحي.

ملك:الباب مفتوح يا حيوان ادخل.

مالك وهو يدلف الي الغرفه وفي سره ايه دا الباب كان مفتوح فعلاً يادي الغباءثم يجد ملك تأكل شوكلاته كثيره :الله يحرقك ايه دا .

ملك ببكاء:انــــــا زعــــــــــــلاااانــــــــــه.

مالك: اكتمي رانيا هتحفل عليك.

ملك :طيب احكي انا هسمعك.

مالك:بصي يا ستي انا قررت انسي عُلا.

ملك بفرحه:بجد .

مالك:انا اتسرعت ومتأكد انه اعجاب بس وفي نفسه(يا رب يكون كده بجد)

وفي صباح اليوم التالي لم يكن يعلم اي من ابطالنا ما ينتظرهم من يوم حافل بالمفاجأت

تجهزت ملك للذهاب الي شركة K.T

ملك:هوا فين الواد دا على الصبح كدا.

مالك بصوت عالي من الأسفل بمزاح :ايوا يا هانم ايوا ما انا خدام ابوكي واقف متنيل بستين نيله مستنيكي من الصبح .

ملك بفم فارغ :ايه ايه ايه انتَ صحيت وكمان لبست يا لهوي يا حبيبي يا اخويا ملحقتش اتهنا بيك واشوف ولادك وولاد ولادك ياحبيبي خطفوك وبدلوك ملحقتش اسرق شراباتك النتَ شاريها اول امبارح مش هعرف اشوفك وانتَ بتموت يا حبيبي.

مالك بصوت مرتفع :ايه حرام عليك جوزتيني وجبتيلي اجيال وموتيني وانا وقاف جمبك وبعدان خدي هنا يا بت انتِ يعني انتِ البتخدي شرباتي وانا البقول راحت فين .

ملك وهيا تبتعد :اعمل ايه يعني مقاس رجلك صغيره هوا في راجل مقاس رجله 39

مالك:طب وهوا انتِ فرحانه ان مقاسك زيي يعني .

ملك بتسرع وهي ترفع اصبعها:لاء انا مقاسي 38 بس نعمل ايه بقي لولا الحوجه مكنش هيبقي في عوزه ياخويا.

اخذها مالك في احضانه وقبل رأسها:ايه يا بت الحلاوه دي انتِ جايبه الكلام البيئه دا منين.

ملك بحنق جلي:ماشي يا مالك الحق عليا انا .

مالك وهو يلتفت خلفه :يلا يا لوكه قبل ما رانيا تصحي .