ملك روحي(الجزئين )

الفصل السادس والثلاثون

ثنى انس قدميه اسفل ليجلس امامها على الأرض فيصبح موازى لها وهى جالسه ،وانتشل يدها ليدثرها داخل يديه محتضناً اياها :
-ملك انتِ  مش الوحدك انا جمبك عاوزك تبقي فاكره كدا دايماً .
ومن ثم رفع يدها ليقبل كلتاهما .
بينما اصتبغ وجهه ملك بحمرة الخجل جراء حركته ..ليسمعو همهمات قادمه من ناحية  السرير.

نظروا الأثنين لأسيل ليجدوها قد استيقظت ونهضت بجسدها لتجلس على السرير فأخذو يقتربو منها بينما هى نكست رأسها واسندته الى قدميها لتقول :
-انا انانيه اوى ...انا انانيه.

احتصنتها ملك بحنان هاتفةً:
-مالك بس يا حبيبتى مين القالك كدا دا انتِ من اطيب الناس القابلتهم فى حياتى .

ربت هو على رأسها بحنو ليقول :
-اسيل اهدى يا حبيبتى.

اسيل ببكاء :
-انا انانيه اوى فكرت فى نفسي وحزنى ونسيت يوسف نسيت ان هو اكتر حد هيتأثر بموت طنط ولازم اكون جمبه .

نظرت لها ملك بأسي ،ثم حولت انظارها الى انس وكأنها تستمد منه العون لكى تساعد اسيل ..فرد هو قبلها:
-طب اطمنى يا حبيبتى قومى انتِ دلوقتى خديلك شاور كويس كدا و غيرى هدومك عشان يوسف كلمنى وجاى بعد شويه يطمن عليكِ .

اشرقت اعين اسيل ما ان سمعت بحضور يوسف فهى لم تراه منذ مده واشتاقت له كثيراً .
......……………………

وعلى الهاتف كان هناك شخص يهاتف عزت

-احنا متفقناش على كدا يا عزت باشا انتَ غدرت بيا وانا دايماً واقف جنبك .

-حصل ايه يعنى  مش انتَ عاوز تبقي دراعى اليمين والمعلمين الكبار يعرفوك ...دلوقتى انتَ ضحيت عشانى ومنزلتك كبرت متخافش .

-بس مترجعش تانى فى كلامك بعدين يا باشا ..دا انا حتى معاك فى الشغل دا بقالى سنين وبساعدك فى كل الشغل الفى مصر وساندتك لما حاولت توقع شركة انس فى صفقة مشبوهه عشان تبتذه بيها .

-انتَ بتعد الجمايل ولا ايه متنساش انك كنت حتة عيل وانا العملت منك راجل الكل يحسبله الف حساب .
ثم اغلق عزت الهاتف بغضب :
-شكلك بدئت تلعب بريشك ...ومحتاج يتقص .

ثم نظر الى الرجل الماثل امامه ليقول:

-ايه الجديد يا ايوب وشك مش عاجبنى.

-اصل ..اصل .

رمي عزت كل ما على المكتب خلفه بيده ليقول :
-اخلص في ايه ؟!

-يا باشا ...الضابط الكنا بعتناه لقسم قنا انس باشا ابن حضرتك كلم اللوى سليمان وقرار رجوعه للقاهره النهارده تم خلاص .

امسكه عزت بسرعه بيده الأثنين من عنقه وكاد يخنقه وهو يقول :
-الكلام دا لسه واصلى دلوقتى ازاى !!

-حقك عليا يا باشا مش هتتعاد تانى .

امسكه بقوه اكثر ،ومن ثم ازاحه بقوه  للخلف ليرتطم جسده بقوه بالطاوله التى خلفه ..