كان مالك يجرى فى طرقات المشفى وخلفه عمر الذى اخذ يلهث قائلاً:
-الله يخربيتك يا مالك استنى .
وقف مالك ،ثم ارجع نظره نحو عمر...
:-مش انا قلتلك تروح وانت مر..
ليقاطعه صوت عمر الصارخ:
-سلمى !!
ليدير مالك وجهه ليجد حلا وهى تحتضن سلمى ليرفعا الأثنتان وجههم فتصدم حلا فهى الأن تقابله وجهاً لوجه ولا تعرف ماءا تقول له ما هو المبرر الذي ستقوله له ...
لتقف وتنظر له بأعينها الدامعه تنتظر منه ان يسئلها او ان يستفسر منها .
لتجده يقترب منها قائلاً:
-حلا حصل ايه طمنينى .
فيجدها صامته لا تصدر اى رد فعل ليردد بخفوت :
-حلا...انتِ سمعانى ...ردى عليا.
وعندما لم يجدها من اى رد اخذ بقترب منها اكثر ليربت على كتفيها قائلاً بحنو :
-معلش متخافيش هتبقى كويسه .
ارتمت حلا فجأه فى احضانه واخذت شهقاتها تعلو ...بينما هو لا يعلم ماذا يفعل فهو ليس من عادته ان يحتضن اى فتاه غير اخته ...وحلا بنظره محرم له ان يلمسها ولكن حسب الوقت الراهن يجب ان يتعامل مع الوضع بحذر فوالدتها فى حاله سيئه .
مالك وهو يحاول ازاحتها ببطئ ليأخذها نحو المقعد ويجلسها بجوار سلمى :
-متخافوش دلوقتى انا معاكو .
بينما ترفع حلا انظارها اليه بالعديد من الأسئله فيفهمها مالك ليقول :
-كل حاجه هفهمهالك بعدين متقلقيش ....دلوقتى انا وعمر هنفضل معاكو لحد ما والدتك تكون كويسه .
............................................
وفى سيارة انس حيث كان عائداً الى منزلهم .
ثناء بضيق :
-حرام عليكِ يا انس احرجتنا مع الناس بقى كدا ينفع ...عاوز الخطوبه الأسبوع الجاى والفرح على آخر الشهر هو دا كلام يعنى .
يوسف :
-معلش يا ماما هو انتِ عندك غيرنا يعنى .
ثناء بحنق :
-ربنا يصبرنى عليكم يا ولادى .
....................................
وفى تمام الساعه الواحده مساء
يدخل مالك بهدوء الى المنزل حتى لا يستيقظ احد ،فيفزع فجأه عندما يجد ملك امامه وهى ترتدى منامتها ويبدو انها كانت تنتظره لتبدأ بتعنيفه على التأخير ...
وبعد مرور عشر دقائق فى غرفة ملك كانت جالسه مع مالك بعد ان بدل ملابسه بملابس اخرى مريحه للنوم وحكى لها عن ما حدث معه .
مالك :
-بجد مش عارف اعمل ايه ....بس فيه حاجه غريبه بتشدنى ليها .
ملك وهى ترجع رئسها للخلف فتستند على كتفه :
-هو الله يكون فى عونها صعب اوى ان بنت تعمل انها ولد وتعيش بالطريقه دى ...هبقى اروح معاك بكرا ازور مامتها واقابلها ....لما اشوف ست الحسن الشغلت اخويا معاها دى .
مالك بنبره خافته :
-شغلتى فعلاً حتى من قبل ما اعرف انها بنت ...مجرد ما شفت دموعها مكنتش قادر كان نفسي اخدها فى حضنى اخفف عنها ومسمحش لحاجه تبكيها تانى ابداً .
ملك وهى تنظر لعينيه بطريقه مضحكه :
-واد انتَ متاكد انك مالك اخويا ايه الرومانسيه دى .
وفى اليوم التالى
فى شركة K.T
طرقت ملك باب غرفة انس ليسمح لها بالدخول .
فتدلف الى الداخل فتجده منكب على اللاب توب وغير منتبه لها.
فتتنحنح لتجذب انتباهه ،فيرفع رأسه اليها لتبدأ كلامها :
-مستر انس لو سمحت انا خلصت شغلى ممكن اروح دلوقتى .
انس بتعجب وهو ينظر الى ساعته التى يرتديها فى معصمه :
-بس لسه بدرى اوى على نهاية الدوام تروحى ليه.
تجمع ملك قبضتا يدها تحاول كتم غضبها منه وبسبب طريقته المستفزه :
-عندى ظروف خاصه وعاوزه امشي .
انس بنفس الطريقه وهو يقف ويدور حول مكتبه ليصبح مقابل لها:
-وايه هى الظروف دى .
ملك وهى ستنفجر من الغصب بسبب طريقته :
-خــاصه ...خــــاصــــه ..ايه هو البعيد مبيفهمش .
امسك انس بمعصمها بقوه ولفه خلفها فأصبح قريب حداً منهت ليهتف بغضب من طريقتها :
-لا يا حبيبتى دلوقتى معدش فيه حاجه خاصه مابينا كلها كام اسبوع وهتبقى مراتى خلاص .
لتنفض ملك يده من عليها وتبتعد :
-انتَ قلتها كام اسبوع يعنى لسه مبقتش مراتك ...وكمان لحد ما ابقى اياك ثم اياك تلمسنى تانى ابداً شكلك اخدت عليا جامد عشان سكتلك ....
ثم اخذت تهم بالأبتعاد لتخرج من المكتب وهى تنظر له مشيره اليه بعدم الأقتراب منها ..
لتفاجأء به يجرى عليها ويحزرها لتلتفت خلفها ليرتطم وجهها من الامام بعمود زجاجى لتجد نفسها تترنح على اثر ارتطام رأسها:
-اه ...راسي .
فتجد نفسها فجأه بين احضانه واعينه المليئه بالخوف عليها مصوبه نحوها ...لترتبك ومن ثم بعتدل كلاهم وتجلس هى على الأريكه المجاوره وهى تمسك رأسها .
انس وهو يتوجه ناحيه ثلاجه المياه :
-استنى هجيبلك ثلج تحطيه على الخبطه .
وبعد بره كانت هى تمسك بالثلج واضعةً اياه على رأسها الذي اصبح مكان الخبطه محمراً وبارز قليلاً ....بينما يجلس انس على مقعد امامها :
-ها راحه فين .
ملك بيأس :
-اوووف ....يعنى لازم .
-ايوا لازم .
ملك وهى تخرج هاتفها الذي يرن من الحقيبه لتقول له قبل ان تفتح المكالمه :
-والدتى صاحبتى تعبانه وراحه اشوفها .
ومن ثم تجيب على الهاتف قائلةً:
-معلش واللهِ كنت بستأذن .....خلاص خلاص نازله ....سلام .
لتتوجهه ناحية الباب ،فيوقفها صوت انس مجدداً :
-مين هيوصلك ..لو عا...
لتقاطعه هى :
-لا مالك هيوصلنى هو واقف تحت .
-مالك هو انتِ لكِ اخ تانى .
قالها بأستغراب بينما ردت عليه :
-لو عاوز تعالى شوفه انتَ لسه مقبلتوش ...
......................
معلش على التأخير واللهِ كنت فى رحله وجيت تعبانه خالص
أنت تقرأ
ملك روحي(الجزئين )
Любовные романыبدأت القصه بصدفه .. لتكون مجرد بدايه لأسرار تكشف وبدايات لأشخاص معاً كما انها نهايات ايضاً... وماضي ما زال موجود ويقف امامهم...
