ملك روحي(الجزئين )

البارت الحادى عشر

لتنتقل ببصرها الي صوره اخرى غير مدركه لوقوف انس خلفها
كانت الصوره تبدو لأنس وهو في السنه السادسه علي ما يبدوا وهو ممسك بلعبه مكسوره ويبكي :
-الله هو كان عسول وهو صغير كدا ليه بس ليه بيعيط ... دا هو دلوقتي مش بيعيط دا بيخلي الناس تعيط يا سواد السواد ،ثم وهي تستدير خلفها :
-انسان استغفر الل..لتتفاجئ بأنس وهو واقف متهجم الوجه خلفها .

ملك بخوف وهي تحاول التحلي بالشجاعه وفتح فمها حتي تتحدث ولكنه يخذلها ويأبي ان يصدر اى صوت.

انس وهو يتصنع الغضب :
-بتعملى ايه في اوضتى .

ليملئ الخوف قلبها من نبرة صوته :
-اصل   ..  اصل ......اصل.

_اصل ايه .

ملك والدموع في عينيها :
-الأوضه ..اسيل ..قالت   اصل هي سابتني.

ليرد عليها انس:
-انتِ ليه بتتصرفي زى الأطفال كدا .

لتتجاهل ملك سؤاله :
-انا طالعه اشوف اسيل لأنى اتأخرت عليها .

ثم خرجت ملك لتترك انس في حيره من امره ومن تصرفاتها....ثم تدلف الي غرفة اسيل لتجد اسيل هناك :
-انتِ فين يا بنتى بدور عليكِ من زمان ملك بأرتباك :
-اصل طلعت اشوفك فدخلت اوضه تانيه ولما ...ملقيتش فيها حد طلعت ورجعت هنا .

اسيل بأبتسامه جميله :
-خلاص مفيش مشاكل ...بس دا القميص طلع تحفه عليكِ.

ملك :
-ميرسي.

اسيل :
-علي العموم يا ستى احنا كدا بقينا اصحاب يلا بقي هاتى رقمك اسيڤو عندى بقي.

تبادلت ملك واسيل ارقام الهواتف ثم كادت ملك ان تذهب لولا دخول السيده نرمين وسعاد اختها ...
لتهم نرمين فور دخولها لتنادي علي الخادمه :
-يا هنيه ...يا لت يا الأسمك هنيه.

ثم حضرت هنيه :
-نعم يا ست نرمين .

نرمين :
-اطلعي نادي لأنس من اوضته يحضر بأسرع وقت يلا.

ذهبت هنية لتنادى لأنس بينما دلفت اسيل وملك الي الرسيبشن .

نرمين بأستغراب:
-هوا انتِ جيتي بدرى كدا ليه يا اسيل مش انتِ قلتي هتتأخرى.

اسيل :
-اصل انس اتصل عليا عشان اجي اقعد مع ملك ...اصل القهوه وقعت علي ايديها .

نرمين بتعجب وهي تنظر الي ملك :
-ملك مين.

اسيل :
-دي الأنسه ملك مهندسه في شركة انس

نرمين وهي تمد يديها لكي تسلم علي ملك بتعجرف :
-اهلاً بحضرتك يا انسه انا  نرمين عزت السيوفى والدة اسيل ...
وفي منتصف كلامهم تدخل فتاه تجذب الأنظار ليس بجمالها فجمالها متوسط ولكنها احسنت في اختيار مظهرها بما يظهر جمالها جيداً ...لتشهق اسيل وتنظر اليها بضيق :
-چانيت انتِ جيتي .

لتنظر اليها تلك المدعوه چانيت :
-انتِ مش فرحانه ان انا جيت ولا ايه يا اسيل ...دا حتي احنا مشفناش بعض من زمان اوى.