ملك روحي(الجزئين )

البارت الثالث

اللهم صلي وسلم وبارك علي سيدنا محمد
..............................................
وضعت ملك يدها علي رأسهاوقالت :استا...استاذ.
نظر لها انس وجدها تسقط علي الأرض فأسرع بألتقاطها قبل ان تسقط علي الارض:يا. . . .يا آنسه ثم ضرب علي وجنتها بخفه فلم تفق ثم بسرعه نادي السكرتيره لكي تأتي بطبيب الشركه في الحال.
انس وهو ينظر الي ملك :هوا انا كنت ناقصك طب اعمل ايه اشيلها من علي الأرض ولا ايه.
وبعد تفكير قام بحملها ووضعها علي الأريكه ثم بعدها بدقائق حضر الطبيب وقام بفحصها ثم قال انها تعاني انخفاض في ضغظها بسبب قلة الأكل والأرهاق وقام بوضع المحاليل لها في حين ظل انس بجوارها وجلس يتأملها وفي نفسه "مش معقول في حد كدا ايه دا ملاك وشها فيه براءه مشفتهاش في حد.
ملك وهي تهلوس:مالك الله يخليك تعالي خدني من عند الحيوان ده مفترى منه لله .
انس وهوا يتوعد لها :حسبي الله ونعم الوكيل بنت صايعه ان ما وريتك.
وبعد مرور عشر دقائق كان انس يعمل علي بعض الاوراق في حين صرخت ملك
بينما وجهها يتصبب عرقاً :بابا..ماما متمشوش افضلو معايا ماما .
انس بصوت عالي نسبياً:يا انسه ملك قومي يا انسه.
ثم تقوم ملك فزعه وترتمي في احضان انس،تفاجئ انس من فعلتها ولكنه احس بشعور غريب وشعر بدقات قلبه يكاد يسمعها جميع من حوله.
ملك وهي تبكي علي كتفه:مالك ماما ماتت يا مالك مشت وسابتني مش قادره افتكر شكلها كويس حتي قلبي واجعني اوي يا مالك.
لم يتحرك انس ولم يحاول في تحريكها ومن ثم تهدأ ملك :مالك قوم ياض هات ليا كوباية ميا.
انس بأستغراب وهو يحاول الحركه :انتِ انتِ ماسكه في حرامي غسيل .
ملك وهي مازالت تحتضنه:ايه الصوت دا صوتك ماله يا مالك،وتبتعد برفق لترى انس تكاد تخرج شهقاتها بصوت عللي ولكن بأشاره من انس اسكتتها.
ملك بفزع:ان.. ان..انتَ بتعمل ايه.
انس في نفسه:البت دي متخلفه ولا ايه مهيا مقضياها .
تنظر ملك الي نفسها ترى المحلول موصول بيدها وذراعها مكشوف وبعض خصلاتها التي رفضت الأختباء تحت طرحتها فبسرعه حاولت نزع الأبره من يدها .
انس بصوت عالي :انتِ متخلفه سيبي الأبره.
ملك :لا اوعي ابعد عني ،ثم جاهدت لنزعها لتخرج بعض الدماء من يدها وتتألم ولكن تحاول الا تظهر ذلك ليمسك انس يدها الاثنتان بشده ويضع يدها جانباً وبرفق تن
ينزع الأبره،ثم ينظر لها وهيا تضم شفتيها وتغمض عينها بشده يظل ينظر لها انس مطولاً وقد نزع الأبره وهي مازالت علي نفس حالتها فيضع يده اسفل زقنه.
ملك وهي تفتح عينها:اخلص كل ده ايدى وجعاني شدها براحه والنبي.
انس بسخريه من موقفها الطفولي:انا شديت الأبره من ربع ساعه تقريباً .فتنظر ملك الي يدها فتجد الأبره قد نزعت وتنظر الي يدها الأخرى لتجد نفسها ممسكه به فتحمر وجنتها بشده لتقول له :اسفه.
انس :ايه دا بتتكسفي.
ملك :نعم
انس بغضب:لا ما انتِ مقضياها علي الطريق وتليفونات وحبيب قلبي وانتِ ولا متجوزه ولا مخطوبه يا ترى بقي بتمشي عرفي ولا بالدفع.
اتصدمت ملك من كلامه وصفعته بشده علي وجنته واردفت تقول له:انتَ معندكش دم وسافل وقامت تجرى خارج المكتب وهي تبكي ولحسن حظها كان مالك وصل آن ذاك
مالك:ملك..ملك.
انس كان ينظر لها من نافذة مكتبه ليقول لنفسه"مشفتش حد شكلها قبل كدا والله لدفعها القلم غالى اوى"
ركبت ملك مع انس:ايه..ايه الحصل.
تظل ملك صامته ولا ترد عليه .
مالك :انتِ حره ان شاء الله تموتي ومتلقيش حد يسئلك مالك.
عادت ملك الي المنزل لتجد رانيا تحتسي الشاي في الصالون فذهبت ملك بسرعه الي غرفتها.
رانيا بأستغراب :مالها دي ،ثم تركت الكوب حالما رأت مالك :مالك ..يا مالك استني بي.
مالك وهو يضم يدها علي بعضها وينظر لها:افندم.
رانيا وهي تسئله :ملك مالها؟
مالك بضيق من تدخلها الذائد:معرفش ويتركها ويذهب.
رانيا:لا انا لازم اعرف في ايه واللهِ مبقاش رانيا لو معرفتش.
•••♪••••••••••♪•••••••♪♪•♪
في مكان اخر انس كان يجلس مع عائلته
اسيل(اخت انس فتاه جميله عندها٢١سنه كليه حقوق مخطوبه لأبن خالتها يوسف):انس مالك متاضيق ليه.
انس:لا مفيش ضغط الشغل بس.
نرمين(هي والدة انس متكبره ومتعاليه تلتزم بال
بتقاليد المجتمع الراقي وتعتبر اي شخص فقير اقل منها شئناً ):ما انتَ لو تتجوز وتستقر يا ابنى .
انس :انا مبفكرش في الموضوع دا دلوقتي يا ماما ،ثم يقوم انس من علي الطعام ليصعد الي غرفته ويلقي الهاتف والمفاتيح ويجلس يفكر في تلك الفتاه غريبة الأطوار من تجرأت علي ان تكلمه بتلك الطريقه وليس ذالك فقط وانما تجرأت وصفعته ثم فجأه يرن هاتفه .
انس وهو يرد علي الهاتف:الوو يا جو .
.... : . . . . . . . . . . . . . .
انس:،لا لا مش هقدر النهارده.
.... : . . . . . . . . . . . . . .
انس: مفيش دماغي تعباني شويه بس من ضغط الشغل ٠
.... : . . . . . . . . . . . . . .
انس :خلاص اشوفك بكرا ،ثم اقفل معه ودخل اخذ حمامً ينعشه ثم نزل ليجلس مع عائلته ٠
••••♪••••♪••♪♪♪••••••
عند ملك
بعد ان هدئت ملك خرجت من غرفتها ونزلت لكي تساعد رانيا في اعداد العشاء .
وعلي العشاء
رانيا:شوف يا محسن اخواتك كل يوم ياجو عاملنلي زعلانين واجي اسئلهم ولا يعبروني .
عمر :هو حد كان قالك تسئليهم يا ستي ولا لتكوني خلفتيهم ونسيتيهم ٠
ملك بخفوت:عيب يا عمر ٠
مالك:اسكتي ياختي عنده حق انا اعرف حاشره نفسها ليه ٠
محسن بصوت جهورى :اهدو بقي لازم كل مره شكل حسبي الله فيكو .
رانيا وهي غاضبه :ايوا انا الحق عليا انا اديني سكت ٠
ملك لعمر بصوت لا يسمعه الا عمر ومالك:الا ايه الحصل مع سلمي ٠
عمر بأبتسامه :كله تمام ٠
مالك وهو يضحك : يا عيني عليك يا عمر من دلوقتي بتصاحب ٠
عمر:امال فاكرني ايه دا انا البؤنس عمر يا ابني واهدي بقي عشان استأذن من بابا عشان العب ٠
عمر بأدب مصطنع:لو سمحت يا بابا انا واصحابي هنروح نلعب بليستيشن عند هيثم صاحبي ومش هتأخر موافق اروح ٠
رانيا:والنبي يا اخويا ومزاكرتك هتعمل فيها ايه ٠
ملك :يلا يا محسن هوا لسه صغير ومجتش من يوم ٠
محسن :طيب ومتتأخرش ٠
عمر بأبتسامه:كدا بس دا انتَ تؤمر ٠
ثم فجأه رن جرس المنزل
#fiola
٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠
ان شاء راح انزل الجزء الثاني من البارت الليله لأني عارفه انه قصير معلش بقي
رمضان كريم وكل سنه وانتُ طيبين