Frozen Time

Deal

Pumasok na ko sa kotse at tinignan ang paligid. "Did they confirm already?"

"Yes. As soon as we landed, they confirmed the dinner tonight for 4."

"Great. Hayaan nalang muna natin na makapagpahinga silang lahat."

I looked out the window at napansin ko ang mga pag babagong meron dito simula nung huli kong punta dito 3 years ago.

Same place. Same people, she just didn't know I was watching her. Same feeling, because I do, still love her completely.

-------------

PAT POV

More than 17 hours of flight was hell. I am too damn tired and all I wanna do is sleep pero hindi ako hinahayaan ng utak at puso kong matulog even if my body is begging me to already. Pano ba naman tong si Lance kung ano-anong kalokohan ginagawa na lalong nagpapatibok ng puso ko! Gustong gusto ko ng kiligin sa harap niya, yakapin siya, at halikan siya pero di ko magawa! At yun ang dahilan bakit hindi ako makatulog ngayon! I want to do all those things so bad. Para bang hindi ako mapapakali kung di ko magawa iyon. Hay ano bang gagawin ko sayo Lance?

Lumabas ako ng balcony ko at tinignan ang view ng Santorini. It was 3 years ago when I was here. After I left the Philippines ay eto ang una kong pinuntahan. It was supposed to be the place of our honeymoon. The memories I had here was supposed to be good and sweet but turned to sad and bitter. Walang gabi noon na hindi ako umuuwing lasing o kaya minsan walang malay ni hindi ko nga alam minsan pano ko nakakauwi at nagigising nalang ako na maayos ang damit ko at pagkakatulog ko. I tried to search answers in this place on why I did the worst decision in my life because this is my favorite place. It has always been my dream to come here pero nung pag dating ko palang dito, hinahanap ko na ang kasama ko dapat. I wanted to go back in an instant at bawiin lahat ng oras na nasayang ko. Kahit unting oras lang para mabalik ung maling desisyong nagawa ko pero wala huli na ang lahat. Malaking pag kakamali na ang nagawa ko at alam ko sa iisang pag kakamaling iyon ay nasira ko ang lahat at hindi ko na maibabalik pa.

Heto ko ngayon after 3 years with the same kind of pain, kasama ko nga siya sa pagkakataong ito pero hindi naman ang pagsasamang pinangarap ko noon. Hindi na nga siguro mangyayari pa ang mga gusto kong gawin kasama siya dito noon. Humiga na ko at dun tuluyan ng umiyak dahil ramdam ko nanaman ang lahat. Lahat ng bigat na nararamdaman ko dahil sa maling desisyon ng buhay ko, dahil hindi lamang siya ang nawasak ko pati narin ang sarili ko.

TOOT TOOT TOOT TOOT TOOT

Nagising ako sa alarm na sinet ko. In just 2 hours, we will meet Mayumi and Danica Tan. Agad naman akong naghanda. Maya-maya lang ay lumabas muna ako para pumunta sa room ng team ko para icheck sila.

"Okay na ba ang lahat guys?" tanong ko sa kanila. Alam ko naman na magagaling ang mga ito kaya hindi ako nagwoworry.

"Oo naman!" Sabay-sabay na sagot nila.

"Naks naman! Ganda mo ngayon Ms. Patricia ah!" sabi ni Hannah ang aking assistant. 

"Ngayon lang?"

"Ay siyempre araw-araw ma'am. Pero may kakaiba ngayon. Parang may gusto kang i-impress." tumataas-baba pa ang mga kilay nitong halatang nang-aasar sa akin.

"Wala! Sige na may kailangan ba kayo sakin at kailangan niyo ba ng tulong ko?" tanong ko sa kanilang lahat na busyng busy sa lahat ng ginagawa nila ni hindi man lang ako lingunin ng mga to.

"Wala Ms. Patricia! Sige na wag mo na kami alalahanin. Baka hinahanap ka na ni KHV!" sabi nila sa akin na para bang ayaw nilang nandito ako. Maya-maya lang ay may kumatok na sa pinto.