Death Game Series1: THE LOSTS SOUL

CHAPTER 13- SAVIOUR

 IRIS ELAINE'S POV

 Nagmadali kong nilisan ang lugar kung saan nandoon ang mayabang na yelo na 'yon.

' teka, tang-ina.! Muntik ko ng makalimutan, Nawala pala 'yong racket ko. '

Bigay sa 'kin ni Daddy ang racket na 'yon. Ang pinakamahalang bagay na alaala na iniwan niya sa 'kin.
Ang tanga ko kasi. Nakalimutan kong i lock ang locker ko. Pa'no ko 'yon hahanapin.

Aiisshhh gutom na ako.

Pagtingin ko sa wrist watch ko ay ala una y medya na pala, kaya pala wala na akong nakikitang mga nakaunipormeng estudyante sa paligid, nasa klase pala sila.
Nasa malaking field narin 'yong mga baseball players. Pumunta nalang ako ng Canteen, Tahimik at kakaunting estudyante ang nandoon.
Umorder nalang ako ng pagkain.

"Malungkot ka yata." Napatingin ako bigla sa harap ko sa table.
Si Cecile. Hindi ko nalang s'ya pinansin at nagpatuloy sa pagkain.

"May problema na naman? tungkol ba sa Megan Samonte na yun?" tanong n'ya. at umiling nalang ako bilang tugon.

"Nawala ang tennis Racket ko" Mahinang sabi ko.

"Bumili ka ng bago"

"Bigay 'yon ni appa, mahalaga sa 'kin 'yon" malungkot kong saad.

"Sige ganito, tutulungan kitang hanapin ang racket. Nakita ko na ang bagay na yon at mamumukhaan ko yon kung makikita ko." nakangiti pang sabi ni Cecile.

Ginantihan ko nalang s'ya ng pilit na ngiti. Handa siyang tulungan ako pero hanggang ngayon hindi ko pa s'ya natulungan.

"El, kung magpatulong ka kaya sa napakagwapo mong manliligaw. Baka may magagawa s'ya"

Napakunot ang noo kong tiningnan s'ya. Anong sinasabi nyang manliligaw.?

"Si Rebel" patuloy niyang may nanunuksong ngiti. 'Kala niya namang bagay sa kanya ang ngumiti , sobrang itim kaya ng ngipin nya.

"Si Rebel?? Hindi ko s'ya manliligaw"

"Napakadepensive mo. Joke lang"

Pero tama s'ya. SSG president si Rebel at baka may magawa s'ya.
Patakbo akong lumabas ng canteen at tinahak ang daan papuntang Gym, hingal na hingal pa ako ng nakarating sa Gym. Ngunit walang tao, wala ang mga players. Bagsak ang balikat ko na umupo sa isang upuan do'n. Naisip kog tawagan siya ngunit Unattended ang number. Pati number nina Bryle at Peirce hindi macontact.

Haizztt,,, kailangan ko yatang libutin ang buong campus para hanapin sila.

Pinuntahan ko ang lugar kong saan maaari nilang tambayan pero wala, pumunta rin ako sa oval kung saan nag-eensayo ang ibang mga athletes pero wala din.

"Ris, sorry talaga ha. Kung hindi kita hinila kanina. Hindi sana nawala ang rack.."

"Ssshh cut it out Yann,ano ka ba, hindi mo kasalanan." Suway ko kay Yanna. Nasa locker kami ngayon, katatapos lang din ng practice nila, pumunta ako kanina sa office ni couch Veron. Hindi muna daw kami magpractice pero may ipapasa s'ya sa email ko. Videos daw ng mga laro ng makakalaban ko.