عادل >> انا حكيت مع هلي بس قلت انجي نعطيك انت العلم
أميـره >> اكريم تعال
انا >> راجي شويه
عادل >> خلاص عدي شوفها قبل
انا >> تو تراجي شويه غير كمل حسك شغلتني
عادل >> نبي نخطب أميره اختك ❤ " و سمعنا صوت حاجه تكسرت "
صبيت نجري و جا ورايا عادل و كانت أميره مصدومه و طايحه منها سفره اللي كانت فيها شيشة الاميه و الطواسي
انا >> حصل خير حصل خير
عادل >> صارتلك حاجه !!!!؟؟؟
انا >> أميره كنك ؟
قعدت امتنحه فينا و وجها قعد حمر و خشت جوا
رد عادل للمربوعه و انا خشيت نشوف فيها
انا >> ما صار شي يا هبله
أميـره >> خليني نمشي انلم الدنيا
انا >> باهي كنك ؟؟
أميـره >> ما كني شي السفره طاحت بروحها
انا >> يعني ما سمعتي شي ؟
أميـره >> شي زي شنو ؟
انا >> شي خلاص
طلعت للمربوعه و كملت دوتي انا و عادل و نحن نأكلو
عادل >> اللي تبوها انا حاضر
انا >> مش عارف شن نقولك بس اكيد ما نلقوش خير منك يعني
عادل >> تسلم تسلم
انا >> بس انت عارف انها مازالت تقرأ !
عادل >> بعد الامتحانات ه انجيب هلي أقل حاجه يعطو فيها كلمه و بعد النتيجه نديرو الخطبه
انا >> تي وين وين :D غير نسألو البنت قبل بالك ما تبيش
عادل >> أها نقانه حقاتكم
انا >> ربي يقدم اللي فيه الخير
كملنا غدانا و شربنا الشاهي و روح عادل و خشيت انا نحكي ل امي و أميره
أمي >> ما شاء الله ما شاء الله رورورووروري
انا >> تي كنك راجي نشوفو البنت قبل
أمي >> اكيده موافقه
انا >> ها أميره شن رأيك ؟؟
أميـره >> 😳
انا >> احكي هيا ؟ كان ما تبيش قولي
أمي >> وين تلقى واحد كيفه ما شاء الله عليه
أنا >> خليها براحتها
أميـره >> نبي نمشي نقرأ
خشت أميره و عرفتها أنها متحشمه بس كان رافضه رآه قالت لا ع طول // سيبتها و امي خشت وراها و انا مشيت نرقد
>>
>>
>>
>>
بـسمه >> شن تبي ادير توا ؟
حسـام >> نعرف كيف نتصرف
بسمه >> باهي أهم حاجه طلعني من القصه
حسام >> تم تم
بسمه >> خلاص توا ماشيه للمحاضره و احكيلي شن ه يصير
حسام >> الجامعه كلها ه تعرف اصلا :v
بسمه >> ههههه تعجبني و الله
حسام >> بس عندي سؤال ؟؟
بـسمه >> شنو ؟؟
حسـام >> ليش بعتي صاحبتك هكي بكل سهوله ؟
بـسمه >> لأنها باعتني قبل
حسام >> و ليش باعاتك ؟؟
بـسمه >> لاني بعتها حتي انا من قبل
حسام >> أها تمام
بسمه >> هيا سلام توا
حسام >> سلام
#
#
#
أميـره >> يا ماما نبي نقرأ عاد
امي >> باهي جاوبيني موافقه و لا و لا ؟؟
أميـره >> أها أها خلاص تريحتي
امي >> لولولولولي تي و الله ما تلقي خير منه حتي أسماء ديما تشكر فيه
أميـره >> أن شاء الله خير
امي >> خلاص ركزي في قرايتك
أميـره >> باهي عادي بعدين نمشي ل رحمه ؟
امي >> مش دوبك أمس امهدرزه معاها ؟
أميـره >> باهي و كان نبي نمشي ديما تقولي انا انجيك و انتي ما تجيش بكل
امي >> باهي ساهل غير اقري و بعدين تو نشوفو اكريم
أميـره >> باه <3
امي >> شوفي نقالك باه بالك أسماء ترن
أميـره >> لا هذه رحمه / ردي الباب وراك
امي >> كلمتين و سكري
أميـره >> حححاضر ' و طلعت امي '
~
~
~
أميـره >> آلو 😳
عادل >> شن صارلك امبدري ؟؟
أميـره >> لا شي ما صار شي اصلا
عادل >> حكى معاك اكريم باهي ؟؟
أميـره >> ع شنو ؟؟
عادل >> عليا !
أميـره >> أها حكالي انا و ماما
عادل >> و شن قالت عمتي ؟
أميـره >> فرحت
عادل >> و انتي ؟؟
أميـره >> صوت ماما تنادي
عادل >> تبي تهربي اها :v تي مش عاجبني فيك غير الحشم اللي عندك <3
أميـره >> هيا باي
>>
>>
>>
سيـف >> ديدا شن صار مع البنت ؟
فـريده >> أي بنت ؟
سيـف >> اخت أسماء
فـريده >> أها ذكرتني و الله ،، بدري رنيت كانت مقفل
سيـف >> جربي رني توا
فـريده >> تي عليش القصه هذه // انت تشوف في خوها كل يوم ،، احكي معاه
سيـف >> و كان قالي انت شن عرفك بيها ؟
فـريده >> احكيله قوله البنات خواتي يشكرن فيها
سيـف >> خلاص تم بكرا في الصبح تو نتلاقو و نفتح معاه القصه
فـريده >> أن شاء الله ه يواققو طبعآ
سيـف >> تعجبني الثقه اللي عندك :D
فـريده >> ها امالا :D
>>
>>
>>
نضت ع أذان العصر و صبيت صليت و خشيت للكوجينه و لقيت القهوه واتيه // صبيت فنجان و طلعت لصاله و لقيت امي مع باتي و يتفرجو
انا >> نبي نطلع ،، تبو حاجه ؟
امي >> لا سلامتك
انا >> باتي ناقصك شي ؟؟
باتي >> لا لا نبي غير سلامتكم
انا >> الله يسلمك
أميـره >> ماما قوليله
انا >> شن في ؟؟
امي >> تبي تمشي ل رحمه
أميـره >> كلمت و حفظت كل شي رآه
انا >> باهي البسي و عبايه و تو انوصلك انا
أميـره >> خطوتين الحوش تو نمشي بروحي
انا >> تخشي تلبسي و لا نقولك ما فش طلوع ؟؟
أميـره >> لا خلاص دقيقه بس
خشت أميره لبست و طلعت معايا و راجيتها عند خشت حوش أميره و مشيت انا نبرم شويه
>>
>>
>>
رحمه >> تي أها انا مسحتهن // من جدك اصلا مخليه المكالمات
أميـره >> اول مره نحكي مع شاب اصلا
رحمه >> باهي احكيلي هيا
أميـره >> جا اليوم عندنا و حكى ل اكريم 😍
رحمه >> حيحي مبروك يا روحي 😍
أميـره >> من الصدمه طاحت مني السفره :D
رحمه >> حي ع الهبله :D
أميـره >> يعني ما توقعتش بسرعه هذه يجي و يحكي
رحمه >> هذا دليل ع انه كويس و يبيك جديات
أميـره >> أها حتي انا حسيته هكي
رحمه >> العقبالي و خلاص
أميـره >> أن شاء الله يا قلبي عن قريب
رحمه >> أن شاء الله
أميـره >> مازال ما كمل الحوش هوا ؟
رحمه >> تي مازال بس أقل حاجه رآه جا و عطا كلمه
أميـره >> تحسيها مروه تلعب في رأسه
رحمه >> تي أها عارفتها بس حسبي الله ونعم الوكيل :'(
أميـره >> حومي عاد :(( تبكيش و رأس موسى هي
رحمه >> المشكله هيا مخطوبه شن دخلها فينا مش عارفه :((
أميـره >> العتب ع موسى اصلا يحكيلها في كل حاجه
رحمه >> خايفه بعد كل ه السنين يأخذ وحده غيري تي احتمال نموت
أميـره >> بعيد السو -_-
رحمه >> آهو قاعد يرن
أميـره >> ردي عليه عادي
>>
>>
>>
سفيان >> هوآ اصلا رايح يتحسس بروحه ما عندي ما نديرله
عمران >> بس كلامك أمس عيب
سفيان >> تي داير روحه الشخص المثالي و هوا يعرف بنات وجو ساد غير هذك الطرف
عمران >> كنك حسودي هكي :D
سفيان >> مش حسودي بس يفكنا من النفاق و جو انه بوجهين
منعم >> مش عيب باهي تحكي ع الراجل في غيابه ؟
سفيان >> نحكي عادي انا و بصفه عامه
منعم >> مش عارف من الغلطان بس اكيد مش اكريم لأنه عشرة عمر و عارفينه كويس
سفيان >> اوكي باه و انتو ديما معاه
عمران >> خلاص انت الآخر
منعم >> ماشي شور الحوش و بعد ايجي سالم خلوه يكلمني
عمران >> تم
سفيان >> موسى ما يبيش يجي ؟
عمران >> لالا لأنه اكريم مش جاي
سفيان >> شوف بس حركات العيال الصغار اللي يديرو فيهن
عمران >> تي خليهم براحتهم
>>
>>
>>
عماد >> حبي شوفي نقالك انظني هلك
أسمـاء >> أها رقم ماما هذا
عماد >> سلميلي عليها
أسمـاء >> يوصل
~
~
أسمـاء >> خير يا ماما
امي >> خير يا اسميوا / كيف حالك و كيف حال عماد ؟
أسمـاء >> الحمد لله تمام كيف حالكم انتو ؟
امي >> كويسين
أسمـاء >> نرن بدري ع أميره لقيتها مقفل
امي >> أها / / ما عندهش رصيد عشان تعاود عليك
أسمـاء >> وينها باه عطيها ليا ؟؟
امي >> مش قاعده ،، مشت ل رحمه
أسمـاء >> أها تمام
امي >> خطرها // بدري جا عادل
أسمـاء >> حي ^/ عليش ؟
امي >> يعني ما عندكش علم ؟
أسمـاء >> قصدك حكالكم ع أميره ؟؟
امي >> أها و موافقه هيا
أسمـاء >> باهي تمام
امي >> نبي نسألك ع البنت اللي جتنا مره ؟
أسمـاء >> فريده ؟؟
امي >> ايواه // شن صار فيها ؟
أسمـاء >> من حيث المبدأ موافقه هيا بس القصه في اكريم امسكر رأسه
امي >> لا اكريم نعرف كيف نتفاهم معاه و تو نقنعه
أسمـاء >> باه كويس و أي شي يصير معاك قوليلي
امي >> باه أن شاء الله // سلمي ع عماد و عمتك
أسمـاء >> يوصل و سلميلي ع بابا و اكريم اما اميره تو نحكي معاها بروحي
امي >> يوصل يوصل
أسمـاء >> مع السلامه
>>
>>
>>
روحت للحوش مع المغرب هكي عشان نروح ب أميره و لقيت موسى قاعد و كسدنا قدام الحوش
انا >> انت دير خطوه رسميه و بعدها كمل كل شي ع امهلك
موسى >> ما هو هلي مش مقتنعين
انا >> يعني ؟
موسى >> مروه تبيني نأخذ صاحبتها
انا >> و بنت الناس اللي امعلقها معاك لك كم ؟؟
موسى >> و الله ماني عارف شن ندير
انا >> ما تخليكش عيل أزف :3
موسى >> تي انا نبيها و حق ربي نحبها و كل ما نشوف منعم انقول ازعمك حتي انا يصير فيا هكي
انا >> طالما شايف حالة منعم ليش تبي ادير هكي ؟
موسى >> متمسك بيها رحمه بس القصه في هلي
انا >> كل شي ب الهدوء يصير منه
موسى >> أن شاء الله خير // سالم يرن زعمك كنه
انا >> رد عليه
~
~
~
موسى >> خير يا معلم
سالم >> مرحبا يا طير
موسى >> شن في ما في ؟
سالم >> اكريم معاك ؟
موسى >> أها قاعد جنبي
سالم >> باهي افتح السبيكر عشان ما نرنش عليه :D
موسى >> واطي :D اهو فتحته تفضل هي
سالم >> اكريم يا باشا
انا >> اووي يا دوله
سالم >> أموركم تمام أها ؟ :D
انا >> أها كنك :D
موسى >> خير من أمورك :D
سالم >> باهي اسمعو ع السريع
انا >> احكي يرا ؟
سالم >> بكرا عيد ميلاد المدام
انا >> كل سنه و هيا طيبه
موسى >> و شن تبي باه ؟
سالم >> نبيكم تمشو معايا عشان دايرلها جو
انا >> نمشو معاك ؟ ع أساس عرسك :D
سالم >> تي بطل براده -_- يرا نحكي جديات نبي نديرلها حركات في الجامعه و العاب ناريه
موسى >> جامعة بوك امالا ؟ :D
سالم >> لا جامعة جدك يا $&#*$
انا >> غير أمسك لسانك :D
سالم >> نقاني فاضي نحكي معاكم
انا >> غير وسع بالك و فهمنا
سالم >> وجك انت وياه هي " و سكر "
~
~
~
انا >> عاجبك هكي :D
موسى >> تي عليك جو :D
انا >> سكر فمك باه خليني نتصل بيه
موسى >> عنجد العاب ناريه :D
انا >> خلاص آهو يضرب
سالم >> ها كنك ؟
انا >> فوته التافه هذا احكيلي انا
سالم >> يرا نبي نديرها جو
انا >> فاهم عليك بس في حاجات ما تقدرش اديرهن و خصوصاً انها جامعه عامه
سالم >> يعني شنو ؟
انا >> خوذلها هديه و خلاص و التورته شيلها لها ع الحوش
سالم >> أها // تمام فهمتك
انا >> اي خدمه باهي ؟
سالم >> تعال باه نغيرو جو غادي
انا >> خليها مفتوحه ع حسب كان قدرت تو نقولك
سالم >> تم اصلا حتي منعم ماشي و سفيان عنده موعد انظني غادي
انا >> خلاص تم
سالم >> شوف الحمار اللي جنبك كان يبي يجي يرن عليا حتي هوا
انا >> تم :D
سالم >> هيا تشاو
انا >> تشاو
>>
>>
>>
موسى >> ما في حمار غيره :D
انا >> ها باهي تمشي ؟ :D
موسى >> كان انت تمشي تو نمشي :D
انا >> شن جو الصبايا هذا :D
موسى >> اصلا ما عندي ما ندير و كان انت ما مشيتش كل واحد يقعد لاهي مع وحده و انمد وجي بروحي
انا >> تو نشوفه أمتي يبي يمشي كان مع ال 12 نقدر
موسى >> خلاص اتفقنا
قعدنا نهدرزو عند الساعه 12 هكي و بعدها كل واحد خش لحوشه
نضت تاني يوم و مشيت للمحل عادي و لقيت سيف غادي يراجي فيا
>>
>>
>>
كانت فريده تمشي في الممر و في بنت جايه من نهاية الممر و امطبسه رأسها و لما وصلت خبطت في فريده بدون قصد
فـريده >> كيف ما تشوفيش انتي و لا شنو ؟؟؟
أروى >> و الله ما كان قصدي :'(
فـريده >> كنك تبكي ؟؟ خلاص حصل خير
أروى >> سامحيني غير مش فاطنه ل شي :'(
فـريده >> عادي بس ليش تبكي ؟ تعالي معايا للمدرج
أروى >> مرات انعطلك :'(
فـريده >> تعالي بس
مشت البنت مع فريده و بسمه شافتها لما خشت للمدرج و دزت مسج ل حسام " حبيبة قلبك جت رآه "
>>
>>
>>
سيـف >> يا أكريم نبيك في حاجه و أن شاء الله ما تقولش لا ؟
انا >> تفضل ؟
سيـف >> شن نقولك // بس خواتي يشكرن في اختك الصغيره و انا نويت نستقر و حابب انجيب هلي عشان يقعد الموضوع رسمي
انا >> انا اللي شن نقولك // و الله متقدملها واحد و هلي موافقين
سيـف >> اوووو مبروك شكلي ما عندش نصيب فيها
انا >> ايوا كل شي قسمه و نصيب اصلا // تعرفه بس اللي طلبها
سيـف >> منو ؟؟
انا >> عادل ولد عمك
سيـف >> اوووو صحه له و الله
انا >> هههههه و العقبالك \ توا أنا نبي نطلب منك حاجه
سيـف >> تفضل أن شاء الله خير
انا >> عندي شوية شغل مع أصحابي
سيـف >> يعني تبي تطلع ؟
انا >> أها // هكي قيس ساعتين
سيـف >> تمام اصلا انا قاعد و ما عندش محاضره
انا >> تمام
طلعت من المحل و لقيت سالم يرن عليا و قالي رآه وصلنا لجامعه بس و انت جاي خطم ع منعم جيبه معاك
مشيت لمنعم و كلمت موسى و قالي قريب نوصل لجامعه
>>
>>
>>
فـريده >> يعني لكم سنه تحبو بعضكم ؟
أروى >> أها بس بعدها تغير بروحه و قبل أسبوع قالي عرسي الشهر الجاي ع بنت خالتي :'(
فـريده >> خزي تي و حق ربي ما ينفع فيهم شي
أروى >> مش عارفه ليش حكيتلك بس تريحتلك ع طول :'(
فـريده >> خلاص معش تبكي و اعتبريني كيف اختك من اليوم
أروى >> تسلمي :((
فـريده >> صبي هيا اغسلي وجك و نمشو نأكلو شي حاجه
أروى >> حاضر هي :((
طلعت فريده مع أروى و طلعو من المدرج و هيا تمشي شافها سالم و سفيان من بعيد
سالم >> بحت مش هذه نفسها اللي يعرفها اكريم ؟؟
سفيان >> أها أها 😍
سالم >> نزل عيونك يا تافه
سفيان >> نقانها صاروخ
سالم >> غير هيا نمشو قبل ما ايجو
سفيان >> اوووبا كيف صار صبت مع واحد
سالم >> مش شورنا هيا
سفيان >> غير خلينا نتفرجو
سالم >> سفيان فكنا من المشاكل
>>
>>
كنت في السياره مع منعم و خلاص نبو نخشو من البوابه و جاني مسج من سفيان " يا اووووي را الطرف متاعك مع واحد "
قريت المسج و تنحت و خذا منعم النقال و قرأ الكلام و قعد يقولي ما تعدلش يكذب و هكي
خشينا لجامعه و درسنا في باركي الأداب و نزلنا نمشو و لقينا موسى قدامنا و قال الشباب في الإعلام
لما قال في الإعلام قلت في بالي زعمك جديات فريده قاعده مع واحد ؟؟
>>
>>
>>
فـريده >> شن تبي مني توا ؟؟
حسـام >> نبو نتفاهمو يا حلوه
أروى >> فريده من هذا ؟ شن في
حسام >> مش شورك انتي و أمشي بعيد هي
فـريده >> هذا واحد مريض نفسي :/
حسام >> تو انوريك المرض شن شكله " و قعد ايكر فيها من يدها و هيا تهزب فيه "
سفيان >> سالم سالم بحت
سالم >> تي حي ع أمه هذا كنه فيش ايحس
سفيان >> مش قلت مش شورنا
سالم >> البنت شور اكريم تي نقعدو مش رجاله كان الفرخ هذا ما يحصلش طريحه
كنا جايين من بعيد و شفت سفيان و سالم يجرو و مشينا نجرو حتي نحن و مش فاهمين شن صاير ؟؟
