سالم >> منعم منعععممم
منعم >> الوووو ، نعم ؟؟ شن في ؟
سالم >> صبي البس و تعال للمستشفى
منعم >> مستشفى شنو ؟؟ شن صاير ؟؟
سالم >> موووسى في المستشفي داير حادث
منعم >> شنوووو ؟؟ جاي جاي هي
~
~
سالمه >> شن في ؟ بسم الله وين ماشي توا ؟
منعم >> موسي داير حادث // تي قتله اكريم عينك منه واضح انه مضايق
سالمه >> وسع بالك أن شاء الله يكون كويس
منعم >> ما يفهموش حمير نعن $*$&#&
سالمه >> سوق بشويه و طمني لما توصل
منعم >> سكري الباب و ارقدي اكيد مش ه نروح اليوم
#
#
#
عمران >> كلمتو اكريم !
سالم >> اكيد حوشهم مليان و ما نبيش نشغله
سفيان >> تي غير أنه صاحبه هذا جاره يعني ضروري يعرف
عمران >> تو نرن عليه
سالم >> باه و انا ماشي نشوف الدكتور
سفيان >> جاي معاك حتي انا
>
>
>
حطيت الطاسه ع الطاوله و جيت جنب السرير
طبست عليها و حطيت يدي ع شعرها و فجأه رن نقالي
و خفت البنت تنوض و تشوفني عاد تقلبها عياط
طلعت النقال من جيبي و لقيته عمران ،، سكرته عليه و رديت طلعت من الدار
و انا طالع شفت عويشه خاشه للحمام
تنحت و وقفت مكاني // البنت قعدت مصدومه و الدنيا ظلام و خفتها حتي هيا تعيط
قعدت ندير في صوت و نقوللها " انتي راقده توا ليش طالعه هنا انتي رررراااااقده و قاعده تحلمي "
ندويلها بصوت يخوف و ماسك ضحكتي بالغصب 😂 😂
البنت قعدت تستغفر و خشت لدار تجري
طلعت انا للمربوعه بسرعه و سكرت الباب عليا
و بحتت لنقال ع أساس نرن نشوف عمران شن يبي في الوقت هذا ؟ بس رد هوا رن اخره
انا >> الو
عمران >> ايوا يا أكريم
انـا >> كنت نبي نرن عليك توا
عمران >> باهي كان تقدر تطلع توا تعال قاعدين كلنا في المستشفي
انا >> ليش ؟؟ ما تقولش موسى صارتله حاجه ؟؟!!
عمران >> دار حادث ع الطريق السريعة و السياره خشت في عمود
انا >> و شن صارله باه ؟؟!
عمران >> مازال ما عرفنا شي و توا مشى سالم و سفيان لدكتور
انا >> في أي مستشفى ؟!
عمران >> *******
انا >> خلاص طالع توا أنا و أي شي يصير معاكم كلمني ع طول
عمران >> تم و افطن و انت تسوق
انا >> تمم تم
<
<
<
خذيت المفتاح و طلعت بسرعه // مش عارف كيف وصلت في 10 دقايق هوا اصلا ما فش زحمه وقتها
وصلت للمستشفى و لقيت منعم خاش قدامي
خشيت جوا و لقيت الشباب امصبيين في الممر
منعم >> وينه توا ؟؟ شن صاير معاه ؟
عمران >> توا يبو يطلعوه لدار عاديه
انا >> يعني كويس ؟؟ ما فيه شي ؟
سالم >> خشيت شفته انا // عنده كسر في يده ليسار و الباقي حاجات سطحيه
انا >> باهي واعي و لا كيف ؟
سفيان >> لا واعي و فاطن
منعم >> غير رعشتونا في هالليل :/
سالم >> كان ما كلمتك راك داير قصه و تقول ما يتصلوش و فيلم هندي
سفيان >> ريحونا عاد
سالم >> حتي قلت ما نكلموش اكريم عشان العرس و هكي بس قالو لا ضروري يعرف
برم سالم و مشى سيبنا // و سفيان مشى يأخذ في قهوه
قعمز منعم ع الكراسي و قالب وجه
جيت جنب عمران اللي كان مصبي ع الساس و اضبطته
عمران >> اكريم ما فيه شي تي شفناه كويس
انا >> مش عارف كيف نشكرك
عمران >> عليش ؟؟
انا >> صحيت و منور و جميلك هذا ع راسي
عمران >> تي ليش هذا كله ؟
أنا >> شي شي
شويه هكي و طلعو موسى و مشينا شفناه في الدار و قعدنا معاه
موسى >> سامحوني شغلتكم عليا
سالم >> كنك هبل انت
عمران >> اهم شي صحتك تمام
منعم >> احكيلنا ترا كيف درته الحادث ؟ شارب شي حاجه ؟
موسى >> تي لالا // غير كنت نسوق بسرعه و بعدها حسيت روحي مشيت ف طريق عكسيه و السيارات قعدن امقابلاتي معش عرفت شن ندير ف اضطريت نأخذ يساري و كان في عمود و خذيت بالاحضان
سفيان >> و لك عين اتحنط اخره
انا >> الحمد لله جت ع هكي
موسى >> رحمه مشت
منعم >> ردينا لدوه اللي مالهاش داعي
سالم >> تي كنك انت قاعد لكل واحد ع الحرف ؟ كنك رايح هكي أزف ؟
منعم >> تو كان نحكي نمعيل بيكم قدام الناس بس العتب مش عليكم
سالم >> ما تجملش علينا مش عاجبك وضعنا تقدر تمشي را ما حد ماسكك
منعم >> بعد نقعد ف حوشك لزني يا ذكر
عمران >> باهي ! كملتو ؟
سفيان >> كنت سامع انه البنات يتغيرن بس بعد الزواج بس طلعو حتي الرجاله :/
سالم >> لا مش رجاله اللي يتغيرو وحدين أخري
منعم >> شن تقصد ؟؟ احكي احكي ؟
انا >> خلاص يرا كنكم ولعتو
منعم >> انت السبب في كل اللي صار اصلا " و برم و طلع "
سالم >> اكريم ما تعدلش عليه مش عارف كنه يفترش
انا >> لا فاهم ع شنو يحكي و صاح معاه حق
عمران >> شن صاير من ورانا ؟
انا >> قالي ما تسيبش موسى عشان مضايق بس
موسى >> بس انت جيت و حكيت معايا وانا اللي قتلك نبي نمشي بروحي يعني مش شورك انت
انا >> هوآ مش عارف شن صاير في حوشنا و ديما هكي ما يحبش يفهم من حد أهم شي اللي في رأسه هوا بس
سفيان >> ما تعدلش انهبل من بعد ه الزيزه باهي اللي ما هو متزوج ملكة جمال
انا >> لا يا اووووي ✋ انا مضايق و نحكي بس ما حد يوصل فيه هوا و هله افطنو ايواه
موسى >> القط ما يحب إلا خناقه :D
انا >> سكر فمك انت :D
سالم >> واحد فيكم يمشي يجيبلنا حاجه نشربوها
سفيان >> تم
انا >> خليك متريح تو نعدي انا
>
>
>
طلعت من الدار و لقيت منعم امصبي برا ،، وقفت و بحتت فيه و ما عرفتش شن نقوله
منعم >> عارفك أصلي من يومك " و اضبطني "
انا >> الرومنسيه كاثره عندنا اليوم را :D
منعم >> تافه :D
انا >> تعال معايا نجيبو حاجه نشربوها
منعم >> تم هي
#
#
#
عصام >> عارفك متوتره بس ما تخافيش من شي و كل حاجه تصير كيف ما تبي انتي
رحمه >> نبي نقولك عرم حاجات بس مش عارفه من وين نبدأ نحكي
عصام >> هدرزي عادي خلاص نحن لبعضنا توا
رحمه >> انت كويس و ما شاء الله عليك بس انا
عصام >> بس انتي احسن بنت نشوفها في حياتي ، طيبه و ع طبيعتك و حلوه يعني مش ناقصك شي
رحمه >> حاسه روحي مخنوقه
عصام >> صبي غيري ادبشك ع راحتك و تلقيني في الصاله عشان نتعشو مع بعضنا
رحمه >> حاضر باه
#
#
#
قعدنا ساهرين يومها و في الصبح موسى كان كويس و هله جونا في المستشفي و نحن روحنا
وصلت للحوش مع الساعه 10 هكي و لقيتهم يفطرو في الصاله
انا >> صباح الخير " و عيوني يدورن في فريده "
عايشه >> صباح النور 😳
عمتي >> يا زينك صباح
امي >> صباح الورد ع اولدي وين طلعت من الصبح ؟
انا >> من أمس طالع
امي >> و ليش ؟
انا >> موسى دار حادث و مشينا كلنا
عايشه >> يعني ما كنتش هنا في الليل ؟
انا >> لالا ،، عليش ؟
عايشه >> معناها كنت نحلم رسمي
انا >> كيف ؟ " و مش قادر نمسك روحي و داير روحي مش فاهم شي :D "
نوريه >> من أول ما ناضت و تقول شافت واحد في الصاله و أنه قعد يحكي معاها قلنا بالك انت بس أهو طلعت مش قاعد بكل
انا >> أها ، اكيد يا حلم يا اتخايل " و نبحت في باب داري و كانت مفتوحه "
أسمـاء >> روحت رآه
انا >> جديات ؟؟
عمتي >> يا ليد شن موضوعك تعال جاي
انا >> ما فش لا موضوع لا شي يا عمتي
أسمـاء >> لا نبصر عليك ، قاعده في المطبخ تفطر \\ ديدا تعالي
انا >> و كنها ما هيا اللي دارت الفطور ؟ :D
أمي >> عيب تحشم
عمتي >> معناها القصه صاح
فـريده >> نعم
أنا >> الله ينعم عليك دنيا و آخره 😍😂
أسمـاء >> اكريم تحشم قدامنا :D
انا >> ما قلت شي ، فريده ديريلي حاجه نأكلها
فـريده >> حاضر :D
عمتي >> تو تصبي عويشه و لا نوريه
نوريه >> ما تسمعيش فيه يقول فريده
انا >> طالما المدام قاعده ما عندي ليش نتعب فيهن " و طلعت للمربوعه "
>
>
>
عمتي >> لا اولدك معش يتحشم بكل الستر يا ربي
أسمـاء >> يبصر يا عمتي
امي >> خليه يعيش حياته ما صدقناه يبي يخطب
نوريه >> عمتي كان امروحين اليوم نروح معاكم
عمتي >> اللي عندها حاجه تمشي اتلمها
أسمـاء >> تو تقعدي كم يوم تغيرو جو هنا
عمتي >> لا خلاص العرس و حضرناه
#
#
و انا في المربوعه سمعت الجرس يرن و لقيت عمي علي و عمي مصطفي " مصطفى اللي هوا راجل عمتي "
انا >> تفضلو تفضلو
علي >> رايفنا عليك ياليد
انا >> و الله معش نفضى يا عمي بس عارف روحي مقصر
مصطفى >> نحن اللي مقصرين معاكم
انا >> عارف عندكم مشاغل
علي >> باهي صار تبي تخطب
انا >> أن شاء الله كان سخر ربي
علي >> و بنت من ؟
انا >> عيت عم عماد
علي >> عماد و عادل ؟؟
انا >> أها
مصطفى >> ما شاء الله ما شاء الله
علي >> كان متفقين ما عندكش مشكله و التكاليف شورنا
انا >> امنسق اموري و كل شي تمام غير نبيكم معايا
مصطفى >> الاسبوع الجاي قتلي ؟
انا >> أها بإذن الله
علي >> خلاص تم
انا >> و حكيت مع عمي بات موسى ، تعرفوه عاد و حتي بات سالم قالي تو نمشي معاكم
علي >> مش كان خوالك قاعدين را مش مستحق حد غريب
انا >> عمي الموضوع هذا مسكرين عليه من زمان و ما فش تفتحه
مصطفى >> كل الناس خير و بركه // قول ل عمتك هيا
انا >> مازال بدري
مصطفى >> عشان نوصلو بدري
انا >> تمام باه
#
#
خشيت قلت ل عمتي انه راجلها برا و طلعت هيا و عويشه و روحو
شويه هكي و خش عمي يسلم ع امي و اسماء
علي >> ربي يباركلها و أن شاء الله نفرحو ب اكريم
امي >> سلمك و العقبه ل نوريه
نوريه >> قريب ه تفرحو بيه يا باتي
علي >> أها حكالنا اكريم
امي >> ربي يفرحني بيه حتي هوا و نتريح عليه
علي >> أن شاء الله // أسميه كيف حالك و حال اولدك
أسمـاء >> الحمد لله يا عمي انت شن اخبارك
علي >> الحمد لله ، نرجو فيكم اتجونا شي يوم غادي
أسمـاء >> و الله عماد ديما عمل بس ان شاء الله شي يوم نلتمو كلنا و انجو
علي >> اتفضلو في أي وقت
نوريه >> كيف فريده وين اختفت ؟؟
كلنا سكتنا و انا تنحت و نبحت في أسماء ،، يعني ما شور شي قدام عمي و عارف انه نوريه دايرتها بقصد :3
عمي بحت في امي و حس انه في حاجه
علي >> من فريده ؟؟
نوريه >> لحظه نكلمها لك " و مشت للكوجينه "
امي >> كيف حال سعاد يا علي " ع أساس تبي تغير الموضوع "
علي >> كويسه قبل تبي تجي غير مريضه
أسمـاء >> لابأس عليها
فـريده >> نعم 😳
نوريه >> هذه هيا اللي يبيها اكريم يا باتي
علي >> خير يا بنتي
أسمـاء >> عمي يا فريده
فـريده >> خير يا عمي ،، كيف حالك
علي >> الحمد لله ،، انتي كيف حالك
فـريده >> الحمد لله بخير
علي >> لا تعرف تختار يا ليد " و قعد يضحك "
و انا وجي قعد ألوان ألوان و معش عرفت شن نرد عليه
عمي بروحه انحرج و معش عرف شن يحكي و شويه هكي طلع هوا و نوريه
أسمـاء >> عليك النفسيه نوريه وووه علينا
امي >> باهي اللي مشت ع خير
أسمـاء >> بس ما نحسبش عمي ايمشيها هكي
امي >> لا علي من يومه هكي
انا >> يعني انا طالعله :v
أمي >> عمتك من بدري و هيا تعزق في كلام اخطب البنت و ريحنا
انا >> و الله من كثر ما ينقو يستر الله و خلاص
فـريده >> اكريم الفطور واتي
انا >> معش نبي بكل " و طلعت للمربوعه "
أسمـاء >> أهو عماد يرن قتله يجينا عشان تروحي معايا
فـريده >> تمام باه ،، باهي شن ندير ل السفره اللي وتيتها ؟
أسمـاء >> شيليها له غادي تو يأكل اصلا من أمس مش واكل شي
>
>
>
فـريده >> ممكن نخش ؟
انا >> شيلي اللي في يدك قلت معش نبي
فـريده >> توا ليش مضايق ؟ يعني عميمه تحكي عشان مصلحتنا
انا >> باهي يشوفو فيا نلعب و لا كيف ؟ ماهو ندير في اللي قادر عليه تي الواحد مش طايق روحه
فـريده >> اعصابك بس ،، توا يعني بعد نتزوجو تبي تقعد هكي كل حاجه تقلب وجك عليها لا ما يصير شي نروح ع طول بعدها
انا >> هاتي السفره باه
فـريده >> نجك ليا و خلاص 😍
كان في السفره جنبه و تن و دحي مقلي و معروف غالي عليا الدحي المقلي
اول ما بديت نأكل فيه نستطعم في حاجه غريبه بس كذبت روحي
فـريده >> شن رأيك فيه ؟
انا >> حلو O.o
فـريده >> حلي ايامك يا روحي 😍
انا >> لا جديات طعمته حلوه :|
فـريده >> صحه يا بيبي 😍
انا >> يرا في طعمت حاجه حلوه :3 سكر و لا اندرعنه شنو 😒
فـريده >> نعم 😳
انا >> ذوقي بروحك و شوفي
خذت طشه منه و البنت تنحت و عيونها دمعن
فـريده >> اصلا كنت مرتبكه و الله
انا >> خلاص باه عادي
فـريده >> مش متعوده بس تو نتعلم
انا >> مش ع أساس تعرفي و اديري في كل شي ؟ :D تضحكي عليا ؟
فـريده >> لا نعرف بس يعني
انا >> بس يعني نعليا منك ❤
فـريده >> نصبي نشوف شنطتي وين اكيده عماد في الطريق
انا >> تلقيها ع السرير قاعده
فـريده >> و أنت شن عرفك ؟
انا >> لا ما هو اصلا 😂
فـريده >> لا ما هو فطنتلك أمس رآه 😂
انا >> و الله آسف و مش عارف كيف خشيت اصلا حتي انا مش متعود و تو نتعلم :D
فـريده >> هبل :D
>
>
>
خشت خذت شنطتها و شويه هكي و جا عماد و أول ما ركبن لسياره انصدم ب فريده
عماد >> فريده ؟ شن اديري هنا ؟
فـريده >> أمس روحو بدوني
عماد >> و كنك ما رنيتي ع حد فينا ؟؟
أسمـاء >> كنك مع البنت عادي ما صار شي
عماد >> كيف ما صار شي ؟ سيف عنده علم ؟؟
فـريده >> رنيت عليه بس كان مقفل
عماد >> يعني هذا مبرر ؟؟
أسمـاء >> حسستني البنت باتت في الشارع
عماد >> تو نتفاهمو في الحوش غادي
فـريده >> عماد و الله ما نكذب
عماد >> شن يقولو عليك الناس ؟؟
أسمـاء >> تي إي ناس ؟ هذوما هلي و لا توا قعدو أغرب ؟؟؟
عماد >> أسماء مش شورك انتي
فـريده >> تبي اتعاركو بسببي يعني ؟
عماد >> انتي عارفه انه اكريم جا ل باتك و يبيك و انتي بايته في حوشهم ؟ عقلك وين ؟؟
فـريده >> و الله ما فكرت في القصه هكي
عماد >> ساهل ساهل
#
#
#
وصلو للحوش غادي و أول ما خشت فريده و اسماء شافتهن وفاء
وفاء >> فريده ؟؟ ووووين كنتي ؟؟
