إذن العصر و صلينا كلنا و امي واتيه و معاها عمتي صالحه و اسماء تزغرت و انا حاسس روحي نحلم :D
انا >> هيا يا أمي وقت ع الناس عاد
عمي >> وين طالع انت ؟؟
انا >> نبي نسخن السياره عشان نشيلهم
عمي >> المشكله امطلعين من حوشكم عرسين يعني المفروض عارف و فاهم
انا >> كيف ؟
عمي >> توا في دفع خواتك شفت العرسان جو ؟؟
انا >> لالا
عمي >> قول ل هلك تو يركبو في سيارتي
انا >> يعني ؟
عمي >> يعني خش قعمز جوا انت
انا >> تي كيف يا عمي
عمي >> هذا الكيف
خشيت جوا و انا ندوي بروحي و رقيتلي بكل ازح
شويه هكي و طلعو كلهم و حتي موسى و باته مشو
قعدت مقعمز في الصاله و ماد وجي للحظه حسيت روحي انا العروس مش العريس 😒
قلت ما عندي ما ندير إلا نرن ع فريده
ضرب الخط عند ما فصل و ما ردتش و جربت نرن اخره و ما تردش
عقلي قعد يمشي و يجي ،، زعمك شن صاير غادي ؟؟ كنها ما تبيش ترد ؟
رنيت ع أسماء و حتي هيا ما ردتش ؟ لا رسمي في حاجه
ما فش إلا سندس نشوفها و نفهم شن في // رنيت عليها و في آخر الرنه ردت
سنـدس >> الو :D
انا >> وين اختك ؟؟
سنـدس >> مقعمزه في الصاله
انا >> تي كنها ما ترد ؟؟
سنـدس >> كيف ترد و الناس ملتمه كنك انت ؟ :D
انا >> حتي أسماء ما تردش
سنـدس >> ما هو امولعين اغاني اكيده ما سمعتش
انا >> باهي شن قاعد يصير ؟
سنـدس >> عادي يعني :D " و سمعت صوت زغاريت و دنيا حايسه "
انا >> شن في ؟؟
سنـدس >> دفعو دفعو لولولولولي
من الفجعه سكرت في وجها :D و صبيت من الصالون :D
نقانه المشاعر خشن بعضها عندي
فرحان و كان خاطري نشوف فريده في نفس الوقت
و انا مازلت ماسك النقال رن عليا سالم
انا >> ايوا :D
سالم >> ياخذ سوك يا طير
انا >> شن اللي يأخذ سوي ؟
سالم >> ما اتفقوش و رفضو
انا >> يرا بطل كذب ماهو دفعتو :D
سالم >> صار الأخبار أول بأول يوصلن :D
انا >> طبعا :D
عمران >> افتح السبيكر خلينا نباركوله
سالم >> قريب نزغرتلك را :D
عمران >> الف مبروك يا طير
انا >> الله يبارك فيك يا اعموره و عقبالك :D
سفيان >> كل شي ع البركه يا معلم
انا >> تسلم يا سفيان و عقبالك :D
موسى >> حرام عمه قاله ما فش مشي :D
انا >> براده قتلي ؟ :D
منعم >> اكريم :D
انا >> يا نعم :D
منعم >> ما تزعلش دسيتلك طرف باسطي را :D
انا >> فضح بيك يا الله :D
سالم >> و انا عقبتلك حكية راني :D
انا >> لا حول ولا قوة إلا بالله :D
موسى >> بس وين ع الجو و الحركات اللي دايرينه لا ما شاء الله
انا >> كنكم تقهرو فيا ازح :D
سالم >> صورتلك كل حاجه فيديو :D
انا >> روحو باهي فضحتونا قدام الناس :D
منعم >> نكملو الموالح قبل
موسى >> و مازال في شاهي
انا >> قاطعكم الشر و لا ايش ؟ :D
سالم >> خلاص وجك جابو موز :D
انا >> بعد تطلعو كلمني يرا :D
سالم >> تم تم :D
~
~
~
بعد ساعه هكي نسمع في صوت سيارات و تبيب برا
طلعت بسرعه و من الفلوجه طالع حفيان قدام الباب
امي >> الف مبرووووك يا أوليدي
انا >> الله يبارك فيك يا أمي
أسمـاء >> شوفي كيف فرحان :D
انا >> خشي باه :D
أسمـاء >> حمادي ناض ؟
انا >> كيف انتي امسيبتيه هنا ؟ O_o
أسمـاء >> ما ينعبى عليك في حاجه حي عليا العيل وين
امي >> اكيده مازال راقد
خشن امي و اسماء و معاهن عمتي صالحه و جا عمي سلم عليا و باركلي هوا و راجل عمتي و بعدها روحو
منعم >> اليوم عشاء امطنطن عاد :D
انا >> خشو خشو :D
عمران >> و الله فرحنالك يا فرخ
موسى >> كبر اكريم و يبي يقعد عريس :D
انا >> زيد تحنط :/ وين سالم ؟
سفيان >> مشى يوصل في باته و تو يجي
انا >> خشو باهي تبو تقعدو هنا يعني
منعم >> خلينا نمشو للمزرعه بالمره
انا >> باهي نخش نشوف هلي و تو انجي
موسى >> يبي يعرف التفاصيل :D
انا >> اليوم مبسوط ما نبش ننفصل افطن :D
>
>
>
خشيت جوا و لقيت امي و عمتي صالحه يهدرزن ع فريده و يشكرن فيها
انا >> طلعت سمحه ؟ :D
أسمـاء >> تهبل بكل :D
انا >> أميره جت غادي ؟؟
امي >> أها و هيا و رحمه شفناهن
انا >> تمام باه // انا طالع مع الشباب و مرات أنطول
امي >> خوذ راحتك
انا >> أسماء بايته ؟
أسمـاء >> أها ما تخافش و خطرها في كيس في المطبخ فيه حاجات لك
انا >> اوكال ؟
أسمـاء >> أها و مشروب من فريده رآه :D
انا >> بعدك جعان :D
خشيت الكوجينه و كليت ع السريع و انا مازلت نأكل رنت عليا أميره
انا >> خير خير :D
أميـره >> خيرات :D
انا >> الله يبارك فيك :D
أميـره >> غير خليني نحكي قبل :D
انا >> عارفك تبي تباركي اصلا :D
أميـره >> لا قبل ،، كيف حالك و شن داير بدوني ؟
انا >> هوآ صاح الحوش كساد و رايح ملل بس تو يمشي الجو :D
أميـره >> كويس باه :D هاك عادل يبي يباركلك
عادل >> مرحبا بعريسنا
انا >> مرحبتين بك
عادل >> مبروك يا سي و العقبه للفاتحه
انا >> الله يبارك فيك ،، تسلم يا بونسيب
عادل >> ما فش شي عشاء ؟ :D
انا >> ع الفاتحه أن شاء الله :D
عادل >> تو نشوفو باه :D
انا >> غير وتي الهديه انت و مراتك :D
عادل >> لعيونك أحلى هديه غير حدد موعد العرس بس
انا >> عارفك ما تقصرش
عادل >> تبي حاجه ؟
انا >> سلامتك و عينك من اللي عندك بس
عادل >> في عيوني هذه
انا >> سلام :D
>
>
>
سكرت منهم و طلعت لقيت الشباب و سياراتهم ، ركبت مع منعم و طلعنا للمزرعه
انا >> قلتو ل سالم يجي ع هنا ؟
منعم >> أها و اكيد قاعد في الطريق
سفيان >> شن تبو تعشونا باهي
عمران >> بسم الله حلك جعت ؟
منعم >> كلينا وكال لمدة أسبوع :D
انا >> غجر يا سي :D
موسى >> في تن و جبنه كان جعان خش دير سندوتش
سفيان >> كان نحسابها تبي اترسي ع تن را روحت لحوشنا :D
و نحن نحكو خش سالم و سرحان و عيونه قلوب قلوب
انا >> شكله كان يحكي مع خطيبته :D
موسى >> عليك حب امطرطش هاليومين :D
منعم >> عليك حسد :D
عمران >> سلومه وين سارح ؟
سالم >> هوا الحب من أول نظره جديات و لا دوه فاضيه ؟ O_o
سفيان >> كله قطاف و كل وحده اطيح راجل و اديريله جو انه الحب الوحيد و كلهن كذابات را
منعم >> هذا وين اكتشفت انك تحب خطيبتك و لا كيف :D
سالم >> نحكي جديات أزف
انا >> اسألني انا فوتهم هذوم
موسى >> ريت الخبره اللي يحكي
انا >> انا و فريده حب من أول نظره :D
سالم >> جديات ؟
انا >> أها و الله ، من أول مره شفتها فيها بس ما كنتش نحساب انه هذا هوا الحب
عمران >> مش متريح انا و يستر الله
سالم >> عليك سماحة بنت يرا ، حاجه رهيبه و جت عيني في عينها و ارتبكت نقانها حاجه خيال
انا >> اووووي شن قاعد تفترش انت ؟
منعم >> ع من يحكي هذا ؟ O_o
سفيان >> حتي اللي خاطب مش امخلياته في حاله :/
انـا >> سالم شن صاير ؟
سالم >> اكريم انت اللي ه تساعدني اصلا
انا >> نساعدك تم غير شن الموضوع ؟
سالم >> و نحن في المربوعه غادي
منعم >> غادي في حوش سيف ؟
سالم >> أها أها
انا >> كمل باهي
سالم >> وحده جت من عند الباب تعطي في سيف سفرة القهوه و بصدفه كنت نبحت في جيهة الباب و جت عيني في عينها // البنت ارتبكت و خشت بسرعه و بعدها ردت آخره تعطي فيه في الباسطي و انا امتنح فيها تي عمري ما شفت وحده كيفها ، فيها لمحه من فريده زعمك تكون أختها ؟ عندها أخت هيا صاح ؟؟ اكريم رد عليا
5 دقايق صمت و كلنا نبحتو في بعضنا
سالم >> ما تبحتوش فيا هكي أزف
منعم >> انت عارف روحك فيش قاعد تحكي ؟
عمران >> و ملاك ؟
موسى >> سالم راك قاري فاتحه انت !
سفيان >> حط في بالك لو حاولت تسيبها أنسى كل الفلوس اللي صرفتهن عليها و الهدايا و الحركات
كل واحد يحكي ع حاجه بس انا اللي عاجبني تفكير سفيان و قعدت نضحك بدون قصد 😂 😂
منعم >> ضحكنا معاك يا حمار
عمران >> نبي ندير شاهي ، تبو ؟
انا >> أها و يكون ثقيل شويه كيف دم منعم :v
منعم >> تسهوك و هوا قاعد يحكي في كارثه
انا >> تي كنكم عليه ؟ بالك في مشاكل مع ملاك ؟
سالم >> ليا فتره قتلكم مش متريحنا و هيا كل يوم دايره قصه و شوف فلان شن جاب لخطيبته و شوف ولد عمي شن دار ل مراته يعني كل اللي بالها الفلوس بس
سفيان >> سطحيات من يومهن اصلا
موسى >> تناقشو و تفاهمو بس مش تسيبها
انا >> ريتو من اللي يحكي O.o
موسى >> ما نبيهش يغلط نفس غلطتي
منعم >> اكيد شارب شي حاجه و مش مركز بس
سالم >> مش شارب شي يرا
انا >> تو نجيكم 5 بس
#
#
طلعت رنيت ع فريده و قلت ب المره نعرف من البنت اللي عندهم لأنه اكيد مش سندس
فـريده >> خير يا بيبي
انا >> خيرات يا حبي // مبروك علينا <3
فـريده >> الله يبارك فيك ❤
انا >> و أخيرا عاد
فـريده >> سوري يا بيبي لقيتك متصل بيا و توا كيف روحو الناس و غيرت أدبشي
انا >> لا عادي
فـريده >> كنه صوتك هكي ؟
انا >> لا ما في شي ، شن اخباركم ؟
فـريده >> تمام بخير ، انت شن اخبارك ؟؟
انا >> تمام تمام // كيف مشى يومك ؟
فـريده >> تمام بكل و عليك يوم سمح تو لما نتلاقو نوريك الصور
انا >> أن شاء الله
فـريده >> قالتلي سندس انها حكت معاك
انا >> أها كلمتها لما ما رديتيش
فـريده >> أها
انا >> جو عرب واجد ؟
فـريده >> لالا ،، عيت عمي و خالتي و جارتنا اللي جنبنا
انا >> خالتك عندها بنات ؟
فـريده >> كيف تبي تغير رأيك !! O.o
انا >> هبله :D لالا غير جاوبي
فـريده >> مش متزوجه بكل
انا >> باهي و جارتكم ؟
فـريده >> لشنو تبي توصل ؟
انا >> كان في بنات في حوشكم اليوم ؟؟
فـريده >> عيني عينك هكي تسأل 😒
انا >> خرفي رسمي
فـريده >> ما فش حد غيرنا نحن و خواتك و رحمه ._.
انا >> سندس وين ؟
فـريده >> أهي معايا في الدار
انا >> عطيها ليا باه
فـريده >> بس
انا >> تو نحكيلك بعدين غير عطيها ليا
فـريده >> تم باه // دوووسا تعالي يبيك اكريم
سنـدس >> اوو راجل اختي :D آلو
انا >> سندس ! اليوم صارت معاك حاجه ؟
سنـدس >> بسم الله حاجة شنو ؟
انا >> مش عارف كيف نبي نقولها لكي يعني
سنـدس >> لا قولها عادي :D
انا >> انتي اللي كنتي اتمدي في الحاجات ل سيف اليوم ؟؟
سنـدس >> أها انا O.o عليش ؟
انا >> لالا شي نسأل بس
سنـدس >> كيف تسأل بس ؟ شن في ؟
انا >> ما في شي ،، عطيني فريده كذا
سنـدس >> حاضر باه // هاكي يبيك
فـريده >> اكريم شن في ؟ و ليش تسأل فيها ؟
انا >> طبعا فاتحه السبيكر عاد :D
فـريده >> ها امالا :D
سالم >> اكريم عرفتلي من البنت ؟؟
انا >> شويه و نجي
سالم >> ما اطولش
فـريده >> لا تبي تفهمني شن في و لا يصير فيها كلام آخر ؟؟
انا >> نعم نعم ؟؟ شن الدوه هذه ؟؟
فـريده >> قصدي يعني
انا >> لا قصدك لا غيره ، سكري خير ما تنقلب ب طحنه
فـريده >> اكريم راجي
انا >> هيا تشاو و مره آخره ركزي و انتي تحكي !!
#
#
سكرت و خشيت جوا و سالم يبي يعرف من كانت البنت
منعم >> سالم الموضوع جديات و لا كيف ؟؟
سالم >> فضول نبي نعرف اسمها بس
موسى >> كذاب وجك ما يقولش هكي
سالم >> سكر فمك انت
عمران >> عرفتها من يا أكريم ؟؟
انا >> أها ،، سندس أخت فريده
سالم >> سندس 😍 نعلي انا
سفيان >> فوت ملاك و شوف هذه و كان مشت يسلك جوك و نعرفو الحب من النظره الأولى :D
عمران >> بالك البنت مرتبطه باه ؟ و لا مخطوبه
منعم >> تي شن تفترش انت وياه ؟؟ قاري فاتحه كيف تفهمو انتو ؟؟
سفيان >> ما هو انت راجيت اللي تحبها حتي بعد ما تزوجت
منعم >> مش كيف بس يعني الحب الأولى هوا اللي راجيته
سفيان >> اهم شي الفكره
انا >> سالم بالك فورت مشروب بس و بعدها تردو تمام ؟
سالم >> لالا اصلا لنا شهر معش حكينا مع بعضنا
منعم >> خطرها ع المشروب / حكية الراني في السياره را
سالم >> لا شربتها و انا جاي
انا >> و الله ؟ :D
سالم >> حسيت عندي هبوط و شربتها :D
انا >> اللي عاجبني فيك انك فرحان :D
منعم >> فرحان ع طياح أسعده
انا >> خلاص ما فش داعي حتي اليوم نقلبوها نكد
سفيان >> نقال من اللي يرن ؟؟
عمران >> أها هذا نقالي
انا >> ايامك يا معلم :D
سفيان >> و اللي كنت خايف منه صار :/ ضحكن حتي ع المسكين هذا
منعم >> تو نشوفوك و انت شي يوم جاي و تقول نبي نتزوج
سفيان >> و ليش نتزوج و انا ندير في اللي نبيه أمتي ما نبي :v
سالم >> وين ادير فيه ؟ :D
سفيان >> وين ما تبي :D
انا >> استغفر الله :D
منعم >> معش يتحشمو قسما بالله :/
موسى >> أها و الله :/ عيب را :D
سالم >> منعم ممكن نجيبو حاجه نشربوها ؟
انا >> عليش تأخذ في أذنه ؟ ما عرفتكش الصراحه :D
منعم >> يا عبيط قصده سكير :/ سالم كيف صار ؟؟
سالم >> طاسه طاسه ع السريع
موسى >> مش ه يصيرلنا شي
سفيان >> و ليش تستاذن و انت تقدر تشرب أمتي ما تبي طبعا لما تكون متزوج ما تقدرش عشان الوليه و ع أساس انك خطير بس و انت شاب هكي فري جو ما نحكيلك
انا >> لا و الله عبينا عليكم :D
منعم >> تضحك انت ؟ عاجبك الجو ؟
انا >> لا :D عارفني ما عندش عليه الجو هذا الحمد لله رضي والدين :v
منعم >> انا مروح توا و الشاطر فيكم يشرب ؟
سفيان >> حاضر يا ابله :D
سالم >> يا استاذ قصده را :D
موسى >> انسطل ع السيره :D
انا >> منعم خوذني معاك
سالم >> خايف يا روحي :D
انا >> أها خايف تظلوني :D
منعم >> تعال نوصلك ع طريقي
انا >> هيا هي
#
#
طلعت انا و منعم و طول الطريق نهدرزو لأنه لنا فتره ما قعدنا بروحنا
وصلني للحوش و خشيت لقيت أسماء تبرم ب ولدها
انا >> مازال واعي ؟
أسمـاء >> طول العشيه راقد شن يبي يرقده توا
أنا >> هاتي نكسد عليه شويه و باين عليك تبي ترقدي
أسمـاء >> نعني ما نفقدك و لما يرقد جيبه جنبي
انا >> تم
#
#
سفيان >> في شيشه جديات ؟
سالم >> أها في التلاجه
موسى >> نحسابك تبصر انت وياه
سفيان >> نهارك كان منعم عرف فكنا من لسانه
عمران >> انتو هكي و الدنيا خالطه عندكم يبال تسكرو
سفيان >> مشى منعم تبي تبدأ انت ؟ خش ارقد ع حالك
سالم >> يرا ضايقه بيا الدنيا و ما فيها شي كان شربنا شويه
عمران >> بدال ما تمشي تصلي و تستغفر ربك
خش عمران رقد و هذكوم ال 3 بدو يشربو و كل واحد كب شوالاته قدام الآخر
#
#
#
نضت تاني يوم و لقيت حمادي راقد جنبي و نوضني صوت النقال
فـريده >> صباح الخير
انا >> صباح النور
فـريده >> مازلت مضايق مني ؟
انا >> لالا جو تمام
فـريده >> يعني كنت نبي
انا >> فريده خلاص سكري ع الموضوع صبح يا فتاح را
فـريده >> و كنك لاوي وجك طالما صبح يا فتاح ؟
انا >> توا متصله عشان نتعاركو ؟ و لا شن نظامك ؟
فـريده >> كنت ناويه نعتذر بس غيرت رأيي
انا >> باه كويس ، نبي نمشي انا توا
فـريده >> وين ؟
انا >> مش شورك
فـريده >> كيف مش ضروري ؟
انا >> قتلك مش شورك مش مش ضروري ؟ و عشان ما تزعليش بالمره أها مش ضروري تعرفي
فـريده >> كنك تحكي هكي ؟
انا >> كنت ناوي نقولك بس غيرت رأيي
فـريده >> تمام يا أكريم
انـا >> 1 _ 1 يا فريده ^^
فـريده >> يقولن البنات انه الواحد بعد يخطب يتغير و يقعد يعي بس مش بالسرعه هذه
انا >> أها ما هو ما عندش وقت نضيعه سريع سريع عاد
فـريده >> بطل استفزاز
انا >> تو نسكر بكل عشان اتريحي
فـريده >> تي :((
انا >> هيا سلام
#
#
صبيت غسلت وجي // توضيت و صليت ، شربت فنجان قهوه و طلعت لـ . . .
