سمعت صوت رساله جتني ،، خذيت النقال و فريده تقولي ما تشوفهش
انا >> تي كنك شن صاير ؟
فـريده >> تو نحكيلك بس هات نقالك شويه
انا >> فريده شغلتيني را ،، شن فيها الرساله اللي انتي خايفه هكي ؟
فـريده >> 😭
فجأه قعدت تبكي ،، معش عرفت شن في ؟ و هيا مش قادره ،، فتحت الرساله و كان مكتوب فيها
" كان تبي تعرف حقيقة البنت اللي تحبها و دايره روحها تحبك تعال بكرا الساعه 11 في الجامعه "
تنحت في الرساله و معش عرفت شن نقول ، قعدت نجرب نرن ع الرقم بس لقيته مقفل ع طول
انا >> شنو هذا ؟؟ ترا فهميني خير ما نخربلك وجك افطني ؟؟
فـريده >> هذا اكيده حسام 😭
انا >> من قبل سألتك و قلتيلي ما كان في شي بيناتكم صاح ؟؟
فـريده >> من ناحيتي انا عمري ما حبيته بس هوا مش عارفه في شنو يفكر 😭
انا >> ليش تبكي ؟ كان مانك دايره حاجه راك تحكي عادي ؟ فريده اختصري عليا و عليك ؟ في حاجه انا مش عارفها ؟
فـريده >> تي هذا عشان وحيد هله مش متعود ع بنت تفوته و يبي ينتقم اكيده 😭
انا >> نمسحه من ع وجه الدنيا كان حاول يجي شورك ؟ فاهمه ! انتي ليا انا
فـريده >> و انا عشان نحبك و خايفه نخسرك هذا ليش نبكي 😭
انا >> باهي خلاص اغسلي وجك و فوتيه نعرف كيف نتصرف معاه
فـريده >> قصدك تبي تمشيله ؟ اكريم عشان خاطري فوته بكل 😭
انا >> مش شورك انتي
فـريده >> اكريم 😞
انا >> نحبش نشوفك زعلانه ازح
فـريده >> و الله حبيتك بجد 😭
انا >> خرفي بدت تبكي آخره " مش عارف ليش حسيتها تحكي بجد و خذيتها في حضني "
فـريده >> صاح في الأول عجبتني و كنت نبي انطيحك بعدها نفوتك 😢
انا >> كيف كيف ؟؟ " و حولت أيديا من عليها "
فـريده >> اكريم ما تفهمنيش غلط انا من فتره نبي نصارحك بعد ما تأكدت من حبي لك و مشاعري تجاهك 😭 " و كرتني شورها "
انا >> عمري ما فكرت انه شخصيتك ممكن تكون ضعيفه و تبكي هكي ؟
فـريده >> نبكي لاني نحبك أفهم يا أكريم انت اول حب في حياتي و مش مستعده اني نخسرك تحت أي ظرف 😢
انا >> خلاص باه بطلي نكد ، أهم شي انك توا تحبيني ايواه
فـريده >> نحبك و نموت فيك آخره <3 ~
انا >> و هذا اللي يهمني بس <3
فـريده >> خلاص معناها ننزل عشان ما ينشغلوش عليا
انا >> خشي اغسلي وجك قبل باه
فـريده >> حاضر
خشت فريده جوا و انا صبيت عند المرايا و سقمت شعري
بعدها خشيت جوا و كان الحمام مفتوح و هيا امصبيه تغسل في وجها
كل المكياج اللي كانت دايرته حول ، ملامحها غريبات و شكلها ع الطبيعه أحلى ،، قعدت انبحت فيها و سرحان
فـريده >> هيييي كنك هنا 😳
انا >> لا شي 😍
فـريده >> باهي حول نبي نطلع
انا >> اطلعي عادي من ماسكك
فـريده >> كيف نطلع و انت امصبي هكي
انا >> نوخر يعني و لا انقدم 😍😂
فـريده >> لالا اطلع بكل و ريحنا عاد 😍😂
انا >> راجي نعطيك منشف وجك كله اميه
كريت المنشف من مكانه و قربت منه ،، قلبي يدق و ملامح وجها و الارتباك اللي باين عليها كان يزيد في توتري
حطيت المنشف ع وجها و قعدت نمسح فيه
كنت قريب منها بكل و قلبي يرقص من جوا
كنت حابب اني نضبطها و نقوللهآ حتي انا نموت فيك يا عويناتي
أميـره >> :o اكرررريم :o
انا >> نعم نعم " و وخرت من ع فريده "
أميـره >> شن اديرو انتو 😒
فـريده >> لا غير انا مريضه شويه و اكريم ساعدني كنت دايخه اصلا
أميـره >> لابأس عليك ، بس اكريم شن جيبه هنا أساسا 😒
انا >> تبي اديري معايا تحقيق انتي !
فـريده >> أميره ما في شي رآه
انا >> لا فيه ، البنت هذه نحبها و نبيها و ه تكون مراتي " و طلعت من الشقه و نزلت "
>>
>>
>>
فـريده >> أميره ما تحكي لحد باهي
أميـره >> تحبيه حتي انت ؟
فـريده >> مش غير نحبه نعرفش كيف نوصف حبي له
أميـره >> كان تحبيه جديات ردي بالك منه !
فـريده >> كيف يعني !
أميـره >> اكريم طيب و كويس و ما عندش ع كثرة العلاقات ،، يعني أنه يحكي مع بنت و يحبها و يقعد معاها كيفك يعني هذه حاجه كبيره و لو خنتيه مع حد اخر صدقيني مستحيله يسامحك وقتها لأنه هوا عطاك كل شي
فـريده >> ليش تحكي هكي بس ؟ انا ما صدقت لقيته يعني مش ه انفرط فيه عند نموت
أميـره >> بعيد السو عليك و أن شاء الله ربي يجمعكم مع بعضكم
فـريده >> آمين يا رب
أميـره >> تعالي توا ننزلو لوطا امك تسأل عليك
فـريده >> هيا باه انسقم الميك اب بس
>>
>>
>>
طلعت نبرم بسياره و خطرلي نرن ع منعم عشان نحكيله قصة الرقم و الرسالة
انا >> خير يا معلم
منعم >> مرحبتين يا طيري
انا >> شن في ما في ؟
منعم >> امكسد و الله // انت شن داير ؟
انا >> نبيك في موضوع
منعم >> شن في ؟
انا >> وين قاعد توا ؟
منعم >> توا نبي نطلع من الحوش
انا >> خليك غادي تو انجيك
منعم >> تم نراجي فيك
انا >> هيا اوكي
منعم >> اوكاي
>>
>>
>>
فـريده >> أميره تعالي شويه
أميـره >> نعم
فـريده >> نبيك في حاجه بس تعالي في المربوعه
أميـره >> حاضر هي
~
~
~
أميـره >> ديدا وينك O.o
عادل >> انا اللي نبيك مش فريده
أميـره >> عادل 😳
عادل >> ما فش طلوع افطني ايواه
أميـره >> شن تبي 😳
عادل >> نبي نحكي معاك شويه و انتي مش عاطيتيني فرصه
أميـره >> تو كان شافنا حد اتريح يعني و لا شنو ؟
عادل >> ما في حد غير أرخي روحك
أميـره >> احكي باه شنو في ؟ 😳
عادل >> نبي نحكي معاك ع شقتنا
أميـره >> كنها ؟
عادل >> نبو نختارو ألوان الصراميك مع بعضنا
أميـره >> نعم 😳
عادل >> تعالي جنبي شويه عشان تشوفي الصور
>>
>>
>>
منعم >> نورتنا يا برنس
انا >> منوره بيكم يا سي
منعم >> شن في باه ؟ شن صاير ؟
انا >> شوف الرساله هذه
منعم >> هات هات اصلا حسيت من صوتك في كارثه
انا >> انا اللي ه ندير الكارثه شكلي
منعم >> اووووبا O_o و من يطلع هذا ؟
انا >> فيه غيره وجه البنت حسام :/
منعم >> تي نجيبو وين يسكن و يأخذ اقدعها طريحه
انا >> القصه مش في الطريحه هذه ساهله
منعم >> امالا شنو ؟
انا >> خايف يكون في حاجه
منعم >> و أنت مش متأكد من البنت و لا ايش ؟
انا >> اوكي عارف روحي نحبها بس
منعم >> بس ايش ؟
انا >> البنت سمحه و اكيد في ناس واجد كانت تبي اطيحها
منعم >> و بعدها ؟
انا >> يعني وحده نفسها مستحيله ما تكونش دايره علاقه من قبل
منعم >> فوتها امالا
انا >> نفوت شنو ازح نقولك نحبها
منعم >> باهي شن تبي ادير ؟
انا >> مش عارف
منعم >> تبي تمشي بكرا باه ؟
انا >> مش عارف بس هيا قالتلي فوته ع أساس يبي يخرب بيناتنا و هكي
منعم >> خلاص امالا فوته
انا >> أن شاء الله
منعم >> تمشي شور الشباب ؟
انا >> لالا ماشي لحوش عماد
منعم >> تمام باه
انا >> خطرها سفيان وين مختفي ؟
منعم >> مش عارف و الله له فتره معش قابلني
انا >> بكرا ديرو عشاء و تو نتلاقو
منعم >> خلاص تم
انا >> هيا تشاو
>>
>>
>>
طلعت من عند منعم و عقلي في الموضوع و مش عارف كني مضايق
مشيت عند أسماء و روحت ب أميره و خشيت رنيت ع فريده
فـريده >> خير يا بيبي
انا >> خيرات
فـريده >> كنك روحت ب أميره بدري
انا >> لا خلاص
فـريده >> مازال جوك متلخبط ؟
انا >> لا عادي ما تحطيش في بالك
فـريده >> تمام باه
انا >> بكرا عندك محاضره ؟
فـريده >> أها ،، عليش ؟
انا >> محاضره مهمه و لا أي كلام ؟
فـريده >> يعني نص و نص
انا >> باهي فوتيها
فـريده >> عليش ؟
انا >> لا غير قالو انظني في جو مش تمام غادي
فـريده >> جو شنو ؟
انا >> مش عارف بس سمعتها من الشباب
فـريده >> خلاص تو نقعد في الحوش
انا >> تمام باه
فـريده >> بيبي سيف جا
انا >> خلاص سكري و بكرا نحكو
فـريده >> تم
انا >> تصبحي ع خير
فـريده >> تلاقي الخير
>>
>>
>>
مش عارف ليش كذبت عليها ،، سكرت منها و معش قدرت نرقد و انا غير نفكر
قعدت طول الليل انجرب نرن ع الرقم بس مازال مقفل
صبيت طلعت قدام الحوش و لقيت موسى يدخن برا
انا >> اووووي مازلت واعي انت
موسى >> لا راقد :|
انا >> كنك قالب وجك يا فستري :v
موسى >> خالطه عليا أزف
انا >> كيف شن صاير ؟
موسى >> تي هذه 24 ساعه طلبات طلبات عند درهت كبدي
انا >> خطيبتك ؟
موسى >> أها :/
انا >> ربك ما يسيب حق حد و هذا حق قهرتك ل رحمه و مازلت ياما تشوف
موسى >> و النبي ما اذكرني
انا >> ع أساس نسيت انت
موسى >> كيف حالها ؟
انا >> توا جاي تسأل !
موسى >> اكيد تبكي صاح
انا >> سيورها ربي يرزقها بواحد شاريها و يخاف عليها
موسى >> قصدك في واحد في حياتها ؟
انا >> و أنت شن دخلك ؟
موسى >> تي احكي أزف
انا >> ما في شي بس نحكي انه شي يوم ه تتزوج حتي هيا
موسى >> لالا عارفها مش ه أديرها
انا >> خليك واثق هكي :/
موسى >> باهي كنك واعي انت ؟
انـا >> عندي مشيه لجامعه بكرا و مش قادر نرقد
موسى >> ماشي ل فريده ؟
انا >> أها أها
موسى >> باه تمام ،، أمتي تفرحنا حتي انت
انا >> مازال بدري
موسى >> خرف اهي ترن آخره يا عليك قصه
انا >> ههههه عدي عدي
سيبته يحكي و خشيت انا و رقدت ساعتين هكي ،، نضت في الصبح و نرن ع الرقم و ما صار شي
غيرت أدبشي و مشيت شور المحل و مع الساعه 10 و نص مشيت شور الجامعه
قعدت نبرم و ندور و ما في حد لا حسام لا غيره
قعدت نشوف في الرقم و مازال مقفل
قعدت في الجامعه عند الساعه 12 و بعدها طلعت
>>
>>
>>
أروى >> صباحو يا حلوه
فـريده >> صباح العسل يا خيا
أروى >> وينك اليوم ؟
فـريده >> ما عندش نيه انجي و محاضره مش مهمه اصلا
أروى >> أها تمام ، بس استغربت اصلا شفت اكريم
فـريده >> اكريم منو ؟؟ O_o
أروى >> اكريم حبيبك كيف تعرفي اكريم غيره
فـريده >> هههه لا غير مش مركزه ،، كان معاه حد ؟
أروى >> لالا شفته يبرم شويه و بعدها طلع
فـريده >> تمام باه
أروى >> نبي نخش للمحاضره انا ، نتلاقو بكرا
فـريده >> تم ان شاء الله
~
~
سنـدس >> ديدا شن في ! كنه وجك هكي ؟
فـريده >> اكريم كان في الجامعه O.o اكيده كان ماشي لحسام
سنـدس >> حي عليك ،، رني عليه شوفي شن صار ؟
فـريده >> قلبي مش مطمن و حق ربي
سنـدس >> رني بس كأنك تسألي عليه عادي
فـريده >> يضرب الخط و ما يبيش يرد ،، تي ررررد و رأس امك
>>
>>
>>
حسام >> ها يا طير ،، أها توا طلع من الجامعه //معاك الشباب أها ؟ خلاص خوذوه للمزرعه و لا نقولك خلينا اندبوه بس :v نبي ملامح وجه بعد الضرب ما ينعرفش انه نفسه اكريم :/ ،، خلاص بعد تكملو رن عليا ^^
