عايشه >> نوريه حي عليك شن تبي اديري !
نوريه >> سكري فمك انتي و بحتي افطني كان أميره جت
عايشه >> شن اديري بس ؟
نوريه >> نبي نأخذ رقم خطيبها
عايشه >> لا تبصري انتي اكيده ؟
نوريه >> بحتي عند الباب و انتي ساكته بس
عايشه >> بسرعه باه قبل ما اتجي
نوريه >> ررررريتي نعن جدها :/
عايشه >> كنك ؟؟
نوريه >> دايره رمز للنقال :3
أسمـاء >> عويشه تعالي شويه
عايشه >> باهي هي
أميـره >> اكريم كذا رن عليه ، ندور فيه من بدري مش عارفه وينه
نوريه >> شنو ؟
أميـره >> موبايلي !
نوريه >> كان ع الصالون اهو
أميـره >> أها تمممامم شكراً
نوريه >> لا عادي
>>
>>
>>
مشن كم يوم و أجواء الحوش غريبه يعني مش كيف زمان و كل ما نشوف أميره نلقاها تبكي
رديت نشتغل في محل سيف و قعد يراعي اني نروح بدري عشان هلي و لو ما نقدرش انجي يقولي عادي و الحق يعني وقف معايا سواء هوا و لا باقي الشباب
فـريده >> الووووو
انا >> اهلين ،، كنك خوذي نفس قبل ؟
فـريده >> فرررررررحانه بكل يا أكريم
انـا >> اوووو أن شاء الله خير
فـريده >> صفيت موادي كلهن
انا >> ما شاء الله مبروك مبروك
فـريده >> الله يبارك فيك // و أعلى ماده اللي انت قرايتها ليا
انا >> تمام تمام / أن شاء الله ديما فرحانه
فـريده >> أن شاء الله // باهي شن جوك ؟ و شن اخبارك ؟
انا >> الحمد لله
فـريده >> بالك بعدين نقول ل سيف يجيبني عندكم
انا >> باهي
فـريده >> شكلك مش فاضي ؟
انا >> أها
فـريده >> خلاص بعدين نحكو
انا >> بإذن الله
فـريده >> سلام <3
انا >> سلام
#
#
#
سنـدس >> كنتي تحكي مع أكريم ؟
فـريده >> أها ،، هوا في غيره اصلا
سنـدس >> كيف صار ؟ مش ع أساس تبي تفوتيه ؟
فـريده >> كنت ناويه هكي بس بعد موت باته وجعني :(( و ما قدرتش
سنـدس >> وين ع الطيابه هذه :D
فـريده >> و الله نحكي بجد // صاح كنت نبي انطيحه و نفوته بس يوم اللي بكى قدامي مش عارفه شن حسيت ! بس تأكدت اني نبيه و مش ه نسيبه لو شنو يصير
سنـدس >> أن شاء الله خير و خلاص
فـريده >> باهي بعدين تمشي معايا ؟
سنـدس >> وين ؟
فـريده >> لحوشهم !
سنـدس >> لالا راسي صداع اصلا
فـريده >> براحتك اقعدي -_-
سنـدس >> عاد انتي كنتهم انا شن دخلني نمشي :D
فـريده >> حيوانه :D
>>
>>
>>
أسمـاء >> ماما بعدين عماد جاي ياخذني للحوش
امي >> تشوفي في حال اختك معقوله تبي تسيبيها ؟
أسمـاء >> ليا هنا 3 أسابيع و الحمل امتعبني بكل
امي >> ديري اللي يريحك
أميـره >> من جدك انتي ؟؟
أسمـاء >> كنك ؟
أميـره >> و الله صدق فيك اكريم :/
امي >> وطي صوتك انتي و ياها البنات يسمعن فيكن
أميـره >> عارفات اللي هناك اصلا :3
أسمـاء >> و تبيني نقعد يا ماما !! شوفي أسلوبها بس ما ساد اكريم مش طايقني و توا حتي أميره
أمي >> أميره مش فاطنه لروحها شن تحكي
أميـره >> لالا فاطنه و تبي تروح الباب قدامها ما حد ماسكها
روحت للحوش و نسمع في صوت هرجه // خشيت ل الصاله و لقيت عايشه و نوريه يضحكن ،، و صوت أميره عالي
انا >> اووووي ؟؟! شن في ؟
امي >> ما في شي
انا >> كيف ما في شي و صوتكن واصل برا ؟
أسمـاء >> اخر الوقت قعدت حتي الصغيره اتعلي في صوتها عليا
انا >> أميره شن صاير ؟
أميـره >> لا غير أسماء تبي تروح و قتلها تفضلي ! بنت عمي و بنت عمتي قاعدات و هيا اللي بنته تبي تروح يا عليك حاله
انا >> ما فش داعي لها الدوه هذه // تبي تروح ما حد ماسكها
أسمـاء >> تشوفي فيهم ؟
امي >> خلاص بطلو و لا مش ماليه عينك انت وياها
انا >> ميرو تعالي حطيلي حاجه نأكلها
أميـره >> حاضر هي
~
~
~
طلعت انا و أميره و عايشه و نوريه انظر شن فيه في عقلهن
نوريه >> أميره كذا افتحيلي رمز نقالك
انا >> و شن تبي فيه انتي ؟!
نوريه >> لا غير نبي نأخذ منها صور و حاجات
انا >> شوفي من حد غيرها " و فنصت في أميره "
أميـره >> شن تبي تأكل ؟
انا >> تعالي للكوجينه و تو نشوف شن نبي
~
~
أميـره >> حرام عليك احرجتها هكي
انا >> افطني لروحك ! نلقى نقالك في يد وحده فيهن انكسره ع رأسك
أميـره >> بسم الله كنك ؟
انا >> تي شوفي حركاتهن و طروحهن وراهن حاجه و افطني كيف ما قتلك
أميـره >> خوفتني هكي
انا >> نقالك ديما في يدك و لا سكري عليه في الدولاب
أميـره >> باه
انا >> كان مش متحشم را قتلهن روحن تي عليك ثقاله فيهن :3
أميـره >> كويسات حرام عليك
انا >> انتي اللي كويسه :|
~
~
~
نوريه >> تي كنه معانا هذا :/ في كل حاجه زاقبلنا :3
عايشه >> نوريه خلاص فكينا منهم و خلينا نروحو
نوريه >> يعني نروحو بدون فايده غير احلمي
عايشه >> باه شن مازلتي تبي اديري ؟
نوريه >> شن رأيك في عماد راجل أسماء ؟ :D
عايشه >> لا مش طبيعيه انتي هكي O.o
نوريه >> تي نغيرو جونا شويه :D
عايشه >> لا لا مش شوري انا
نوريه >> خليك يا حنه في حبك ل سي اكريم اللي مش معبرك بكل :/
عايشه >> مش شورك بيا
نوريه >> اسكتي آهو طلع
انا >> مش عارف ليش مش متريحلك يا سوسه انتي O_o
نوريه >> من السوسه ؟
انا >> في غيرك يعني ! :|
نوريه >> حرام عليك معقوله انا سوسه
انا >> أها :/
طلعت للمربوعه و سيبتهن يتفلفسن :3 // كليت و حطيت راسي نبي نرقد شويه بس مش قادر
سمعت أذان العصر و صبيت توضيت و صليت و قعدت مقعمز قدام الباب
شويه هكي و جا عماد و روح ب أسماء // شويه هكي و درست سيارة سيف و نزل سلم عليا و نزلت فريده و خشت جوا
>>
>>
>>
أميـره >> باهي اللي جيتي
فـريده >> و الله ليا كم يوم نبي انجي بس ما نفضش
امي >> اهلين يا ابنيتي
فـريده >> كيف حالك يا عمتي
امي >> الحمد لله ،، كيف حالك انتي و هلك
فـريده >> الحمد لله
أميـره >> خشي قعمزي كنك امصبيه
فـريده >> لالا خلينا حتي هنا
أميـره >> كنك خايفه
فـريده >> ما شاء الله قريبتكم مازالت قاعده
أميـره >> أها و حتي الاخره غير راقده
فـريده >> شكلي نبي نروح من توا
أميـره >> ما تعدليش عليهن ،، خليك و قولي ل خوك تقعدي معانا للعشاء حتي رحمه جايه شويه آخره
فـريده >> تو نشوفه مازال قاعد برا
~
~
عايشه >> نوووريه نووووضي بسرعه
نوريه >> تي نبي ننخمد شويه كنك يا كلبه -_-
عايشه >> صاحبة اكريم قاعده برا
نوريه >> السفيره عزيزه ؟
عايشه >> أها هيا بشحمها و لحمها
نوريه >> ع أساس فيها شحم ه المجعكه هذه :D
عايشه >> تي صبي باه
نوريه >> هيا هي نغير أدبشي بس
عايشه >> سقدي باه
~
~
كنت مازلت مقعمز قدام الباب و حسيت بحد فتح الباب
فـريده >> سيف // يا سيف
انا >> خشي جوا
فـريده >> نبي سيف بس
انا >> عدا و قلت خشي انظني
فـريده >> باهي كنك تهزب يعني
انا >> ليش طالعه يعني ؟ " و صبيت و خشيت "
فـريده >> قتلك نبي سيف
انا >> و انا قتلك عدا خلاص
فـريده >> كنك تحكي معايا هكي ؟
انا >> نحكي عادي غير انتي اللي متحسسه بس
فـريده >> لا مش متحسسه انت متغير و عارفه شنو السبب
انا >> يا خطيره انتي ؟ سبب شنو
فـريده >> من تيمون و بمبا اللي جوا 😒
انا >> نوريه و عايشه ؟ 😂 " و قعدت نضحك "
فـريده >> شوف الباب باه
انا >> خشي مرات واحد من الشباب
فـريده >> لالا هذه اكيده رحمه
فتحت الباب و بالفعل كانت رحمه ،، طبست راسي و خشت سلمت ع فريده و الابتسامه ع وجها
انا >> خلاص خشي
فـريده >> تي جايه عشان نشوفك انت اصلا
انا >> يا فرخه اسمعي الكلام
فـريده >> هووووف منك و خلاص :/ " و خشت و هيا تحكي مع روحها "
>>
>>
>>
أميـره >> أهي جت
فـريده >> تحكي عليا ؟
أميـره >> أها // نوريه كانت تسأل عليك قتلها طلعت تشوف في خوها
رحمه >> لا مش قاعد بس ;)
نوريه >> امالا وين كنتي هذا كله ؟
فـريده >> مع أكريم كنت :))
عايشه >> عليش ؟
فـريده >> مش شورك :/
أميـره >> عويشه نوريه شن رأيكن اديرن قهوه
نوريه >> انا راسي صداع
عايشه >> و انا بطني توجع فيا
أميـره >> امالا خشن لدار جوا و تريحن :/
فـريده >> تو نديرها انا عادي
رحمه >> لا عيب عاد تو نصبي انا
انا >> امممميررررره
أميـره >> نعم نعم
أنا >> كان في قهوه واتيه صبيلي فنجان
فـريده >> توا نبي ندير تو نحسبك
انا >> بدون
فـريده >> سكر
انا >> ايواه شاطره
فـريده >> مش ناسيتها قهوتك من هذك المره
انا >> بسرعه باه
نوريه >> شن هذا :/
عايشه >> تو نصبي ندير انا عادي
أميـره >> مش كنتي مريضه :|
رحمه >> تو انجي معاك يا فريده
فـريده >> تمام باه
~
~
~
نوريه >> معليش يا أميره خوك شن الجو اللي يدير فيه هذا ؟
أميـره >> جو شنو ؟
نوريه >> يعني يهدرز مع هذه اللي اسمها فريده بكل دلاله
أميـره >> هيا كيف خطيبته :/
عايشه >> قصدك يحبو بعضهم ؟
أميـره >> أها :|
نوريه >> بس طالما ما فش حاجه رسميه يعني يحترمنا
أميـره >> و هوا شن دار اصلا ؟
نوريه >> شي شي فوتي
أميـره >> انتي اللي ياريت تفوتي
عايشه >> وين ماشيه هذه ؟
نوريه >> هاتي الفنجان تو تعطيه له عويشه
فـريده >> لالا تريحن انتن :/
رحمه >> عدي يا فريده
>>
>>
>>
كنت مقعمز في المربوعه و خشت فريده و في يدها فنجان القهوه
انا >> صحيتي صحيتي
فـريده >> سلمك
انا >> معلش تعبتك
فـريده >> ما فيهش تعب عادي
انا >> فريده ما تعدليش ع حد باهي !
فـريده >> حتي انا مش معدله بس وسعة بالي لها حدود
انا >> تمام باه
فـريده >> ذوقها باه
انا >> شن حاطتيلي فيها ؟
فـريده >> سحر ههه :D
انا >> ناقصني سحر انا اصلا
فـريده >> ع فكره نبي نقولك حاجه بس انحس في الوقت مش مناسب
انا >> حاجة شنو ؟!
نوريه >> هذا كله تعطي فيه في الفنجان ؟!
فـريده >> 😳
نوريه >> كنك مصدومه ؟ يعي بكل الجو اللي اديري فيه ؟ امرخصه روحك ع الأخير
الكلام كأنه صاروخ و طب في فريده // الصدمه كانت ع وجها و انا بروحي مش عارف كنها نوريه ؟
فريده اتبحت فيا و عيونها دموع و كانت تراجي فيا نقول أي شي ؟
نقول حاجه تأخذلها حقها ؟ بس انا من الصدمه قعدت ساكت
خشت فريده و خذت نقالها و طلعت قدام الباب و طلعت وراها
انا >> كنك طلعتي ؟ خشي ؟ فريده نحكي معاك تقريبا ؟
فـريده >> تعرف تفوتني ؟ معش تحكي معايا فاهم ؟
انا >> غير خشي بس
فـريده >> اخر الوقت انا وحده تقولي هكي ؟ و ليش ؟ عشان نحكي مع الشاب اللي حبيته و هوا ما يردش بأي حرف ؟؟!
تنحت في فريده و معش عرفت شن ندير ؟! مسكتها من يدها و كريتها جوا عند الصاله
أميـره >> كنكم ؟؟ ديدا كنك تبكي ؟
انا >> نوريه وين ؟
أميـره >> في الدار شن في ؟
عايشه >> ما دارت شي نوريه
نوريه >> ها كنك ؟
انا >> عندك 10 دقايق ! اتلمي فيهن ادبشك و انا ه نرن ع هلك
فـريده >> :o
عايشه >> اكريم شن قاعد تقول ؟
انا >> و حتي انتي معاها هيا ؟
أميـره >> اكريم عيب شن الكلام هذا ؟
انا >> و الكلام اللي تقول فيه ل فريده شنو ؟
نوريه >> عشان الأنسه هذه ؟ إن شاء الله غير تطلع تستاهل في الاخير بس ؟ :/
امي >> كنكم بسم الله
خذيت نقالي و نرن ع عمتي و ما تردش و لا عمي
انا >> مازلتي قاعده انتي وياها ؟
عايشه >> هذه من توا و خلاتك ادير فينا هكي امالا بعد تقعد مراتك ؟
>>
>>
>>
منعم >> وين سرحان يا اووووي ؟
انا >> لا غير نذكر في اللي صار من سنتين !
موسى >> مازالت في بالك ؟
سالم >> تي افرح الليله ليلتك يا عريس
