تمشي و مش مركزه و فجأه وقفت و استكت بعد شافتني ،، جت تجري و سلمت عليا
يدي في يدها ،، مش عارف لما نلمس يدها قلبي يبي يطلع من مكانه !!؟
عطرها لصق في يدي و مش قادر نحكي أي حرف و هيا تبحت فيا و مبتسمه
منعم >> باهي و بعدها :D ؟ امطولين هكي !
انا >> أهي صاحبتك جت :D
فـريده >> أها السمحه :D
انا >> أها بس مش اسمح منك :)) <3 ~
فـريده >> 😳
أروى >> صباح الخير
انا & فـريده >> صباح النور
منعم >> قصدك ظهر الخير :v
أروى >> عادي عادي كله يمشي
فـريده >> قاريه كويس ؟
أروى >> أها تمام
انا >> موفقه أن شاء الله
أروى >> أن شاء الله
انا >> فريده تعالي نبيك شويه " و غمزتلها ع أساس انخلو منعم معاها شويه "
فـريده >> هيا هي
>>
>>
>>
فـريده >> باهي كيف صار انك جيت !
أنا >> لا كنت امخطم بصدفه قلت انجي نشوفك
فـريده >> أها // باهي كويس
انا >> مش عارف شن نحكي را :D
فـريده >> مرتبك ؟ :D
انا >> تقريباً :D
فـريده >> باين عليك اصلا 😍
انا >> شنو اللي باين O.o ! :D
فـريده >> شي شي :D
انا >> باه كويس // خطرها
فـريده >> شنو ؟
انا >> معش ضايقك حسام ؟؟!
فـريده >> لالا معش شفته اصلا
انا >> تمام باه
فـريده >> تعال نمشو شويه
انا >> باه
قعدت نمشي انا و ياها و نبحتو في منعم كيف يهدرز مع أروى من جد جده :D
مشينا شويه و بعدها خشت أروى للامتحان و جا سيف روح ب فريده و بعدها نحن روحنا
>>
>>
>>
انا >> شن رأيك فيها عاد ؟!
منعم >> منو ؟!
أنا >> أروى و بطل استعباط !
منعم >> كويس يعني شن نبي نديرلها
انا >> و كنك تحكي من رأس خشمك يعني !
منعم >> نحكي عادي و قتلك 100 مره مش ه نحب حد و مش ه نخلي أي وحده تحبني ! فاهم -_-
انا >> فاهم تمام بكل :/
منعم >> وصلني للحوش باه
انا >> باه
وصلته للحوشهم و روحت انا للحوش و تغديت و رقدت ساعتين هكي
>>
>>
>>
نضت ع صوت أميره تنوض فيا و تقولي نقالك يرن
نضت بحتت لقيتها فريده // استغربت أنها متصله لأنه كنا مع بعضنا
انا >> ايووووا !
فـريده >> راقد شكلك !
أنا >> كيفلي أها ! شن في ؟
فـريده >> لا ما في شي غير قلت نرن عليك بس
انا >> أها ،، نحساب في شي حاجه صايره
فـريده >> لا اطمن ما فش شي
انا >> باهي توا عندي عمل / بكرا نحكو !
فـريده >> تم يا أكريم :3
انا >> تم // هيا تشاو
فـريده >> تشششاووو :/
>>
>>
>>
سكرت منها و نضت خذيت دوش ع السريع و طلعت نبرم شويه ب التاكسي ،، و شويه هكي لقيت سالم يرن عليا
سالم >> من الأخير نبيك اتجي توا !!
أنا >> متعارك !!؟ هيا جاي ،، غير وين المكان !؟؟
سالم >> :D
انا >> كنك تسهوك ؟!!
سالم >> يرا و انت عقلك في المشاكل :D نبيك في حاجه آخره
انا >> وين قاعد باه ؟!
سالم >> في حوش سفيان
انا >> غادي لالا مش ماشي
سالم >> فكنا من طروح العويله
انا >> نقانك فوتني
سالم >> يرا ما تقعدش حيوان هكي :/
انا >> شن تبي باه ؟!
سالم >> تي نبيك في حاجه غير هيا نراجي فيك " و سكر في وجي "
طلعت شور حوش سفيان و انا مش فاهم شن في ؟!
وصلت غادي و لقيت منعم و عمران قدام الباب // نزلت سلمت عليهم و قالولي سالم جوا
خشيت و لقيت معاه سفيان و موسى // وخرت نبي نطلع بس مسكني سالم
سالم >> و الله مانك طالع // تي يا راجل عشرة عمر نحن
انا >> كان نحسابك ع الموضوع هذا را ما جيتش بكل
سفيان >> ما تقعدش عيل عاد :/
انا >> ما عندش دوه معاك انت !؟
سالم >> كنكم اللي جاكم جاكم لا حول ولا قوة إلا بالله العلي العظيم
موسى >> اكريم !
أنا >> نعم !
موسى >> جوك تمام ؟!
أنا >> أن شاء الله
سفيان >> باهي باركله
انا >> عليش ؟!
سالم >> موسى يبي يخطب ؟!
أنا >> رحممممه ؟؟؟!
سفيان >> لالا // بنت خالته
انا >> نعم ؟؟
سالم >> اكريم
انا >> باهي تبو حاجه توآ ؟!
سالم >> اقعد !
أنا >> ورايا كم حاجه " و طلعت "
>>
>>
>>
حسيت الدنيا ظلمت قدامي !! يعني لعب عيال هذا و لا شنو ؟!
مع البنت 5 سنين ؟ و في لحظه يبي يخطب غيرها O.o ؟؟!
باهي اللي يبي يخطبها هذه ، مش اكيد كانت حبيبة واحد اخر ؟! و حتي هوا خان الوعد ؟!
لا رسمي الدنيا ادور ؟!
مش عارف ليش مسكت النقال و رنيت ع فريده
اول مره نكون مضايق هكي و مش لاقي لمن نحكي !؟
بدون أي مقدمات قعدت نحكيلها ف اللي صاير // في الأول كانت مستغربه و بعدها قعدت تسمع فيا و اتهدي فيا
قعدت نحكي معاها قريب ساعه و بعدها خش خوها و سكرت ع طول !؟
في لحظه حطيت روحي مكان سيف خوها !؟ زعمك أميره ادير هكي !؟
بس اللي يندار في بنات الناس ه يرد فينا و لو بعد 100 سنه ؟!
غمت عليا من كل الإمكان و مشيت وسط البلاد و نزلت خذيت قهوه و راسي قريب ينفجر من التفكير
روحت للحوش في الليل و خشيت رقدت ع طول
نضت تاني يوم وصلت أميره و جوي متلخبط بكل // مشن الأيام و كملت أميره امتحانها و كانت فريده مازال لها أسبوع بيش تكمل
قللت مكالمتي معاه // قعدت تراجي فيا ع أساس انجيها بس عقلي مش معايا و مش عارف شن اللي صايرلي عند يوم رنت عليا في الصبح و تبكي
انا >> فريده شن في ؟؟! كنك تبكي بس ؟!
فـريده >> مش قادره و حق ربي مش قادره نركز 😭
انا >> شن صاير !؟ فهميني !
فـريده >> الامتحان مازال عليه ساعتين و ما فش أي حرف في راسي 😭 كله منك رآه 😭
انا >> مني انا !!؟ شن درت بس ؟! تي بطلي بكاء
فـريده >> من التفكير فيك معش ركزت 😭
انا >> نعم !؟؟ وسعي بالك باهي ،، وين قاعده توا ؟!
فـريده >> في الجامعه 😢
انا >> و الامتحان أمتي !؟
فـريده >> الساعه 2 😞
انا >> خلاص جايك توا
فـريده >> بجد ؟!
أنا >> أها / هيا اوكي
>>
>>
>>
سكرت منها و سكرت المحل و طلعت شور الجامعه ،، وصلت بعد نص ساعه هكي // لقيتها مقعمزه عند الشجر و المذكره قدامها و تبكي
انا >> مازلتي تبكي يعني !؟ :|
فـريده >> حححححي جيت انت
انا >> تقريباً أها :D
فـريده >> اكريم شن درت فيا انت !؟
انا >> توا ركزي في قرايتك قبل و بعدها تو نحكو
فـريده >> كل ما نحفظ حاجه انحس روحي نسيتها
انا >> وريني وين اللي كملتيه و تو انسمع عليك
فـريده >> عليك جو قديم :D
انا >> را انروح ؟؟
فـريده >> لا خلاص هيا
قعدت ديدا تقرأ و انا انسمع عليها و أغلب الكلام حافظته // جا وقت الامتحان و كانت آخر ماده لها هذا // خشت و بحتت فيا و قالتلي ادعيلي
قعدت ندعيلها و قتلها تو انراجيك عند ما تكملي
قعدت نبرم شويه في الجامعه و مشيت للكافتيريا و شربت قهوه و طلعت رنيت عليها و عطتني مشغول و فهمت انها طالعه خلاص // رديت ل الإعلام و فجأه جتني بسمه اللي من قبل شفتها معاها
بسمه >> حي اكريم عندنا هنا
انا >> اهلا أهلا O.o
بسمه >> جاي عشان فريده !
أنا >> أها
بسمه >> ع فكره قاعد تغلط انت !؟
انا >> عليش ؟
بـسمه >> فريده ما تستاهلش واحد طيب نفسك !؟
انا >> هههههه و شن عرفك انه انا طيب !؟
بـسمه >> هيا قالتها ليا
انا >> باهي و بعدها !؟
بـسمه >> راهي بنت مش تمام و تحكي مع شباب
انا >> اووووو ديدا // شن صار في الامتحان !
فـريده >> لا تمام كل اللي سمعته عليا جاوبته ،، خير يا بسمه
بسمه >> اهلين حبيبتي
انا >> O.o
فـريده >> شن كنتو تحكو !
بـسمه >> لا شي // كنت نسأل عليك
انا >> عويناتي تعالي ناخذلك شي حاجه من بدري و انتي تقري
بسمه >> 😳
فـريده >> هيا هي 😍
فريده كانت مش فاهمه بس فرحانه <3 ،، بسمه قعدت اتفنص فينا و فهمت انه وراها حاجه
مشيت انا و فريده و خذينا سندوتشات و عصير و مشينا عند الكراسي و قعدنا نأكلو
فـريده >> اكريم تذكر يوم اللي صارت المشكله !
أنا >> أها
فـريده >> قتلك يومها هذا احلي يوم في حياتي
انا >> باهي ؟! :D
فـريده >> اليوم أحلى بكل :D
انا >> في حد قالك انه ضحكتك تسحر فيا !
فـريده >> احمم احممم أها واجد قالولي :D
انا >> يا خطيره :D
فـريده >> بس مش كيفك :D
انا >> عمري ما فكرت اني نقعد مع بنت و نهدرز هكي
فـريده >> يعني فرحان و لا لا !
أنا >> نقدر نقول متريح بجد يعني
فـريده >> خطرها ،، قالتلي أسماء انه عادل يبي يخطب أميره اختك !
أنا >> أها الاسبوع الجاي حددو الموعد
فـريده >> أها تمام // عقبالك عاد
انا >> تسلمي // و عقبالك أن شاء الله :D
فـريده >> تسلم حتي انت :D
انا >> خطرها // ع صاحبتك بسمه
فـريده >> كنها !؟
انا >> فوتيها
فـريده >> لنا فتره جونا مش حلو ،، بس عليش نفوتها !؟
انا >> تو مع الوقت تعرفي
فـريده >> لا غير احكي
انا >> مش ه نحكي شي بس ردي بالك منها !
فـريده >> بسمه لها علاقه لما قلت يا عويناتي !
>>
>>
>>
بـسمه >> حسام يعني تشوف فيها بعيونك و ما تبيش ادير أي حاجه ! -_-
حسام >> ههههه تشوفي فيا هبل ،، نعرف كيف نأخذ حقي بس مش توا :))
بسمه >> بس اهي فرصتك قاعدين مع بعضهم
حسام >> شن ندير يعني !،
بـسمه >> خوها اكيده يراجي فيها في الباركي عدي دير أي لقطه
حسام >> ما نبيش نحط روحي في الصوره بس عرفت شن ندير
بسمه >> شن تبي ادير باه ؟
حسـام >> راجي نكلم احمد و عدنان
كلم حسام أصحابه الاثنين و اتفق معاهم انهم يمشو عند الباركي و بسمه اتوريهم سيارة سيف و يخطمو جنبه و يقعد يحكو كلام ع فريده و أنها قاعده مع واحد
>>
>>
>>
و بالفعل مشو و قعدو يحكو و يضحكو و الكلام كله جا في وذن سيف ،، نزل من السياره و يدعي أنه الكلام يكون كذب و شاف بسمه امصبيه عند الشجر
بسمه >> خير يا سيف
سيـف >> ما تعرفيش فريده وين ؟!
بسمه >> كنك شن في ؟
سيـف >> جاوبيني بس !؟
بسمه >> كانت امقعمزه ع الكراسي اللي غادي
سيـف >> تمام باه
~
~
~
فـريده >> الساعه 4 خلاص نرن ع سيف
انا >> تمام باه
فـريده >> بعد نرقد و انوض تو نحكو
انا >> تمام // أها را ننسى طبعا معزومين انتو
فـريده >> سسسسسسسييييييييييييففففف :o
