تشوفنا عويشه
فـريده >> عويشه ؟ ادلع في اسمها قدامي ؟
انا >> قصدي عايشه :D
فـريده >> و كان شافتنا و لا خايف ع مشاعرها
انا >> مهما كان عاد البنت تحبني ما نقدرش نجرحها هكي :D
فـريده >> راجي باهي
انا >> يا هبله تعالي هنا // فريده شن تبي اديري ؟ :D تي انتي يا بت راجي
خشيت فريده و بعدها طلعت
انا >> وين مشيتي ؟
فـريده >> راجي دقيقه و تو تعرف
انا >> باهي وين ع السماحه هذه 😍
فـريده >> سمحه من يومي 😒 ما تحاولش تغير الموضوع
انا >> زارقه ع الوضع يعني ؟ 😂
فـريده >> حافظتك خلاص
عايشه >> نعم يا أكريم // قالتلي فريده تبيني ؟
انا >> 😳
فـريده >> يبي يقولك انه خطبتنا قريبه بس 😌 ❤
عايشه >> كيف ؟؟ أمتي صار الموضوع ؟؟
انا >> فريده
فـريده >> ما تبيش تباركيلنا عاد 😍 " و مسكت يدي "
عايشه >> الف مبرووووك
فـريده >> و العقبالك بالمره
عايشه >> شكراً " و برمت و خشت جوا "
فـريده >> نمشي نشوف شن صار جوا
انا >> باهي و بعدها ؟؟
فـريده >> نحبك 😍 " قربت مني و باستني ع خدي و خشت تجري "
معش فهمتها البنت هذه ؟ يعني مره تقلب وجها و مره تقعد طيبه ،، و شن الفائده لما حكت قدام عويشه هكي ؟
منعم >> اووووي كنك امتنح ؟؟
انا >> لا شي
منعم >> مروحين انا و الشباب و أن شاء الله ربي يباركلهم
انا >> مازال بدري ؟
منعم >> عشاء و كلينا خلاص :D
انا >> واطي :D
منعم >> بعد يفضى الحوش دير طله ع موسى
انا >> كنه ؟
منعم >> حتي عشاء ما ذاقه و طلع برا
انا >> جابه لروحه و باهي تو نشوفه بعدين
منعم >> هيا مع السلامه توا
أنا >> سلام
<
<
<
طلعو الشباب و رديت قعمزت في المربوعه و فجأه خشت أميره
انا >> ابنيتي كبرت و قعدت عروس
أميـره >> كيف نبي نعيش بدونك انت و ماما 😭
انا >> تبي تخربي السماحه هذه بالدموع عاد
أميـره >> كنك هكي بارد ؟ مش هامك اني نبي نمشي بكل 😭
انا >> و أخيرا نبي نتريح منك :D
أميـره >> باهي باه 😞
انا >> ديري بالك ع روحك و ع راجلك
أميـره >> و أنت عينك من روحك و من ماما
انا >> حاضر أن شاء الله " و اضبطتها "
أميـره >> باي
أنا >> اميرتي
أميـره >> نعم 😞
انا >> نحبك يا احلى اختك " و رديت غطيتلها وجها "
أميـره >> حتي انا نحبك و رد بالك تغيب عليا
انا >> كل ما تكسدي رني عليا بس نجيك ع طول :D
أميـره >> خلاص تم :D
~
~
~
مسكت يدها و طلعتها برا و ركبتها السياره و بعدها طلعت رحمه و فتحتلها باب السياره الاخره و ركبت
ردو يبيو آخره و طلعن كل السيارات
برمت نبي نخش و لقيت موسى مقعمز قدام حوشهم
انا >> تعال كسد معايا في الحوش
موسى >> خذوها يا أكريم
انا >> صبي بس
موسى >> خذوها قدام عيوني
انا >> موسى ما نبيش نضايقك زياده بس انت عارف انك غلطان
موسى >> كنت ناوي نأخذها
انا >> تي تأخذها كيف و انت خطبت و فتتها
موسى >> انت عارف كيف ضغطو عليا لاني نسافر برا // كنت ناوي بعد نطلع و نستقر اندز عليها و نتزوجها رسمي
انا >> و بنت الناس الاخره اللي خاطبها ؟
موسى >> لا نحبها لا تحبني و حتي هيا متزوجه ع مصلحه بس رحمه ما راجتش و ع طول وافقت
انا >> شن كنت تبي ادير ؟ بعد سمعت التفريغ و الألعاب الناريه يوم خطبتك تي في النهايه عندها إحساس البنت و ربي يستر عليها
موسى >> تبي حاجه توآ ؟
انا >> وين ماشي بس ؟
موسى >> نبي نبرم ب السياره مش ه نطول
انا >> انجي معاك ؟
موسى >> لالا عدي شوف عمتي اكيد مضايقه توا
أنا >> موسى ؟
موسى >> ما تخافش مش ه يصير أكثر من اللي صار
صبى موسى و ركب سيارته و انا خشيت للحوش و نسمع في صوت هرجه و حد يبكي
>
>
>
انا >> أسماء شن في ؟؟ " و تفاجأت انه فريده هيا اللي كانت تبكي ،، و ليش مازالت قاعده ؟؟ "
أسمـاء >> فريده تبكي بس
امي >> ما في شي
نوريه >> ريتي كيف خايف عليها يا بتي
عايشه >> يبي يخطبها عاد
عمتي >> من يبي يخطب ؟
نوريه >> اكريم اكريم يبي يخطب هذه " و شريت ع فريده "
انا >> هذه ! عندها اسم انظني !
فـريده >> تي كنه مقفل هذا " و تبكي "
انا >> فريده شن في ؟
فـريده >> ما في شي
أسمـاء >> تبكي عشان روحو و نسوها // هيا اصلا كانت في المطبخ
امي >> قتلها اقعدي ارقدي اليوم هنا و في الصبح ساهل تو تروح
انا >> باهي انتي كيف حالك ؟ " و قعمزت عند كرعين امي "
امي >> الحمد لله تهنيت ع اختك و مازلت انت " و حطت ايديها ع راسي "
انا >> ربي يخليك لنا و تشوفي عيالنا
امي >> آمين يا رب " و عيونها دموع "
انا >> عليك قصه عاد ضروري منهن الدموع " و صبيت لاني مش ه نقدر نتحمل دموعها "
عمتي >> تعال هنا يا ليد و فهمنا شن قصة انك تبي تخطب
طلعت و لا كأني نسمع فيها // مشيت للحمام و غسلت وجي عشان ما نبيش نشوف دموعي
أسمـاء >> اكريم ؟ افتح
انا >> جيبلي منشف بس
أسمـاء >> لحظه باه
~
~
أمي >> أسميه تعالي شوفي اولدك يبكي اكيده جعان
أسمـاء >> هيا هي
عايشه >> مسكت بس ما يبيش يسكت
أسمـاء >> هاتيه // و هاكي المنشف عطيه ل اكريم
عايشه >> حاضر
>
>
>
طلعت من الحمام و خشيت للمربوعه و لحظتها جت عويشه و في يدها المنشف
عايشه >> تفضل " و مداته ليا "
انا >> صحيتي
عايشه >> باين انك كنت تبكي ،، عارفتكم كيف متعلقين في بعضكم انت و أميره بس مفروض تفرحلها
انا >> اكيد فرحان عشانها بس ما ننكرش اني مضايق عشان سيبتنا و عموما صحيتي و العقبه لما نحضرو عرسك
عايشه >> تسلم " و برمت تبي تطلع "
قعدت نمسح في وجي و لما فتحت عيوني كانت عايشه مازالت قاعده
انا >> في حاجه ؟!
عايشه >> تحبها ؟
انا >> شنو ؟؟!
عايشه >> انت تحب فريده ؟؟
انا >> أها ،، بس ليش تسألي ؟
عايشه >> يعني جديات تبي تخطبها ؟
انا >> أها أن شاء الله // عويشه شن في ؟
عايشه >> لا شي ،، حبيت نتأكد بس لأنه من قبل نعرفوك انك ما عندكش ع جو الحب
انا >> عويشه فاهم شن تقصدي ،، و ه نحكي معاك بصراحه // انتي بروحك قلتيها اني ما عندش ع الجو هذا و عمري ما فكرت اني نحب أو نرتبط اصلا ،، بس شن نحكيلك ع فريده ،، عمري ما شفت بنت نفسها لا في شكلها و لا شخصيتها و لا لما تزعل و لا و لا و لا // انا اللي كنت مش مقتنع ب حاجه اسمها حب مع فريده اقتنعت و حتي هيا تحبني شن نبي أكثر من هكي ،، رغم الفرق اللي بيناتنا بس متمسك بيا و الحمد لله هلها موافقين و حكيت مع باتك و عمي ع أساس الاسبوع الجاي نمشي ندفع فيها
عايشه >> ربي يوفقكم
انا >> امين و ه يجي اليوم اللي تلقي فيه اللي يحبك و تحبيه
طلعت عايشه و في نفس الوقت خشت فريده
فـريده >> حبيبي 😍
انا >> عيون حبيبك 😍
فـريده >> لما سمعتك و انت تحكيلها قلبي قريب وقف و الله
انا >> ردي بالك تصدقي غير نبيها تحولني من رأسها بس :D
فـريده >> مهما ادير مش ه تقدر تستفزني كل حرف طلع من قلبك اصلا 😍
انا >> نعلي منك لما تقعدي هكي عسل 😍 " و كريتها شوري "
فـريده >> بيبي شن يبي يصير توا
أنا >> ه يصير خبر ما نحكيلك 😍😂
فـريده >> يا سامط قصدي كيف نبي نروح و سيف فونه مقفل " و وخرت مني و قعمزت ع الصالون "
انا >> عندك خيارين " و جيت قعمزت جنبها و مسكت يدها "
فـريده >> احمم اللي هن شنو ؟
انا >> اول خيار اني نروح بيك انا 😍
فـريده >> و الثاني ؟ :D
انا >> انك ترقدي في حضني 😍😂
فـريده >> راجي نفكر 😍😂
انا >> عيونك يقولن موافقات ع ثاني حل 😍😂
فـريده >> اكريم بطل سماطه " و حولت يدها و قعمزت ع الصالون الآخر "
انا >> لا نحكو جديات شويه
فـريده >> احكي
انا >> فهميني كيف مشو بدونك ؟
فـريده >> لما صبت أميره و هكي اعميمه قعدت تبكي و مشيت نبي نجيبلها طاسة اميه من المطبخ
انا >> اديري في طروح الكنه من توا :D
فـريده >> لا جديات رايح سامط
انا >> خلاص كملي
فـريده >> خلاص قعدت اندور في الطواسي وين و فجأه خشت هذه قريبتك
انا >> عويشه ؟
فـريده >> لالا لاخره و افطن لو مره آخره تقول عويشه قدامي ه نزعل بجد
انا >> باهي تمام :D
فـريده >> قعدت تبحت فيا و تعزق في كلام بس انا احتراما لك ما عدلتش و لما طلعت ب الطاسه و عطيتها ل أمك برمت ما لقيتهمش
انا >> أها ، نجيها العاقله و خلاص
فـريده >> قعدت نبكي لاني خفت يعني كيف نبي نروح
انا >> قاعده في حوش راجلك كيف تخافي يعني
فـريده >> 😳
انا >> عادي خليك اليوم هنا و ما تخافيش مش ه انجي شورك :v
فـريده >> حتي أسماء قالتلي اقعدي و ع أساس ه ترن ع دوسا و تقوللها
انا >> باهي فكري في الموضوع
فـريده >> اي موضوع ؟ " و خشت نوريه "
نوريه >> تبو طاستين عصير بالمره ؟ :/
فـريده >> يا ريت يكون مسقع بس :))
انا >> و يكون تفاح ديدا تحبه :v
أسمـاء >> ديدا قاعده هنا كنت ندور فيك
نوريه >> و ليش اتعبي روحك و ادوري يعني معروفه لاصقه فيه
أسمـاء >> كلمت دوسا و قتلها و قالت ما حد مركز كلهم لاهيين غادي
نوريه >> قصدك تبي تقعد هنا اليوم ؟؟
انا >> تو ترقد في داري و انا نرقد هنا
قعدت نوريه تفنص فينا و كنت ناوي نهزبها غير فريده بحتت فيا جو متاع فوتها
>>
>>
>>
رحمه >> عصام
عصام >> و أخيرا قعدنا مع بعضنا 😍
رحمه >> لو سمحت ما تقربش
عصام >> شن في ؟ كنك خايفه هكي ؟
رحمه >> نبي نقولك حاجه
عصام >> حاجة شنو ؟؟
#
#
#
عادل >> سمحتي ❤
أميـره >> حبيبي 😍
عادل >> مش مصدق انك قعدتي ملكي 😍 وين ماشيه ؟؟
أميـره >> نبي نشوف الشقه
عادل >> توا وقت اتفرجي 😒
أميـره >> أها تعال معايا عادي :D
عادل >> الله غالب عليا و خلاص :D
>
>
>
الحوش قعد هادي و كلهم رقدو ،، قعدت انتفرج شويه ع التلفزيون و بعدها معش قدرت نرقد
نفكر في فريده و خلاص و صورتها قدامي
صبيت خشيت لصاله و ما فيها حد و دار أميره مسكره لأنها راقدات فيها البنات و عمتي و دار امي مسكره و كذالك دار أسماء
مشيت للكوجينه و خذيت طاسة اميه و طلعت بيها ، عيوني يمشن شور داري و نقول في عقلي لالا مش ه ندير شي
بس ما فيها شي نمشي نشوفها بالك مازالت واعيه و نهدرزو شويه
قعدت نمشي ع طروف صوابعي و فتحت باب الدار بشويه
كانت راقده كيف الملاك ، شعرها مطلوق و ملامح وجها كانت قمه في الجمال و قربت منها
>>
>>
>>
سالمه >> حبيبي نقالك يرن شوف من يتصل توا
منعم >> اكيد اكريم مش قادر يرقد و يبي يصدعني
سالمه >> معناها خليه يرن تو يبطل
منعم >> لا حافظه هذا مش ه يريح روحه إلا لما نرد
سالمه >> هاك رد باهي
منعم >> لا هذا سالم ،، ان شاء خير بس
#
#
سالم >> منعم منعععممم
منعم >> الوووو ، نعم ؟؟ شن في ؟
سالم >> صبي البس و تعال للمستشفى
منعم >> مستشفى شنو ؟؟ شن صاير ؟؟
سالم >> . . .
