سنـدس >> مازال ما رد ؟
فـريده >> يضرب عند ما يفصل و ما فش رد
سنـدس >> بالك مش فاضي عاد
فـريده >> لالا في حاجه متأكده ،، تو نرن ع أميره
سنـدس >> غير تفجعي البنت و خلاص
فـريده >> اسكتي بس
~
~
~
فـريده >> صباح الخير يا أميره
أميـره >> صباح النور
فـريده >> شن جوك ؟
أميـره >> تمام و انتي ؟
فـريده >> تمام حتي انا // نبي نسألك اكريم روح للحوش ؟
أميـره >> لالا // ليش ؟
فـريده >> لا غير نبيه في موضوع و معش حصلته اصلا الشبكه تفصل
أميـره >> أها ،، اكيده في المحل توا ،، بعد يروح تو نقوله
فـريده >> باه تمام ،، بس نبي نطلب منك حاجه و ما تساليش ليش
أميـره >> شن في ؟؟
فـريده >> نبي رقم واحد من الشباب أصحاب أكريم
أميـره >> شن صاير ؟ فريده احكي !!
فـريده >> غير شوفيلي شي رقم منهم بسرعه
أميـره >> احكي شن في !
فـريده >> خرفي ،، أميره تبي تساعديني و لا لا !
أميـره >> تو نشوفلك رقم موسى من رحمه
فـريده >> بسرعه و دزيه ليا في مسج
أميـره >> تم بس بعدها فهميني شن في
فـريده >> ساهل ساهل
>>
>>
>>
سالم >> حتي انا كلمته أمس ما ردش عليا
موسى >> أها حتي اكريم يسأل عليه
منعم >> وين حتي اكريم ؟
موسى >> عنده موعد في الجامعه
سالم >> اكيد مع فريده
منعم >> موعد شن دوته أمس كان عندي و ما فش منها الدوه هذه
موسى >> أمس في الليل شفته طالع برا و قالق و بعد سألته قالي عندي موعد بس
منعم >> وين نقالي نرن عليه
سالم >> موسى شوف نقالك يرن
منعم >> تي كنه ما يردش هذا
~
~
~
موسى >> و عليكم السلام ؟ من معايا ؟
فـريده >> انا فريده يا موسى
موسى >> فريده ؟؟ شن في أن شاء الله خير ؟
فـريده >> شفت اكريم اليوم ؟
موسى >> لالا // مش ع أساس يبي يشوفك في الجامعه اليوم
فـريده >> لالا ،، نرن عليه من بدري و ما يردش خايفه تكون صايرتله حاجه
منعم >> كنها فريده ؟؟
موسى >> تقول انها خايفه ع اكريم لأنه ما يردش عليها
منعم >> هات النقال هات
موسى >> تي شن في من ورانا
~
~
منعم >> فريده ؟؟ شن في ؟
فـريده >> ما يردش عليا و ع أساس قالي ما تمشيش لجامعه عشان فيها جو مش تمام و كلمتني أروى قالت كان غادي 😭
منعم >> اكيد عشان قصة الرساله من أمس مش مطمن
فـريده >> قصدك عارف الموضوع انت ؟
منعم >> أها ، عموما تو نشوفه وينه و ما تخافيش
فـريده >> خليه يكلمني ع طول 😭
منعم >> تم تم / سلام
>
>
>
منعم >> صبو فيش تراجو
سالم >> شن في بس ؟
موسى >> فهمنا ازح
منعم >> سالم سلاحك معاك ؟
سالم >> في السياره قاعد
موسى >> فيها سلاح القصه
منعم >> تي هيا أزف و رنو ع عمران و سفيان
ركب منعم سيارته و لحقوه موسى و سالم و هما مش فاهمين شي
~
~
~
لما طلعت من الجامعه نقالي كان قريب يفصل شحن و حطيته في شحن السياره و كان صامت
مازلت في طريق الجامعه لأنه زحمه و شفت سياره من أول ما طلعت و هيا ورايا
تي شن في طريق ربي واسعه كان لاصق فيا
>>
>>
>>
احمد >> ها يا حسام ، تي الطريق زحمه تقول بنغازي كلها طالعه و معش عرفنا انوقفوه
حسام >> هذه فرصتكم رد بالك يريح منك هكي و لا هكي :/
أحمد >> اهو درس تشاو تشاو
حسام >> اوكي
~
~
درست ع اليمين عشان شايب كان يشيرلي // ركبته و طلعنا و السياره مازالت ورايا
الراجل >> ايش اللي يضوي هضا ؟
انا >> اووو نقالي كنت ناسيه بكل
كريته من عند الخيط و لقيت منعم ران قريب 10 مرات و فريده 20 مره O.o شن صاير بسم الله
و انا مازلت ماسكه رن منعم
انا >> ايواا
منعم >> كنك ما ترد يا &$*/*$ ضروري تحرق دمي يا نعن *$&/*$ باهي
انا >> كنك يرا ؟ شن في أزف ؟
منعم >> وين قاعد ؟
انا >> في الطريق
منعم >> أي طريق ؟؟
انا >> طالع من عند قاريونس بس زحمه
منعم >> شن كنت ادير في الجامعه ؟
انا >> جيت ع الوقت بس ما في حد
منعم >> فريده كلمتنا و مشغوله عليك
انا >> لقيتها توا رانه واجد تو نشوفها // و كيف كلمتكم ؟
منعم >> وينك بضبط تو انجيك
انا >> خرف هذا اللي ورايا سكن تي يمشي يمين و لا يسار :3
منعم >> في حد يضايق فيك في الطريق ؟
انا >> من أول ما طلعت و هوا ورايا
منعم >> اكيد هذوم متاعين الرساله ،، اكريم فتحلي رأسك باهي
انا >> باهي :D
منعم >> ما توقفش بكل و أمشي بيهم شور طريق المزرعه
انا >> عليش يرا ؟
منعم >> تي طحنه و جت بروحها // تو تلقانا في نص الطريق غادي
انا >> و الراجل اللي معايا ؟
منعم >> نزله ازح
انا >> تم تم
منعم >> هيا و خلي نقالك قدامك و يصير أي شي رن
انا >> اوكي باه
>>
>>
>>
سكرت من منعم و ما فهمتش ع شنو ناوي // مشيت مسافه و بعدها نزلت الراجل و السياره ورايا
مشيت شور طريق المزرعه و رن عليا منعم آخره
انا >> ها ؟؟
منعم >> شفتك توا خطمت من جنبنا // درس سيارتك ع أساس فيها حاجه عاطله
انا >> تم و يستر الله منك و خلاص :D
منعم >> قوي قلبك وراك رجاله :D
انا >> اوكي يا شاروخان :D
منعم >> وجك هي :D
>>
>>
درست سيارتي ع اليمين و ع طول السياره الاخره درست ورايا و نزلو منها 4 شباب
الشاب >> في حاجه يا خونا
انا >> مش عارف كنها وقفت بالك ناقصها اميه
الشاب >> شباب تعالو نساعدوه
انا >> لا صحيتو
الشاب >> عبد الكريم أها ؟؟
انا >> أن شاء الله ! تعرفني و لا شنو ؟
الشاب >> اكيد نعرفوك // و تاو حتي انت تو تعرفنا و معش إنسانا
و بدو يقربو مني و في لحظه جو منعم و موسى و سالم و عمران
هما انصدمو و منعم قعد يفرغ في الجو
انا >> صار مش ه ننساكم ؟
الشاب >> اوووو سلاح و حركات
منعم >> تو تشوف الحركات ع اصولهن يا ذكر
الشاب >> خليك راجل و حول السلاح و ورينا
موسى >> منعم ما فش داعي لدم
نزل منعم سلاحه و هد عليهم و كبرت الطحنه و هما انضربو و نحن انضربنا و في الاخير ركبو سيارتهم و هربو
مشينا شور المزرعه و اللي جاي علينا بالضحك مش عارف ليش :D
منعم >> هكي تريحت توا :D ليا زمان ما مسحت كبدي
موسى >> ريت يدك تي باهي اللي ما انكسرت
سالم >> يرا الضربه جت في وجي و بكرا ماشي للمدام
منعم >> نعليا يا بلبول انت :D
انا >> تو انجي انا
منعم >> ريح روحك خير ما يجو اخره
سالم >> باهي ممكن توا تشرحولنا شن في و من هذوم ؟
انا >> هذوم من طرف
منعم >> ما طرف حد // زمان اكريم متعارك و هذوم يبو يردو ضربتهم
موسى >> باهي و فريده ليش كانت خايفه ؟
منعم >> عليك تحقيق تي عارف البنات كان ما تردش عليهن يحسابنك متت
انا >> منعم
منعم >> سكرلي فمك تي و حق ربي مازلت مش ناسيها لك اني نرد و ما تردش يا &#/*$
انا >> بطل تفليم يا عيل :|
عمران >> يانا عليا يا راسي
منعم >> اشحط روحك و انت كيف الصبايا
انا >> سامحونا يا شباب
سالم >> مش بيناتنا يا حمار
موسى >> سالم مش ع أساس تبي ترن ع سفيان ؟
سالم >> أها ، لقيته مقفل
منعم >> وين مختفي حتي هوا
عمران >> هوآ فاضي لحد اصلا ، من موعد لموعد
سالم >> صدقت و الله
منعم >> خطرها ،، رن ع البنت من بدري تبكي
انا >> فريده ؟
منعم >> أها ، ع أساس فيه غيرها
انا >> كنك باه و انت قاعدلي ع الكلمه :/
منعم >> امشي رن باه :|
>>
>>
>>
صبيت و خشيت لدار اللي جوا و رنيت عليها
فـريده >> كووووووويس ااااااااانت 😭 ؟؟؟
انا >> ااااااهاااااا ما فيا ششششششي ااااااس تبكيش يا روحي
فـريده >> وينك هذا كله 😭 من بدري نرن عليك و انت تبيش ترد عليا ليش هكي بس 😭
انا >> ما كنتش فاطن بس ،، خلاص مش قصدي تي معش تبكي
فـريده >> خفت عليك و كلمت أميره و خذتلي رقم موسى من رحمه عشان نوصل في حد من أصحابك و يشوفوك 😭
انا >> نجك ليا و خلاص ،، و حق ربي طلعتي اصليه بكل
فـريده >> نموت كان يصيرلك شي راه 😭
انا >> بعيد السو عليك و كان ما تبطلش بكاء نزعل منك بجد
فـريده >> لالا خخخخخخلاص آهو بطلت
انا >> ما تخافيش يا قلبي و مش ه يصير إلا اللي كاتبه ربي
فـريده >> ربي يحفظك و يخليك ليا
انا >> و أنت كذالك :D
فـريده >> نعم :D
انا >> منعم جا جنبي :D
منعم >> كذالك صار :D
انا >> اطلع و رد الباب وراك :D
منعم >> طالع بس نبي نقولك حاجه
انا >> قول سقدنا :D
منعم >> البنت اللي تكون خايفه عليك هكي و تبكي عشانك و ادير أي شي عشان توصل فيك ، رد بالك تخسرها يا بورفيق :))
طلع منعم و انا مركز مع كلامه و صوت فريده تحكيلي و انا مش مركز بكل
فـريده >> اكريم وين رحت ؟
انا >> معاك معاك
فـريده >> باهي ما قتليش أمتي عرس منعم ؟
انا >> اليوم كم في الشهر نحن ؟
فـريده >> 4
انا >> خلاص عرسه يوم 30 أن شاء الله
فـريده >> أن شاء الله ربي يهنيهم
انا >> آمين و أجمعين
فـريده >> باهي شن جوك :D
انا >> تمام و انتي :D ؟؟
فـريده >> لما نسمع ضحكتك نقعد تمام :P
انا >> نعليا و خلاص
فـريده >> باهي ما نبيش نعطلك توا و شوف صاحبك و لما تروح تو نحكو
انا >> نجيها اللي تفهم في الجو // خلاص يا عويناتي اول ما نروح بعدين تو نكلمك
فـريده >> تم يا بيبي
انا >> قلبي يدق لما تقولي يا بيبي را :D
فـريده >> خلاص معش نقولها :D
انا >> لا ياريت تقوليها ديما :D
فـريده >> هيا باي باه :D
انا >> سلام <3
>>
>>
>>
سكرت منها و قعمزت مع الشباب شويه و بعدها طلعت انا و موسى للحوش
~
~
أميـره >> عادل خطرها نبي نحكيلك موضوع
عادل >> نعم يا سمحتي
أميـره >> مش عميمه كانت تبي تخطب ل عصام
عادل >> أها ،، كانت تبيك انتي :D
أميـره >> يعني عصام ما يحبش وحده أو هكي
عادل >> لشنو تبي توصلي ؟
أميـره >> جاوبني قبل ،، مازلتو تبو تخطبوله ؟
عادل >> أها / امي مازالت ادور لأنه تبي عرسنا مع بعضنا
أميـره >> نعرف بنت تهبل بكل ، شن رأيك تحكي ل عصام ؟
عادل >> و من تطلع البنت هذه ؟
أميـره >> . . .
