فـريده >> آلو // اكريم ؟
انـا >> ايووووا // من معايا !
فـريده >> انا ديدا يا أكريم
انـا >> منوووو // فريده صاححح ؟؟
فـريده >> أها أها
انـا >> أن شاء الله خير شن في ؟
فـريده >> نبيك تساعدني في موضوع لو تقدر
انـا >> تفضلي احكي ؟
فـريده >> اختي عندها مشكله و لو عرف خويآ مش ه يسكت و ما عرفتش شن اندير و الموضوع تبيله راجل اصلا
انـا >> و انا معاك احكي !
فـريده >> اختي كانت متعرفه ع واحد من الفيس و ع أساس يحبها و الجو هذا
انـا >> تمام و بعدها ! " و مستغرب كيف انها تحكيلي هكي عادي "
فـريده >> ع العموم قعد يبي يشوفها و هيا ما قدرتش قعد يقنع فيها آدز صورها
انـا >> لالا " في لحظه حسيت أميره اختي مكانها و اضايقت ع البنت بدون ما تكمل القصه "
فـريده >> اليوم بعد روحت لقيتها تبكي و قالت يهدد فيها معش عرفت شن ندير " و صوتها تبكي 😭 "
انـا >> فريده تبكي و لا شنو ؟
فـريده >> لالا بس مش عارفه كيف نتصرف
انـا >> شن اسمه و وين يقرأ و لا وين يشتغل ؟
فـريده >> اسمه منذر و مواليد الـ 95 رآه
انـا >> تمام تعرفي وين يسكن ؟؟
فـريده >> تو نسأل دوسا لحظه بس
انـا >> باه نراجي فيك
"
"
فـريده >> دووسا وين يسكن منذر ؟
سنـدس >> عليش ! 😭
فـريده >> تي هيا قولي عشان اكريم يساعدنا
سنـدس >> في السلماني
فـريده >> باه تمام
"
"
انـا >> تمام سمعتها
فـريده >> مش عارفه كيف حكيتلك بس حسيت روحي كأني نعرفك من زمان
انـا >> ما تركزيش بس نبي رقمه عشان نعرف نتواصل معاه
فـريده >> يعني ه تحكيله ع اختي و لا كيف ؟
انـا >> غير هاتي الرقم بس
فـريده >> حححاضر شويه بس
خذت الرقم من أختها و عطاته ليا ، يمكن صاح البنت وثقت فيا و مش ه نقعد عيل معاها
كتبت الرقم و رنيت عليه
انـا >> السلام عليكم )) منذر معايا ؟
منـذر >> أن شاء الله )) تفضل ؟
انـا >> قتلك يا منذر نبي نتلاقى معاك في أقرب مكان !
منـذر >> و عليش :3 !،
انـا >> لما نتلاقو تو تعرف
منـذر >> من انت اصلا ؟
انـا >> انا عبدالكريم
منـذر >> مرحبا بيك يا عبد الكريم و تفضل كان تبيني
انـا >> انا قاعد قريب من قهوة البوسكو
منـذر >> تمام بكل و انا في نص الحدائق
انـا >> تجيني و لا نجيك ؟!
منـذر >> خليك عندك تو نجيك انا
انـا >> خلاص تم تلقاني راكب في تاكسي
منـذر >> تمام 10 دقايق و نكون عندك
>>
>>
>>
سكرت منه و قعدت نفكر انا شن دخلني أساسا عشان نحط روحي في مشاكل هكي ؟! ،
البنت لا نعرفها لا تعرفني ليش نرد عليها اصلا :3
مش ضارني غير طيبتي الزايده !؟ :/
و انا مقعمز في السياره قعد حد يدق ع الروشن ، قلت اكيده هذا هوا
كان شاب عادي بس من شكله سنكووووح و شلتت بكل
