كنت قريب من الحوش و اذكرت قصة العصير و مشيت خذيته من المحل و طلعت شور الحوش
و لما وصلت شفت سيارة عماد قاعده و كنت ناوي نمسح بيه الوطا
فتحت باب الحوش و انا خاش شفت فريده O.o و شفتها مع عادل في المربوعه O_o ?
عادل >> الموضوع يقعد بيناتنا
فـريده >> خو أسماء جا خلاص اسكت
بحتت فيهم نظام شن اللي قاعد نشوف فيه !! O.o
عادل >> خير يا أكريم
انـا >> لا خير لا سو ؟ شن قاعد ادير هنا ؟
فـريده >> كنت نعطي فيه في القهوه
انا >> انتي ما حد حكى معاك انظني ؟ كيف الحوش مالش حرمه و لا شنو ؟
عادل >> فريده خشي جوا
انا >> ندويلك يارا و لا مش مالي عينك
خشت فريده تجري جوا و تبكي
أسمـاء >> ديدا كنك ؟
سنـدس >> شن في ؟
فريده >> اكريم و عادل 😭
أميـره >> حي صوت اكريم عالي
أمي >> حي عليا شن صاير
#
#
#
عادل >> تي غير أفهم شن في بس و انت ديما منفصل
انا >> تبي اتصيع انت و بنت عمك ما تجيبهش هنا ؟ حوشنا محترم فاهم ؟
عادل >> عيب يا أكريم
انـا >> انت تعرف العيب اصلا
عماد >> احترمنا باهي
انا >> اوووو جا اللي داير روحه راجل
عماد >> راجل غصبن عنك
انا >> لا باين انك راجل تصدق ! راجل لدرجة جاي انت و خوك هنا و داير مواعيد و نم
أسمـاء >> اكريم ، عماد كان جاي ياخذني بس كنك
انا >> أها باهي و خوه ؟ جاي عشان يقابل بنت عمه ؟ قعد فندق الحوش
أسمـاء >> مش فاهم شي تي اسكت خلاص
عماد >> جيبي ادبشك و هيا
انا >> ما عندها وين ماشيه
أميـره >> اكررررريم أجري بابا يبيك
طلعت من المربوعه نجري و مشيت لدار لقيته يحاول انه يقعمز و عيونه مدمعات
انا >> تريح يا باتي ، شن تبي و انا انجيبلك
باتي >> شن الهرجه اللي برا
انا >> لالا ما في شي
باتي >> نسمع فيك صوتك عالي
انا >> لا غير هكي نبصر مع عماد و عادل
باتي >> أميره امشي كلمي عماد
أميـره >> حاضر
انا >> غير شن تبي فيه بس ؟
باتي >> ساعدني نقعمز
انا >> حاضر حاضر
>>
>>
>>
أميـره >> عماد يبيك بابا
أسمـاء >> تعبان ؟
أميـره >> مش عارفه
عماد >> وين قاعد ؟
أسمـاء >> تعال معايا
أميـره >> معلش يا بنات ع اللي صار
سنـدس >> سوء التفاهم ديما يصير عادي
فـريده >> دوسا تعالي شويه جوا
أميـره >> ردي بالك رآه ترني ع خوك
فـريده >> معش فيها يا أميره يعني قلة احترام بعد هكي عمري ما شفت
عادل >> امسحيها في وجي
فـريده >> مش شورك انت يا عادل بس شفته كيف يحكي
أميـره >> هذا طبعه اكريم لما ينفصل معش يشوف قدامه
فـريده >> سامحيني بس هذا مرض رآه
أميـره >> زودتيها شكلك 😒
عادل >> حتي انتي يا ديدا ما لقيتي تحكي ع اكريم إلا قدام أميره
أميـره >> ديدا ! O.o
سنـدس >> ديدا دلع فريده
فـريده >> دوسا مش قتلك نبيك " و كرت أختها من يدها و خشت جوا "
