روحنا للحوش و أول ما خشينا سمعت امي تحكي و تقول
امي >> و الله اظهري رايح امتعبني من الحوش و أميره دوبها دوب قرايتها و اكريم ما يبيش يزوج عشان تكون في وحده تساعدني
انا >> مع من تحكي ؟؟!!
امي >> مع اختك مع من يعني
انا >> أها باهي سلملنا عليها
امي >> حتي هيا تسلم عليكم
أميـره >> عطيها ليا
امي >> شن صار في الامتحان قبل ؟؟
أميـره >> يهبل و حليته كله
امي >> باهي الحمد لله
أميـره >> خير يا اسميوا
أسمـاء >> خير خير كنت نسأل في ماما عليك اكيده جاوبتي صاح ؟
أميـره >> طبعا طبعاً
أسمـاء >> باهي كويس // شدي روحك في باقي المواد
أميـره >> أن شاء الله
أسمـاء >> ع فكره عادل ركب فوق و قالي أميره في الامتحان توا :D ؟
أميـره >> و بعدها :D
أسمـاء >> قتله أها بس قريب تروح
أميـره >> امممم
أسمـاء >> اكريم معاك ؟
أميـره >> أها
أسمـاء >> هذا ليش مش عارفه تحكي :D
أميـره >> باهي اللي فهمتي :D
أسمـاء >> عموما قالي اساليها شن صار معاها
أميـره >> تمام
أسمـاء >> نمشي انطمنه عاد :D
أميـره >> باه :D
أسمـاء >> اوكي
أميـره >> اوكي
>>
>>
>>
امي >> كنها ؟
أميـره >> حتي هيا تسأل ع الامتحان
امي >> أها / باهي خشي غيري ادبشك عشان تتغدي بدري و تخشي تقري
أميـره >> ما عندش نيه نبي نمشي انكمل اصلا قاريتها كلها مازالي كم صفحه بس
انا >> تريحي شويه باه
أميـره >> بعد نكمل تو نرقد
انا >> باه
امي >> اكريم تبي غدا انت ؟
انـا >> لالا نبي نرقد بس
امي >> باه
انا >> امي مضايقه عشان اديري بروحك ؟
امي >> لالا
انا >> عندي حل را ؟!
امي >> تبي تفرحني و تتزوج ؟؟
انا >> انجيبلك خدامه تساعدك و تريحي :v
امي >> كلا انت ضروري تحرق دمي تي أمتي تتزوج و نشوف عيالك
انا >> مازال بدري خلينا نشوفو عيال أسماء قبل و بعدها انا ساهل :D
امي >> هذا فيش فالح كل حاجه واخذها بهزوه
انا >> باهي خاش نرقد شويه
امي >> عدي
>>
>>
>>
خشيت لدار و اذكرت اني نسيت نقالي في السياره و تنبلت اني انصبي انجيبه و رقدت
~
~
فـريده >> تي هذه 5 مره نرن عليه كنه ما يردش -_-
سنـدس >> بالك مش فاضي
فـريده >> كان مش فاضي رآه عطاني مشغول اصلا هوا يقولي لو انتي مش فاضيه و نرن عليك ديريلي مشغول عشان ما ننشغلش و قتله حتي انا نفس الجو
سنـدس >> تي وسعي بالك كنك تحكي بسرعه :D
فـريده >> زعمك صايرتله حاجه ؟؟ لا لا بعيد السو عليه :((
سنـدس >> و قعدنا نخافو عليه حيحي :D
فـريده >> دوسا امشي من قدامي باه -_-
سنـدس >> خلاص باه :D باهي دزيله مسج
فـريده >> دزيتله مسجين بس ما عبرنيش
سنـدس >> كنتو متعاركين ؟
فـريده >> لالا عند أمس جونا كويس
سنـدس >> رني ع أسماء باه و لا أميره
فـريده >> نقوللهن كنه خوكن ما يردش مثلا ؟ :3
سنـدس >> جيبيه بطريقه مش مباشره يا ذكيه
فـريده >> زعمك !؟
سنـدس >> جربي و خلاص
فـريده >> و حق ربي خايفه تكون صايرتله شي حاجه :((
سنـدس >> رني بس ع أميره
فـريده >> باه / / آهو الخط يضرب
>>
>>
>>
فـريده >> آلو // خير يا أميره
أميـره >> اهلين فريده
فـريده >> كيف حالك ؟
أميـره >> الحمد لله كيف حالك انتي ؟
فـريده >> تمام // كيف حال هلك و اكريم ؟
أميـره >> كويسين O.o :D
فـريده >> أها باهي
أميـره >> في حاجه ؟؟
فـريده >> لالا غير قلت نسأل عليك
أميـره >> أها سلمك
فـريده >> قاعدين في الحوش ؟
أميـره >> أها ؟؟ في حاجه ؟
فـريده >> من الأخير نبي نسأل ع اكريم ! صايرتله حاجه ؟
أميـره >> شن تقولي انتي :o كنه اكريم ؟؟
فـريده >> تي لالا انا نسأل فيك !
أميـره >> راجي نشوفه
فـريده >> خليك معايا ع الخط باهي
أميـره >> باه
> >
> >
> >
طلعت أميره من دارها و معاها نقالها و جت ل داري
أميـره >> آهو قاعد في داره غير خوفتيني :/
فـريده >> يعني ما فيه شي ؟؟
أميـره >> لالا قاعد راقد آخره
فـريده >> تمام معليش سامحيني ع الإزعاج
انا >> اميره فيش اديري هنا ؟؟ كنك امصبيه فوق راسي O.o ؟
أميـره >> لا غير نشوف فيك قاعد و لالا
انا >> أها / باهي مع من تحكي ؟
أميـره >> مع بنت عم عماد :/
انا >> فرررريده ؟؟ " و صبيت من مكاني "
أميـره >> أها فريده و اهي مازالت ع الخط
انا >> هاتي هاتي " و خذيت النقال من يدها "
فـريده >> 😭
انا >> فريده !! اووووي كنك ؟؟! شن في ؟!!،
و فجأه الخط فصل ؟! عطيت النقال ل أميره و طلعت لسياره و ركبت خذيت النقال و لقيت مكالمات منها و مسج مكتوب فيه " اكريم طمني عليك من بدري نرن و بجديات انشغلت " و الاخر مكتوب فيه " اكريم شن في ؟ يا رب ما يكونش صاير معاك شي "
مش عارف ب شنو حسيت لحظتها !!؟ شعور غريب و أنه في حد خايف عليا هكي و مشغوله عليا ل الدرجه هذه ؟؟؟!
قعدت نرن عليها و تبيش ترد و نرن نرن عند فتحت الخط
فـريده >> تحكيش معايا فاهم ؟!! 😭
انا >> حقك عليا ،،، تبكيش اسسس
فـريده >> ما في حاجه إلا و ما جت ع بالي و مشغوله عليك و انت راقد 😭 😒
انا >> و الله نقالي كان في السياره حتي كان راقد را فطنت ل رنتك
فـريده >> معش نبي نكلمك بكل خلاص 💔
انا >> معقوله !! لدرجه هذه خفتي عليا !!
فـريده >> ما خفتش عليك اصلا غير يعني قلت نسأل عليك بس
انا >> خلاص حفظتك انا را :v
فـريده >> نبي نسكر مش فاضيه
انا >> تم يا ديدا خوذي وقتك و لما تفضي تو نحكو
فـريده >> شن قلت ؟؟ O_o
انا >> قتلك لما تفضي تو نحكو
فـريده >> لا لا اللي قبلها ؟؟ تم يا شنو ؟؟
انا >> أها قتلك تم يا فريده :D
فـريده >> أها -_- باه هيا تشاو :3
انا >> تشاو :D
>>
>>
>>
هبله البنت هذه :D يعني صاح مغروره شويه و شخصيتها قويه بس فيها حاجه كويسه و هيا ما تبيش اتبينها ! !؟ ديما اتحب تبان أنها قويه و ما حد يهمها ؟؟! ف الفتره القصيرة هذه بس عرفت شخصيتها كويس
موسى >> اووووي شن قاعد ادير هنا ؟؟
انا >> لا غير كان عندي مكالمه
موسى >> مع هذك السمحه :D
انا >> باهي تحشم ع وجك يا حيوان :3
موسى >> تغار أها ؟؟ :D
انا >> حول باه انخش نشرب القهوه
موسى >> تعال اشربها عندي قاعده واتيه
انا >> اووو غريبه :D اكيد تبي حاجه صاح ؟
موسى >> متعارك مع رحمه و مش عارف شن ندير
انا >> خرف :D
موسى >> هيا بس
نزلت من السياره و خشيت معاه لحوشهم و قعمزنا في المربوعه و خش يجيب في القهوه
انا >> تعال شوف نقالك
موسى >> هيا هي
جاني فضول انبحت و نشوف من يرن و لقيتها وحده امخزنها لكبيده :/
استكيت بكل :| تي كيف صار ؟؟ عرفتها ع طول مش رحمه لأنه مش جونا نخزنو البنات هكي !!؟
معناها هذه وحده آخره و لا شنو ؟؟!
ما نعرفش عليش عطيت البنت مشغول :3
جا سي موسى و حط السفره و لما شاف النقال في يدي / وجه قعد ألوان ألوان
انا >> هذا نقالك و خوذه و من اليوم لا انت رفيقي لا نعرفك !! " و صبيت "
موسى >> اكريم اقعد !! تي و الله أفهم قبل بس // اكريم راجي أزف ؟؟! نحكي قاعد ؟؟! اكريم !!! يا اكررررريم ؟؟؟!
طلعت من المربوعه و ركبت السياره و طلعت من الشارع ع طول
قعد يرن عليا و ما رديتش عليه لدرجه خبطت النقال في الدرج و طاحت من البتاريه
برمت شويه و عارف انه الشباب في المزرعه و مشيتلهم غادي
سالم >> اوووو اكريم جيت
انا >> السلام عليكم
الشباب >> و عليكم السلام
سفيان >> غريبه مش جاي معاك موسى !؟
انا >> معش تحكولي عليه خير ما انصبي حتي من هنا ؟؟!
منعم >> وسع بالك شن صاير ؟
انا >> خرف أزف
عمران >> لا شكله فاصل رسمي فوتوه
سالم >> لحظه انجيب دخاني من السياره و انجي
سفيان >> جاي معاك حتي انا
>>
>>
>>
سفيان >> رن عليه خلينا نفهمو شن صار ؟
سالم >> الخط مش علق ازح
سفيان >> راجي تو نجرب نرن من عندي
سالم >> باه سقدنا قبل ما يطلع
سفيان >> اهو يرن
سالم >> تعال اركب السياره و افتح السبيكر
~
~
موسى >> ايوا !!
سفيان >> موسى وينك ؟
موسى >> في الحوش قاعد
سالم >> شن صاير بينك و بين اكريم ؟؟
موسى >> كيف جاكم غادي ؟؟
سفيان >> أها توا كيف خش
موسى >> باهي تمام
سالم >> شنو اللي تمام ؟؟ تي فاصل ع الأخير
موسى >> رنيت عليه و ما باش يرد
سفيان >> متعاركين ؟؟
موسى >> لا هوا بروحه
سالم >> كيف بروحه ؟؟ يعني بدون سبب
موسى >> لا في سبب بس ما يستحقش انه يدير هكي و يقولي من اليوم لا انت رفيقي لا نعرفك
سالم >> لدرجه هذه ؟؟!
سفيان >> ما قال هكي إلا و الموضوع كبير !؟
موسى >> عشان نحكي مع بنت وحده آخره :3
سفيان >> ههههههه :D و هوا شن دخله :/
موسى >> عشان رحمه بنت المنطقه و حاسبها كيف أخته و كيف يعني ندير هكي ؟! هوا ما حكى شي بس شاف البنت و هيا ترن و بعدها طلع
سفيان >> يا عليك حاله
سالم >> لا معاه حق و نقانك انت تافه خزي و تحكي فيها اخره :3
موسى >> خرف انت الآخر -_-
سالم >> وجك وجك خاش جوا انا
سفيان >> فوتهم و عيش حياتك :D
>>
>>
>>
امي >> ميرو رحمه جت // تفضلي تفضلي
رحمه >> أسفه يا عمتي // عارفه انه أميره عندها امتحانات بس نبيها في حاجه
امي >> معقوله يا بنتي // الحوش حوشك تفضلي
أميـره >> خير خير :*
رحمه >> نبيك في حاجه ع السريع
أميـره >> تعالي ل داري
~
~
~
أميـره >> جرتك باكيه صاح ؟؟؟ :o
رحمه >> يخون فيا يا أميره 😭
أميـره >> شنوووو ؟؟ كنك بس ؟؟؟!
رحمه >> هذك اليوم بنت خالتي خذت نقالي و تشوف في صور موسى
أميـره >> تمام و بعدها ؟؟
رحمه >> قالتلي نقدر انطيحه في يومين
أميـره >> باهي ؟؟
رحمه >> قتلها مستحيله ! و قعدت تضحك و تقولي هاتي الرقم و تو تشوفي
أميـره >> و عطيتيها الرقم يا غبيه ؟؟؟
رحمه >> كنت واثقه فيه ما نحسابش ايمشي معاها في الجو 😭
أميـره >> تي ليش تبكي ؟؟ عشان واحد واطي نفس هذا :3 -_-
رحمه >> قهرني عطه ما يقهره :(( :'(
أميـره >> ربي تو ياخذلك حقك منه غير ما تحرقيش دمك عليه ! :((
رحمه >> جتنا و فرحانه و اتوري فيا ف مسجاته و تقولي شن رأيك :'(
أميـره >> هالحيوان هذا :'(
رحمه >> حقير :'(
أميـره >> أها بكل :'(
>>
>>
>>
عمران >> اكريم تبي حاجه تشربها ؟
انا >> كان في قهوه ؟؟ راسي صداع بكل
عمران >> باه
منعم >> خلاص أفرد وجك
انا >> جو تمام جو تمام
منعم >> رنيت عليك قبل ما اتجي بشويه بس لقيتك مقفل
انا >> خبطت النقال و انظني معش يصير منه
سالم >> وسع بالك باه
انا >> لا بالي واسع
سفيان >> في حاجات شخصيه المفروض مش أي حد يدخل فيهن
انا >> انت بذات كان ما اتغم فمك انوض انحط دره كبدي فيك فاهم ؟؟!
سالم >> صلو ع النبي انت وياه
انا >> عليه الصلاة والسلام
سفيان >> تي شن دخلك فيه انت ؟؟ يحكي مع 2 و لا حتي 10 ؟؟
انا >> زمر ! قيسه يوم اصلا
منعم >> سفيان يرا ريحنا
سفيان >> تي يحط في روحه في حاجات مش شوره
انا >> يرا مش ه اتريح عند تنضرب و لا شن موضوعك ؟؟!
سفيان >> كذا اضرب صبي هيا
عمران >> اوووي اووووي شباب ازح شن في
سالم >> باهي احترمونا ؟ أكبر منكم را ؟؟! تو اتخبطو انتو الاثنين في رؤوس بعضكم ! -_-
منعم >> يا خطير :D
سالم >> تي و الله مش عارف بيش يفهمو :/
انا >> نروح احسن
سفيان >> هذا فيش فالح انت كل ما تصير قصه اتصبي
انا >> مش ه نرد عليك باهي !!،
سفيان >> لا رد و لا خايف ؟؟!
عمران >> سفيان اسكت عاد انت الآخر
منعم >> طالع مع أكريم نغيرو جو و تو انجو نتعشو هنا
>>
>>
>>
طلعت مع منعم و هوا ما كنش عارف القصه و حكيتله اللي صاير و هوا معايا و نفس وجهة نظري لأنه هوا فاهم شن معنى الحب و شن معنى يخون اللي يحبها !!؟
قعدنا نبرمو شويه و قعد هوا يشوفلي في النقال عند داره
منعم >> في مسج جاك بالك من فريده :D
انا >> مش ناقصك حتي انت را :D
منعم >> غير شوفه من منو بس :D
انا >> هات
خذيت النقال و كان المسج بالفعل من فريده و كانت كاتبه . . .
