تقول في كلامها و الدموع ينزلن من عيونهن بشكل غريب و فريده تبكي ع بكاء أختها
أسماء تبحت فيا و كأنها فهمت حاجه غلط نفس اللي في بال سندس
برمت ل سندس و نبي نفهمها و نسمع صوت حاجه طاحت
برمت و فريده تعيط و لقيت أسماء في الوطا
مسكت أسماء و رفعتها و نزلت نجري بيها
قابلني لوطا عادل و مش فاهم شي و ينادي فيا و انا طلعت بسرعه شور المستشفى
عادل >> شن صاير ؟ كنها أسماء ؟
فـريده >> مش عارفه
سنـدس >> فجأه طاحت
عادل >> عماد مش قاعد لو يعرف أنه صارلها حاجه مش ه يصير خير
فـريده >> زعمك ل أي مستشفى خذاها
عادل >> نخش نكلم امي و نمشيلهم
فـريده >> حتي انا
عادل >> باهي باهي
خش عادل جوا و حكى ل أمه و طلعو بسرعه و معاهم سندس و فريده
#
#
#
وصلت للمستشفى و خشيت بيها بسرعه
خذوها مني و خشو بيها شور الإسعاف
الممرضه >> شن تقربلها انت ؟
انـا >> خوها
الممرضه >> في الشهر الكم اختك ؟
انا >> و الله ماني عارف // لحظه بس
مشيت في نهاية الممر و رنيت ع أميره
أميـره >> آلو
انا >> أميره بنسألك ؟ أسماء في الشهر الكم ؟
أميـره >> في السابع ! بس عليش ؟
انا >> لا نسأل بس
مبروكه >> يانا عليا وينها أسماء شن صار فيها ؟؟
عادل >> اكريم طمنا شن في ؟؟
أميـره >> اكريم ؟ صاير معاكم شي ؟
انا >> شويه و تو نرن عليك
سكرت منها و مشيت للممرضه و قتلها // قعدت تبحت فيا و معش فهمت شن في و ليش تسأل اصلا !
قعدت عمتها تبكي و دايره قصه و انا نقوللها مش ه يصيرلها شي
مبروكه >> مازلنا ما فرحنا بيهم ياناعليا عليك بخت
عادل >> وسعي بالك يا أمي الناس تبحت فيك
فـريده >> أن شاء الله ه تكون بخير
انا >> أن شاء الله أن شاء الله
رن نقال عادل و مشى من جنبنا و نحن نراجو في الدكتوره تطلع
>>
>>
>>
أميـره >> عادل شن صاير معاكم ؟ كنها أسماء ؟
عادل >> مش عارف بس داخت فجأه و كان اكريم عندها و جابها للمستشفى
أميـره >> حي علينا 😭
عادل >> تي كنك تبكي ؟ ما فيها شي يا هبله
أميـره >> و ليش اكريم يسأل في الشهر الكم
عادل >> يسألو عادي عشان يعرفو موعد الولاده بالك
أميـره >> تو نرن ع اكريم ايجي يأخذنا
عادل >> ما فش داعي اتجي
أميـره >> اختي هذه رآه ! عموما سلام توا
عادل >> سلام
#
#
#
طلعت الدكتوره و مشينالها كلنا
انا >> شن صار ؟ كويسه هي ؟!
الدكتوره >> ه تخش توا لغرفة العمليات بس ما تخفش أن شاء الله ه تكون كويسه هيا و البيبي
انا >> ما فهمتش را
الدكتوره >> ضروري نديرلها العميله توا لأنها لما طاحت و داخت الجنين توقف عليه الأكسجين
انا >> يعني في خطر عليها ؟ فهميني لو سمحتي
الدكتوره >> مش اول وحده تجيب في الشهر ال 7 ما تحطش في بالك شي و ادعيلها بس
خشت الدكتوره آخره و رنت عليا أميره و عرفت أنها عارفه القصه بس ما ركزتش ع الموضوع و مشيت للحوش و جبتها هيا و أمي
قعدنا كلنا نراجو و امي تدعي و أميره تبكي
و بعد نص ساعه جا عماد و طالق حسه و يهزب
كبرت عقلي و مشيت من جنبه و خليته يفترش براحته
شويه هكي و طلعت الممرضه و قالت إنه العيل كويس بس ه يقعد في الحضانه
عماد >> و اسماء ؟؟ مراتي شن صارلها ؟
الممرضه >> كويسه ما تخفش بعد ساعه ه نطلعوها لدار و تقدر تشوفها عادي
امي >> الحمد لله الحمد لله
عماد >> نبي نشوف اولدي باهي
الممرضه >> تعال معايا
خش عماد معاها و انا نبرم في الممر و خلاص
فطنت ل سندس أكثر من مره تبحت فيا بنظره غريبه
معش قدرت نمسك روحي و بحتت فيها اني نبي نحكي معاها
مشيت من قدامها و لحقتني و صبينا في آخر الممر
سنـدس >> نعم تفضل ؟
انا >> نبي تفهمي أنه انا ما نلعبش ع اختك ؟ و نبيها و شاريها و ه تكون مراتي فاهمه ؟
سنـدس >> طالما تبيها مراتك فيش تراجي ؟ كنك ما تجيب هلك
انا >> عارفه الظروف اللي صارن عندنا و بعدين تقريبا عارفتيني ما عندش فيه جو اني نلعب ع بنت و فريده امفهمتك من قبل
سنـدس >> تحبو بعضكم و لا لا هذه حاجه مش شوري بس انك اتجي في حوش اختك و ادير طروح و جو هذه هيا اللي ما تجيش و لا شن رأيك انت ؟
انـا >> ما صارش بيني و بينها شي و في النهايه عندي أخت حتي انا
سنـدس >> مش ه نتناقش في الموضوع هذا آخره و الأيام ه تثبت نيتك و كلامك
انا >> خلاص الأيام بيناتنا و تو تشوفي
سنـدس >> تم
#
#
#
قعدنا مصبين شويه و بعدها طلعو أسماء لدار عآديه و خشينا عليها كلنا إلا فريده قعدت برا
أسمـاء >> الله يسلمكم
أمي >> حاسه روحك كويسه ؟
أسمـاء >> الحمد لله
أميـره >> مشيت شفت البيبي و يهبل بكل 😍
عماد >> طالعلي اصلا
أمي >> يتربى في عزكم
عماد >> آمين يا رب
أسمـاء >> سندس وين اختك ؟
سنـدس >> تقريبا في الحمام
أسمـاء >> كذا تعالي سقميلي المخده
سنـدس >> حاضر
جت سندس جنب أسماء و حكتلها حاجه و بعدها انا طلعت ندور في فريده
انا >> ديدا
فـريده >> نعم " و قعدت تمسح في دموعها "
انا >> كنك ما خشيتي ؟
فـريده >> لا غير ما نبيش ندير زحمه
انا >> كنهن عيونك هكي ؟ كنتي تبكي ؟
فـريده >> لالا غير نمسح في عيوني عشان جرتهن ميك اب
انا >> كنك مضايقه باهي ؟
فـريده >> شي ، كيف حالها أسماء توا ؟
انا >> كويسه و تسأل عليك
فـريده >> نبي نروح ، وين عادل
انا >> مضايقه عشان اللي صار ؟
فـريده >> مش عارفه كيف نبي نحكي مع سندس و كيف نحط عيني في عين أسماء
انا >> ما تحطي شي في رأسك و سندس انا حكيت معاها و اسماء عارفتني اني نبيك
فـريده >> اكريم انك تبيني مش ب الدوه بس راهو تبي فعل
بحتت فيها و شفت عادل طالع مع أميره من الدار و وخرت من جنب فريده و مشيت شورهم
انا >> كنك طالعه ؟
أميـره >> نبي نجيب شويه حاجات من الكافتيريا وصتني عليهن أسماء و عادل قال ما تمشيش بروحك
انا >> تو نمشي انا معاك
فـريده >> عادل تقدر تروح بيا غير ما نبيش نشغل هلي
عادل >> تمام باه
فـريده >> أميره كلميلي سندس من جوا
أميـره >> حاضر
خشت أميره و فريده قعدت تمشي شور الباب
عادل >> كنها مضايقه ؟
انا >> و انا شن عرفني
عادل >> في حاجه بينك و بينها صاح ؟
انا >> شن خطرلك تسأل السؤال هذا
عادل >> باين عليكم اصلا
انا >> ما تركزش و ما فش شي
عادل >> اضحك ع روحك بس ملاحظ من فتره فريده كيف تغيرت للاحسن و كيف يبان ع وجها لما تشوفك و كثرة جيها عندنا و انت بالصدفه اتجي في نفس اليوم
انا >> ل شن تبي توصل ؟
عادل >> رد بالك عليها بس
سنـدس >> وين فريده ؟
عادل >> طلعت و هيا حتي انتي
سنـدس >> باه
أميـره >> اكريم نمشو ؟
انا >> جيت هي
مشيت مع أميره و نفكر في كلام عادل ،، يعني لدرجه هذه واضح انه في شي بيناتنا ؟
و واضح لهم انها تغيرت ؟ كيف هي كيف كانت من قبل ؟!
قاطعتني أميره و هيا تقولي كملت و هيا نردو لدار
ردينا و لما خشينا جوا سمعنا أم عماد و هيا تحكي مع امي
مبروكه >> الشقه و كملناها شن نراجو اخره
أمي >> مازال بدري ما عندنا ليش مستعجلين
مبروكه >> عاد و الله مش عارفه شن نقولك ، نبي نفرح بعيالي و عصام كلم وليته و اتفقو و في أي وقت عادي
أمي >> نحكي مع أكريم قبل و بعدها ساهل
انا >> خلاص يا أمي ، خلي بس انفضو من قصة أسماء و بعدها تم
مبروكه >> الله يريح قلبك يا اوليدي
انا >> تو نحكي مع عادل و نتفقو
مبروكه >> خلاص أن شاء الله
>>
>>
>>
بعد يومين طلعت أسماء من المستشفى و قعدو هلي يوتو في حاجات الحفله اللي يبو يديروها لها بما انه اول عيل يكون علينا نحن
مشى الشهر في لمح البصر و انا من المحل للحوش و من الحوش للسوق و من السوق لحوش أسماء
و عشان العيل جا تعبان شويه ف قعد الشهر كله في المستشفي
و يوم اللي داروله خروج درنا الحفله و كانت عائليه
الحفله كانت في حوش عرب أسماء لوطا مش في شقتها
يومها قعدنا كلنا للعشاء و مع الساعه 10 صبى سيف ع أساس يروح ب هله
عادل >> مازال بدري خلوكم
سيـف >> معش فيها ، قاعدين من الظهر هنا
عماد >> ع أساس قاعدين في حوش حد غريب
سيـف >> ورايا عمل بكرا و نبي نشيل سندس عشان أوراق الجامعه
عماد >> أها / خلاص كان هكي تمام اربحو
عادل >> خلي فريده تساعد امي
سيـف >> تو نشوفها قبل
طلع سيف من المربوعه و خش جوا
سيـف >> سندس قولي ل امي هيا
سنـدس >> راجي نكملو المواعين
سيـف >> وين ديدا باهي ؟
سنـدس >> مع أسماء يسبحو في البيبي 😍
سيـف >> قوليلها كان تبي تقعدي باتي و بكرا انجيك
أمي >> كنت نبي نقوللها اقعدي مع أميره
سيـف >> خلاص باه
شويه هكي و روح سيف ب هله و انا قعدت انادي في امي من برا
عادل >> خش ما في حد عادي
انا >> لالا ، خش كلمها ليا
عادل >> أهي جت
امي >> نعم
أنا >> كان كملتو هيا عشان ما نحصلوش في الزحمه
عادل >> تي هيا وين ؟
انا >> نروحو :v
عادل >> ما عندكم وين ماشيين تو تباتو و ساهل بكرا تروحو ع ضي نهار
انا >> لالا ما يصير شي
امي >> أميره مازالت حايسه في الكوجينه و مازالت تبي اتضم الشقه فوق و اسماء تبي تغير مكان الصالون
انا >> عليك قصه ، باهي باتو فوق و بكرا الصبح انجي
عادل >> ما تخفش يالهبل و بعدين اقعد حتي انت تو نسهرو و نديرو جو و حركات
انا >> جو ايش ؟ :D
أمي >> ما عندك وين ماشي حتي انت خليك معانا
انا >> مرايف ع الشباب ليا فتره معش شفتهم
امي >> لاحق عليهم
سكنتلي امي عند قتلها باهي تو نقعد ،، ردينا للمربوعه و كانت مقابله الدروج
شويه هكي شفنا فريده ركبت فوق مع أسماء و بعدها قعدت تنادي في عماد
فـريده >> عمااااد يا عممممماد
عادل >> مش قاعد ، كنك ؟
فـريده >> وينه ؟ تبيه أسماء
عادل >> مشى للمحل يبي يجيب شوية حاجات و امطول قال
فـريده >> عليك موضوع
عادل >> شن في ؟
فـريده >> نبي انحط صالون المربوعه في الصاله بس ثقيل ما قدرتش و اسماء قالتلي كلمي عماد و لا خوها
عادل >> خوها آهو قاعد :v
فـريده >> خلاص قوله تبيك أسماء
عادل >> يسمع فيك و قالك باهي :v
انا >> فوتني يرا
عادل >> عيب عاد
انا >> عدي انت
عادل >> لا ما نقدرش ، خطيبتي تغار عليا :D
انا >> اوووو :D باهي قول ل عصام
عادل >> عصام غاطس في الحب قدام الباب
#
#
#
عصام >> أها روحو ، بس قاعدين هلها
رحمه >> أها عارفه اصلا ميرو كلمتني
عصام >> باهي خلينا نردو لموضوعنا الأول
رحمه >> هههههه قتلك خلاص تم غير نطلع و نبدأ نشري بس
عصام >> أمتي تبي تطلعي باهي ؟
رحمـه >> مش عارفه اصلا ما فش حد عشان يشيلني بس تو نتفق مع أميره
عصام >> خوذي لونه اصفر
رحمه >> تحب الأصفر ؟
عصام >> أها و خصوصاً عليك ه يطلع مش طبيعي 😍
انا >> شن هوا اللي مش طبيعي ؟ 😂
عصام >> أمتي جيت انت ؟
انـا >> من عند الأصفر :v
عصام >> امشي من جنبي باهي
انا >> ضايقتك يعني ؟ :D
عصام >> أها :D
انا >> باه آهو مشيت :D
عصام >> آلو ، حبي معايا ؟
رحمـه >> صوت اكريم هذا ؟
عصام >> أها
رحمه >> حي قصدك عارف انك تحكي معايا ؟
عصام >> و شن فيها ؟
رحمه >> أميره ترن // نشوفها و بعدها نحكو
عصام >> ما اطوليش بس
رحمه >> حاضر
عصام >> نرايف عليك را
رحمه >> خلاص تم :D
~
~
~
ركبت فوق و لقيت فريده مقعمزه في الصاله
انا >> وينها أسماء ؟
فـريده >> في دارها
انا >> تمام باه
خشيتلها جوا و قالت تبي متاع الصاله في المربوعه و متاع المربوعه في الصاله و قعدت اترقد في ولدها
طلعت و بديت اندف في الصالون
فـريده >> نساعدك ؟
انا >> لالا صحيتي
فـريده >> متغير تقريبا صاح !
أنا >> لالا عادي
فـريده >> لك فتره فايتني و نقول في عقلي مشغول عشان أخته بس خلاص كملت المناسبه
انا >> حولي مرات يخبط فيك الصالون
قعدت ندف في الصالون عند المربوعه و هيا تبحت فيا و في عيونها كلام واجد بس ما عطيتهش فرصه تحكي شي
قعمزت ع الوطا و عيونها يمشن معايا يمين و يسار
حطت رأسها ع الساس و غمضت عيونها ، كان واضح عليها التعب
مش عارف ليش قربت منها ، كنت مرايف ع ملامحها و هيا هاديه و ساكته هكي
حست ب انفسي قريب منها و فتحت عيونها فجأه
صبيت بسرعه و كملت و نزلت لوطا مع عادل و حطيت راسي ع المخده داير روحي نبي نرقد
بس اليوم الوحيد اللي ما كنتش قادر فيه اني نغمض عيوني
صورة فريده قدامي ، صوتها في وذني ، ضحكتها ، حركاتها لما تغار و دموعها لما ما تقدرش تشرح شن تبي
كل شي فيها نحبه و قررت اني نحكي معاها ،، صبيت طلعت برا و قعدت نرن عليها بس ما تردش
جربت نكتبلها أكثر من مسج بس نوصل في نص الكلام و نرد نمسحه
ما نعرفش نعبر على مشاعري ب المسجات اصلا
راجيت عند ما طلع الصبح و ركبت فوق و فتحتلي أميره
انا >> وين فريده ؟
أميـره >> بسم الله صبح يا فتاح كنك ؟
انا >> وينها بس ؟
أميـره >> كانت راقده بس من 10 دقايق نزلت لوطا بالك تبي تروح
انا >> باهي
جربت رنيت عليها آخره بس ما ردتش و قالتلي أميره انها مسيبه نقالها في الصاله
نزلت لوطا و ما عرفتش شن ندير و كيف نحكي معاها
طلعت ل الجنان متاعهم و الجو كاين سمح بكل
برمت بحتت و لقيتها مقعمزه عند العشب
مشيت شورها بسرعه تقول ليا سنه مش شايفها و لحظتها تأكدت من اللي نبي نقوله لها
فـريده >> شن جيبك هنا انت ؟ 😳 تخيل حد ينوض و يشوفنا يحسابو في شي حاجه بيناتنا
انا >> كيف ؟ قصدك ما في شي بيناتنا ؟
فـريده >> ع حسب جوك أمس أها ما في شي
انا >> رنيت عليك أمس كنك ما رديتي ؟
فـريده >> حطيته في الشحن و معش دورته
انا >> باهي نبي نقولك حاجه
فـريده >> نعم تفضل ؟
أنا >> . . .
