نوريه >> تذكري يوم اللي جرحاتك ؟ و رأسك ه نردها لها
عايشه >> نوريه عشان خاطري باهي // مش عشانها هيا عشان اكريم
نوريه >> كان اكريم يهمك لازم يعرف و يشوف كل حاجه / تبيه يقعد مخدوع فيها ؟
عايشه >> وين ماشيه ؟؟ نوريه خلي الظرف هنا // نووووريه
<
<
<
عايشه >> اكريم // هاك الفلوس " صوتها تنادي فيا من الصاله "
انا >> هيا لحظه بس " سيبت اللي في يدي و خشيت جوا "
عمتي >> عويشه رايح جوك سمح معاه
عايشه >> امي فكينا منها الدوه هذه
مسعوده >> الراجل أمه ميته و انتي تبي اتلصقيله بنتك
عمتي >> يا داخل بين البصله و قشرتها :/
نوريه >> بكل يا عمتي ناس ادك في خشمها في حاجات مش شورها
انا >> وين الفلوس ؟!
عايشه >> هذين اللي لقيتهن " و مدتهن ليا "
انا >> تمام " خذيتهن منها و برمت نبي نطلع "
نوريه >> اكريم راجي شويه
انا >> نعم
نوريه >> لقيت الظرف هذا في دارك قلت مرات فيه حاجه مهمه
انا >> ظرف شنو ؟ " و خذيته منها "
#
#
#
بسمه >> ها يا سامو شن صار معاك ؟؟
حسام >> من أسبوع دزيتهن مع حسن و عند توا ما فش أي خبر
حسن >> اللي عليا درته رغم أني مش مقتنع و مش عارف كيف طاوعتكم
بسمه >> غير بلاش طروح انت
حسام >> ماشي للعلوم انا
بسمه >> راجي نمشي معاك
حسام >> تمشي معايا ؟؟ هههه تحسابي روحك من مستوانا عشان اتجي معانا ؟
بسمه >> و كنها تغيرت معاملتك ؟؟
حسام >> كانت بيناتنا مصلحه و الموضوع انتهي // وجك يلا
>
>
>
مش عارف ليش حسيت بحاجه غريبه و كأنه حد يقولي ما تفتحش اللي في يدك
فتحت الظرف و هنا كانت الكارثه // شن اللي قاعد نشوف فيه ؟! فرررريده هذه ؟؟! صوووور فريده ؟؟!!
كيف و وين و شن اللي جابهن هنا ؟؟! قعدت نبحت و تنحت
الصور قعدن يطيحن من يدي و انا مش مستوعب شن اللي قاعد نشوف فيه
انقلبت وحده من الصور ع الوطا و كان في عليها كلام
طبست خذيتها و كان مكتوب " الف مبروك و هذه هدية الخطبه أن شاء الله تعجبك بس "
حطيت أيديا ع وجي و ما فش غير حسام جا ع بالي و هوا الوحيد اللي يبي يدير أي شي عشان المشكله اللي صار بيناتنا
جت أميـره تجري و طبست اتلم في الصور و بعد شافتهن قعدت تبكي
الكارثه الأكبر انه وحده من الصوره كانت صوره ل فريده و حسام و شكلها في الجامعه
نقانها ظلمت عندي بزياده و خالتي و عمتي يبحتن فيا و يبن يعرفن شن اللي في الصور
انا >> كنكم اتبحتو ؟؟! كملت المسرحيه هيا كل حد يمشي لحوشه
عمتي >> كنك يا أكريم احكيلي يا اولدي
نوريه >> شن طلع فيه الظرف ؟
انا >> أميره خلي الخرا في الوطا اللي كيف هذا ما تستاهل حد يطبس يلم اصورها
دفيت الباب و خشيت داري و عزقت روحي ع السرير و ادموعي ينزلن
مش عارف ليش نبكي أو شن السبب بضبط بس نبكي و خلاص و انا في الدار نسمع في أميره تحكي برا
~
~
~
أميـره >> أها صور لكي بس مش عارفه من اللي جايبهن
فـريده >> صور ليا ؟؟ صور شنو بسم الله
أميـره >> صور من عرس و صور شكلهن في الجامعه و معاك واحد
فـريده >> شنوووو ؟؟؟ شافهن اكريم ؟!!
أميـره >> أها شافهن " و في اللحظه هذه كريت منها النقال "
انا >> من غيري شايفهن عاد ؟!!
فـريده >> اكريم خليني نشرحلك
انا >> شن تبي تشرحي ؟؟ انا وحده نفسك تضحك عليا ؟؟ تي كيف كنت غبي و صدقتك بس
فـريده >> عيب الكلام هذا و لازم نشوفك عشان نحكو
انا >> هوآ بعد اللي شفته مازال فيه دوه اخره ؟ بس الصراحه طالعه سمحه را بالقفطان الأسود
فـريده >> اكريم 😭
انا >> هه و تبكي آخره ؟ خلي دموع التماسيح لحد اخر
أميـره >> اكريم أفهم منها بس
انا >> أن شاء الله نلقاك تحكي معاها مره اخره بس !؟ " و سكرت في وجها "
~
~
~
سنـدس >> كنك تبكي ؟؟ ديدا شن في ؟؟
فـريده >> خسررررته خلاص 😭
سنـدس >> منو هذا ؟؟ تي خوذي نفس بس
فـريده >> اكريم ضاع مني شن نبي ندير بدونه بس 😭
سنـدس >> شن صايرله ؟؟
فـريده >> يقول صور ما صور و انا و حسام 😭
سنـدس >> ما تقوليش الصور اللي زمان كانن عنده ؟!
فـريده >> شكلهن أها 😭
سنـدس >> بطلي بكاء بس و اتصلي بيه
فـريده >> كيف نبي نرن و القصه أكبر من هكي 😭
>
>
>
قعدت مقعمز قدام الباب و شفت موسى و جا قعمز جنبي
موسى >> شن اخبارك اليوم ؟
انا >> نقولو الحمد لله
موسى >> الحمد لله ع كل شي
انا >> انت شن داير هالايام ؟
موسى >> أهو يمشي الجو
انا >> باهي كويس
موسى >> كنك ؟ حاسس انك تبي تحكي حاجه بس مش قادر
انا >> لالا ما في شي /
موسى >> متأكد ؟!
أنا >> شن يبي يكون صاير أكثر مني اللي صاير
موسى >> خليها ع الله
انا >> و نعم بالله
موسى >> عربكم يبو يروحو شكلهم
انا >> طريق جدي هذك
موسى >> تو نمشي للحوش و بعد يمشو تو انجيك
انا >> تم
~
~
كانو يطلعو في حاجاتهم // صبيت خشيت للمربوعه و حاسس راسي يبي ينفجر )) الموضوع أكبر مني و منها و مش ه نقدر نسامحها في حاجه كيف هكي ،،
خشيت للحمام توضيت و طلعت نصلي و قعدت ندعي " يا رب يكون هذا كله حلم // يا رب ، يا رب لو يجيني زهايمر مش قادر نتحمل هذا كله
و انا ندعي جت جنبي أميره و قعمزت
أميـره >> يا رب ريحه و هدي باله يا رب " و دموعها ينزلن "
انا >> تكسري فيا بدموعك هذين
أميـره >> حتي انا مكسوره و مش ه نتحمل حتي انت يصير لك أي شي
انا >> مش ه يصير شي
أميـره >> تعال ارقد في دارك خلاص معش في حد
انا >> باهي اللي روحو
أميـره >> عويشه و نوريه بس مازالن
انا >> و اسماء ؟
أميـره >> مشت اتجيب في دبش ل حمادي من حوشها و تو اتجي
انا >> خليها تقعد بالمره غادي اصلا قعدتها و مشيتها واحد
أميـره >> رآه تسمعك و تزعل
انا >> تزعل و لا تنحرق هيا الاخره
أميـره >> هي الاخره ؟؟ تصدق الأولى فريدة صاح ؟!
أنا >> الموضوع هذا انتهى و معش تحكي فيه و مش وقتها الدوه هذه اصلا
أميـره >> عارفه أنها مش وقتها بس كيف انتهى ؟؟
انا >> 2 خطبو و بعدها ماصارش نصيب )) مش واعره انظني ؟
أميـره >> لا واعره و واعره و نص آخره // شن قاعد تحكي بس
انا >> نبي نخش نرقد و انسيها القصه هذه بكل
<
<
<
و انا خاش جوا خبطت في نوريه اللي كانت ماده وجها و تسمع في كلامنا
انا >> بالك تكبري ع هالحركات هذين :/
نوريه >> لا كنت نبي أميره بس
عايشه >> اكريم نديرلك حاجه تأكلها ؟؟
نوريه >> أها اكيده جعان
انا >> ما عندش نيه و نبي نرقد يعني أن شاء الله نسمع شي صوت بس
نوريه >> سكر الباب وراك
عايشه >> أميره نقالك يرن تعالي
سيبتهن يحكن و خشيت لدار
#
#
#
أميـره >> منو ؟
نوريه >> راجلك
أميـره >> آلو
عادل >> من بدري نرن عليك كنك ما تردي ؟!
أميـره >> كنت مع أكريم و الموبايل جوا
عادل >> باهي انجي نروح بيك ؟؟
أميـره >> و تروح بيا عليش ؟
عادل >> رحمه و روحت و اسماء جت حتي هيا
أميـره >> أولا رحمه في النهايه جارتنا مش اختي و بعدين أسماء تبي اتجيب حاجات و اتجي
عادل >> باهي العزاء و كمل ليش مازلتي تبي تقعدي ؟؟
أميـره >> من جدك انت ؟؟ تي كيف نبي نسيب اكريم بروحه
عادل >> سيورك ه تروحي لحوشك
أميـره >> عادل فاطن لروحك شن قاعد تحكي ؟؟ تي امي اللي ماتت و انت تقول حوشك و قطاف زايد
عادل >> حوشنا قعد قطاف ؟؟
أميـره >> أها !!
عادل >> تمام باه // تبي شي توا ؟
أميـره >> لالا // سلام
~
~
نوريه >> وسعي بالك يا أميره
أميـره >> مافيهاش وسعة بال
عايشه >> صاح معاها حق تي خوها كيف تسيبه
نوريه >> طبعا انتي حاجه شور اكريم ضروري رأيك يقعد معاهم
عايشه >> بالك تبطلي براده
أميـره >> حي فريده ترن // نرد و لا شنو ؟!
عايشه >> ردي حرام اكيده مصدومه
نوريه >> ما ترديش // تو كان يسمعك اكريم يديرلك شي مشكله / و بعدين بعد كل اللي صار مازالت ترن يا عليك برادة بنت
أميـره >> بس اللي مازلت مش فاهمته كيف وصلن الصور هنا // و من اللي عنده مصلحه يدير هكي
نوريه >> اكيده اللي معاها في الصوره )) واضحه اصلا
عايشه >> بالك يحبها و مازال يبيها هذا ليش ما يبيش اكريم يأخذها
أميـره >> من يوم ما عرفتها و هيا بنت كويسه ، لا حول ولا قوة إلا بالله
#
#
#
سنـدس >> ها ؟؟ ردت ؟؟
فـريده >> لالا 😭 اكيده خايفه من اكريم
سنـدس >> تي ليش تبكي مازلتي ؟؟ اللي فاتك فوتيه
فـريده >> انتي أكثر وحده عارفه اكريم شنو بالنسبه ليا تي كيف نفوته
سنـدس >> كنه ما عطاك فرصه عشان تحكي ؟ باهي من ما يغلطش ؟؟ ع أساس هوا نازل من السماء ؟؟ و ماهو زمان انا صارلي هكي و هوا اللي حل الموضوع معناها في نظره انا بنت مش تمام عند توا ؟!
فـريده >> نبيه انا 😭
سنـدس >> ما فش إلا أنك تمشي تشوفيه و تحكيله كل حاجه
فـريده >> اكيده أها // صاح بكرا نمشي نشوفه و نحكيله هوا يحبني و ه يسامحني عارفته ،، سندس ه يسامحني صاح ؟؟ يحبني اصلا و انا نموت بدونه
سنـدس >> خلاص اسسس معش تحكي هكي
#
#
#
وفاء >> محمد نبي نحكي معاك شويه
محمد >> نكمل الأوراق اللي في يدي و انجي
وفاء >> الموضوع مش متحمل تأجيل
محمد >> قعمزي // شن في ؟؟
وفاء >> فريده مش عاجبتني
محمد >> كنها ؟؟
وفاء >> من بدري نسمع فيها تبكي و مش قادره نمشي نسألها بس متأكده انه القصه وراها هذا اللي اسمه اكريم
محمد >> الراجل أمه دوبها متوفيه // يعني مش في حال يدير مشاكل
وفاء >> البنت كان ما تبكي ع أمها و لا باتها ه تبكي ع اللي تحبه و خايفه تصيرلها شي حاجه // تي اصلا انا مش موافقه عليه من الأساس
محمد >> كذا كلميها ليا
وفاء >> باهي
#
#
#
سنـدس >> صوت مسج في فونك // بالك اكريم
فـريده >> وينه الفون اصلا
سنـدس >> أهو
فـريده >> O.o
سنـدس >> شن في ؟؟
فـريده >> شوفي بسمه شن كاتبه !
سنـدس >> " صار فرحانه بالخطبه ههههه بس لما خطيبك يعرف علاقتك مع حسام تحسابيه يبي يتمسك بيك ؟ اشربي يا سمحه هي "
فـريده >> 😭
سنـدس >> يعني القصه متخططلها // تي لازم اكريم يعرف
وفاء >> لازم يعرف شنو ؟؟
سنـدس >> لا شي
وفاء >> كيف شي ؟؟ و اختك كنها تبكي ؟؟
سنـدس >> زعلانه مازالت ع أم اكريم
وفاء >> باهي باتك يبيك لوطا
فـريده >> نبي نرقد توا
وفاء >> احكيلي انا باهي / شن صاير معاك ؟
فـريده >> مش صاير شي ، تعبانه و نبي نرقد
>
>
>
نوريه >> أميره العشاء واتي هيا
أميـره >> تعبتي روحك انتي و عويشه
عايشه >> ما فيهش تعب
نوريه >> عويشه عدي كلمي اكريم عشان يأكل معانا بالمره
عايشه >> باه
أميـره >> يا ريت ايجي له كم يوم ما يأكلش كويس
~
~
~
عايشه >> اكريم واعي ؟؟! " و أدق ع الباب "
انا >> واعي خشي
عايشه >> العشاء واتي و نراجو فيك
انا >> تعشو مانبش انا
عايشه >> كيف ما تبيش ؟ بتقعد هكي عند أمتي ؟
انا >> نعم ؟
عايشه >> شوف شكلك كيف قعد ؟ تقول ميت و بعدين كان ما جيتيش حتي نحن مش ه نأكلو راه
انا >> باهي شويه و انجي
عايشه >> ما اطولش " و برمت للصور اللي كانن ع الطاوله و طول الوقت عيني عليهن "
انا >> خليهن مكانهن
عايشه >> خليني نحرقهن و لا نعزقهن خير
انا >> لا ليش ؟ تو نبروزهن و نحطهن في الصاله // شن رأيك طالعه سمحه صاح ؟؟
عايشه >> اكريم خلاص
انا >> هيا اصلا سمحه بس شكلها في الصور أحلى " و مسكت الصور و نتفرج "
كنت قادر نمسك دمعتي بس الحرقه اللي في قلبي مش قادر اندسها
كان خاطري نعيط عندي نتريح // خبطت يدي ع قلبي و صبيت
عايشه >> اكريم ؟؟ كووويس انت ؟
انـا >> نقاني ماني كويس بس يلا
طلعنا برا و مشيت انا غسلت وجي و طلعت تعشيت معاهن
انا >> كنت نسمع فيك تحكي مع عادل بدري ؟
أميـره >> أها / كان يسأل علينا
نوريه >> لالا كان يبيها تروح
عايشه >> نوريه بالك تسكتي
انا >> كان تروحي خليه يجيك بكرا
أميـره >> لالا نبي نقعد معاك
انا >> شن تبي اديري هنا ؟
أميـره >> كيف يعني
انا >> خلاص اسمعي الكلام تو نرن عليه انا
نوريه >> طالما أميره ه تروح معناها حتي انا ه نكلم باتي
انا >> أها اتصلي بيه
~
~
~
قعدت طول الليل واعي و مافش فكره إلا و جت ع بالي // زعمك نكلم منعم و نحكيله بالك يساعدني ؟؟ و لا نمشي نقتل حسام و نتريح
نضت ع صوت أميره و هيا تقولي عمي جا يبي يأخذ البنات و حتي عادل برا
صبيت غسلت وجي و طلعت للمربوعه
<
<
<
سنـدس >> ديدا وين ماشيه ؟؟
فـريده >> كلمت سيف و قتله يشيلني غادي عشان نبي أميره // لازم عينه تكون في عيني و هوا يقولي انه اللي بيناتنا انتهى
سنـدس >> كبري عقلك و قعمزي
فـريده >> مستحيله بسهوله هذه بعد ما لقيت حب حياتي يمشي كل شي هكي
سنـدس >> باهي بس ما تبكيش قدامه
فـريده >> صوت سيف يبيب / هيا اوكي
>
>
>
عمي >> تبي أي حاجه كلمني
انا >> أن شاء الله
عادل >> كل يومين ه نبرمو عليه كون هاني يا عمي
أميـره >> اكريم دير بالك ع روحك باهي
انا >> ما تخافيش
طلعت أميره مع عادل و عمي قعد ينادي ع البنات
عمي >> كنهن طولن
نوريه >> جينا هيا هي
عايشه >> كنت انجيب في الشنطه
عمي >> عينك من روحك يا ليد و مش ه نطولو عليك
انا >> أن شاء الله
طلعن البنات من المربوعه و مشى عمي وراهن
انا >> عمي راجي
