انا >> بس نبي نقولك حاجه
فـريده >> اي شي تقوله مش ه يغير شي ! اللي بيناتنا انتهى !
أنا >> امسحي دموعك قبل بعدها قولي كل شي انتهى
فـريده >> ما نبكيش عليك ! نبكي ع روحي و ع اللي صارلي بسببك
أنا >> خوذي نفس و قعمزي بس
فـريده >> نبي نروح اصلا
انا >> عطيني فرصه نرد ع كلامك و نفهمك شن صاير معايا
فـريده >> تفضل هي !
أنا >> اول شي انتي عارفه انه سفيان كان مختفي و ما كنش فيا عقل عشان نلهى ب شي آخر ؟!
فـريده >> كيف ؟؟ O.o كيف مختفي !
أنا >> هذا مش موضوعنا توا ،، بس نبيك تعرفي لما نقصر معاك معناها الظروف اقوي مني
فـريده >> أها :/ باهي كويس
انا >> بطلي استفزاز :/
فـريده >> كملت كلامك باهي ؟
انا >> لالا ،، مازال في حاجه آخره
فـريده >> شنو ؟ :/
انا >> لحظه نشوف الباب
مشيت فتحت الباب و كانت رحمه ،، خشت و انا خشيت للمربوعه و ما لقيتش فريده
تي شن الحظ هذا اللي عندي -_-
>>
>>
>>
فـريده >> الحمد لله ، كيف حالك انتي ؟
رحمـه >> تمام و الله ،، لنا زمان عليك
فـريده >> ديما انا اللي انجي ل أميره
أميـره >> أن شاء الله نردوها لكي
فـريده >> أن شاء الله
رحمـه >> اكريم فتحلي الباب غريبه قاعد في الوقت هذا
أميـره >> كيف صار ؟ قصدك وصل !
فـريده >> لما رن الجرس كان هوا و بعدها جت رحمه
أميـره >> أها تمام ،، حكيتو مع بعضكم ؟
فـريده >> فش شي نحكو فيه اصلا
رحمـه >> O.o
أميـره >> كيف صار ؟
فـريده >> ما صار شي و مش ه يصير شي و عشان خاطري غيري الموضوع
أميـره >> تمام باه
فـريده >> كيف أسماء معش شفتها ؟
أميـره >> كويسه ،، كانت بايته عندنا
فـريده >> مازال موعدها
أميـره >> في السابع توا
فـريده >> ما شاء الله
أميـره >> خطرها ،، عصام يبي يدير مقابله أن شاء الله مع رحمه
فـريده >> عصام ولد عمي ؟
أميـره >> أها
فـريده >> ما شاء الله هههههه طيحتو العيله كلها :D
رحمه >> مازال ما فش شي رسمي و لا حاجه اكيده رآه
فـريده >> كويس عصام و مش ه تلقي خير منه
رحمه >> تسلمي و عقبالك يا رب
فـريده >> سلمك
~
~
نسمع فيهن يحكن و رنيت ع فريده بس ما ردتش و لا عدلت ،، خشيت عند باب الصاله و قعدت انادي
انا >> اميرررررره
أميـره >> نعم نعم
أنا >> جيبلي السوريه السوده من الدولاب
أميـره >> حاضر هي
~
~
~
أميـره >> رحمه خطرها عارفه من جايه تبي تقعد عندنا أسبوع
رحمه >> من ؟
أميـره >> عويشه :D
رحمه >> هههههه أن شاء الله يمشي الاسبوع ع خير بس :D
فـريده >> و عليش تبي اتجي ؟ يعني شنو المناسبة ؟
أميـره >> تبي تغير جو بس و قالت مكسده قتلها تو نقول ل اكريم يمشي يجيبك عندنا
فـريده >> أها ، باهي كويس
أميـره >> نعطيه السوريه و انجي
فـريده >> هاتي تو نشيلها انا
أميـره >> لا ما نبيش نتعبك
فـريده >> ما فيهش تعب عادي
أميـره >> تمام باه ، هاكي
>>
>>
>>
فـريده >> تفضل هاك
أنا >> شكرا بس انا كلمت أميره
فـريده >> هيا عطتها ليا -_-
انا >> باهي اطلعي قدام الباب لحظه عند نلبسها و نعطيك الاخره قوليلها اغسليها توا :v
فـريده >> باه
قعدت مصبيه عند الباب و انا حولت السوريه الأولى رغم أنه ما فيها شي غير ما لقيتش أي سبله ، لبست الاخره و هيا تبحت فيا
انا >> كيف ما قتلك قوليلها توا
فـريده >> أن شاء الله
أنا >> كنك تبحتي هكي شن في ؟
فـريده >> سلملي عليها باهي :/
انا >> يوصل بس منو ؟
فـريده >> عايشه قريبتك :3 اصلا واضح انك متغير عشان في وحده آخره في حياتك بس ما توقعتهش هذه
أنا >> نعم O.o ؟
فـريده >> زيد زيد استعبط :/ عموماً ربي يهنيكم
أنا >> تسلمي ❤
فـريده >> يعني في حاجه بينك انت وياها ؟؟
انا >> حاجه تخصني انا و ياها :v مش شورك لو سمحتي
فـريده >> تمام باه :|
قلبت وجها و برمت طلعت ،، جيت من عند الباب و نبحت فيها
لقيتها ماسكه السوريه و دموعها ينزلن و اضبطتها
ليش حكيت معاها هكي ؟ ليش ما عطيتهش السلسه ،، ؟ كني هكي بس ؟
>>
>>
>>
فـريده >> قالك اغسليها اكيده يبي يلبسها بكرا و هوا ماشي يجيبها
أميـره >> يجيب من ؟
فـريده >> عايشه
أميـره >> أها صاح :v اكيده هكي
فـريده >> المغرب يذن ،، نرن ع سيف
رحمه >> مازال بدري
فـريده >> لا خلاص ، مره آخره نطول أن شاء الله
أميـره >> اكريم ما عطاك شي مع السوريه ؟
فـريده >> لالا ،، حاجة شنو ؟
أميـره >> نحساب في حاجه آخره يبيني نغسلها
فـريده >> لالا عطاني السوريه بس
أميـره >> تمام
>>
>>
>>
قعدت في المربوعه و نراجي فيها عند تطلع عشان نعطيها لها ، بس رن عليا موسى و قالي تعالي للمزرعه بسرعه و سكر ع طول
طلعت برا و ما لقيتش سيارته ،، ركبت السياره و مشيتلهم
اول ما خشيت شفت سفيان مقعمز و وجه مضروب و حالته حاله
انا >> السلام عليكم O.o
الشباب >> و عليكم السلام
انا >> حمد الله ع سلامتک O_o
سفيان >> الله يسلمك
انا >> شن صاير معاك ؟؟
عمران >> لما قلت اكيد صايره معاه شي حاجه ما حد صدقني
منعم >> يستاهل و كان ما روحش و منظره هكي كنت انا ه نخليه اشر من هك
انا >> كملتو جو الألغاز اللي دايرينه ؟؟ 😒
سالم >> غير قعمز و خوذ نفس بس
منعم >> و انا ماشي
عمران >> ع وين ؟
منعم >> ورايا حاجات للعرس مش فاضي للعلب العيال متاعكم :/
انا >> باهي فهموني ازح شن صاير و تو نمشي معاك و نشوفو شن ناقصك
موسى >> خلي البطل يحكيلك
انا >> سفيان شن صاير معاك ؟ و ليش كنت في طرابلس ؟ و بدون ما تحكي لحد
سفيان >> و النبي خليني ساكت
عمران >> من أول ما جا ما حكش جمله مفيده ع بعضها
انا >> سفيان ،، تعال معايا جوا
سفيان >> داير روحك خايف عليا و تبي تعرف شن في ؟ عشان تشمت فيا ؟
انا >> و عليش نبي نشمت فيك أن شاء الله ؟!
سالم >> اكريم فووووته بس ما تعدلش عليه تو يسكت بروحه
انا >> لالا / المره هذه نبي نعدل و نبي نعرف ليش الجو اللي يدير فيه ؟
سفيان >> تبي تعرف ؟!
أنا >> أها !
سفيان >> اي شي يصير ! ضروري اكريم يتصلو بيه ! أي مشوار حتي لو اكريم مش شوره بس ضروري يمشي و يكون فيه ،، أي نقاش حتي لو اكريم هوا اللي غلطان لالا كلهم يصبو معاك و يجو ضدي انا !؟ و حتي لما كنت مضايق و صايره معايا مشكله ما قدرتش نحكي لحد ! عارف عليش ؟ عشان ما فش حد فاضيلي ! كلهم مع أكريم ؟ يرا كان مضايقكم لدرجه هذه معش ه تشوفو وجي بكل و المره هذه جت في عركه و المره الجايه اتجي في موتي و نتريح
انا >> O.o
منعم >> غير فكنا من دوة عيت حنه بس
كلنا سكتنا و انا معش عرفت شن نحكي ،، صبى سفيان و طلع ركب سيارته و مشى
الجو تكرهب و كلهم يبحتو فيا و يراجو فيا نحكي أي شي !؟
كلام فريده و توا سفيان معناها في حاجه و انا مش فاطن يعني مش معقوله الناس كلها غلط و انا الصح ؟
صبيت و طلعت و نسمع في الشباب ينادولي بس ما رديتش ع حد
ركبت السياره و قفلت نقالي و قعدت نبرم في البلاد عند الساعه 12 و بعدها روحت للحوش و لقيت سيارة منعم قدام حوش موسى
خشيت لحوشنا و جتني أميره تجري
أميـره >> ووووووين كنت هذا كله و نرن عليك مقفل !؟ 😭
انا >> ما في شي ،، كنك تبكي توا ؟
أميـره >> و حتي اللي ما يسمى جا يسأل عليك و قال لما يجي خليه يرن عليا و لا يجيني 😭
أنا >> باهي تو نمشي نشوفه و بطلي بكاء
أميـره >> نوتيلك العشاء باهي ! 😞
انا >> لالا ما عندش نيه ، هاكي حطيلي النقال في الشحن
أميـره >> باه 😞
انا >> و افردي وجك
أميـره >> ما اطولش باه
انا >> باهي
>>
>>
>>
طلعت و مشيت لحوش موسى و أول ما فتحلي قالب وجه
انا >> قالتلي أميره جيت سألت عليا ؟ شن في ؟
موسى >> خش جوا قبل
انا >> تالف من الصبح و نبي نرقد كان ما في شي خليني نمشي
موسى >> منعم جوا حتي هوا
انا >> أن شاء الله خير بس " و خشيت للمربوعه "
منعم >> قاعدين في حوش ناس و فيه عرب و ما نبش نمسح بيك الوطا باهي !
أنا >> باهي ! تبو حاجه توا ؟!
منعم >> هذا جوك انت ؟
انـا >> منعم و الله خالطه عندي و مش طايق روحي يعني مش ناقص مشكله توا
منعم >> ما هو العتب مش عليك
موسى >> كل واحد يبي يأخذ موقف من الاخر و لا شن نظامكم انتو ؟ :/
انا >> انا شاب ورايا عمل و ورايا حوش نصرف عليه و من يوم و غادي معش ه نفضى لشي غير هلي
~
~
~
طلعت و سكرت الباب ورايا ،، رغم أني عارف روحي دويت دوه مش وقتها و لا مكانها اصلا بس كنت متمزط و مش متحمل كلمه من حد
خشيت لدار و غيرت أدبشي و رقدت
>
<
>
منعم >> نمشي نكسرله رأسه توا !
موسى >> بالك صاير معاه شي حاجه و مضايق
منعم >> و من أمتي ندسو ع بعضنا نحن ؟
موسى >> أهو سفيان اول واحد دس علينا و انت عارف و انا عارف انه نص كلامه صاح و آخر فتره ما حد متحمل منه كلمه و يوم اللي تعارك مع أكريم كلنا صبينا ضده ، كيف ما اكريم صاحبنا حتي هوا صاحبنا
منعم >> تي كان نحكي ه نخربها عليهم كلهم لهم فتره كل واحد يلا نفسي ، ماهو حتي انا عرسي مازال عليه أسبوعين و نص ؟ حد فيكم جا و قالي بالك ناقصتك حاجه يا منعم ؟ يرا مش عارف شن صارلنا
موسى >> ضروري نقعدو مع بعضنا و اللي عنده حاجه ل الآخر يقولها عشان نردو كيف قبل
منعم >> مني انا مش ه نكلم و لا واحد فيهم و حريقه تحرقهم ع بعضهم :/
موسى >> انا تو نتصل بيهم بكرا
منعم >> يستر الله و خلاص // توا نبي نروح للحوش و يصير خير
موسى >> أن شاء الله
#
#
#
نضت تاني يوم و انا ناوي اني نتغير و اني ه نكلم فريده نعيدها و نتلقى مع سفيان و نعتذر منه
طلعت برا و ركبت لسياره و ولعتها و شفت موسى قدام الباب و جاني
موسى >> صباح الخير
انا >> صباحك ورد
موسى >> رايق و لا نتخايل !
أنا >> ما تنقش بس
موسى >> فاطن لروحك أمس شن فترشت مع منعم ؟
انا >> أها و عارف انه دوتي مش من قلبي يعني فاهمني هوا
موسى >> بس حتي هوا عنده مشاكل و ما يحكيش و ما حد فينا يدور فيه كيف ما هوا يدور فينا
انا >> شن تبي ع الصبح باه ؟
موسى >> نبو نتعشو اليوم في المزرعه و نفضو الدوه الزايده اللي صايره
انا >> نشوف شن ورايا و نكلمك
موسى >> حاول بس و انت في الليل ما عندك شي اصلا
انا >> نقولو تم ان شاء الله
موسى >> خلاص تم
>>
>>
>>
مشيت للمحل و استغربت لقيت سيف قاعد فيه
انا >> السلام عليكم
سيـف >> و عليكم السلام
انا >> ما شاء الله واعي بدري
سيـف >> ع خاطر ديدا ما هو قتلك عيد ميلادها اليوم و من أمس ما تريحتش بكل
انا >> ما شاء الله و أن شاء الله كل سنه و هيا طيبه
سيـف >> كان ما عندك شي العشيه تعال لحوشنا تحصل قطعة تورته ع حالك :D
انا >> ههههههه تو نشوف
سيـف >> فضي روحك ساعه حتي عماد و الشباب جايين
انا >> كيف تكلمو في العيله انتو ؟
سيـف >> عيت عمي بس ماهو العم الوحيد و باتي في كل شي يكلم فيهم
انا >> أها تمام
سيـف >> نراجوك أن شاء الله
انا >> أن شاء الله
سيـف >> خلاص نتلاقو بعدين
انا >> بإذن الله
طلع سيف من المحل و انا قعدت مقعمز و نفكر !؟ زعمك نمشي ! باهي هما عيله في بعضهم انا شن موقعي ! O.o
بس هيا زعلانه مني ممكن لو مشيت و تعرف اني جيت تفرح و يمشي الجو <3
~
~
~
قعدت عند الظهر و بعدها روحت للحوش ،، تغديت و درت روحي نبي نرقد بس ما قدرتش
رنيت ع عادل و قتله لما تبي تمشي قولي و قالي تم
مع العصر هكي صبيت خذيت دوش و توضيت و صليت
وتيت روحي و جوي تمام و خذيت السلسه في جيبي و مشيت شور حوشهم
وصلت غادي و لقيت سيارة عماد و سيارة عادل
رنيت ع عادل عشان يطلعلي ع أساس ما نبش نخش بروحي :v
طلعلي عادل و سلم عليا و بعدها طلع سيف
سيـف >> تي هيا تفضل
انا >> هيا هي
عادل >> متحشم شويه :D
سيـف >> الحوش حوشه ما عنده ليش يتحشم
انا >> تسلم تسلم
خشينا للمربوعه و كان عماد و عصام قاعدين ، مستغربين ليش انا جاي
#
#
#
سيـف >> سندس
سنـدس >> نعم
سيـف >> ديري فنجان قهوة ع السريع
سنـدس >> تي مش دوبني درت
سيـف >> اكريم جا
أسمـاء >> اكريم خويا ؟!
سيـف >> أها
فـريده >> تو نديرها انا
سيـف >> لالا انتي عيد ميلادك :D هيا سقدونا
سنـدس >> باهي
~
~
فـريده >> قلبي مش عارفه ليش يدق هكي بسرعه
سنـدس >> شفتي شفتي بعد كل اللي صار اهو جاي عند حوشنا
فـريده >> زعمك جاي عشان عارف عيد ميلادي و لا بالصدفه
سنـدس >> امشي من قدامي :D
~
~
قعدنا نهدرزو و بعدها سمعت صوت فريده تنادي في سيف
صوتها كيف السحر <3 هكي يخش لقلبي طول ، ناعم و هادي نفسها
صبى سيف و جاب سفرة القهوه و كان في تبسي مليان أنواع حلويات
شربت القهوه و بعدها طلع عماد يدخن برا و سيف خش يشوف فيهم
مش عارف كيف درت هكي و طلعت السلسه من جيبي و . . .
