كان منعم
انا >> صباح الخير
منعم >> صبي البس بسرررررعه
انا >> شن صاررررر ؟؟؛
منعم >> سفيان يا أكريم سفيان
انا >> كنه ازززززح ؟؟ احكي ؟!!!
منعم >> كلمني العقيد
انا >> و بعدها أزف !! احكي مره وحده :3
منعم >> في طرابلس قاعد
انا >> طرابلس ؟! كيف و امتي و ليش ؟!
منعم >> صبي صحصح بس و تعال غادي و تو نحكو
انا >> عطيني ربع ساعة و نكون عندكم
منعم >> و جيب السطل الآخر معاك
انا >> اكيد مازال راقد
منعم >> نوضه يرا :/
انا >> باه باه
~
~
~
سكرت منه و صبيت غسلت وجي و صليت ،، لقيت امي واعيه في الكوجينه
انا >> صباح الخير يا احسن أم في العالم
أمي >> صباح النور ع احسن راجل في الدنيا كلها
انا >> ما شاء الله متعلمه تردي :D
امي >> كنك واعي بدري :D
انا >> ورايا شوية حاجات ،، ديريلي فنجان قهوه عبال ما مشيت نوضت موسى
امي >> باهي
#
#
#
مشيت دقيت ع حوشهم و فتحلي باته ، و قالي خش نوضه انت لأنه مش ه يسمع من حد
توكلت ع الله و خشيت للمربوعه لأنه يرقد فيها
انا >> موووسى نووووض يا خرا
موسى >> مش قتلكم ما حد ينوضني ، سكري الباب يا بنت ال *#&$&# و اطلعي
انا >> تحشم يا حمار :D هذا انا اكريم
موسى >> اكرررريم O.o كنك شن في !
أنا >> كلمني منعم توا
موسى >> و عليش ؟
انا >> تي عشان سفيان
موسى >> لقوه ؟
انا >> نوض صحصح بس نمشي نشرب قهوه و نلقاك واتي
موسى >> تي ازح ساهر و راسي صداع
انا >> كنك واطي انت ؟ 😒
موسى >> أمتي الواحد يهج من ه البلاد و خلاص
سيبته يبرطم بروحه و طلعت للحوش و شربت القهوه
أسمـاء >> صباح الخير
انا >> صباح النور
أسمـاء >> طالع توا ؟
انا >> أها ،، في حاجه ؟
أسمـاء >> قبل نبيك توصلني لشقتي
انا >> و راجلك وين ؟
أسمـاء >> مش فاضي عنده عمل
انا >> حتي انا توا مش فاضي ، لما نكمل اللي عندي ساهل
أسمـاء >> باه تمام
انا >> امي طالع ،، تبي حاجه ؟!
أمي >> لالا نبي غير سلامتك
انا >> اوكي ماشي
>>
>>
>>
طلعت ركبت السياره و قعدت انبيب ل موسى عند ما طلع
موسى >> ع يومك و يوم صحبتك و يوم عرفتي بيكم كلكم باهي " اقروها بالشرقاوي المسكر مع تفنيصه 😂 "
انا >> باهي و بعدها ؟ 😒
موسى >> الواحد من يوم ما عرفكم و هوا لاورا
انا >> معلش سامحنا نبو نعطلوك ع الشركات و المصانع أها
موسى >> زيد تهزا
انا >> ما تبيش تعرف شن صار معاهم ؟
موسى >> كان مات را بانت في وجك ع طول
انا >> يا عليك فال ع الصبح
موسى >> شوف نقالك باه
~
~
انا >> صباح الخير يا غالي عليا
سالم >> يا رايق انت :D
انا >> نق نق خليها تخرب من الصبح :D
سالم >> لا أن شاء الله ديما هكي :D
انا >> نحن و انت أن شاء الله :D
سالم >> طلعتو و لا مازال ؟
انا >> في الطريق
سالم >> باهي و انت جاي جيبلي قرطاس دخان
انا >> تم باه ،، ما تبوش حاجه آخره ؟؟
سالم >> لالا غير سقدو
انا >> تم هيا وجك سيف انتظار
سكرت من سالم و رديت ع سيف
سيـف >> انتظاراتك و حركاتك صبح يا فتاح 😂
انا >> سالم يرا و انتو ديما عقلكم ماشي غادي 😂
سيـف >> باهي شن بنقولك ،، مازلت امطول بيش اتجي ؟
انا >> شن نقولك ،، و الله عندي هكي حاجه مع الشباب و بعدها انجي
سيـف >> تمام باهي اللي قتلي من توا
أنا >> كيف في حاجه ؟
سيـف >> قبل بنوصيك ع خاتم و طاقم نبيهن هديه ع أساس توتيهن ليا ،، بس مش مشكله بعدين تو نزرق ع المحل
انا >> مع الساعه 11 أن شاء الله نكون غادي
سيـف >> خلاص تم يا معلم
انا >> تشاو
> >
> >
> >
موسى >> كنه سيف ؟
انا >> يبي هديه من المحل ع أساس نوتيهن له
موسى >> ذهب ؟؟ O_o
انا >> يا ذهب يا فضه مش عارف ما وضحش
موسى >> و من هذه اللي يبي يهديها هكي :D
انا >> تي شن عرفني انا :D
موسى >> حظوظ يا سي :D
انا >> بطل حسد ازح :D
>>
>>
>>
نزلت لمحل في نص الطريق و خذيت دخان لشباب و شوية حاجات خفيفه يفطرو بيهن لأنه الحوش اللي غادي له يومين ما حد يجيب في شي
وصلنا للمزرعه و لقيت منعم مقعمز برا
انا >> السلام عليكم
منعم >> و عليكم السلام
انا >> كنك قاعد هنا ؟
منعم >> نشم في هواء
موسى >> تي هات الشكاير و انت تبي تعرف قصة حياته
منعم >> غير قول خير يا تافه
موسى >> خير خير يرا ساد طلعني من الحوش بلا فطور
انا >> خوذ و خش بلا صداع
موسى >> الصبر يا رب 😒 " و خش "
#
#
#
انا >> هيا احكيلي شن قصة طرابلس و كيف حصلتوه ؟
منعم >> تي عيل و خساره فيه حرق الدم
انا >> ليش ؟
منعم >> قبل احكيلي انت كنك ؟
انا >> ما كني شي
منعم >> تبي تعرفني فيك 😒 احكي يرا
انا >> جوي مش تمام انا و فريده
منعم >> ليش شن صاير ؟؟
سالم >> تعالو كولو يا اوووي
منعم >> هيا هي
انا >> خلينا نخشو توا و بعدين نحكيلك
منعم >> باه بعدك من أمس بلا وكال
انا >> صبي امالا
خشينا جوا و لقيت موسى يفطر و سالم يدير في قهوه
انا >> وين عمران ؟
سالم >> راقد جوا
موسى >> تو نكلمه
منعم >> لالا خليه ،، عند الصبح و هوا واعي معانا
سالم >> خليه يتريح شويه
موسى >> باهي ما حد فهمني شن صاير مع سفيان
سالم >> و حق ربي غير نشوفه بس تو نوريه المعيله شن شكلها
انا >> احكولنا من الأول
منعم >> رن عليا العقيد و قال لما دورو عليه و دارو اتصالاتهم طلع له 4 ايام ماشي طرابلس
انا >> تمام و بعدها ؟
موسى >> شن عنده غادي ؟
منعم >> كلم واحد يعرفه غادي و سأل عليه و طلع في فندق و الراجل تعب و حصل العنوان و دار اتصالاته عند حصله و قاله أصحابك مشغولين عليك و يا ريت تكلمهم
انا >> تمام بكل عند هنا
موسى >> و شن طلع شاغله ؟
سالم >> موعد
انا >> موعد عمل !
سالم >> عمل ! را نحط فيك دره كبدي
منعم >> قال ماشي يشوف في بنت متعرف عليها من النت
موسى >> العب :D
سالم >> و حق ربي قريب طلعتله من النقال
انا >> موعد غرامي يعني ؟ O_o لا باهي كويس
منعم >> الواحد ما عنده ما يقول
عمران >> بس صوته مش صافي " و طلع من الدار و جانا "
انا >> شن قصدك ؟
عمران >> في حاجه متأكد انا
سالم >> تي حاجة شنو و هوا أموره تمام
موسى >> أمتي مروح باه ؟
منعم >> قال في ه اليومين
موسى >> كان في حاجه تو تبان بعد ايجي
انا >> طالما ما في شي و اطمنا ، نمشي للمحل
منعم >> وصلني في طريقك
انا >> كمل فطورك
منعم >> الحمد لله شبعت
انا >> هيا باه
~
~
~
طلعت انا و منعم و ركبنا السياره و قعد يبحت في نقاله
انا >> شن في ؟
منعم >> نرن ع سالمه ما تردش
انا >> شوف الساعه اكيد راقده
منعم >> و بالك :/ ،، احكيلي باه شن صاير معاكم ؟
انا >> شي ، جو تمام
منعم >> جو تمام ؟؟ دوم يا سي :/
انا >> توا فضي عقلك و بالك ع العرس بس
منعم >> أن شاء الله
قعدنا نحكو و وصلته للحوش و مشيت انا شور المحل
#
#
#
أميـره >> صباح الخير
أمي >> صباح النور
أسمـاء >> باهي اللي نضتي يا حنه
أميـره >> كيف مازلتي قاعده انتي اصلا 😂
أسمـاء >> لزيني ؟ لا لزيني و خلاص
أميـره >> يا عليك نكد من الصبح
أسمـاء >> انا نكد ،؟ هذا اللي طلع معاك ؟
أميـره >> عارفه الحمل يخليك متحسسه بس مش هكي عاد O.o
أسمـاء >> اصلا نبي نروح من بدري غير اكريم طلع و عماد في العمل
أميـره >> يا عليك اوفر 😳 نزلي دمعتين بالمره 😂
أمي >> أميره خلاص ريحي روحك
أميـره >> حاضر يا قلبي 😘
>>
>>
>>
عادل >> ها شن رأيك يا أمي في الموضوع ؟
مبروكه >> فكرة أميره هذه ؟ :D
عادل >> أها
عصام >> :D
عادل >> لا قصدي أسماء
مبروكه >> هابا عليكم و خلاص
عادل >> موافقه صاح ؟
مبروكه >> كانهي بنت كويسه ، ليش لا ؟ تو في ه اليومين نحددو موعد و ربي يسهل
عصام >> أسماء ترن ، أن شاء الله خير
~
~
أسمـاء >> عصوم ، صباح الخير
عصام >> صباح النور
أسمـاء >> شن بنقولك ،، زعمك فاضي ؟
عصام >> شن في ؟
أسمـاء >> نبي نروح و اكريم طلع و عماد مازال امطول في العمل
عصام >> تمام باه ، وتي روحك و تو انجي
أسمـاء >> اجعني ما نفقدك
عصام >> مش بيناتنا عاد
أسمـاء >> مع السلامه
عصام >> سلام
~
~
عادل >> كنها ؟
عصام >> تبي تروح و ما فش من يجيبها
مبروكه >> و خوها وين ؟
عصام >> خوها مش ملزوم طالما عندها راجل 😒
مبروكه >> زيد زيد
عادل >> كان مش فاضي تو نمشي انا نجيبها
عصام >> فاضي و ما عندي ما ندير بس امشي يا سي 😂
عادل >> يعجبني انك فاهمني 😂
مبروكه >> ع شن ناوي انت وياه 😒
عصام >> شي غير هيا شن تبي اديرلنا غداء
مبروكه >> صبح الناس دوبها تفطر و انت تفكر في الغداء
>>
>>
>>
قعدت في المحل و الجو مكسد ،، قعدت نتفرج ع الخواتم و الطواقم و قلت في عقلي أمتي انجي انا نختار منهن ل فريده <3
عجبني واحد و قلت تو هوا نوريه ل سيف بالك يعجبه و هوا اللي يهديه عاد
~
~
~
أمي >> أميره ما تسمعيش في الجرس يرن
أسمـاء >> اكيده عصام هذا
أمي >> و كنه ؟
أسمـاء >> جاي يروح بيا
أميـره >> كل حاجه أميره أميره عليك قصه
امي >> تي امشي افتحي و لفي شعرك و حطي محرمه و لا شي حاجه
أميـره >> تو نفتح من ورا الباب و فش داعي يخش يعني 😒
~
~
عادل >> تي كنهم معش فتحو
أميـره >> تي قلنا باهي 😒 الصبر شويه
" فتحت أميره الباب و من ورا الباب قعدت تحكي "
أميـره >> شويه بس يا عصام ، أسماء تلبس في عبايتها
عادل >> و من قالك انا عصام " و دف الباب و خش "
أميـره >> عااااااااددددددل 😳
عادل >> كنك ديما مصدومه لا حول ولا قوة إلا بالله 😂
أميـره >> ما هو أسماء قالت ع أساس عصام
عادل >> لا قلت انجي انا عشان نحكيلك شن صار مع امي
أميـره >> حكيتلها ؟؟ اكيده قالت باه صاح ؟؟
عادل >> للأسف
أميـره >> شن قصدك ؟ 😳 يعني رفضت الفكره ؟؟
عادل >> أها
أميـره >> ليش باه ؟؟ :((
عادل >> قالت حاجه من أميره ما نبيهش
أميـره >> نعم 😳😳
عادل >> نبصر يا هبله 😂 وجك اصفر قعد :v
أميـره >> مش جو بصاره ؟ احكي شن قالت ؟
عادل >> تي قالت باهي و في ه اليومين يديرو موعد
أميـره >> قول و الله !! 😍
عادل >> و الله 😍
أميـره >> نجك ليا و خلاص 😍 " و من الفرحه اضبطاته "
عادل >> تي نعلي و خلاص يا ناس 😍
أميـره >> احمممم 😳 أسفه مش قصدي و الله
عادل >> يا ريت ديما يكون مش قصدك هكي 😍
أميـره >> نمشي نكلملك أسماء خلاص
عادل >> ما نبي شي غير نشوفك فرحانه ديما هكي " و مسك يدها و باسها "
>>
>>
>>
أميـره >> تي قلبي مازال عند توا يدق
رحمه >> ربي يدوم فرحتكم يا روحي
أميـره >> فرحتي تكمل لما نفرح بيك
رحمه >> مازلتي مسكره رأسك ع الموضوع
أميـره >> انتي شن خساره ؟ تعرفي عليه و كان ما تريحتيش كل حد يمشي في حاله
رحمه >> و موسى ؟!!
أميـره >> مازالت تقول و موسى ؟ تي وينه موسى ؟ ع أساس معبرك و لا مدورك ؟ و اهو اول ما فكر يخطب ما عدلش عليك و انتي دايرتله حساب 😒
رحمه >> خلاص باهي 😞
أميـره >> و الله نحكي هكي عشان مصلحتك 😞
رحمه >> عارفه عارفه و خلاص موافقه
أميـره >> نجك ليا <3
#
#
#
كنت مقعمز في المحل و خش سيف
سيـف >> السلام عليكم
انا >> و عليكم السلام
سيـف >> معلش بكم هذه يا خونا :D
انا >> لك انت بلاش :D
سيـف >> لا موضوع كان كل حد يسأل ع حاجه و تقوله بلاش :D
انا >> لناس المعرفه بس :D
سيـف >> شن اخبارك و شن داير ؟ و الله ليا كم يوم نقول تو نبرم و نهدرزو بس معش نفضى
انا >> الحمد لله ،، عاذرك و عارف المشاغل
#
#
#
فـريده >> شفتي ما رنش و لا سأل عليا حتي بمسج
سنـدس >> اكيده في العمل
فـريده >> المسج ما يأخذش منه حتي 5 دقايق ، بس انا هبله اصلا اللي حبيته و صدقته
سنـدس >> وسعي بالك و احكي معاه انتي
فـريده >> لا نبي نحكي لا شي و خلاص موافقه و اللي يصير يصير
~
~
~
سيـف >> شن صار في اللي قتلك عليه ؟
انا >> شفتلك خاتم حلو ،، بس طواقم ما عرفتش لاني مش عارف شن المناسبه و شنو السن ؟
سيـف >> ل ديدا اختي
انا >> كيف ؟ قصدي شن المناسبه !
سيـف >> . . .
