السفره ل عماد و اسماء خشت
انا >> فريده راجي
فـريده >> نعم
أنا >> نبي نقولك حاجه
فـريده >> شنو ! 😍
انا >> بعدين نبيك في موضوع
فـريده >> موضوع شنو ؟!
أنا >> بعدين بعدين :v
فـريده >> تم باه O.o
طلعت و سيبتها تحكي بروحها :D
~
~
~
سندس >> ديدا كنك تحكي بروحك :D
فـريده >> خلاص قبل قالها في آخر لحظة سكت :/
سنـدس >> قبل قال شنو ؟
فـريده >> انه يحبني
سنـدس >> حي ما شاء الله
فـريده >> مش عارفه ليش في آخر لحظه غير رأيه
سنـدس >> بالك متوتر بس
فـريده >> تو نشوفو بعدين
أسمـاء >> ديدا و دوسا كنكن هنا ؟؟
فـريده >> تو انجو هي
>>
>>
>>
مشى اليوم ع خير و روحو الرجاله و أغلب الناس و قعدت انا و الشباب امكسدين
سالم >> غريبه موسى ما جاش
منعم >> بالك مش فاضي
عمران >> حتي لو شن يكون عنده مفروض سيب كل شي و جا
انا >> براحته عادي
سفيان >> مش براحته !! تي ع أساس عزمته انت ؟
انـا >> هلي كلمو هله :/
منعم >> لا عيب هكي مفروض حتي رنيت عليه
انا >> اهو اللي صار عاد
سالم >> عيال انتو الاثنين
عمران >> كل حد يدير اللي يبيه و حتي انت يا أكريم لو حد قالك ليش درت هكي و لا ليش تحكي مع فلانه را قلت ما حد له علاقه بيا
انا >> فلانه ؟!
عمران >> أها و عارفني ع من نحكي غير مش خصلتي نجيب بنات الناس ف هدرزه بس عطيتك مثال
سالم >> تبو تقلبوها نكد انروح ؟!
أنا >> نمشي انجيب شاهي و تو انجي
>>
>>
>>
صبيت و حسيت الجو متوتر ،، طلعت من مربوعة جيرانا و مشيت لحوشنا و وصيتهم ع شاهي و قعدت نراجي عند باب الصاله
امي >> اكرررريم
انا >> نعم
امي >> تعال خش معش في حد
انا >> باه " و خشيت "
امي >> من مازال في برا ؟!
أنا >> أصحابي بس
أسمـاء >> و عماد ؟
انا >> قالي ع أساس انكلمك قتله خليها بايته و روح
أسمـاء >> باهي تمام
امي >> و خو البنات ؟
انا >> اي بنات ؟
أسمـاء >> فريده و سندس :D
انا >> كيف مازالن هنا ؟!
امي >> أها ، من بدري يبن يروحن قتلهن اقعدن مازال بدري
انا >> كان قاعد هوا بس بعدها معش بان عليا
فـريده >> نرن عليه بس نلقى فيه خارج نطاق التغطية " و طلعت من الكوجينه "
انا >> تو ايجي ما عنده وين ماشي
أميـره >> مش قلت تبي شاهي ؟! اهو واتي :3
انا >> هاتي هاتي
خذيت السفره و طلعت ،، و أنا طالع لقيت موسى امصبي قدام حوشهم
انا >> موووسى
موسى >> أنعم
انا >> تعال اشرب شاهي معانا
موسى >> لالا ما فش داعي
انا >> غير تعال ازح
موسى >> متأكد يعني ؟
انا >> لا انبصر :/
موسى >> باهي هي :D
جا موسى و خشيت انا وياه
سالم >> اوووو موسى معاك
منعم >> هكي انت أصلي
عمران >> ما شاء ما شاء الله :D
انا >> خلاص باه :3 :D
سفيان >> بعد شنو كلمته ؟! بعد كملتو
موسى >> لا عادي ، اصلا كان عندي عمل
سالم >> سفيان خليك في حالك انت و ريحنا
انا >> حتي هوا حاط خشمه في حاجه مش شوره :/
شربنا الشاهي و الشباب روحو و انا رديت لحوشنا و قعمزت في المربوعه عشان البنات جوا
>>
>>
>>
سنـدس >> كنه معش جا سيف
فـريده >> معش حصلته ع المدار
سنـدس >> تو نرن ع رقمه الآخر
فـريده >> باهي
أسمـاء >> ديدا معليش نبي انتعبك ،، المربوعه كان فيها سفرة حلويات ، جيبيهن هنا
فـريده >> حاضر باه
كنت مقعمز ع الصالون و رافع راسي فوق و مغمض عيوني من كثرة التعب قريب نرقد
فجأه حسيت ب نفس حد قريب مني و فتحت عيوني ع طول ،، و كانت فريده قريبه مني و بعد فتحت عيوني وخرت بسرعه
فـريده >> كانت في حاجه ع وجك بس رآه
انا >> أها ،، باهي تمام
فـريده >> و جيت هنا عشان اسماء دزتني
انا >> بس انا ما سالتكش يعني ! :D
فـريده >> أها صاح
قعدت اتلم في الصالون و خذت السفره و معاها شوية حاجات
فـريده >> تبي حاجه ؟
انا >> لالا ،، سلامتك
فـريده >> باه >_<
انا >> كنك متوتره هكي ؟
فـريده >> لا غير انت بدري قلت تبيني في موضوع
انا >> انا قلت هكي ؟
فـريده >> أها :3
انا >> يمكن بس نسيت را
فـريده >> تمام باه " و تنرفزت بكل و برمت وجها تبي تطلع "
انا >> ررررراجي راجي :D
فـريده >> فوتني لو سمحت :3
انا >> اذكرت الموضوع را
فـريده >> و انا معش نبي نعرف شنو الموضوع
انا >> حتي لو قتلك
فـريده >> شنو ؟
انا >> مش قلتي معش نبي نعرف :D
فـريده >> تمام بكل :3 :/
انا >> خطيره بكل و انتي منفصله ع فكره
فـريده >> :|
انا >> بكرا ذكريني نبي نقولك حاجه
فـريده >> مش ه نذكرك اصلا لو حاجه مهمه مش ه تنساها
انا >> صاح معاك حق :v
سنـدس >> ديدا رآه كلمته و قال قاعد في الطريق
فـريده >> تمام باه " و طلعت سندس "
انا >> ع فكره عطرك حلو :)) :D
فـريده >> نعم ؟ 😳
انا >> لما كنتي مقربه مني كانت بنته سمححه <3 :D
فـريده >> 😳😳
انا >> خلاص خشي قبل ما ايجي خوك :v
>>
>>
>>
فـريده >> تي :(( أمتي يبي يقولها -_- كان واحد آخر رآه في يومين :/ شن هذا عاد :3
سنـدس >> هبله :D هيا وتي روحك
فـريده >> واتيه اصلا
أميـره >> صحيتن ع جيتكن و أن شاء الله نردها ليكن <3
سنـدس >> تسلمي يا خيا و الف مبروك 😘
فـريده >> واجبنا هذا
~
~
~
انا >> ميرو قولي ل البنات سيف جا را
أميـره >> هيا هي
طلعت قدام الباب و قعدت نحكي معاه و طلعن البنات و خشيت جوا
و أول ما خشيت جاني مسج من فريده و كاتبه " صار ميرو ؟؟ "
قعدت نضحك من جد جدي 😂 أميره تغار منها و هيا تغار من أميره :D
ربي يشفيهن و خلاص :v
خشيت لدار و رقدت ع السرير و كل ما نغمض عيوني نشوف صورة فريده قدامي
مش قادر نحولها من رأسي و لا قادر نعترفلها بمشاعري ؟!
مش إعجاب هذا ؟ عارف روحي اني تعلق بيها ؟! بس مش عارف كيف نحكيلها ؟
بالك هيا مش مفكره فيا أكثر من صديق ؟
بس لما قربت مني سبحان الله قلبي قبل طلع من مكانه من قبل ما نفتح عيوني و نعرفها انه هيا اللي امصبيه ، نرن عليها و خلاص
فـريده >> آلو !
أنا >> خير يا فريده
فـريده >> اهلين
انا >> فاضيه ؟
فـريده >> أها ،؟ شن في ؟
انا >> نبي نقولك حاجه
فـريده >> تفضل ؟!
أميـره >> اكككككررررريم يا اكرررريم
انا >> نعم ،؟؟ كنك تعيطي ؟!
أميـره >> موسى قاعد ع الباب يبيك
انا >> هيا هي
فـريده >> خوذ راحتك و لما تفضى تو نحكو
انا >> تم و سامحينا عاد
فـريده >> لا عادي :/
انا >> سلام
~
~
~
سكرت منها و طلعت نشوف في موسى و قعدنا نهدرزو قدام الباب
موسى >> في حاجات واجد نبي نقولهن لك
انا >> احكي شن في ؟
موسى >> راك تحسابني بطلت نحب رحمه ؟ و لا نقدر نحب وحده كيف ما حبيتها ؟ كل القصه اني نبي نسافر و شرط امي اني نتزوج بنت أختها عشان نقدر نطلع
انا >> من جدك انت ؟!
موسى >> و الله هذا اللي صار و ما عرفتش شن ندير و وافقت
انا >> و رحمه ؟ بعتها بكل سهوله عادي ؟
موسى >> تو تشوف نصيبها حتي هيا و ربي يسترها
انا >> انا قلت معش نبي ندخل و دير اللي يريحك بس مش اتجي نادم كيف منعم بعدها ؟
موسى >> ما هو طالع عشان ننساها
انا >> ربي يصلح الحال
موسى >> امين
انا >> حتي انا نفكر اني نخطب
موسى >> جديات ؟!
أنا >> أن شاء الله كان سخر ربي
موسى >> ع خيرة الله ،، بس من هيا ؟
انا >> فريده
موسى >> اوووو ع طول تكبيد و خطبه :D
انا >> ما هو انا راجل ;)
موسى >> أها تمام
انا >> نقاني ناعس و نبي نخش نرقد
موسى >> تمام تفضل !
>>
>>
>>
خشيت للحوش و انسيت اني نبي نرن ع فريده بكل ،، رقدت و ما فطنت إلا ثاني يوم الساعه 9
نضت و استغربت ما لقيتهش لا رانه لا دازه مسج ،، صبيت غسلت وجي ، و شربت قهوه و طلعت ع طول
و انا في الطريق رنيت عليها
انا >> صباح الخير
فـريده >> صباح النور
انا >> أمس بعد خشيت رقدت ع طول و نسيتك بكل
فـريده >> لا عادي و لا يهمك
انا >> ما شاء الله رايحه عاقله :D
فـريده >> هههه أها
انا >> فريده بجد نبي نقولك حاجه بس مش عارفه كيف نقولها
فـريده >> حاجه سمحه و لا شينه قبل ؟ :D
انا >> بالنسبه ليا سمحه بس من ناحيتك انتي مش عارف
فـريده >> اسمع توا طالعه مع بابا للمحلات و احتمال انجو ل محل سيف لأنه بابا يبي يشوف و يتعرف ع اللي ماسك المحل اللي هوا انت :D و تو نحكو
انا >> خلاص تم تم ،، انا توا في الطريق و قريب نوصل
فـريده >> خليك هادي قدامه عشان تعجبه :D
انا >> ههههههه اوكي :D
فـريده >> باي :D
انا >> سلام :D
>>
>>
>>
فـريده >> دوسا شكلي سمح ؟
سنـدس >> تهبلي بكل
فـريده >> زعمك خلاص ه يقولها :D
سنـدس >> و انتي كنك مستعجله ؟ :D
فـريده >> حسيته خذا وقت أكثر من حجمه :/
سنـدس >> حرام عليك
فـريده >> بلاش طروح الطيابه يا حلوه :v
سيـف >> ديدا باتي يراجي فيك
فـريده >> هيا هي طالعه
~
~
~
امي >> أميره كنك واعيه بدري ؟
أميـره >> لا شي ،،
امي >> تعالي ساعديني باه
أميـره >> انكلم رحمه و انجي
أسمـاء >> رحمه و لا عادل ؟ :D
أميـره >> رحمه قلت -_-
أسمـاء >> باه :D
أميـره >> أهي ترن
أسمـاء >> أجري بسرعه :D
~
~
أميـره >> آلو / صبااااحو
عادل >> صباح النور يا سمحتي ❤
أميـره >> كل ما تقول سمحتي قلبي يقعد يدق مش عارفه ليش
عادل >> قصدك مش عارفه انك تحبيني ؟
أميـره >> باهي كيف حالك ؟ :D
عادل >> تمام و انتي :D
أميـره >> حتي انا تمام
عادل >> امي أمس مش لاقيه شن تحكي عليك ،، سماحه و ادب و احترام
أميـره >> شكرآ
عادل >> مطوله و انتي تحكي ب رسميات هكي ؟؟
أميـره >> يا عادل
عادل >> يا عيون عادل
أميـره >> 😳
عادل >> احكي ليش سكتي ؟
أميـره >> اوكي انت كويس و ما شاء الله عليك و ما كذبتش يعني قلت تبيني و جبت هلك رسمي بس طالما انا نحكي معاك من ورا اكريم مش ه نكون متريحه
عادل >> تمام و معاك حق و تعجبني هكي ،، و اللي تبيه انا حاضر ؟!
أميـره >> احكي مع أكريم انك تبي تحكي معايا ع الفون و كان قال باهي اوكي و كان قال معش نقدر نحكي معاك رآه
عادل >> تم و بعدين تو نحكي معاه و مش ه يصير اللي كل خير
أميـره >> أن شاء الله ،، سلام توا
عادل >> سلام ي سمحتي ❤
>>
>>
>>
وصلت للمحل و كان تمام و جوي كويس و متريح رغم أني حاسس روحي مرتبك عشان نبي نشوف باتها اول مره
قعمزت و قعدت غير انراجي ،، بعد نص ساعه هكي خشو للمحل
و أول ما خشت هيا النقال كان في يدي و طاح بروحه
سحرها و رهبتها تخلي أي حد يوقف قدامها يقعد مرتبك
سلمت ع باتها و قتله تفصل مكاني ،، قعد يسأل فيا ع المحل و ع البيع و هكي و هيا اتفرج ع الذهب و مره مره تبحت فيا و تضحك
فـريده >> بابا هيا مش بالك خلاص الشاب مرتبك منك :D
انا >> لالا عادي
محمد >> هههه ما شاء الله باين عليه محترم
فـريده >> باهي هيآ عشان ما نطولوش ع المحل الآخر
محمد >> هيا باه
طلعو و شفتهم ركبو ل السياره
محمد >> كنك فيش ادوري ؟
فـريده >> ييييييي نسيت الفون ع المكتب
محمد >> تو انجيبه لكي
فـريده >> لالا يا بابا تريح تو ننزل انا
~
~
~
فـريده >> احممم :))
انا >> كنك جيتي ؟؟ باتك وين ؟
فـريده >> اكريم آخر مره نعطيك فرصه و ه نسمعك شن تبي تقول غير هكي معش تحاول تحكيلي شي
انا >> اصلا ما نبيش إلا 5 دقايق عشان نقول اللي في خاطري
فـريده >> اللي هوا شنو ؟
انا >> انا بصدق
فـريده >> شنو ؟ " تي هيا أنطق ه الجوهره :3 "
انا >> ن ح ب ك ❤
فـريده >> نعم ؟ 😳 " هه و خليتك تقولها يا سمح :v و وقتك انتهى يلا اللي بعدو 😌👏 "
