أروى >> اللي وأخذ عقلك يتهنى 😂
انا >> لا متهني رسمي :v
فـريده >> خلاص باه 😒
انا >> شفتيها كيف تغار :D
فـريده >> لا غير نبي نركز بس
قعدنا نحكو و فريده تكتب في اللي ناقصها // و فطنت ل بسمه خطمت أكثر من مره و تبحت فينا بجو استحقار :/
نقاني معش تحملت و مشيتلها
بسمه >> نعم ؟ في حاجه ؟
انا >> شن تبي انتي من الأخير ؟
بـسمه >> بسم الله كنك ؟
انا >> حركات العيال اللي اديري فيهن فوتيهن خيرلك باهي ؟
بـسمه >> تهدد فيا و لا كيف ؟
انا >> افهميها كيف ما تبي ؟ و لو نشوف وجك مره اخره مش ه يصير خير
فـريده >> اكريم فوتها و فكنا من المشاكل
انا >> دايره روحها بنت ناس :/ خزي عليك نماذج
مسكتني فريده و برمنا مشينا ،، قعدت بسمه مصدومه و تنحت مكانها
فـريده >> ما كانش في داعي انك تحكي معاها اصلا
انا >> ضروري ينحطلها حد هذه
فـريده >> ما تعدلش عليها بس
انا >> قعمزي و كملي باه
فـريده >> تبش تجيبلنا حاجه نأكلوها باهي
انا >> حاضر هي // شن تبي ؟
فـريده >> اي نوع شوكولا و عصير
انا >> تم ،، و انتي يا أروى ؟
أروى >> لالا ما نبي شي
انا >> عليك حشم
مشيت للكافتيريا و خذيت 3 عصير و 4 شوكولاطه و لقيت حسام مقعمز غادي
مش عارف كيف كبرت عقلي و طلعت ع طول
#
#
#
أميـره >> نعليا مش مصدقه
رحمه >> بالك ما نعجبهمش باهي
أميـره >> هما يلقو وحده نفسك وين اصلا
رحمـه >> باهي شوفي الفستان حلو نلبسه ؟
أميـره >> أها يهبل و شوية ميك اب تي احتمال يحددو العرس توا :D
رحمه >> قرده :D
أميـره >> نمشي للحوش نشوف ماما و قبل العصر تو انجي
رحمه >> باه و رني ع أسماء شوفي امتي يبو يطلعو
أميـره >> تم باه
#
#
#
قعدنا شويه و بعدها رنت ع باتها و روحو و روحت حتي انا للحوش
>>
>>
>>
انا >> أميره حطيلي غداء
أميـره >> باهي شويه بس
انا >> امي وين ؟
أميـره >> خشت رقدت توا / في حاجه ؟
انا >> لالا
أميـره >> خطرها ،، اللي ما يسمى عنده علم ع رحمه ؟
انا >> لالا ما انضنيش :D
أميـره >> قولها له بطريقه غير مباشرة
انا >> و انتي شاغله روحك بيهم ليش :D
أميـره >> و رأس اكريم عاد
انا >> باهي باهي غير سقديني بس
أميـره >> 5 دقايق بس
#
#
#
تغديت و بعدها رقدت شويه و نضت ع العصر ،، توضيت و صليت و مشيت أميره ل رحمه و انا طلعت قدام الباب نشرب في قهوه
شافني موسى و جا عند حوشنا
موسى >> غير اعزم بس
انا >> تعال خوذ فنجاني :D
موسى >> لا صحه صحه
انا >> سلمك سلمك
موسى >> كلمني عمران في الصبح
انا >> كنه ؟
موسى >> يسأل قال تبو اتجو بعدين
انا >> نقاني ما نقدرش ساد أمس هلي ما شافوني بكل
موسى >> مش سيارة نسيبكم هذه ؟؟
انا >> أها عماد جايب هله
موسى >> و كنهم درسو غادي ؟
انا >> جايين يخطبو
موسى >> و رأس امك لا ؟ رررررحمه ؟؟! تبصر أها ؟
انا >> ما فيهش بصاره يا طير
موسى >> رحمه تبي تنخطب ؟ جديات ؟!؟
انا >> تي أها
موسى >> و كيف هكي ؟ و انا ؟ و اللي بيناتنا ؟
انا >> ع أساس درت فيها خير انت ؟
قعدت نحكي انا و ياه و مش مستوعب شن قاعد يصير و لا يبي يصدق و مش عارف ردة فعله ليش كانت هكي رغم أنه هوا اللي فاتها !
مشى اليوم ع خير و روحت أميره و حكتلي انه عمتها عجبتها رحمه و في نهاية الأسبوع يبو يديرو مقابله شرعيه
#
#
#
مشن الأيام بسرعه و قعدنا مشغولين ب عرس منعم رغم أنه كان كل شي عائلي
كانن أحلى أيام نلتمو فيهن و كيف نشوفو في فرحة منعم اللي مش محوله من وجه
قبل العرس بيوم كلنا في المزرعه و معانا حتي سيف و عادل و سند
سهرنا للفجر و ضحك و جو مش عادي
نضنا كلنا تاني يوم بعد الظهر و عادل و سيف روحو و سند مشغول مع هله و روح حتي هوا
انا >> يرا اقفل نقالك شن السكنان هذا
منعم >> الوليه يا تافه
انا >> تو تحكو بعدين في الليل :D
سالم >> مش ه يكون في وقت للدوه بعدين :D
موسى >> تطبيق عملي وقتها :D
عمران >> تحشم انت وياه
سالم >> خليك في حالك انت :D
منعم >> سكر فمك خلاص نبي نرد
خذا نقاله و طلع برا و نحن قعدنا نلبسو تقول عرسنا نحن 😂
#
#
#
منعم >> خير يا اقليبي نا
سالمه >> خيرات يا روحي
منعم >> واتيه ؟ :D
سالمه >> باهي شن جوك :D
منعم >> مرايف عليك بس
سالمه >> باهي :D شن ادير حاليا ؟
منعم >> مع الشباب في المزرعه و نبي نوتي روحي خلاص
سالمه >> خلاص عدي باه
منعم >> نعدي وين :D
سالم >> جايك جايك :D
منعم >> ديري روحك ما سمعتي شي :D
سالمه >> هههههههه 😂 لا خلاص اوكي
منعم >> سلام يا عمري <3
~
~
~
منعم >> كنك تافه انت ؟
سالم >> صار سلام يا عمري :D أها يا قليل الأدب :D
انا >> كنكم :D
منعم >> فوتني انت وياه 😒
انا >> متوتر شكلك ؟ :D
موسى >> خوذلك شي حاجه :D
سالم >> اووووو قصدك ما يقدرش يعني :D
عمران >> منعم فوتهم و تعال كمل لبستك
منعم >> هيا جاي
سفيان >> خوذ دير من العطر هذا
سالم >> اتذوب من أول ما تشم العطر :D
منعم >> سالم امشي من قدامي خيرلك
انا >> منفصل يوم عرسك معقوله :D
سالم >> خسارة توا صوته كيف گان ناعم و عمري ما عمري :D
عمران >> سالم ازح :D
انا >> خلاص قلب وجه فكنا منه :D
منعم >> نعرف أمتي نفضالكم
موسى >> ديرولنا قهوه
انا >> قصدك عشان منعم يصحصح ؟ :D
سالم >> دايخ من توا :D
انا >> و قلبه يدق :D
عمران >> زودته انت وياه ريحونا عاد
مشى هذك اليوم ع رأس منعم :D عند بعد المغرب هكي و مشينا زفيناه عند حوش العروس
تبيب و تفريغ و العاب ناريه تقول إعلان تحرير ليبيا 😂
خذا العروس في سيارته عاد و نحن وراهم :D خايفين عليه عاد :v
وصلنا لحوش منعم و نزل فتحلها الباب و كلنا فاتحين فمنا O.o
انا >> هوآ هذا منعم جديات ! O_o ؟؟
سالم >> فتحلها الباب O.o
موسى >> و مسك يدها O.o
عمران >> الله أكبر يا عليك حسد :D
قعد يبحت فينا جو متاع انا تزوجت و انتو لا :) ناقص غير يطلع لسانه و يقهرنا :/ :D
خشو للحوش و تحشمنا ع اوجوهنا و روحنا للمزرعه
سالم >> العقبالكم كلكم أن شاء الله
موسى >> من بعدك عاد انت قاري فاتحه
سالم >> يستر الله 😂
انا >> نقاني فرحتله يعني بعد كل اللي صار سبحان الله
عمران >> هذا اللي ينقاله النصيب
انا >> ينقاله ؟ نقانك سكرلي فمك انت من بدري مدره كبدي :D
سفيان >> صاح كلام عمران لانها هيا من الأساس نصيبه شوف خذت غيره و سافرت و اطلقت و ردت خذاته
موسى >> يصير منها فيلم القصه متاعه تي كان انا و الله ما نبحت فيها
انا >> شن فهمك انت في الحب
سالم >> يعني كان فريده تزوجت و بعدها ردتلك تأخذها ؟
انا >> نبي نروح من أمس بايت هنا اكيد مشغولين عليا
موسى >> حتي انا نروح معاك
سالم >> و نا خاش نرقد و لنا تكمله للحديث
انا >> و أنت طيب
#
#
#
طلعت انا و موسى و طول الطريق نفكر في دوة سالم ! زعمك يصيرلي اللي صار لمنعم ؟؟! نقاني ما نتحملها و اصلا فريده تحبني و ما اديرهش
وصلنا لشارع و موسى يبحت في حوش رحمه
انا >> ضيعتها من يدك و يا خوفي تندم متأخر
موسى >> نادم و اللي صار صار و عارف روحي ما كنتش راجل معاها و ربي يكمل عليها بالخير
انا >> بإذن الله
موسى >> تصبح ع خير
انا >> و أنت من أهل الخير
>>
>>
>>
خشيت للحوش و لقيت أميره مقعمزه اتفرج
انا >> بالك سادك من هالمسلسلات
أميـره >> تعال تعال قعمز و احكيلي
انا >> شن نحكيلك
أميـره >> كيف كان العرس 😍
انا >> عادي ،، اصلا ما كانش في ناس واجده و عيت منعم مش دايرين شي و مشينا خذينا العروس و وصلناه لحوشهم
أميـره >> شفتوها ؟ 😍
انا >> من ؟؟!
أميـره >> العروس 😍😍
انا >> هبله انتي ؟ 😂 تي كانت لابسه جرد ابيض انظني
أميـره >> اكيده منعم فرحان
انا >> بكل له فتره جوه متعكر بس اليوم قريب يطير
أميـره >> اكيده عاد حب حياته و خلاص تزوجو 😍
انا >> أها
سكتت شويه بعدها بحتت فيها و هيا تحكي و منسجمة
انا >> صبي يا فرخه
أميـره >> تي كنك انقلبت 😳
انا >> خشي ارقدي ع حالك
أميـره >> هوف علينا و خلاص
صبت و هيا تفترش بروحها و انا قعدت نضحك :D هذا ما ناقص و الله :v
#
#
#
خشيت لدار و غيرت أدبشي و دزيت رساله ل فريده " عويناتي توا كيف روحت و تالف بكل يعني مش تقولي فايتني و مش مدورني عارف جو العرس عاد ،، تصبحي ع خير يا احلى ديدا عندي <3 "
حطيت النقال في الشحن و رقدت و ما نندري ع الدنيا وين تفتح إلا مع الساعه 12 الظهر
أميـره >> مازال راقد و الله
فـريده >> يعني ما فيه شي ؟
أميـره >> لالا روح أمس من عرس منعم و كاين بايت في المزرعه اليوم اللي قبلها
فـريده >> أها عارفه
أميـره >> اكيده كانو ساهرين و روح ما يشوفش قدامه شويه هكي و رقد
فـريده >> باهي تمام ،، خلاص خليه متريح
أميـره >> كان في حاجه انوضه ؟
فـريده >> لالا خليه ، تو لما ينوض يكلمني
أميـره >> خلاص تم
فـريده >> تبي حاجه ؟
أميـره >> لا سلامتك
فـريده >> باي :*
أميـره >> باي :*
~
~
~
~
أمي >> ميرا مع من كنتي تحكي ؟
أميـره >> مع فريده
امي >> كيف حالها ؟
أميـره >> كويسه
امي >> ازعمك ما جوهش شي عرب ؟
أميـره >> لالا ههههههه طايحه في واحد اصلا :D
امي >> شن الدوه هذه ؟ و من الواحد ؟
أميـره >> تو تعرفي في الوقت المناسب
امي >> خساره يا بتي قبل كنت نبيها ل اكريم
أميـره >> و بالك هوا الواحد :v
انا >> صباح الخير ،، / في من تقرمو ع الصبح
امي >> صباح النور / معقوله هذا كله راقد
انا >> تالف و الله و عظامي يطسرن
امي >> مش منك ، تلف في هالشوراع و الدينا صقع كان غيرك ما تمرض
انا >> وسعي بالك مازلت ما مرضت :D
أميـره >> اكريم :D ;)
انا >> كنك ؟ :D
أميـره >> نبيك في موضوع بس شوف فونك قبل
انا >> مازال في الدار ؟
أميـره >> أها
خشيت لدار و مسكت نقالي و لقيت رساله من فريده
" تم يا بيبي <3 و مبروك و عقبالك :p دير بالك ع نفسك <3 "
نقرا و انا مبتسم و نقول في عقلي عقبالنا مع بعضنا يا رب
لقيت مكالمتين منها الساعه 10 و الساعه 11 و رنيت عليها
انا >> صباح الخير
فـريده >> صباح النور
انا >> لقيتك رانه عليا :v
فـريده >> أها و كلمت حتي أميره و هيا قالتلي انك مازلت راقد
انا >> و انا نقول كنها تضحك :D و تقولي شوف نقالك و نبيك في موضوع
فـريده >> هههههههه نجيها يا ربي :D
انا >> نجك انتي وياها ليا <3
أميـره >> هاآاآآحمممم من و من اللي نجيها 😌👏
انا >> اطلعي و سكري الباب :D
فـريده >> عمرها طويل :D
انا >> مش غير عمرها طويل :D
أميـره >> فريده اللي ع الخط ؟
انا >> أها و أمشي من قدامي ! :D
أميـره >> نبي نقولك حاجه و بالمره حتي هيا تسمعها :v
انا >> شن في ؟!
فـريده >> كنها ؟ اكريم كنكم ؟!
أميـره >> . . .
