وفاء >> شنو هذا ؟؟ انتي كنتي عارفه انهم جايين يطلبوك ؟
فـريده >> أخته حكتلي بس ما وضحتش ،، كنك ؟
وفاء >> لا هو عنده شهاده جامعيه و لا عنده عمل خاص بيه ؟ انتي تحلمي اني نوافق و لا انك تاخذيه اصلا
سنـدس >> كنكن قاعدات هنا و امسيبين الناس
فـريده >> شوفي ماما شن قاعده تحكي
وفاء >> سندس ديري قهوه و ضيفي الناس " و طلعت "
سنـدس >> شن في ؟
فـريده >> كنه حظي هكي
سنـدس >> دموعك يبن ينزلن تي تخربي شكلك ،، شن صار بس ؟
فـريده >> تو نحكو بعدين خليني نمشي نقعمز مع البنات
سنـدس >> ما تبيش اتمدي القهوه ؟
فـريده >> هيا ماما خلت فيها مد قهوه :/ جيبيها انتي عادي
سنـدس >> افردي وجك قدام الناس باهي
فـريده >> خطرها وين فوني ؟
سنـدس >> في الشحن في دار المعيشه
فـريده >> تمام باه
>>
>>
>>
و انا نراجي في سيف ، خذيت نقالي و دزيت رساله ل فريده " نـحـبــك " ،، تم التسليم .
سيـف >> منورنا يا بونسيب :D
أنا >> النور نورك يا سي :D
سيـف >> باهي أمتي تبي العرس ؟
انا >> اوووو عرس ع طول :D خاشين ع طمع امالا ؟ :D
سيـف >> أها :D كيفلي :D
انا >> و الله شن نقولك ، بالنسبه ليا لو هلك موافقين و هكي بعد عرس عادل نديرو خطبه رسميه // و بعدها نبدأ نبني فوق حوشنا و أمتي ما نكون مكمل الشقه نتفقو و نديرو موعد
سيـف >> كلام سليم و امقنط ، و أن شاء الله ما يصير إلا كل خير
انا >> أن شاء الله
#
#
#
امي >> عليش امتعبه روحك يا بنتي
سنـدس >> ما فيها تعب عادي
وفاء >> انتو اللي امتعبين ارواحكم ب الحاجات اللي جايبينهن
امي >> ما في شي من قيمتكم
سنـدس >> تفضلي يا ماما :|
وفاء >> صحيتي
أميـره >> قعمزي بلا تعب
فـريده >> زيدي حلويات
أميـره >> لا يالا نأكل هذين
سنـدس >> صحه صحه
امي >> نردو لموضوعنا عاد
صالحه >> اكريم ما شاء الله عليه و مش ناقصه شي و كان رحمه ماني عاطيتها رآه ما نلقى خير منه
وفاء >> ربي يكملها بخير ، حتي عيال مبروكه ما عندك ما تقولي فيهم ،، علم و مال و جمال مش ناقصهم شي
امي >> أها ما شاء الله عليهم
أميـره >> و حتي اكريم ما ناقصه شي و كان ع قرايته هوا كان شاطر و ما سيب الجامعه إلا بعد مرض بابا و قعد هوا اللي ماسك الحوش و يصرف علينا و كان ع الجمال اسالي عليه يا عمتي و اولدك سيف يعرفه و حتي فريده :)) و أما المال هذا رزق من ربي
امي >> أميره ؟؟ شن الدوه هذه
وفاء >> و حتي انا ما قلت شي عليه بس بنتي مش مفكرة في الزواج
امي >> و نحن مش مستعجلين
وفاء >> مازال تبيلها سنه و نص بيش اتخرج
امي >> سنه و نص يكون باني شقته و مكملها
وفاء >> قصدك هوا مازال مش اموتي شقته ؟ :/
فـريده >> ماما 😳
أميـره >> تقريباً خلاص و اللي هناك واضح من توا
فـريده >> لا مش هكي
امي >> رني ع خوك شوفيه وين
فـريده >> اعميمه مازال بدري كنكم
وفاء >> مازلنا ما ضيفناكم من الحاجات اللي جايبينهن
امي >> لا صحه عليكم و نذوقهن في عرس بناتك أن شاء الله
و انا مع سيف و نشربو في القهوه ، سمعت نقالي يرن و جت في بالي فريده انها هي المتصله
طلعته من جيبي و لقيتها أميره ؟! رديت عليها وانا مستغرب
انا >> ايوا ؟
أميـره >> اكريم وين قاعد ؟
انا >> برا في المربوعه ، كنك ؟
أميـره >> نبو نروحو
انا >> شن صار ؟
أميـره >> تو بعدين نحكيلك
انا >> باهي اطلعو هيا
أميـره >> تم هي
#
#
#
فـريده >> ليش اتصلتي بيه ؟ أميره 😞
أميـره >> نحكو بعدين يا فريده و أن شاء الله خير
سنـدس >> و الله كان يعرف بابا اللي صار ه يزعل أنكم روحتو هكي بسرعه
امي >> مره آخره يا ابنيتي
أميـره >> جيبيلنا العبايات
سنـدس >> لا حول ولا قوة إلا بالله
رحمه >> سوء تفاهم و أن شاء الله الوضع ه يكون احسن
طلعت لسياره و انا في راسي 100 سؤال ؟! زعمك شن اللي صار ؟ و ليش هلي يبو يروحو هكي فجأه ؟! و أميره ليش صوتها مضايقه ؟
و حتي فريده ما تردش ؟
سيـف >> و الله كان قعدتو بس تي دوبكم كيف جيتو
انا >> مش هذه حد الجايات ه نقعدو عيله وحده
سيـف >> أن شاء الله و باتي ديما يسأل عليك تو يفرح بعد يعرف
انا >> نقاني متحشم منه اني جيت بدون ما نحكي معاه هوا قبل
سيـف >> ما تحطش في بالك تو نشرحله انا
انا >> خلاص تم
شفت هلي طالعين من عند الباب و وخر سيف و خش جوا
#
#
#
فـريده >> تريحتي توا ؟ عاجبك هكي الناس روحو
سنـدس >> معقوله يا ماما اتعاملي معاهم هكي ؟
وفاء >> مازلتن صغار و مش عارفات مصلحتكن
فـريده >> مصلحتي انك ترفضي الناس من أول ما يحكو ؟ ما احترمتيش حتي انه في صلة قرابه بينهم و بين عيت عمي
وفاء >> فكيني من دوة الفرخات هذه و بعدين تعالي هنا شن قصدها بنتهم بعد ما قالت حتي فريده تعرفه ؟ من وين تعرفيه ؟
سيـف >> هي هي شن في ؟ صوتكن واصل نهاية الحوش ،، ؟ و كنهم العرب روحو ع طول ؟
سنـدس >> شن تبيهم يقعدو بعد ماما رفضتهم
سيـف >> كيف رفضتهم ؟! ما فش رجاله يحكو و لا كيف ؟!
وفاء >> كلمتي و قلتها و الموضوع هذا ينتهى توا
سيـف >> نمشي نرن ع الراجل ،، تي عليك فضيحه :/ :| " و طلع برا "
وفاء >> راكبه فوق لداري و أن شاء الله نسمع وحده فيكن تحكي في القصه هذه مره اخرى
فـريده >> وين ماشيه ؟ مش بسهوله هذه
وفاء >> شن مازلتي تبي تحكي ؟
فـريده >> انتي عارفه الشاب هذا شن داير ؟ انتي عارفه انه هوا ستر ع سندس في موضوع لو كان وصل ل سيف كان ممكن قتلها ؟!! باهي انتي عارفه انه تعرضلي شاب في الجامعه و اكريم و أصحابه هما اللي خذولي حقي ؟ و تعرفي انه هوا اللي ساعدني في قرايتي ! كان ه ينضرب و احتمال تصيرله حاجه بسببي ! باهي تعرفي انه لز بنت عمته من حوشهم عشان حاولت انها تغلط فيا ! شن تعرفي عليه بيش ترفضيه " و قعمزت ع الدروج و تبكي "
وفاء >> شن قاعده تحكي انتي ؟؟ هذا كله صاير و انا ما عندش علم بشي
فـريده >> أمتي سألتي عليا و لا جيتي قتيلي شن صار معاك اليوم في الجامعه ؟ كل اللي في بالك نلبس حاجه سمحه عشان الناس كلها تبحت فيا و تعرف اني بنت محمد ****** هذا بس اللي يهمك 😭
سنـدس >> فريده خلاص اهدي 😞 " و اضبطتها "
فـريده >> لو تنطبق السماء ع الوطا غيره هوا مش ه نأخذ فاهمين ؟؟
ركبت فريده لدارها و أمها مصدومه من اللي تقول فيه و ما كنش في طريقه تفهم اللي صار إلا عن طريق سندس
#
#
#
طول الطريق كنت مستك من اللي يحكو فيه هلي و طريقة أم فريده ؟! هوا مازال في ناس تفكر هكي ؟ O_o
و انا مازلت نسوق رن عليا سيف ،، بس ما كنش عند نيه اني نرد عليه
وصلت لشارعنا و نزلو هلي و رحمه و أمها في حوشنا
درست السياره مكانها و خشيت جوا و لقيت أميره و رحمه يراجن فيا
انا >> كنكن ؟
أميـره >> ما تزعلش روحك
رحمه >> 100 وحده خاطرهن تبحت فيهن بس
انا >> اووووو 100 وحده ! :D غير عطينا وحده بس :D
أميـره >> اكريم 😞
انا >> لالا نبش نشوفك هكي ،، ردي بالك تزعلي و ما تحطيش القصه في رأسك خلاص و كل شي ه يكون كيف ما نبي
رحمه >> أن شاء الله و ربي يرزقك بوحده خير منها
انا >> ما نبيش اللي خير منها !؟ نبيها هيا ،، و خلاص انتي وياها خشن جوا هي
أميـره >> تبيش تحكيلي حاجه آخره باهي ؟
انا >> لالا و جوي تمام را
أميـره >> تبي شي ناديني
انا >> تم
خشت رحمه هيا و أميره و انا خشيت للمربوعه و أول ما قعمزت رن نقالي
طلعته من جيبي و لقيتها فريده اللي ترن ،، بحتت شويه في الشاشه و بعدها رديت
انا >> الوو
فـريده >> اكرررررررريم 😭 " و صوتها تبكي بشكل غريب "
انا >> فريده ! كنك ؟؟ ليش تبكي ؟! نحكي انظني !!! اللللووووو ؟؟!! ديدا رررردي ؟؟!
فـريده >> 😭
انا >> عويناتي انا ليش تبكي بس ؟ عشان خاطري اسسس
فـريده >> مخنوقه يا أكريم 😭
انا >> انجيك ؟؟
فـريده >> لا شنو تجي ناقصنا اصلا 😭
انا >> بطلي بكاء باهي
فـريده >> نحبك انا و الله العظيم نحبك 💔😞
انا >> عارف و الله عارف و حتي انا نحبك ❤ و ما تخافيش تي واخذك واخذك لو شن يصير
فـريده >> مش زعلان انت يعني ؟ 😞
انا >> لا زعلان بس كل شي عشان عيونك يهون
فـريده >> يعني مش ه تسيبني صاح !؟
انا >> هبل انا عشان نسيبك ؟ تي روحي انتي
فـريده >> فرحت بكل اول ما عرفت انه هلك وصلو
انا >> المره الجايه أن شاء الله خطبه ع طول
فـريده >> زعمك ؟!
أنا >> بإذن الله
فـريده >> اصلا لو بابا كان قاعد رآه ما صارش هكي 😞
انا >> وينه هوا ؟!
فـريده >> مشى امشرق من أمس و بالك ه يروح بكرا
انا >> يروح طيب
فـريده >> أمين
انا >> خلاص يا سمحتي عدي اغسلي وجك و ارقدي شويه عشان اتريحي
فـريده >> اكريم
انا >> عيونه و روحه
فـريده >> انت عارف اني نحبك ؟!
أنا >> لالا :v
فـريده >> باهي نحبك ❤
انا >> باهي شنو ؟ 😍
فـريده >> ن ح ب ك ❤_❤
انا >> نعلي يا ناس من هالعسل 😍 نموت في حبك نا
فـريده >> خلاص نمشي نرقد و لو صار أي شي ه نقولك
انا >> تم يا اقليبي
فـريده >> باي
أنا >> سلام
#
#
#
سكرت منها و نسبياً تريحت شويه لاني متأكد انها تبيني كيف ما نبيها
سمعت أذان المغرب ، صبيت توضيت و صليت و بعدها ركبت السياره و مشيت شور المزرعه
انا >> يا مرحبا يا مرحبا
سفيان >> اووو اكريم ،، عاش من شافك
انا >> تعيش يا طير // شن اخبارك و شن داير ؟
سفيان >> الحمد لله انت اللي شن جوك و شن آخر اخبارك ؟
انا >> كيف ما انا مافش شي جديد
سالم >> اكريم ؟ أمتي جيت انت ؟
انـا >> توا كيف خشيت
سالم >> شن صار باهي ؟ تميتو الموضوع ؟
انا >> ما صار شي
سالم >> كيف ؟
انا >> مش خاطري نذكر اللي صار ،، بس مازال في أمل
سالم >> باهي براحتك ،، وين موسى ؟ كنه ما جا معاك ؟
انا >> مش عارف و ما اتصلتش بيه اصلا
سالم >> تو نرن و نشوفه
انا >> و منعم ؟!
سالم >> مش فاضيلنا عاد
انا >> تو نكلمه انا
>
>
>
انا >> وينك يا معفن
منعم >> في الحوش ، شن تبي ؟
انا >> ما تبيش اتجي ؟
منعم >> لالا ،، خطرها مبروك عاد
انا >> ما عندك ليش تبارك
منعم >> كيف صار ؟
انا >> لما نتلاقو تو نحكيلك
منعم >> بكرا تو نزرق عليك في الصبح
انا >> خلاص تم ، تصبح ع خير و سلامي للمدام
منعم >> تلاقي الخير و يوصل
انا >> سلام
~
~
منعم >> حبيبتي وينك ،؟ كنت نحكي مع أكريم و يسلم عليك را
سالمه >> مش قتلك معش ترن عليا ؟ كيف تفهم انت ؟ متزوجه انا توا
#
#
#
انا >> قال مش جاي
سفيان >> خلوه يتريح شويه
سالم >> كلمته موسى و قال في الطريق
انا >> باهي نتعشو بالمره
سفيان >> عمران هذا كله يحكي بالنقال ؟
انا >> كيف قاعد هوا ؟
سالم >> أها / في الدار جوا
انا >> تو نشوفه
مشيت لدار و كان الباب مفتوح و انا خاش سمعت يحكي بصوت عالي
عمران >> نحبك حتي لو يعرف عادي و كان ما تبيش تحكيلهم ه نمشي انا و نحكي كل شي
>>
>>
>>
وخرت من عند الباب و رديت مكاني ،، رغم أنه كان عندي فضول نعرفه مع من يحكي ؟ و من أمتي عمران يحب ؟
مشت هذك الليله ع خير و تاني يوم في الصبح جاني عادل
عادل >> حسيت القصه طولت زياده عن اللزوم
انا >> معاك حق ،، و الوقت اللي تبيه موافق عليه
عادل >> شهر و نص
انا >> مش بالك متسرع انت :D
عادل >> ما فيها متسرع خلاص يا راجل ما صبرنا اللي واجد
انا >> خلاص ما عندكش مشكله و بعد شهر و نص ه يكون العرس
عادل >> تي نعليا منك و خلاص انت :D
انا >> تحشم يرا :D
عادل >> تحشمت باه :D
انا >> بس نبيك تعرف من توا ،، انتو تبو اديرو عرس و جوكم عادي تمام را بس نحن هنا مش ه نديرو شي
عادل >> اللي يريحكم نديره عادي
انا >> خلاص و الباقي خلي هلك ايجو يتفقو مع الصبايا
عادل >> و أنت طيب
انا >> نخش نقوللهم جوا
#
#
#
سنـدس >> الحمد لله ع سلامتک يا بابا
محمد >> الله يسلمك
وفاء >> نورت الحوش يا محمد
محمد >> منور بيكم ،، وين سيف و ديدا ؟
وفاء >> سيف في المحل
محمد >> و ديدا ؟
سنـدس >> في دارها فوق
محمد >> مريضه و لا شنو ؟
وفاء >> دلع بنات
محمد >> كيف شن صاير و انا مش قاعد ؟
وفاء >> مش صاير شي
سنـدس >> أهي جت
محمد >> خير يا ابنيتي
فـريده >> خير يا بابا ، // الحمد لله ع سلامتك
محمد >> كنه وجك هكي ؟ مريضه ؟!
فـريده >> لالا
وفاء >> خش تريح توا
فـريده >> بابا نبيك في موضوع
محمد >> تعالي معايا للمكتب ، باين في حاجه اصلا
فـريده >> هيا
محمد >> دوسا ديريلي فنجان قهوه و جيبيه ليا غادي
سنـدس >> حاضر
~
~
~
محمد >> قعمزي و احكيلي شن في ؟ و كنك مضايقه ؟
فـريده >> . . .
