မြတ်နိုးရပါသော " ငယ် "
ခပ်အေးအေးလေစိမ်းတို့က ဖွင့်ထားသော ပြတင်းတံခါးတို့ကိုကျော်လွန်ကာ အခန်းတွင်းထဲသို့ ကူးလူးလာတယ်…
လတ်ဆတ်သော မြေသင်းရနံ့တို့ တည်ရှိတယ်…
ငြိမ့်ညောင်းဖွယ်ကောင်းတဲ့ လှိုင်းလုံးအသံတို့က နားထဲပဲ့တင်ထပ်တယ် …
နံဘေးမှာ ငြိမ်းချမ်းစွာအိပ်ပျော်နေတဲ့သူ့ကို တစိမ့်စိမ့်ကြည့်ရင်း ကျွန်တော့်ပါးပြင်ထက်အပြုံးတစ်ပွင့်ဖြစ်တည်တယ်…။
ယခုအချိန် သူ့မျက်နှာကိုတစိမ့်စိမ့်ကြည့်ရုံလွဲလို့ နောက်ဖြစ်လာမည့်ပြဿနာတို့အတွက် ဘယ်လိုရင်ဆိုင်ရမည်ဆိုတာကို တွေးတောပူပန်မနေခဲ့ပါ…။
မပိုင်ဆိုင်ရတော့ဘူးလို့ တထစ်ချသိလိုက်ပြီးကာမှ ရုတ်တရက်ပိုင်ဆိုင်လိုက်ရတဲ့အသိက စကြာဝဠာတစ်ခုလုံးကိုပိုင်ဆိုင်လိုက်ရသလို ကျွန်တော့်ကို မာန်တက်စေသည်။
အခုချိန်ကစ ဘယ်တော့မှမပြောင်းလဲတော့မယ့်အမှန်တရားတစ်ခုက ကိုဇွဲက ကျွန်တော့်အပိုင်ဆိုတာပင်…။
ပြေပြစ်နေတဲ့ သူ့နဖူးထက်တိုးတိတ်စွာ အနမ်းခြွေမိတော့ သူ့မျက်ခွံတို့လှုပ်ရှားစပြုလာတယ်…။
" နိုးပြီလား ကိုဇွဲ ? "
ကျွန်တော့်စကားံကိုသတိမမူ …။
အခန်းတွင်းကိုလျှောက်ပတ်ကြည့်ရင်း လှဲနေမှ ဝုန်းခနဲထလာသည်။
" ဒါဘယ်မှာလဲ ငယ်လေး … ကိုယ်တို့ Coffee ဆိုင်မှာရှိနေခဲ့တာမဟုတ်လား ? ပြီးတော့ ဘာလို့ ငယ်လေးနဲ့ကိုယ်က တစ်ကုတင်တည်း… တူတူရှိနေတာလဲ ?"
" အဲ့ဒါ … ဟို … ကျွန်တော် ကိုဇွဲကို ခိုးပြေးလာခဲ့တာ "
သူ့မျက်ဝန်းအစုံတို့ ပြူးကျယ်ဝိုင်းစက်သွားခဲ့သည်။
" ဘာ !!!!! ဘာ … ဘာပြောတယ် ! ငယ်လေး မင်း… မင်း ငါ့ကို စနေတာမလား ? "
"စနေတာမဟုတ်ဘူး ကိုဇွဲ … ကျွန်တော် တကယ်ပြောနေတာ … "
"ဟား … မဖြစ်နိုင်တာ … အဓိပ္ပာယ်မှမရှိတာ …ငါက … ငါက ယောက်ျားလေးတစ်ယောက်ပါကွာ "
