မြတ်နိုးရပါသော ... " ငယ် "
အတန်အသင့်ကျယ်ဝန်းလှသောတိုက်ခံအိမ်အတွင်းရှိ ဧည့်ခန်း၌ဖြစ်၏။
" ဒါတွေအကုန်လုံး မင်းကြောင့်ဖြစ်တာ ! "
ကိုဇွဲ၏ ဒေါသအတိလွှမ်းသောအသံသည် ဧည့်ခန်းတွင်းဟိန်းထွက်လာ၏။
ကျွန်တော်သည် သူ့ရှေ့၌ပင် မျက်လွှာချကာ ခေါင်းကိုငုံ့ထားဆဲ ငုံ့ထားမြဲ။
" အခုဘယ်လိုလုပ်မှာလဲ ? အဖေနဲ့အမေ့ဆီကပါ သားအဖြစ်စွန့်လွှတ်ခံရတဲ့အပြင် ဆေးရုံကနေပါ ကိုယ့်ကျင့်တရားဖောက်ပြန်မှုနဲ့ အလုပ်ထုတ်ခံလိုက်ပြီ ... ငါတည်ဆောက်ခဲ့ရတဲ့သိက္ခာတွေ အကုန်မြောင်းထဲကျကုန်ပြီ ဒါမင်းသိရဲ့လား !!? "
လက်ထဲ၌ နေ့စဉ်ထုတ်သတင်းစာကိုလိပ်ကိုင်ထားရင်း သူကျွန်တော့်ကိုပြောလာ၏။
"............ "
"အသုံးမဝင်တဲ့အချစ်တစ်ခုကြောင့် ... တောက် !!! ငါ့အသိုင်းဝိုင်းမှာရပ်တည်နိုင်ဖို့ လူအများလက်ခံနိုင်တဲ့ဆရာဝန်ကောင်းတစ်ယောက်ဖြစ်လာဖို့ ရင်းနှီးထားခဲ့ရတဲ့ အချိန်တွေ မင်းကြောင့် အကုန် သဲထဲရေသွန်ဖြစ်ကုန်ပြီ ဘုန်းထက်ဈာန် ...!!"
"ကျွန်တော်လည်း ဘယ်လိုမှမတတ်နိုင်တော့ပဲ ... "
" မင်းကို စိတ်ကုန်တာထက်ပိုတယ်... "
"............"
ကျွန်တော် ကိုဇွဲအတွက် ဘယိလိုမှစိတ်မကောင်းပါလေ...။
ကျွန်တော့်မဆင်မခြင်လုပ်ရပ်တစ်ခုကြောင့် ကိုဇွဲအတွက်နစ်နာမှုတွေဒီလောက်များသွားနိုင်မယ်မှန်း
အစကတည်းက စဉ်းစားခဲ့မိသင့်တယ်...။
" ငါ့ရဲ့ဆုံးရှုံးခဲ့မှုတွေအတွက် မင်းတာဝန်ယူပေးသင့်တယ်လို့မထင်ဘူးလား ?"
အေးစက်စက်ပြောလိုက်သော ကျွန်တော့်စကားအဆုံး ဇက်ကျိုးမတက်ငုံ့နေသော သူ အရည်လဲ့နေသော မျက်ဝန်းတစုံ ကျွန်တော့်ကိုမော့ကြည့်လာ၏။
" ကျွန်တော် ကိုဇွဲအပေါ်ကို ခွင့်မလွှတ်နိုင်တဲ့ ကြီးမားတဲ့အပြစ်လုပ်မိတယ်ဆိုတာ ဝန်ခံပါတယ် ဒါ့ကြောင့် ကျွန်တော် ဘာပဲဖြစ်နေနေ တာဝန်ယူပေးမှာပါ "
