မြတ်နိုးရပါသော " ငယ် "
အာရုဏ်တက်ချိန်မို့ သူရိန်နေမင်းက တိမ်တိုက်များကြား တစတစ ပုန်းကွယ်ရာမှ ထွက်ပေါ်လာချေပြီ…။
မနက် ၇နာရီအချိန်ရောက်တာနဲ့ ကျွန်တော့်မှာ အိပ်ရာထဲလှဲကာ ပျင်းရိနေဖို့အချိန်မရှိ။
ကိုဇွဲ စာမေးပွဲဖြေတာ နောက်ဆုံးနေ့မို့ လိုက်စောင့်ပေးရဦးမည်…။
သြော်…~ အရင်ကဆို မနက် ၈နာရီထိုးခါနီးလောက်မှ ထတတ်တဲ့ကျွန်တော်က ခုတော့လည်း အကျငိ့တွေပျက်လို့…။
ကိုယ့်အဖြစ်ကိုယ်တွေးမိကာ ကြိတ်ပြုံးမိရချေပြီ။
-
-
-
ကိုဇွဲအိမ်ကိုရောက်တော့ သူက ဧည့်ခန်းထဲမှာ Biology ဆိုတဲ့စာအုပ်ကြီးကိုင်ကာ အသံတိတ်စာမှတ်နေလေသည်။
အင်း… ကျွန်တော့်ကိုဇွဲက သူများတွေလို ခုနစ်အိမ်ကြားရှစ်အိမ်ကြားအော်ကျက်မှစာရတာမျိုးမဟုတ်ပဲ အသံတိတ်ကျက်မှခေါင်းထဲစာရောက်တာမျိုး…။
ကိုဇွဲဘေးကို အသာအယာလေးဝင်ထိုင်ကာ
"ကိုဇွဲ မနက်စာစားပြီးပြီလား"
စာအုပ်ကိုအကြည့်မပျက်ပဲ ခေါင်းခါပြလာသည်။
"ဒါဆို စားတော့လေ… မကြာခင်ပဲသွားရတော့မယ့်ဟာ"
"နောက်မှစားမယ် ဒီမှာ အခန်း 11 က တစ်မှတ်တန်မေးနိုင်တာလေးတွေ ကြည့်လိုက်ဦးမယ် "
"ဒါဆို ကျွန်တော်ခွံ့ကျွေးမယ်လေ… ကိုဇွဲဘာကိုဇွဲ စာကြည့်နေပေါ့ "
"အာ ရတယ် ကိုယ့်ဟာကိုယ်စားတတ်တယ် … ငါကလေးမဟုတ်ဘူး ဈာန် "
ဈာန်လို့ ကိုဇွဲဘက်က သုံးနှုန်းလာတိုင်း ဘာကြောင့်မှန်းရယ်မသိ ရင်ဘတ်ထဲကတချက်နာကျင်တယ်…။
"မရပါဘူး ကျွန်တော်ခွံ့ကျွေးမယ်…"
" အေးပါကွာ "
စိတ်မရှည်တဲ့လေသံတို့နှင့်ပြောလာသော ကိုဇွဲကို အပြစ်မမြင်မိနိုင်ပါဘူးလေ…
သူ စာသိပ်မရသေးလို့ စိတ်ရှုပ်နေလို့နေမှာပါ ဟုသာ ကိုယ့်ကိုကိုယ် ဖြေသိမ့်လိုက်မိတော့သည်။
ထမင်းစားပွဲပေါ်အသင့်တင်ထားသော အန်တီမေ့လက်ရာ ထမင်းကြော်ပူပူနွေးနွေးတစ်ပွဲနှင့် Ovaltine တစ်ခွက်ကိုယူကာ ကိုဇွဲရှိရာဦးတည်မိပြန်သည်။
