Mahal,
Bago mo ako bitawan maaari mo bang ipaliwanag sa akin kung bakit mo'ko hinawakan,
Mahal,
Bago mo ako bitawan maari mo bang ipaliwanag sa akin kung para saan ang iyong mga halik, mga hagkan, mga yakap, mga pangako ng walang hanggan, totoo bang minsan mo'kong inibig o iyon ay pawa lamang mga pag papanggap
Mahal,
Bago mo ako bitawan magdala ka ng batsa at maraming pamunas dahil hindi ko maipapangakong hindi bubugso ang aking emosyon, diligan mo ang puso ko ng sarili kong mga luha, subukan mong ipangtahi ang iyong kapatawaran sa bitak bitak kong kamalayan
Mahal,
Bago mo ako bitawan maaari mo ba akong hagkan sa huling pagkakataon, maari mo ba akong kwentuhan sa kung ano nang mga nangayayari sayo gaya ng dati, maaari ba kitang makasamang panoorin ang tala sa kalangitan, maaari bang sa huling pag kakataon sabihin mong mahal mo pa ako.
Mahal,
Kung bibitawan mo na ako, pu'pwede bang huwag muna ngayon.
BINABASA MO ANG
'Santasang Tula
PoetryAng koleksyon na ito ay para sa mga Filipinong manunulat na naghahanap ng lugar para sa kanilang mga akda. Para rin ito sa mga pinoy na patuloy na sumusuporta at tumatangkilik sa mayamang sining ng pagsulat sa Pilipinas sa pamamagitan ng pagbabasa n...
