Dedicated to thegirlbehindtheink
Hashtag, OOTD
Hastag, with boyfie.
Hashtag, at the bar.
Hashtag, feeling tipsy.
Hastag, nightlife.
Hashtag, new life.
Hashtag, new world.
“Kilala mo ba si Maria?”
Maria?
Sino yun?
Ah…
Siya ba?
Siya ba yung babae sa harap ng salamin?
Yung nakasuot ng maikling shorts at damit din?
Siya ba yung babae galing sa tindahan?
Yung bumubuga ng usok mula sa sigarilyo sa tabi ng lansangan?
Siya ba yung babae diyan sa tabi?
Yung nasa grupo ng mga kabataan na umiinom ng Empi?
Siya ba yung babae na nakasabay ko kaninang hating-gabi?
Yung inumaga na sa pag-uwi, papasay-pasay at wala na sa sarili?
Siya ba yung babae na naririnig kong galit na sumisigaw?
Yung kaaway ang ina niyang pumapalahaw?
Siya ba yung babae na nasa elementarya?
Yung namomroblema sa ireregalo niya sa kanyang jowa?
Siya ba yung babae na sumasayaw sa napanood kong video?
Yung nagagalit sa mga bastos na komento?
Siya ba yung babae sa isang tabi?
Yung umiiyak dahil nagbunga raw ang isang gabing pagkakamali?
Siya ba?
Teka…
Si Maria,
Ang babae sa isang sulok.
Tahimik na pinagmamasdan ang mga kapwa niya babae sa mundo.
Si Maria,
Siya ba yung malungkot?
Dahil kokonti na lamang ang mga katulad niyang ang utak ay hindi baluktot?
Si Maria,
Siya ba na umiiyak?
Dahil sa nangyari sa kanyang mga anak?
Teka…
Nasaan na?
Kanina lang ay nariyan siya.
Teka…
Bakit unti-unti kang nawawala?
Maria? Maria… Maria!
Nariyan ka pa ba?
BINABASA MO ANG
'Santasang Tula
PoetryAng koleksyon na ito ay para sa mga Filipinong manunulat na naghahanap ng lugar para sa kanilang mga akda. Para rin ito sa mga pinoy na patuloy na sumusuporta at tumatangkilik sa mayamang sining ng pagsulat sa Pilipinas sa pamamagitan ng pagbabasa n...
