37
لابن عمج ضيع عليه الليله حتى ما ركزت بشكلج البارحه ...بس حاليا مركز ...تعالي
سماره: منذر بس اشيل السفره
منذر: عوفيها بعدين.....
حبيبتي وزوجتي وام بيتي ...اني وياج صرنا واحد... من هاللحظه
سماره: نمت بحضنه لاول مره احس بالامان... جنت مفتقده حضن ابويه ... لگيته بحضن رجال صارلي اب وزوج37
سماره : منذر ....
منذر: لحظه حبيبتي
سماره: رحت لگيته يحجي بالتلفون ...
التفت... من شافني غمزلي ....
منذر : علاوي مو وكتك ،.. ولا وكت عشاكم احنه صايمين
سماره : ابتسمت ... اشرلي تعالي اكعدي يمي ... رحت كعدت
خلى ايده على چتفي
منذر: علاوي البارحه عرسي ... وتگلي عندي شغله مهمه وياك
شو صاير ماعندك احساس ..... اي عادي دك محد يفتحلك
وهو اني ما استحي ... مكافي راح اگابلك يوميه ... بالشغل
ومن ارجع كاعد گبالي ......
سماره: شاورته خلي يجون عيب
منذر : تعال ... ام البيت مقبلت اطردك ... يله ننتظركم .
سماره : خلي اروح اغير ملابسي ....
اندك الجرس
منذر: شنو واگفين ورا الباب .... روحي حبيبتي ... بدلي بسرعه
راح افتح الباب
سماره: غيرت .... وطلعت لكيت بس علي
سلمت ... وسألته على رؤى ... من باب الادب .. بس بداخلي ... ارتاحيت
دخلت بقيت بالمطبخ ... بس طلعت وديتلهم چاي وكيك ...
ورا ساع اندك الجرس ... منذر فتح الباب ... دخلت رؤى ...
من سمعت صوتها طلعت ... سلمت عليها ... منذر گلها... ادخلي للمطبخ
دخلنا وجانت ضايجه وعصبيه ...
سألتها اصبلج چاي
رؤى: لا ما اريد ... دقايق ودخل منذر... گلها تعالي ... اخذها بالغرفه القريبه على المطبخ احنه مسويها هول...سد الباب
حسيت اكو شي .... بقيت كاعده على الميز بالمطبخ ... الى ان دخلت رؤى ومنذر... راح يم علي ... بس دخلت حاميه عليه
رؤى: همزين الواحد ميحجي شي كدامج ... شبسرعه خليتيها بحلك منذر ...
سماره: رؤى شكو شنو الي حجيته لمنذر
رؤى من سألتج على صياحكم ... ومنذر گايل لامي كلشي تم وجنتوا بعدكم
سماره: انت مفتهمه غلط ... اخوج سألني ... رؤى سألتج على شي ... وجاوبته .. لان تعرفين طبعه عصبي .. ما اكدر اضم عليه شي وما ادري بي
شنو حاجي لخاله ...
رؤى: لا والله تعرفين تستغلين ... الحجي لمصلحتج ... وتشوهين صورتي كدام منذر
سماره: شنو الموضوع .. صاير بينج وبينه شي ... اذا تريدين هسه اصيحه ونتواجه ... حتى تفتهمين اني ما احب المشاكل
ومن حجيت مجان قصدي اوكع بينكم
رؤى: والله من اول يوم فتي بيناتنا صارتلنا مشكله ... بعد سنه
يمكن يمر منذر من كدامي ... ميسلم عليه.... شوفي انتِ تضحكين على الكل عود انتِ فقيره ومسالمه ومتضحكين عليه
ترى فاهمتج صح ... بس والله صدك دهيه حتى علي رجلي يگول عليج فقيره ...
سماره: لان قلبه نظيف ... وماعنده سوء ظن ....
رؤى : عود ما اوصيج ... كتي هالحجي لمنذر حتى نتخارب فد مره ...
سماره: طلعت ... راحت لشقتها وبقى علي يمنا ... وبقيت مامفتهمه شكو
من طلع علي ... سألت منذر اكو شي
منذر: صايره بينه وبينها مشكله ... وديحجيلي ...
سماره: ردت اسأله على التفاصيل حتى افهم اني شلون دخلت بالوضوع ...بس من شفته اختصر الكلام وأتذكرت لو يريدني اعرف جان حجى وياها كدامي ما اخذها للهول وسد الباب ..
منذر : وين صافن الحلو
سماره: ابتسمت .. مصافنه ... بس دا افكر بعلاقتك بعلي ...
واصله مرحله يشتكيلك من اختك
منذر: علاوي .. من قبل مياخذ رؤى صديقي ... هو صح ابن خالة امي بس علاقتي بي اقرب من ولد خالتي ...ولو لعب من ورايه وحب اختي ... من اتقدملها گلي .. بيومها گتلته ورا اسبوع
خطب رؤى ...بقيت ما احجي وياه ٣ شهور لحد قبل يوم الحنه مالته عزمتي ... خابرته طيحت حظه .. بالتلفون بس من جاوبني گلي طاح حظك وحظ الي معتبرك اخو مو اخو مرته ... ويريدك توگف ويا بهيج يوم ... سد التلفون بوجهي ... انقهرت عليه ...
رحتله ... ثاني يوم من الصبح ... گلي ها شو جيت گتله جيت علمود خالتي ... ضحك اي صحيح اجيت على خالتك حنين
عاد رجعت علاقتنا اقوى من قبل ... بس رؤى متعبته .....
وموزينه ويا اهله ... وهو خطيه واكع بينها وبين اهله ...
ولو ما يعرف اني ما اقبل على سوالفها ويستحي مني جان ... انفصلوا من البدايه
سماره: الكلام الاخير خليته براسي ... لازم اتحمل اهل .. منذر
على عيوبهم حتى ما اصير مثل همسه وهو يصير مثل خالد ( الي وصل هالمرحله بسبب عجزه يرضي اهله ويرضي مرته ومكدر يحل هالنزاع ... اختار ياخذ دور المتفرج ويخليهم ...
وحدهن يتلاطشن ... حتى تستمر علاقته بأهله ... وعلاقته بمرته )
منذر: حبيبتي گومي بدلي خلي نطلع نتعشا...
سماره: منذر خلينا بالبيت مرتاحين ... فد شويه اسوي عشا وناكل مابيه حيل اطلع ....ضحك
منذر: سموره ترى اني ابو بطن ... ادور اكل وطبخ ....اكل شلون مجان ونزاكه ميصرفلي
سماره: ضحكت ... ادري بيك بس يوم الي اضوجني اكضيها عليك لفة جبن
منذر: هههه حتى ارجعج لاهلج ....
سماره:اذا بيها ترجعني لاهلي ... خلي اكوم اسويلك اكل ... جرني كعدني على رجله
منذر: شكد تحبيني ...
سماره: بكد متحب بطنك
منذر: ههههه لعد واصله مرحله العشق .... ام عيون ام موت على عيونج ... اول مره شفتج وبقيت اركض وراج
كضيتها اسمع عبد الحليم ويا كل يوم اتعلق بيج ... لحد ما فد يوم بليل .... متمدد اسمع بتلوموني قفلت عليج ...نزلت على اهلي گتلهم اريد اخطب بنيه ...ثاني يوم العصر رحت ويا سرمد
وابويه لعمي ( صديق عمج ) وطلبناج منه ...
سماره: اني وافقت عليك وما ادري انت نفسك الي تتصل وتجيني يم المدرسه ... من امي بعدين عرفت ...
منذر: وانت صدك انجبرتي تقبلين ...
سماره: منذر اني مجنت اعرفك ... حتى تعتبر انجبرت عليك
( لان المجبور معناها رافض هالانسان وأنجبر يقبل بي ... اني مجنت اعرفك ومخليه
