51
حتى سلام ما اسلم عليها
سماره: تنهدت لان تعبت اريده يفتهم ماعندي خط رجعه ...
منذر لتعب نفسك ... ماعندي نبه اتراجع عن الانفصال وباجر ...
اتصل على سرمد اسأله على الاجراءات
منذر: كافي سماره ... لتنهين الي بيناتنا بسبب عناد ...على شي انتي اول شخص جبرتيني اتجهله .... يومين واخابرج امر عليج ... فكري زين بحياتنا ... ولتهدمين الي بيناتنا علمود غلطه
سماره: طلع منذر وبيومها حالي الواحد ينازع بين الانقاض ... لكن ثاني يوم اول ما كعدت ... رحت لبيت خالد ...خليت السياره والمفاتيح عدهم ... رادوا يعرفون السبب حجيت كلشي لهمسه صح حاولت تصلح بيناتنا لكن اني جنت مجروحه لدرجه
ما اكدر انطي فرصه ثانيه ....
اخذت تكسي ورحت لمحامي ... سألته شلون اكدر ارفع قضيه طلاگ .... افتهمت.. كلشي ورجعت للبيت ....
انطي خبر لامي ... امي بوكتها مقبلت كلتلي انتظري فتره
حتى بعدين تقررين صح ... گتلها ما اريد ارجعله انتهى ... صفحه
وطويتها ... اريد ابدي حياتي من جديد ....
بنفس اليوم خابرتي منذر الو
سماره: الو
منذر: شنو معناها موديه سيارتج لبيت خالد حتى يسلموني المفاتيح
سماره: ماكو داعي تبقى عندي قبل استخدمها بصفتي مرتك
وهسه راح ننفصل ... رجعتها
منذر: سماره طلاك اني ما اطلك شتريدين تسوين سوي ....وكافي ... ترى دتوصلينا لطريق مسدود ...بهالتصرفات
سماره: خلينا نرتاح ... وعوفني ... شوف حباتك واني هم اشوف حياتي
منذر: شلون بله تشوفين حياتج فهميني ...
سماره: مو الي بالك ... اريد التفت لدراستي ومستقبلي ... بعيد عنكم
منذر:ما اطلك ...
ورا كم يوم وبي اتصل عليه منذر الو
سماره: الو
منذر: سماره شوكت ترجعين والله مدا اتحمل البيت بلياج
سماره: منذر اني اليوم رحت ارفع قضيه طلاك بس احتراما للعشره الي بيناتنا ... كلت انطيك علم حتى لتتفاجئ
منذر: سماره لطلعيني من طوري ... هيج واصلين مرحله ...
شنو شفتيني اخونج بفراشج ... لو جايبها للبيت والله ماعندي شي وياها ليش مدتصدگين ...
سماره: منذر اني ما خابرتك حتى نتناقش خابرتك حتى انطيك علم ... ومتنازله عن كل حقوقي .... وياريت انت اطلك ... حتى منوگف بالمحاكم ...
بيومها تخبل وبقى ميعرف شديحجي ويهدد .... وگلي هسه
امر عليج ترجعين ويايه ....
جاوبته انت ليش مدا اتصدك اني بعد ما اكدر اكمل وياك
وقلبي انغسل منك ... بقى مصدوم ... گلي راح اعوفج فتره
حتى ترجعين لعقلج ادري مريتي بظروف ودماغج مشتت )
ما ردت اتناقش ويا ....كلت اخص الاسبوع اذا ما طلگ امشي بموضوع الطلاك عن طريق المحامي ... ورا يوميه اندگت الباب بليل تقريبا ب٩ دخل جدي ووياه منذر جايب ملابسه
اكذب اذا اگول ما احبه وما احب دخلته عليه بس من اشوفه واتخيل جان يضحك ويتغزل بغيري ومن ورا ظهري .....
ما اتحمل ... وتعز عليه نفسي ... وبداخلي اكول الي يخون مره يخون الف مره ....
من دخل راد يبوسني ... ابتعدت عنه ... سلم رديتله السلام
وصعدت لغرفتي بقى ويا جدي وبيبيتي .... وراها صعدلي للغرفه
بحجة يغير ملابسه ....
گلت ماكو داعي اخلي يتأمل يكدر يخليني اتراجع عن قراري
بداخلي شي مجان يخليني ألين ولا ارحم نفسي وارحمه وانطي فرصه ثانيه. لحياتنا ... چنت قافله ... وبالعكس قرار الانفصال
اتخيله يريحني اكثر ... مما باقيه مرتبطه بي ... )
منذر ليش اجيت
منذر: اجيت على مرتي مشتاقلها ...
سماره :حاول يتقرب مني ويحضني .... صديته ... نزلت دموعي بعصبيه منذر كافي
لتعب نفسك ولا اتعبني وياك .... دخلنا بالمعروف نطلع بالمعروف
اني ما اكدر اكمل وياك ولا عندي نيه ارجعلك ... حتى لو تگول
غلطك جان بسببي اني ما اقنع ... ولا
52
اكدر انطيك فرصه ثانيه
لان اعرف الي يخون مره وميقدر العشره وبأول ... ظرف صعب
يمر بحياته ويا زوجته ... يخون مره ثانيه ... عصب وبدا يعيط
منذر: براحتج سماره ... راح انطيج مهله ترجعين للبيت ... واذا مرجعتي ... اطلگ
سماره: طلع من بيت جدي ... ومرت المهله وما رجعت ...تخبل حاول يشوفني ... لو يحجي ويايه ما اقبل ..وحاولوا بيت خالد ونور يدخلون واجوني لبيت جدي
حتى علي ورؤى ... اجوي ... وجنت اعرف علي ورا الجيه ....
لان عرفت من همسه منذر ... محملهم مسؤوليه ... الي صار وصاير عصبي عليهم وگايللهم ارتاحوا ... خربتوا حياتي .... وبزعتوا المره .....
وحصلتوا الي تريدوا ... بعد مترجع .... واخاف عبالكم .. تتشمتون بيها ... وتتوقعون اتزوج وراها ...ارتاحو ما اتزوج
وباقي وحده بالشقه ... وميلتقي بأحد ... من اهله ....
وسأل سرمد ... اذا رفعتي دعوه ... تكدرين تحصلين .... طلاك گايله
ممكن تحصل حسب الاسباب )
امي مخلتني ارفع دعوه مقبلت ... لان مرادت ( ابراهيم يعرف ... خافت منه اخاف يرجع يتأمل ... وهو هسه متزوج .... وجاسم هم جان مصايرله فتره من طلع وزوجوا .... وامي مگايلتلي ....
لان... خافت اخاف اقلق منه ... وافكر لا يسوي بمنذر شي ....
بيومها من گلتلي صدمتني وبقيت احجي عليها شلون مگلتيلي بله غدر منذر ... گلتلي لا ... الولد متغير ... وتلقن درس وتزوج
بنيه هم حلوه جيران خالته ... هسه حامل .... ( اني من اتزوجت ما ادري لا عن عم ولا ابن عم ... بس جنت اعرف من امي ابراهيم يسأل عليه... قبل ما يتزوج ومن اتزوج بطل )
ورا شهرين ... منذر فقد الامل مني لان ما بقى احد ما دزه ...
واتصل بأمي وحاول يتوسط يمها اكثر من مره ...
واجاني انطاني اخر مهله بس جان ... بصيغة تهديد ... وحلف اذا ما ارجع يطلك .... وما رجعت ... وصدك طلگني ..... طلاگ رجعي
اني قبل ما اطلك سويت تحليل وطلعت حامل بس ما حجيت لان
ما ردت امه واخته يدرون وتالي يوگع الطفل مثل الي قبله ..ويفرحن ما ردت افرحهن ولا اريد يعرفون عني ... شي
بقيت ما گايله لاحد ... حتى ورا ما انفصلنا ... سبحان الله
مرات نتمنى شي ميصير شكد جنت اتمنى يصير عندي طفل وبس يصير عندي حمل وانتبه على نفسي واخاف اشيل ثگل
ومصار .... ومن اطلگت شكد انقهرت ونفسيتي تعبت وصحتي ادهورت اول شهر ... وجنت متوقعه يوگع الطفل ... بس استمر الحمل ...
بقت همسه متواصله ويايه ... وتوصلي اخبار منذر .... ودائما
تحاول تلين قلبي عليه ...ويلين ويحن واشتاقله ... بس تأذيت
منه وصدمني لان متخيلته على الحب الي جنت احسه منه ... اشك بيوم يعرف وحده غيري لو يحب وحده غيري....
وگلتلي رفاه ورؤى ... ملتهين بأبن رؤى ... مكضيها بالمستشفيات والولد خطيه شاكين عنده التهاب الكبد الفايروسي
وامه كاضيتها بس تبچي ... وهاي حوبتج .... گتلها لا هو شنو ذنبه هالطفل اذا امه مو خوش ادميه ان شاء الله يصير زين ...
جنت احبه اتذكر من يجيبه ابو ويجي يمنا من رؤى نايمه ...
وبيومها صدك دعيتله ... يصير زين
بهالفتره بدت ترجع ... دكت التلفون .... ومرات هالدكه ... تخليني احن ... وتنزل دموعي ... شكد حاولت الهي نفسي عنه
ويا امي بالفتره الي بقتها يمنا ... بس ميروح من بالي .... صارت فتره نقاهه رجعتلي كل الذكريات الحلوه الي عشتها وياه .
امي كدام عمي مهدت اني زعلانه ببيت جدي ...بالفتره الي بقتها امي ودرت اني حامل ... صارت بيناتنا مشاكل لان رادتني ارجع لمنذر لخاطر الطفل ... ورادت انطي علم بهالموضوع...مقبلت گتلها منو يگول يبقى ..الطفل
ماكو داعي يتأمل ...ويتصور اريد ارجعله .... يمكن مجنت صادقه ويا نفسي .... لان مرات احس اريد ارجعله
بس بداخلي اگول اذا الله كاتبلي ارجعله ... لازم اخلي يحس بغلطه .... جانت همسه تگلي متأذي على فراگج بس يگول ما ارجعها اذا مابدر منها شي يخليني اعرف تريد ترجع .....
گلتلي بس هو يمكن يدري اكو اتصال
