44
سماره: لا عندي ... منذر عيب تحجي وياهم هيج ... اخاف يزعلون
منذر: ابد مو وكتهم اني انتظر تخلصين تتفرغيلي ...
سماره: من يروحون ابقى وياك .. لزمت خده ..كرصته ... ضحك
منذر: راح اطلع اطردهم
سماره: ضحكت والله انت تسويها ... لا قلبي عيب يله خلي نروح يمهم ... طلعنا ... دخلت للمطبخ اجتي رؤى
رؤى: سماره ...ماكو شي ...
سماره: مثل شنو
رؤى : حمل
سماره: لا مأجلين الموضوع
رؤى: وخطيه منذر شنو ذنبه ... بعد كم شهر يدخل ال٣٠
شوكت يصير عنده جهال
سماره: هو ميريد هسه ...
روئ: اي طبعا لان يشوفج ملتهيه ومتلحگين بيتج تنطفي كم مره
دخلتلج لگيت المطبخكم... مهوس
سماره: مو انتي تجين بأوقات لو هستونا مخلصين غدا لو دا اسوي غدا لو دا ادرس . والصدك مد الحگ .. ( بداخلي اعرفها تتقصد تجي بهيج اوقات بحجج سخيفه مجرد تدخل كم دقيقه وتطلع )
رؤى: سماره... اخاف مديصير عندج ... وتتحججين بمنذر
مو اتذكر جان عندج داء القطط
سماره: تعالجت منه الحمد لله
رؤى: اي لعد سوي طفل ... مو خطيه رجلج.. ميستاهل تفرحي بطل بس تفكرين بنفسج ودراستج وهاملته
سماره: بقت تنگ براسي .... لو بيدي اعيط بوجهه كافي شگد حجيتي بشي ميخصج ... بس لزمت نفسي واحس كلامها ..
يقبض قلبي ... وكل كلمه وگلتلي امي ... ترى مقابله بوضعكم
متحملت .... گتلها رؤى هذا الموضوع خاص بيني وبين رجلي ...
مو من حق احد يدخل بي ...
يوم الي يريد طفل راح نسوي ان شاء الله ... وكلشي بيد الله
اذا كاتبلنا واذا لا
شفتها انصدمت لان جاوبتها
رؤى: لا هالموضوع مو خاص بيكم امي حقها تفرح بجهال منذر .. انت خو متريدين تمشي كلشي بمزاجج
مكافي اخويه ممقصر وياج وين لاگيه هيج رجال تعالي شوفي
اني شمتحمله من علي ... وشسوي ... ميغزر بعينه
وانتِ.. تفكرين بس بنفسج وممريحه منذر ... وهو يباوع لحلگج
سماره: فقدت ... يباوع لحلگي لان اني شايلته بالصلوات ...ومقصره ويا نفسي وبيتي وممقصره وياه ... ومشاغله بالي عنه بأمور متعنيني ...
ولا ادخل بخصوصيه احد ...همي بيتي ورجلي وكلمته عندي
متصير اثنين ..
رؤى: على گيفج عيني .. اني لان احب اخويه انقهر عليه
اروح اكعد يمه احسن ... متسويلي مشكله
سماره: طلعت وانتبهت على نفسي ... هاي اول مره افقد واجاوب
اتذكرت حجايه همسه ... (يجي يوم وتجاوبين لان يطلعن الواحد من طوره) صدك طلعتني من طوري استغفر الله يا ربي
من هاليوم ... بدت معاناتي وياهم بهالموضوع ... وبدت خالتي
كل كم يوم تتصل عليه .... وتبقى تحجي وتبسمرني ... ومن اروحلهم يسمموني ... على كلشي ينتقدون ويقللون من قيمتي .... وگامت تدخل علينا ... بأيام امتحانات الفانيل وكاعده ادرس والمطبخ مخبوص ...( كل البيت نظيف لان احنه منوصخ كلشي نرجعه لمكانه بس المطبخ يتهوس ... من اخلص دراستي اگوم انطف البيت كله بليل ورا مينام منذر ابقى سهرانه اكمله ...حتى من اروح للدوام وارجع ... ادخل بوجهي للمطبخ وهالحاله انتبهتلها ... كل متجي رؤى تطلع وراها تجي خاله
بنفس اليوم ...
وتبقى تحجي كدام منذر ... وتبسمرني ...منذر يبقى ساكت يغلس ... مثلا تگلي ... منذر متعلم على نظافه
لو تگوم تدخل للمطبخ كدامه ... تريد تغسل الماعين .. واگلها خاله ارتاحي اني يوميه متعلمه من اكمل قرايه اشتغل بليل لو تبسمرني ماعندج طفل وهيج ممدبره امورج
من هاي منذر ميدور جهال.. طبعا تصيرون هوسه
لو .... متخلص ... لان هم ميقدرون ولا يحسون بتعب غيرهم وسبحان الله بناتها اثنينهم المزعجات مرتاحات ... رؤى علي الي مقابله عليه ...حتى يغسل ملابس... ويعرف يطبخ ... ومن صار عدها طفل م
الولد كم مره يجي يتغدا ويانا لان يلگاها نايمه .... جانت امنيتي
اكدر اعيرهم بهالسوالف واصير قليلة ادب
بس جنت اسكت... وارد على كد الي اخلاقي تسمح بي
صرت من ضغط الامتحانات...والتعب
45
وسهر الليل ... وفوگاها
اسمع كلامهم ولازم اتحمل .. اخر الليل انفجر ابچي ...
ارتاح من ابچي واحس تصير عندي قوه تحمل اكثر
ووحده من هالليالي ...
ما احس الا منذر فوگ راسي واني بالهول ...
منذر: سماره شبيج ليش تبچين
سماره: مجنت حاسه على نفسي ... من كعد بصفي گلي سماره اكو شي مأذيج
جاوبته وابچي بحضنه ...منذر تعبت امك واختك تعبوني ... بعد ما عندي طاقة اتحمل ... اسمع حجي واكتم ... من اتزوجتك لليوم اني اسمع اشكال حجي وما فديوم وصلتلك حجايه ...
بس وصلت حد يدخلون بأمور مو من حقهم ... يدخلون يحاسبوني على شغل لو على طفل
منذر: طفل شنو
سماره: صار فتره يلحون بهالموضوع وشاكين اني ميصير عندي ... ودنتحجج
واكثر من مره ... من اروح يم اهلك ... ويمكم احد من كرايبكم ...
خاله تحجي كدام الخطار ... تگلهم ميصير عدها اطفال .... وكدام رنا اختك من سألتني شعجب متسوون طفل تگلها
منذر كاتل روحه على طفل وهي متحججه بالكليه ... متكله اني عندي مشكله ومديصير عندي
منذر: استغفر الله ... يعني والله ما ادري شسوي ... هي امي واني مرتي ...
كافي حبيبتي اني ... اعرف شلون اتصرف بهالموضوع .... امشي خلي انام وراج امتحان ...
بقى يحجي ويايه لتهتمين لكلام احد اني راضي وانتِ مريحتني
خلي يحجون ...شفتيني اتأثرت بالحجي جاوبته لا
منذر: لعد ليش تغثين نفسج ... سماره هي هم امي اني ترى كومه حاجي وياها ... لتتوقعين ما انتبه لو اقبل احد يغثج واكثر من مره طلبت منها متدخل بحياتي ... بس شسوي هذا طبعها ... انت حبيبتي اتحمليها لخاطري ...كلامه ريحني
سماره: ثاني يوم رجعت للشقه ملگيته ... بقيت انتظره ... اتأخر بقى بالي ...
رحت دكيت الباب على بيت رؤى ... اسأل علي ... ملگيتهم
بقيت انتظره الى ان اجى
من سألته گلي رحت لبيت اهلي ... حجيت وياهم بعد محد
يدخل بهالموضوع
معرفت شنو گلهم الا ثاني يوم .... من نور بقت تحجي ويايه وتنصحني ما اخلي ملحت خاله تأثر عليه ... لان هذا طبعها وگلتلي اني بتها بزعتني ... جانت يوميه مسويتلي مشكله ويا رجلي ... لان متحبه ... وتسمعه حجي ... ووصلت بيناتنا للطلاك
وبعدين فصلت حياتي وياها عن حياتي ويا رجلي ...
وعرفت منها ... منذر متصل عليها ... وحاجيلها الي صاير
وگايللها احجي ويا امي ... لتدخل بحياتي ...لو راح تعيد فلم بيت خالد ويايه ...
الي انتبهت عليه ..منذر... بدا يتعلم يساعدني ... حتى ورا
ما خلصت الامتحانات... بأمور بسيطه ... بس جنت فرحانه بيها
لان احسه مقدر تعبي
مثلا يشرب مي بكلاص يغسله ويرجعه ... يشيل السفره واني اغسل الماعين .. ينشف الحمام ورا ميفوت يسبح من هالامور
بداية ايام العطله جانت مثل العيد عدنا ... لان اتفرغتله واتفرغت للبيت ...والعصر نطلع لو نروح لبيت جدي ومرات نبات يمهم...
وخالتي مجازت ... وفوگاها اجتي رنا ... لان جهالها هم عطله
رجع الزن وشفت ... مامنها فايده احجي لمنذر ... لان الولد ...
شيسويلها... يحجي وميفيد .. واني اسمع واطلع من الجهة الثانيه .... ورا فتره امي گلتلي سوي طفل ... وامي گالت
خلي تبقي يمي لو يم خالتج من اداوم ....
فتحت الموضوع ويا منذر مقبل گلي يتبهذل ... وبيبيتج مره چبيره وين تكدر اداري طفل ....
ورا كم يوم رحنا لبيت خالد ...عازمينا وخاله والبنات هناك
رفاه: اريد اشوف انتوا شتنتظرون ... متسوولكم طفل
