26
منذر: ها حبيبتي خلصتي
سماره: نص ساعه واخلص بس اريدك تمر للبيت نسيت الحذاء هسه خابرت امي تنتظرك بالبيت
منذر: ماشي ... نص ساعه اني يمج
سماره: قبل ما اخلص بشويه دخلت امي ... گالت يله مخلصتوا تاخرنا نص ساعه على الموعد هسه العالم وصلت من قبل ساعه
ام الصالون : هاي خلصت بس اثبته بالسبري احمدي الله التسريحه مخربانه بس ثبتناها اكثر مبين عريسكم يدور طلايب ولا جان بعد ساعه ما طلعت
ايمان: اي والله عصبي مينجرع
سماره : انطيت لامي اشاره بعيني مقبلت تحجي عليه كدام ام الصالون
من طلعت گتلها انتِ شلون تحجين عليه ... كدام وحده غريبه
ضحكت گلتلي ولج سماره گمتي تحبي ...
جاوبتها مو رجلي ليش لعد ما احبه
ايمان: لعد والي سوا قبل متجين
سماره: مشكله بيني وبينه ... خو مو تسولفيها لوحده غريبه
ايمان: دسكتي ليسمع ... الولد
سماره : من شافني نزل فتح الباب الورا امي مقبلت تكعد ليكدام ... گتلها انت اكعدي ..گلي فضيها واصعدي احنه بالشارع ( يقصد راح ابقى واگفه واحد يباوعلي) ... ركبت بصفه وامي ورا ... مشغل اغانيه مبروك عليك ...
بقينا طول الطريق منحجي لان هو يستحي من امي .... من وصلنا ... شفنا مرت خالد وخاله واگفه منن شافتنا اتأفأفت ...
نزلنا ... وين صرتوا ...هذا الحجي اني ما ادري بي بس مرت خالد گلتلي عليه ... من گالت وين صرتوا منذر رافع اصبعه لشفايفه... معناها اسكتي ...
من دخلنا اتذكر الاغنيه الي شغلوها ... لان الطريق كله اني اسمعها مبروك عليك ... كعدنا على الكوشه ورا دقايق گام ... شفته راح حجى ويا خاله ... وطلعوا برا القاعه
شويه ورجع بصفي ... بس خاله گالبه خلقتها ... خواته والكرايب ديركصون ... ورا شويه صاح نور ...شاورها ... راحت ... ورا اقل من ساعة گلتلي گومي غيري بدلتج حتى يلبسج الذهب ..
انداريت عليه دا اگله هز راسه هزه خفيفه وغمض عينه .. معناها روحي ..
اجتي ويايه بت خالتي ومرت خالد( حبابه ...دخلت ورانا ... من بدلت
همسه: الله ... هاي تخبل عليج احلى من ذيج
اليوم رفاة تنجلط من وراج ومن ورا منذر
سماره: ليش شبي منذر وياها
همسه: من دخلتوا وحجت اشرلها بأصبعه اسكتي ... من دخلتوا اني بقيت برا مدخلت من ورا ابني ميقبل يفوت يبچي ... دا اهزه حتى انيمه طلع منذر ويا خاله
گلها الي يغث مرتي اليوم احرگ الدنيا علي ... كافي عليها مغثتي ومتحملتني ... مو شفتوها مترد وتسكت ... تلطشون بيها
خاله گلتله ... اكو وحده تروح للصالون من الظهر لهسه ديصبغوها ... لو ديصبغون غرفه جان خلصت بقت العالم تسأل وين العرسان
گلها اني عاجبتني ... وماكو وحده بالقاعه كلها بجمالها وانت تعرفين كلش زين ... بس ادوريلج حجج عليها... ماطول اني مقتنع بيها ميهمني حجيكم بس ما اقبل احد يغثها ... وخلوا اليوم يعدي على خير بدون مشاكل ... گلتله اوي اني شكو مدوخه نفسي وياك ودخلوا
سماره ترى منذر كلش خوش ولد ومبين يحبج ... لتخليهم يأثرون على علاقتج بي ترا هن زنانات ... اني اخذت خالد عن حب ومن وراهم ومن مشاكلهن ... صار بيني وبينه فتور من المشاكل واني
جنت صغيره مثلج ما افهم ابقى ازن براسه ليش يسوون خيج وليش يحجون هيج وما اجاوبهم ... الى ان مل من المشاكل ... وصل مرحله كأنه ما اله علاقه بيه ولا بيهم وحدنا نتلاطش ...
لحد ما بزعوني وطلعت منهم وما خلصت ... لليوم فدقيهم لتخليهم يحسون كلامهم يغثج ... انطيهم الاذن الطرشه ....
سماره: والله يا همسه اني مو من طبعي اجاوب ان شاء الله ابقى على هالحال واتحمل
من طلعت البنات هلهلوا ... من وصلت قريب وشافني ابتسم ...
ما ادري حسيتها ابتسامته تباهي ...گام وگف باسني من راسي كدام الكل ... كعدنا جابت رنا الذهب ... وياها عمته الچبيره ..اني احس ماكو احد بس اني وياه ما ادري بالهلاهل
ولا بالركص ولا بالاغاني ولا باملتمين يمنا ... بس اسمع صوتة بأذني ديلبسني الگلاده والتراجي ...اموت عليج ...اليوم ابات يمكم
گتله ترى بعدنا متصافينا
منذر: لا والله ما غزر وكفت بالنص ساعه انتظرج من دخلتي ما غزر رحت جبت الحذاء وبقيت انتظرج الى ان خلصتي.... بدلت ركض رباطي لفيته يم باب بيت جدچ بين مطلعتلي خاله ..
سماره
