46
منذر: سماره تريد اني ما اريد ...هيج مرتاح ...
رفاه: وانت شنو صغير متريد بله هي صغيره ... بس انت راح تدخل الثلاثين
منذر: ماما ترى هوايه دتلحين ... نخلف وين نودي ... اهلها گلولها سوي طفل جيبي يمنا ... واني ابقى يوميه مودي وجايبه ... ما مستعجلين ...
رفاه: اي هاي الي يتزوج طالبه
سماره: شفت منذر ضاج غمض عينه واستغفر
همسه گلتلي بالمطبخ ... لج اخلصي من لسانها وسويلج طفل
وجيبوا يمي ... والله اني اداري ويا حسوني ... (ابنها عمره ٤ سنوات )...
همسه جانت ورده ويايه (واكبر مني ب١٥ سنه تقريبا )لان ضايكه نفس المر ... وتعرف اني ما اكدرلهن ... ولا راح ابيع نذاله وياها واروح اوصل كلامها لاحد منهم ... لذلك جانت اقرب وحده بهالعائله الي .. حتى نور شكد علاقتي صارت قويه بيها ... بس ما اكدر احجيلها كلشي
مهما يكون ... رفاه امها والبنات خواتها ....
بقى منذر قافل .. ميريد طفل .. الموضوع بقى ببالي وبديت الح عليه لان گلت يجوز منذر صدك يريد طفل ولان اني ملتزمه بدارسه وكليه ..لخاطري ساكت ...
سماره: منذر خلي نسوي طفل حتى لو ااجل سنه وارجع اكمل وابقي يم همسه لو خالتي ... ورا السنه
منذر: سماره هو مو حجي ... اني ما اكيف يصير عدنا طفل
بس انتِ راح تتعبين واخاف تلتهين والطفل يتبهذل يا مودي وبا جايبي ... من همسه ....
سماره: بيومها من شفته حاير شكد كرهت خالتي... تريد طفل
وبالكذب ما گالت ... خلوا يمي لو رؤى تبقي يمها اداري ويا ابنها حجاية التنگال ... ميحجوها بس سوالف
خبث وصلافه يحجون .... ويجوز ددك رجل على الطفل ميريدوني
اكمل ... كليه ...
المشكله الي صارت ... وغلطت بيها قبل جانوا يخافون يحجون شي عليه كدام منذر.... لان يخافون منه لا يعرف بسوالفهم
ورا ما حجيتله طلع من رايحلهم مخابر حتى على رؤى ...
ومكعدها هي وخاله ... وحاجي وياهم ... عرفن يدري
بسوالفهن .... گامن ميخافن .... يزيدن ما ينقصن....
صار عندي حمل ... ما طول اقل من ٤٠ يوم وطرحت ...
وبديت من وراها اسمع حجي .... تعبولي نفسيتي.... بالملحله
بديت اجاوب وارد ...
كم مره يروحون يشتكون لمنذر .... مرتك لسانها اطول من لسان همسه...... همسه طلعت فقيره يمها ... لو يسولهم زعله ويعاتبوا
وهمسه جانت تگلي مينطي بيج كدامهم ...
منذر: ... سماره شنو الغيرج... لترديهم عوفيهم يحجون لحالهم ...انت حبيبتي عاقله
سماره: منذر امك واختك ... حتى قل ما بقوا براسي
امك وصلت حد تگلي والله كدامج كم شهر ... تتعالجبن ترى اشوفله مره
منذر: وهو بكيفها اذا شافتلي مره راح اخذها شنو اني صغير ... وتخافين تزوجني ... الله يرضى عليج ... لتتأثرين
بكلامهن ... خلينا مرتاحين بيتنا وخليهن يحچن لحالهن
اني وياج متفاهمين ومرتاحين .. بدون مشاكل ...
حبيبتي ترى انتِ دتأثرين عليه وعلى نفسج وعلاقتنا بهالمشاكل ... تشغلين راسج بكلام ... وامور ....
ملهيتج عن دراستج وعني ....انت صايره اغلب الوقت عصبيه
وبس احجي وياج ... تگبين ... بيه وطلعين سوالف امي ورؤى
عليه .... وموضوع الطفل هذا بيد الله كاتبلنا الحمد لله ما كاتبلنا هم الحمد لله .... اني عندي بنيه صغيره شسوي بالجهال
سماره: كلامه كل صح واني هم منتبهه على نفسي بديت اثور
وياه واتحسس منه ومن كلامه ... وهو ما اله ذنب ... بسوالف امه
واخته ....
هالحال ... استمر يزيد ما نقص بالاخص بعد ما صار عندي طفل ثاني وهم اجهضت ... هنا تخبلت امه .... كامت يوم الي
ينجمعون الكل ... بيتهم .... كدام منذر تحجي على فلانه وعلانه
فلانه جسمها يخبل فلانه صايره... شلون عروس ... واغلبهم ...
اعرف اسمائهن جانوا صديقاته قبل منتزوج
هالاسطوانه .... متخلص استمرت وزادت وصلت حد كم مره
تخابر على صديقتها وبتها ورجلها يجون ( اصدقائهم عائليا)
يتغدون لو يتعشون .... وكدام الامايه تگلها منذر يريد طفل كاتل روحه ... بس سماره تشيله منا توگعه منا ...
هالفتره جانت .. نهاية صف ثاني ... كليه ... وصلوني مرحله كرهت اليوم الي اتزوجت منذر شكد احبه واحب حياتي وياه
بس كرهت هالحياة من ورا امه ....
الولد ... جان مقلل من روحاتنا يمهم ... بس المشكله ما كدر يسوي شي
لان هي گامت تجي وتبات يمنا ... وتسلب راحتي حتى ببيتي
حتى من تشوفنا واگفين سوا بالمطبخ مرات يدخل ديشاقى لو يحجي ويايه .....
اطلعلها حجه ... وتصيحه ....
كثرت المشاكل وبديت اني ازن براس منذر امك واختك وهم يزنون براسه مرتك ....
وصلت مرحله كلامهم شغل تفكيري ... وشلون اردهم وشلون افشلهم اذا حجوا شي ... ومن يسوون شي كدام منذر
شلون ما اخليهم يأثرون
47
عليه ..... وووووو هالتفكير طلعني من حاله الثقه بالنفس ورجاحت العقل الي جنت امتلكها والكل يثني عليها ... موضوع الطفل صار نغصه بحياتي ... بس مو من منذر بالعكس ولا يوم حسيني .. مقهور على الحمل الي راح بالعكس
يخاف عليه ويگلي عوفيها على الله اذا ميصير شنو بأدينا وجنت اراجع دكتوره وكل التحاليل والفحوصات ماعندي مشكله ...
وهو ويايه يگلي خلص سدي الموضوع ماعدنا مشاكل صحيه ... عوفيها على الله
لكن ..كل الكلام مافاد صارت مثل الحرب منو الي يفوز بيها
بعتقادنا ممكن نوصل لخبث وشر بعض البشر
حتى نكدر نتغلب عليهم لكن بالحقيقه ... مجنت اكدر الفق حجايه عليهم مثل ميسوون ولا اكدر اكذب بموضوع وأألف مثل خيالهم الواسع ... قصص ومواقف ... حتى يدينوني بيها ...
ولا كدرت على موامراتهم ..... ولسانهم السليط ... صح جنت اجاوب بس ما فديوم جاوبت وشفى غليلي هالجواب بالعكس يردوني رد ... افتهم منه اني مو گدهم ولا راح اكدرلهن
وصلت المرحله بيه واني ساهيه بيهم ... اهملت رجلي وتعاملي وياه صار مثل الواحد مكادر على واحد بس هو ابنهم اني اطلع قهري بي ... على شكل عصبيه واهمال ومشاكل بيناتنا ...
بدا ينبهني ... ويعصب عليه لان كل كلمه يحجيها افسرها
من امه ... وتگب بيناتنا وهو حاول ينبهني على الوضع الي بيناتنا ...
والتعادي عنه ... مره بلين ومره بعصبيه ...ويحاول يتقربلي .. واني اتحجج بالدراسه ... والبيت ....ماعدا سالفة امك واختك هيج كالولي وهيج حجوا عليه كدام فلان .... وهن يزنن براسه مرتك مرتك ...
شكد شخصيته قويه وميتأثر بكلامهن وشكد حجى وياهن ليدخلون وحتى كدامي يفشلهم
من يحجون عليه ... بس مفاد ...
صارت فجوه بحياتي اني ومنذر ... واني الي ... سويتها اكثر مما اهله سووها
كان ثمنها .... انفصلنا ...
