38
الاختيار لاهلي ... وهم شافوك مناسب الي وافقت)
منذر: زين شهرين رايح جاي ... وايدي وكعت من التلفون ...
ما حنيتي ... ما قلبج حبني ... ورف عليه ...
سماره: الحمد لله ما حبيتك بوقتها ... هو اني ما حبيت وانت
ساعة العصبيه ... تتهمني ... عاد لو حابه جان گتلي عندج علاقات ( ابتسم)
منذر: انتِ متنسين ... مو گتلج بساعة عصبيه ... ثانيا لان احبج اغار عليج ... اصير عصبي اريدج بس الي ... هاي عقليتي هيج
سماره: من ورا العلاقات ... ترى ادري جنت مصادق بنات المنطقه
منذر: سمسم بطلت ما اريد عشا ... خلي نروح انام متصافين ... البارحه ابن عمج خرب الليله اليوم بنات المنطقه يخربوها ...
سماره: لا ما الي علاقه بلي قبلي احاسبك من اليوم ... (يضحك)
منذر: على شنو تحاسبيني ...صفيت النيه
سماره: گول والله....
منذر: هههههه وعيونج ... ماعندي شي
سماره: احلف والله مو بعيوني
منذر: والله ماعندي ... حضنتها قوي ... لج بابا انت روحي
دماغي ميشتغل بس بيج
سماره : ورا يومين خلصت اجازة منذر وداوم .... بقيت وحدي بالشقه بقيت الهي نفسي بالشغل ... وكل متفوت ساعه اشتاقله اكثر ... دك التلفون
الو
منذر: الو ها حبيبتي خوما ضايجه
سماره: والله ضايجه تعلمت عليك ....
منذر: اني هم اريد الدوام يخلص وارجع للبيت علمودج
سمسم ابويه خابرني گال تعالوا تغدوا يمنا ... الكل راح ينجمعون ... يمهم
سماره: على راحتك
منذر: لعد حبيبتي خلصي امورج ... اجي الگاج مكمله بس افوت اسبح وابدل ونطلع
سماره: ان شاء الله .... يله حبيبي اخذ راحتك ....
رجع منذر ... بعدها طلعنا لاهله ..... من وصلت حسيت بخاله
زايده اكثر من كل مره ... ورا شويه صاحتني ... بغرفتها....
رفاه : شوفي سماره... اذا راح تبديها لئم ... ومشاكل .. انتِ الخسرانه
سماره: صاير شي خاله
رفاه : خليني اكمل .... سوالف الفتانه اني ما احبها ... مال شكو شي نحجي وياج تركضين تخلي بأذن منذر ... بطليها
لان اتعبج ...
بناتي خط احمر ...واذا سألتج واذا خابرتني وگلتلي الحجي الصدك ... شنو حضرتك متتحملين حجي ... وانتِ منو حتى
تحركين منذر على رؤى ... ويرزلها من وراج لان گلتلي بينكم مشكله وخابرته افتهم منه ... فوگاها يگلها بطلي فتانه وتشتغلين
جاسوس لامي ... مجان گلج بطلي فتانه من گلتيله
سماره: خاله انتو مفتهمين غلط ... رؤى من سألتني اني ما ادري بي شنو گايلج ... ورا مراحت رؤى سألني ...رؤى سألتج شي گتله حجيتلها على المشكله البيناتنا وعرفت مصار شي لوالصدك ما اكدر اضم علي من يسألني لان منبه عليه
و اخاف من عصبيته ... فحجيت... ومجان قصدي ...
انقل حجي
رفاه: على العموم ... انت تنضرين اذا سويتي مشاكل ... وشدعوه عليج متتحملين كلام من عدنا
سماره: ليش خاله اكو يوم حجيتي ويايه .... وبدر مني شي
رفاه: هسه مصار شي عود اعتذري لرؤى ....
سماره: بقلبي ... استغفر الله ... خاله مابيناتنا شي يستاهل الاعتذار احنه خوات ... واني ما غلطت بحقها بشي ... اذا بينها وبين منذر سوء تفاهم ... اني ما الي علاقه هم اخوه بيناتهم... ترى حتى منذر محجالي شي .. ولا اني سألته
هسه سمعت منج رؤى زعلانه ... ومن تجي اني احجي وياها
رفاه: اي صالحيها ترى مقهوره منكم ... ومن اخوها ...
سماره: ان شاء الله ..... من طلعت اتقصدت ابقى يم منذر من
حتى بيت رؤى من يجون ... و اسلم عليها كدام منذر متفشلني
وما اعتذر على شي اني مغلطانه بي ....وبعدها اسوي الامور
طبيعيه وياها كدام خاله وصدك اني ماعندي مشكله وياهم
وراها عرفت من همسه ... رؤى عدها مشكله ويا علي ... ولحد هسه ميحجي وياها ... لان بيوم عرسنا ... من سامعه صوت العياط مخابره امها مسولفتلها اكو بيناتنا مشكله وثاني يوم من رجعت من يمي هم مخابرتها گايلتلها منذر چذاب ... مصاير بينهم شي
علي مرزلها گايللها انت شكد تحبين مشاكل .... ادري هو مو اخوج المفروض اتضوجين من يصير شي بيته ... لان ينقهر ويضوج ... شنو هالحقد ... گايللها انتِ متحبيها لان تغارين منها ... هاي متخبله وگابه بينهم ... وهو مطلع الي بقلبه وحاجي عليها علمود سوالف الخباثه مالتها ويا اهله ...
سألتها انتِ منين تعرفين گلتلي خاله خابرت خالد وسولفتله
حتى يرزل علي ....لان منذر مخابر خاله ... باقي يحجي على رؤى وگايللها فشلتوني كدام الولد لو مو اني صديقه ويستحي مني ويعبر لبنتج لخاطري جان طلگها من زمان ... هسه حامل خلي تحترم نفسها لا اطيح حظها ... وحاجي على خاله لان مساندتها وتكيف على فتانتها متصدها وترزلها ....)
من سمعت الموضوع ... عرفت ليش متخبلات عليه ... اخاف قبل
تكرهني ورا حجي رجلها ومديحه الي راح تموت مني وتشتغلني
خباثه ...
وبالفعل ... ورا ايام كامت تجي .... تذبلي حجي على منذر وعلاقاته ... وتريد تقنعني لهسه هو مستمر ...
وتذكرلي اسماء صديقاته وكل متجي يمنا ... بالشقى عود اتذبلها اسم وحده منهن ... هو يغلس ... ميجاوبها ... وراها
فديوم جان منذر مجاز ...كعدت لگيته طالع ... وراها ... اجتي رؤى .... هلو
سماره : هلو
روئ: لعد منذر وين مو مجاز اليوم
سماره: ما ادري كعدت لگيته طالع ...شو هاي ضحكت
رؤى: اخاف متواعد ... وانت نايمه
