22
منذر: كملي ماما من تريدين شي احنه بصفكم
رؤى: شتريدين منهم ماما خليهم فرحانين اليوم منذر.. ممصدك بسماره مرتبه نفسها
سماره: اني ما اردهم ... اكتم بداخلي .
من دخلنا لمحل البنات دياخذون بدلات ... اني دا افتر اتفرج شفت خاله
راحت تحجي ويا منذر وهو چان عصبي من ديحجي وياها
ورا ما طلعنا ... تغيرت معاملتها ... ويايه صارت ألين عرفت
الموضوع جان يخصني وهو معجبه كلامهم ... وهو بقى واگف بصفي وين ما اروح وادخل ومبين ضايج طول الطلعه عاگد حاجبه ... اجتي نور وگفت يمنا حسيتها دتلطف الجو
شويه خلته يفك ويضحك... البنيه استاذه جامعيه بكلية الصيدله
متحب المشاكل .. مسالمه.. بس رؤى ورنا ( متزوجه مصلاوي وعايشه بالموصل) ذني مبينات مثل امهن
خالد ومنذر ورنا على عمي ....
رجعنا للبيت نزل ديوصلني ليجوه ويروح
منذر : حبيبتي لتنغثين من الحجي لديرين بال ... المهم اني مقتنع واحبج على بساطتج وتصرفاتج الطبيعيه
سماره: حبيبي لتضوج عادي هم طبعهم هيج ...ما اهتم
للحجي لان اعرف لو بيه قصور انت تنبهني عليه
هالموضوع مجان شي سلبي بكد ما انطاني طاقه ايجابيه ... ودافع انتبه لدراستي ... اذا جنت ادرس ٣ ساعات گمت ادرس ٦ حتى احقق طموحي ..واكبر بعين رجلي ...من اطلع مجموعه طبيه راح اتميز عنه ساعتها امه بعد متشوف ابنها افضل مني
