52
اكدر انطيك فرصه ثانيه
لان اعرف الي يخون مره وميقدر العشره وبأول ... ظرف صعب
يمر بحياته ويا زوجته ... يخون مره ثانيه ... عصب وبدا يعيط
منذر: براحتج سماره ... راح انطيج مهله ترجعين للبيت ... واذا مرجعتي ... اطلگ
سماره: طلع من بيت جدي ... ومرت المهله وما رجعت ...تخبل حاول يشوفني ... لو يحجي ويايه ما اقبل ..وحاولوا بيت خالد ونور يدخلون واجوني لبيت جدي
حتى علي ورؤى ... اجوي ... وجنت اعرف علي ورا الجيه ....
لان عرفت من همسه منذر ... محملهم مسؤوليه ... الي صار وصاير عصبي عليهم وگايللهم ارتاحوا ... خربتوا حياتي .... وبزعتوا المره .....
وحصلتوا الي تريدوا ... بعد مترجع .... واخاف عبالكم .. تتشمتون بيها ... وتتوقعون اتزوج وراها ...ارتاحو ما اتزوج
وباقي وحده بالشقه ... وميلتقي بأحد ... من اهله ....
وسأل سرمد ... اذا رفعتي دعوه ... تكدرين تحصلين .... طلاك گايله
ممكن تحصل حسب الاسباب )
امي مخلتني ارفع دعوه مقبلت ... لان مرادت ( ابراهيم يعرف ... خافت منه اخاف يرجع يتأمل ... وهو هسه متزوج .... وجاسم هم جان مصايرله فتره من طلع وزوجوا .... وامي مگايلتلي ....
لان... خافت اخاف اقلق منه ... وافكر لا يسوي بمنذر شي ....
بيومها من گلتلي صدمتني وبقيت احجي عليها شلون مگلتيلي بله غدر منذر ... گلتلي لا ... الولد متغير ... وتلقن درس وتزوج
بنيه هم حلوه جيران خالته ... هسه حامل .... ( اني من اتزوجت ما ادري لا عن عم ولا ابن عم ... بس جنت اعرف من امي ابراهيم يسأل عليه... قبل ما يتزوج ومن اتزوج بطل )
ورا شهرين ... منذر فقد الامل مني لان ما بقى احد ما دزه ...
واتصل بأمي وحاول يتوسط يمها اكثر من مره ...
واجاني انطاني اخر مهله بس جان ... بصيغة تهديد ... وحلف اذا ما ارجع يطلك .... وما رجعت ... وصدك طلگني ..... طلاگ رجعي
اني قبل ما اطلك سويت تحليل وطلعت حامل بس ما حجيت لان
ما ردت امه واخته يدرون وتالي يوگع الطفل مثل الي قبله ..ويفرحن ما ردت افرحهن ولا اريد يعرفون عني ... شي
بقيت ما گايله لاحد ... حتى ورا ما انفصلنا ... سبحان الله
مرات نتمنى شي ميصير شكد جنت اتمنى يصير عندي طفل وبس يصير عندي حمل وانتبه على نفسي واخاف اشيل ثگل
ومصار .... ومن اطلگت شكد انقهرت ونفسيتي تعبت وصحتي ادهورت اول شهر ... وجنت متوقعه يوگع الطفل ... بس استمر الحمل ...
بقت همسه متواصله ويايه ... وتوصلي اخبار منذر .... ودائما
تحاول تلين قلبي عليه ...ويلين ويحن واشتاقله ... بس تأذيت
منه وصدمني لان متخيلته على الحب الي جنت احسه منه ... اشك بيوم يعرف وحده غيري لو يحب وحده غيري....
وگلتلي رفاه ورؤى ... ملتهين بأبن رؤى ... مكضيها بالمستشفيات والولد خطيه شاكين عنده التهاب الكبد الفايروسي
وامه كاضيتها بس تبچي ... وهاي حوبتج .... گتلها لا هو شنو ذنبه هالطفل اذا امه مو خوش ادميه ان شاء الله يصير زين ...
جنت احبه اتذكر من يجيبه ابو ويجي يمنا من رؤى نايمه ...
وبيومها صدك دعيتله ... يصير زين
بهالفتره بدت ترجع ... دكت التلفون .... ومرات هالدكه ... تخليني احن ... وتنزل دموعي ... شكد حاولت الهي نفسي عنه
ويا امي بالفتره الي بقتها يمنا ... بس ميروح من بالي .... صارت فتره نقاهه رجعتلي كل الذكريات الحلوه الي عشتها وياه .
امي كدام عمي مهدت اني زعلانه ببيت جدي ...بالفتره الي بقتها امي ودرت اني حامل ... صارت بيناتنا مشاكل لان رادتني ارجع لمنذر لخاطر الطفل ... ورادت انطي علم بهالموضوع...مقبلت گتلها منو يگول يبقى ..الطفل
ماكو داعي يتأمل ...ويتصور اريد ارجعله .... يمكن مجنت صادقه ويا نفسي .... لان مرات احس اريد ارجعله
بس بداخلي اگول اذا الله كاتبلي ارجعله ... لازم اخلي يحس بغلطه .... جانت همسه تگلي متأذي على فراگج بس يگول ما ارجعها اذا مابدر منها شي يخليني اعرف تريد ترجع .....
گلتلي بس هو يمكن يدري اكو اتصال
53
بيناتنا ...فيحجي هيج
حتى اوصلج الكلام ....جاوبتها اني هم اتوقع لان يعرف بينا من قبل متواصلين
ورا ما انفصلنا مر مرتين لبيت جدي ... مره خليت بيبيتي تتصل عليه ... حتى خالتي تروح تجيب غراضي من الشقه ... مقبل گلها اني اجيبها .... مر جايب جنطه بيها شغلات بسيطه ملابس الطلعه والدوام وكم شغله مال بيت ... افتهمت يريد اني اجي اخذها ... من قرب الدوام احتاجيت كتبي و ... غراضي اغلبها باقيه عنده من اجتي امي ... طلبت منها تتصل عليه حتى تروح اتجيبهن ... اتحجج ماموجود بالشقه
ورا كم يوم مر .... جاب الكتب وهم مو كامله ....عرفت ديتقصد يريدني احجي وياه ... حتى يجيب الباقي
ورا كم يوم بدا الدوام .....
اول يوم داومت ... صف ثالث ... نور حماتي دخلتلنا محاضره ...
من خلصت المحاضره ... سلمت عليها ... سألتني على احوالي ... وابد ما فتحت ويايه شي خص موضوعنا اني ومنذر
ورا كم يوم ... طلعت من المحاظره شفت سياره منذر ... وهو مموجود بيها ... گلت يجوز جاي على نور ...
دخلت محاضرات بس دماغي كله يمه وافكر بي مشتاقه اشوفه حتى لو من بعيد ... اخر الدوام ...طلعت بعدها سيارته موجوده
صار عندي احساس ديشوفني واني ما اشوفه ...
من رجعت من الدوام لليل دك التلفون .... شلته ابتسمت لان
ديسمعني اغنيه عبد الحليم ...
خلصت الاغنيه وما سد السماعه ولا اني كدرت اسدها ....ورا كم دقيقه گتله تصبح على خير وسديتها
وهاي بقى كم يوم يدك ... اگول ألو ... وابقى اسمع ويا الاغنيه
جان متقصد يذكرني بهالوقت ... الي ننجمع بي سوا ... هالوقت جنت اتفرغ بي اله ... وهو يكون كاعد ينتظرني اخلص واتفرغله ... مره احسه حبيب ومره صديق ومره اب حسب الموقف الي يجمعنا بهالوقت .... قلب عليه الذكريات .... بهالايام
اتذكرت كل الوقت الي ساندني بي .... وكل مواقف حلوه بيناتنا
اتذكرت علاقتنا ... وحبه الي ... وساعات زعلنا ... ومن نتصالح
شلون نتعاتب... حنيت لابامي وياه ... وحنيت اگله منذر احبك
بس جنت اصد حتى لو احبه لازم ... اعاقبه واخلي يندم
گمت من يدك التلفون ما اشيله .... اخلي بيبي لو جدو يشيلوا
ورا كم يوم ... احتاجيت الكتب ... رحت على نور گتلها ... ممكن
تنطين خبر لمنذر ... اريد باقي الكتب والمراجع مالتي ...
نور: سماره... المفروض انتِ تتصلين عليه ... ليش باقيه متقبلين تواجهي ... ترى منذر جان يمي ... قبل كم يوم ورادني ادز عليج ... بغرفتي ... لان يگول اريد احجي وياها ...ومدتنطيني مجال اشوفها ... من يوم انفصلنا ... اعتذرت منه گتله ما اصيحها روحلها انتَ فد شويه تخلص محاضرات ..وراها عرفت بقى لنهاية الدوام وشايفج بس ... گال محجيت وياها ...
سماره: ان شاء الله ...اليوم اني اتصل عليه ... شكرا
نور: سماره... بعدكم صغار والانسان بداية حياته يغلط ما معصوم من الغلط حرام تنهون الي جان بينكم ... بعناد يجي يوم تتندمون عليه ... حرام انتوا واحد يحب الثاني... انطي فرصه يصلح غلطه
سماره: رجعت للبيت وبعده كلام نور ببالي ... واكثر من مره اروح اشيل سماعة التلفون ... وارجع اسده .... اخر شي صعدت نمت حتى ما افكر بي
ورا كم يوم جنت واگفه ويا بنات .... شفته جاي بتجاهي ... كل وضعي تخربط ... ارتبكت ... وگف قريب علينا مبتسم
صباح الخير
سماره: صباح النور
