54
عرفت يريدني اروح يمه ... من شفته نسيت كلشي ... همت بي ونسحرت بحب حياتي ... رحتله واني بداخلي كتله مشاعر يمكن جان للحمل تأثير بهالموضوع لان بالفتره الاخيره الي طمنتني الدكتوره الحمل مابي مشاكل والطفل صحته زينه ... جنت اتمنى افرح منذر ... وكم مره حاولت اگله بس ما ادري شنو الي بداخلي جان يمنعني ... )
گتله نعم ... ونظراته وابتسامته.... طيرت كل قناعاتي ... حسيته سيطر عليه وخلاني اضعف كدامه ...
منذر: اريد احجي وياج
سماره: منذر مابقى شي نحجي .... بي
منذر: رجعتج لعصمتي رجعتي مرتي
سماره: يعني شنو ( شفته يضحك)
منذر: يعني ترجعين ويايه للبيت لان بعد ما اتحمل فراكج
سماره: ما اريد ارجع ...
منذر: كافي سماره ارجعي ويايه وخلي نبدي من جديد ...
ترى اني تعبان بلياج ... والي تريدي يصير
سماره: سألته باهته ...يعني هسه رجعت مرتك ...
منذر: اي لان بعدج بالعده ... رديتج
سماره: بس ما ارجع اذا مصير الي اريده
منذر: شنو الي تريدي فهميني
سماره: اذا ارجع ... تنقطع علاقتي بأهلك ... انت تتواصل وياهم
وتروحلهم وحدك اني ... ما الي علاقه بيهم
منذر: انتِ مقتنعه بهالشرط ... معناها ميدخلون بيتي
سماره: فكر وشوف كل الي وصلناله بسببهم ...
منذر: سماره... خلي نرجع للبيت ونتفاهم ...
سماره : ماعندي تفاهم ... وما ارجع وياك ... منذر اذا تريدني
هذا الحل حتى نرجع مثل قبل .... بدون مشاكل وتدخلات ... ( مكدرت افتح موضوع علاقته...ردت انسي هالموضوع)
منذر ترى اني حامل ... وما صدكت يثبت حملي ... لترجعني على المشاكل ... والقلق.. ماصدكت حملي يثبت ....
منذر: بعصبيه يعني انتَ حامل من قبل ما اطلك ومكلتيلي
سماره: اي ... بس خلي افهمك السبب
منذر: ما اريد افتهم .... لان محد مسوي سوايتج
سماره: راح زعلان مني ..
بقيت كم يوم .... ما اعرف عنه شي .... بس نور باركتلي ...
واتصلت على همسه لان زعلت مني .... عتبت عليه لان محجيت
الو
همسه:الو
سماره: بعدج زعلانه
همسه : والله انقهرت كل هالاشهر اني وياج مجبتي سيره
سماره: همسه والله محجيت لان توقعت راح يوگع مثل القبله ...
حتى امي بعدين يله عرفت
همسه: يعني لو ما منذر يحجي انتي متكولين ....
سماره: لا طبعا اگول وصار فتره مقرره اگله وااجل الموضوع ...
همسه : خطيه كلش فرحان ... اجى تغدا يمنا ... وسأل خالد
يشوفله بيت يمنا
سماره : مفتهمت ليش يريد يغير البيت ... وما سألت همسه
لان بقت تگلي ارجعي ... الولد تمرمر ... راح يصيرله ب٥ شهور
حياته مخربطه ومامرتاح ... انتِ بعيده عنه
شهرين انتِ زعلانه .... وهاي رجعج قبل متخلص العده وانت بعدج يم بيت جدج
بقيت كم يوم احجي ويا امي بموضوع رجعتي .... والشرط
امي مقبلت گلتلي حرام ... وراح تخلي بموقف صعب ....
گتلها امه من صارت المشكله وعرفت واح ننفصل ما كلفت نفسها
تصلح بيناتنا ... ولا ادخلت ولا ثبتتلي ... هي رايدتني .....
قفلت ويا امي على قراري ....
مجنت اعرف بيها متفقه ويا منذر من ورايه .... لان طلع حاجي وياها وگايللها صعبه عليه ... بس دا افكر اخذ بيت وابيع الشقه
( يقصد محد يعرف ويدخل بحياتنا من نتبتعد عن رؤى اخته)
وامي گايلتله اقبل بشرطها خلي ترجع وبعدين اني احجي وياها
واخليها ترجع تتواصل وياهم بس انت لازم تخلي حد ومترجع الوضعيه نفسها ... لان اذا رجعت اني اكلها بعد متتواصل وياهم هذا الكلام عرفته بعدين )
