33
فخالد راح يوصلكم
واني اوصل امي والبنات حتى اطلع عندي كم شغله بالشقه
اريد اكملها ...بس اذا تريدين اني اوصلج ... امرلج بدل خالد
سماره: الصدك ارتاحيت خالد راح يوصلني ... جنت شايله هم
شلون منذر راح يشوف ابراهيم ... واخاف تصيرلي مشكله ...
من الصبح ... كلت خلي بالزفه يشوفه ... بلكت يعبرها
جاوبته لا اخذ راحتك خلي خالد يمر عليه ....
رحت ويا همسه وامي للصالون ... كلتلي رفاه... من عرفت متريدين تروحين على الصالون الي اختاروا تخبلت گلتله لمنذر لعد انت توصلنا وخالد يوصلها
جاوبتها ... خلي يعدي اليوم شلون مجان ... طول فتره وجودي بالصالون افكر منذر من راح يشوف ابراهيم شلون ... وبنفس الوكت ما اكدر اكسر ابراهيم اكثر واگله روح
وهو الولد يريد ... يطمئن عليه
البدله جانت بوقتنا موديلها سمبل مو نفس لا مقسمه على الجسم
وتنزل منجوه اعرض وبيها ذيل بسيط وچتفها عاري ... من اختاريتها منذر گلي لعد ما اسوي بالقاعه ... بس زفه ...
اذا تختارين وحده ثانيه ... مقبطه اسوي بالقاعه
اني بوكتها حبيت هالبدله ... ومردت العرس بالقاعه بالعكس شفت الزفه اريح لان وراها نرجع للشقتنا ...
من خلصت من الصالون ولبست بدلتي خليت شال ...
ستن ابيض حسب تعليمات منذر ... والتسريحه جانت بسيطه
بيها اختاريتها من رحت احجز الصالون ... وگتله لمنذر اريد اطلع اخذ ورد مال شعر ابيض ( صناعي ) گلي اني اجيبلج ورد طبيعي ابيض ... من محلات الزهور ... والصبح طلع جايبه و دزه ويا بيت خالد وياها مسكه هم ورد طبيعي
جانت التسريحه شكد بسيطه بس الورد انطاها شكل حلو
طلعت من الصالون رجعت للبيت ...مخليت ابراهيم يشوفني
والصدك مردت اشوفه ... واشوف رد فعله من يشوفني ...
بالبدله ...
ورا ساعة اتصل عليه منذر الو
سماره : الو
منذر: ها حبيبتي خلصتي كل امورج ...
سماره: اي الحمد لله خلصت
منذر : يعني ممحتاجه شي لان راح اطلع للشقه ابدل هناك
وتطلع الزفه مناك اجي عليج
سماره : ردت اگله على ابراهيم وخفت .. جاوبته لا سلامتك اخذ راحتك
منذر : حبيبتي صاير شي ... شو دا احس بيج ضايجه مغثوثه
سماره: لا مابيه شي ... يمكن تعبانه
منذر : ام عيون اليوم وين تروحين مني ... دا انتظر دقيقه دقيقه
انجمع بيج وحدنا ... مشتاقلج
سماره: ان شاء الله بس ما اريدك تنقنق وتسوي مشكله مثل المهر
منذر: لازم عالگتها حبيبتي ... شو قلقتيني .. البدله نفسها ووياها الشال
سماره : اي نفسها والمكياج تقريبا مثل المهر ....
منذر: يله اليوم اصير سبورتي ... اخليج براحتج ... حتى تودعين
المكياج برا البيت ...
سماره: يله روح ... كمل امورك
منذر : ما ادري ليش ... دا احس بيج شي ... يله من اجي
اعرف الي مضوجج ... ارتاحي حبيبتي ... اذا قلقانه مني
امني ... ما اضوجج اليوم ...
سماره: ان شاء الله
بقوا خالاتي وبنات خالتي ... يركصون على صوت المسجل
وجدي وابراهيم ... برا بالحديقه حتى يستقبلون منذر واهله
كل ميمر الوكت ... اموت خوف اكثر ليصير شي
دخلت امي شاورتني گلتلي تعالي اكلي سويتلج اكل ... لان من الصبح ما اكلتي شي ... واخاف اطولون منا لحد مترجعون للشقه ...
رحت وراها للمطبخ ... كعدت اكل ... ورا دقايق .. دخل ابراهيم من باب المطبخ الخارجي الي يودي على الحديقه
من شفته فزيت ... وهو ... بقى واگف ارتبك ... جر نفس وغمض عينه ... اتمنيت يجي احد .. لو يطلع ...
