الاخييييييييير
ايام بهالشقه وانتِ مو بيها ....
حتى كرهتها ... شكد ما عشت بيها ايام حلوه وياج ... شكد ما كرهتها ... على فراگج والي صار ... ولهذا السبب اريد ابيعها واخذ بيت حتى نرتاح
سماره: رجعنا مثل قبل بعلاقتنا .... وامه خابرتني ورا يومين عزمتنا على الغدا .... ورجعت التدخلات ... وصارت مشكله ...
من ورا موضوع علي ومنذر ... وخاله تهمتني اني السبب ما
اقبل يرجع علاقته بعلي حتى رؤى متجينا ...
منها منذر گلي خلص انتِ بعد متوصلين لاهلي ....
ورا فتره .... لگينا بيت اشترينا وبعنا الشقه .... قريب على بيت
خالد ... وطلع منذر رايده قريب لان مفكر من اولد ... حتى اكدر اكمل ... وابقي الطفل يم همسه ...فرق بيناتنا كم بيت ....
صار عندي علي .... ورا ما اتخرجت صار عندي عمر ....
بقيت فتره ما اتواصل ويا امه واخته ..... بعدين من صار عندي علي .... حسيت بالامومه
وگتله ميصير اكطع وياهم فد مره ... عاد اخليها بالاعياد بالمناسبات اتواصل وياهم بحدود
گلي من هسه تتحملين ... الي تسمعي وتشوفي من امي ...
گتله على مودك اتحمل .... وصدك تحملت ... وصبرت الى ان
تغيرت وگامت وين متكعد تحمد بيه ... بس كدامي وكدام منذر ماتحمد نسمع من الناس
من دخل عمر للمدرسه ... قدمنا اني ومنذر ماجستير .... وكملنا ... الحمد لله
ولليوم رجلي يحبني ... ولليوم اني احبه ومتفاهمين ... ودائما من يبدر منه شي اقدم حسناته على سيئاته
والحمد لله ... بطل الشك ... صار شي يشبه الغيره لا اكثر
ابراهيم ابن عمي مصار عنده اطفال ... ويمكن هاي الحكمه
الي رب العالمين مرادني ارتبط بي حتى لا انحرم من الاطفال
وجاسم ... سمعت كلش يحب مرته وعنده ولد منها ...
انتهت قصتنا ....
الانسان بيده يرفع نفسه وبيده يدمرها .... الطموح سلاح المره
من تكون شهادتها بأيدها ..... والبشر المتعبين ... نكدر بالتجاهل نخليهم ميأثرون على حياتنا
والي يغلط مو بالضروره يبقى على غلطه لازم ينطي نفسه فرصه
يصلح غلطه ... وننطي فرصه ثانيه للي يغلط بحقنا
وكلشي يكتبه رب العالمين بي حكمه واله اذان ... حتى يتحقق واذا ما اتحقق معناها ما النا بي صالح
