رفعت عيني شفت امير كدامي...نحرجت منه
امير...هسة مافتهمنة ساعة تركصين ...ساعة تبجين...شنو هالتناقض
كمت اريد ادخل ...كال لا بداعت العزيز عليج اكعدي...وكعد بصفي
امير...شمالج تبجين
ورد...ماكو شي
امير...جا شنو خبلة
ورد...رفعت عيني باوعت بغضب ..شنو هالحجي
امير...جا اكو واحد يبجي بدون سبب....مشتاقة لامج..
اني هنا طكيت بجي
امير...خابريها...جانت الموبايل بعده مو كل الناس عدها
ورد...ماعدها موبايل وهسة سافروا
امير...احجيلي مامرتاحة هنا....اعرف امي طباعها صعبة...بس كلبها طيب ترى..لا تزعلين عليها
ورد ....ما زعلانة....بس احس نفسي غريبة بنصكم...حتى من تحجون سريع مافهم حجيكم
امير...مرور الوقت تتعلمين علينا وعلى لهجتنا ..وظل يحجي وياي ويهديني وعدني يساعدني بالقراية...
امير شاب مرتب وسيم كلش وكلبه طيب حيل اغلب ولد عمي هيج طبعهم ماعدا باسم وحسين اثنينهم شخصيات تخوف ...يعني ماتحسين براحة من يكونون موجودين يطغي وجودهم على الاخرين...
خلصت العطلة ونقلوني المدرسة قريبة اني ومها هي جانت صف خامس ادبي...بس امير وباسم جانو بعد دوامهم
طلعت اروح لمها حتى نروح سوية للمدرسة
ورد...صباح الخير مهاوي
مها...صباح النور...ورد اشو بدون حجاب
ورد...اني مامحجبة
مها...لا عيوني لازم عمي ماشافج من طلعتي ترى هنا ميقبلون البنية بدون حجاب
ورد...ها ماعندي حجاب
مها ...هسة اجيبلج مني
ورد...راح انتظرج بالحديقة...طلعت اتمشى وسمعت صوت...تعاي هنا ...التفت شفت باسم...ضجت من اسلوبه
ورد...صباح الخير...خيراكو شي
باسم...ياخير...شنو هاي طالعة بدون حجاب ...ماكو أدمي شافج وكالج وين رايحة
ورد...شدشوف وين رايحة...
باسم...لج احجي عدل
ورد...اني دحجي عدل ...بس انت عدل اسلوبك
باسم...هاي عليمن الحجي ...وتقدم علي...اني رجعت ليورة...وبنفس اللحظة اجت مها
مها...هاج هذا حجاب ...لبسيه...واليوم كولي لعمي يجيبلج حجابات...لبسته..واني مااباوع لباسم...بس نهضمت منه حيل
مها....شمالج ورد
ورد....باسم ماعرف ليش تهجم علي علمود الحجاب
مها...حسيت الوضع متأزم ...لا تزعلين ترى باسم حيل عصبي ومايتفاهم
مشت الايام علاقتي بمها صارت قوية...بس بلمى لا دائما تتجنبني ...وبالبيت مرت عمي بعدها تضغط علي ...بس مو كدام عمي...وتشغلني هواي حتى مالحك اقرأ
امير كام كل مايجي نهاية اسبوع ...يشرحلي كل المواد...وجنت اشوف لمى تكوم تريد اطك...ومرت عمي هم تضوج حيل...بس هو مايهتم...باسم احاول قدر الامكان اتجنبه وهو بس نهاية الاسبوع متواجد..
خلصت السنة وبدت عطلة القراية ...مرت عمي زادت بالشغل وصار ماعندي وكت بس بالليل اقرى...مرة جانو نايمين طلعت بالحديقة ..وجنت لابسة دشداشة نص ردن وبدون حجاب ماسمع الا صوت...وللحكاية تكملة
أنت تقرأ
#الحب-والاعراف
General Fictionقصة اجتماعية عن ثلاث فتيات من عائلة تفككت...يواجهن المشاكل في عز عائلة الاب الكبيرة ...حب ...عشق...حقد...تضحية...سوء اختيار ....اعراف اجتماعية وتقاليد...تابعونا...تخياتي
