#الحب-والاعراف

خوف زائد

ماعرف ليش جنت شايلة هم ...لباسم لوعرف...احى وسلم عادي
ورد...رؤى عفية راح اصعد
رؤى...جاشملج خيتي...من شفتي باسم رجفتي
ورد...هسة يعرف وماريد نظرة الشماتة بعيونه
رؤى...لا ما هكيت باسم هيج...غلطانة انتي
صعدت بالغرفة واني خايفة ...يارب مين الكاها كمت توضيت ولبست جادر الصلاة...وصليت ركعتين بثواب ام البنين...ودعيت ربي..كتله ربي انت وكيلي وتعرف ماتركت فرض ماصليته ولا شلت غيبة احد ولا طعنت بخت بنية...اريد منك بحق سيدتي ام البنين وماضحت بكربلاء تبين حقي وتبرء ساحتي ...اندك الباب ...من فتحته تفاجات اباسم كبالي ...بس عيونه تخوف من الغضب
باسم...كملي والحكيني للحديقة
اني بس هزيت راسي حتى صوت ماطلعت...بس احس اطرافي ترجف...على شنو خايفة شيريد يسوي....نزعت الجادر ولبست حجابي ورحت لكيت كاعد على المصطبة ويهز برجله.
ورد...نعم...رفع راسه جانت عيونه تطك شرار
باسم...اكعدي ...بدون جذب اريد اسمع منج
ورد...تفاجات من حجايته معقولة ما صدك الحجي مثل البقية ....بس عيونه تحجي غير شي اني افكر واباوع عليه وفزيت على صيحته..
باسم ...شمالج مو داحجي وياج
ورد...يعني راح دصدك ...
باسم...اسمع حجايتج..
ورد...ماعرف شي عن الموضوع
باسم...والموبايل
ورد...باسم اني صار سنتين واكثر هنا ...ماطلعت بس للمدرسة...وعلى ايدكم اروح وارجع ...
باسم...هاي مو مشكلة ممكن اي بنية توصيها
ورد...كمت اريد اروح...صاح
باسم..وين مولية
ورد...ماكو داعي للحجي انت مقتنع مثلك مثل غيرك ليش اتعب نفسي
باسم ...اكعدي ...شنو صار بينج وبين امير...ليش فجاة قرر يخطب مها ...
ورد...كعدت تعبت من الحجي بس جان بنفسي باسم يكون ممصدك مو اني من دون الكل ماعرف ليش...بس من حجى هيج عرفت هو حكم قبل مايسمع مني بس قررت احجي كلشي...
شوف باسم ماعرف انت شواصلك ...اني عمري ماجان عندي شي وية امير...طول الفترة السابقة اعتبرته اخ اتجي عليه ...ومن راد يخطبني ماقبلت ...لان ادري راح ادخل حرب وياكم...وبما انه ماعندي مشاعر تجاهه فماكو داعي ادخل هاي الحرب...وبلغته بهالشي...هاي اولا...يعني جنت اكدر ازوجه وماكو لازم للرسايل وانزل زوحة ثانيا ...موبايل ماعندي ولا مشترية واذا اريد واحد اكول هالشي ...ماتربيت على الكذب والغش ...هذا العندي
عفته ورحت ماسمعت حتى جوابه ...
باسم ..رجعت للبيت بعدني مامرتاح وامي نكتت الاول والتالي ومن سولفت حسيت نار اشتعلت بصدري ...وجان ممكن اتهور بس دخلت قاسم نقذت ورد...وسولفلي قسمها وكال ماصدكن يطلع منها هيج شي وهم سولف على شوفت امير وحجيها وياه...بس بقت النار ماتقبل تطفى ردت اسمع منها...ومن اجت وسولفت خلتني بحيرة ياهو يكرهها لدرجة يكسر ركبتها...
ورد...بقت الحال على ماهو عليه كراب علي وحجي ينذبلي لحد الليل اكون ميتة تعب شفت نظرات باسم غريبة..لحد يوم راد يسافر
ويطلع بعد صلاة الفجر ...اني كعدت صليت وندك الباب قتحته
باسم....ورد سويلي جاي
ورد ...اول مرة يطلبها مني...صار هسة ..رحت خليت الجاي على النار وسويتله ريوك ...بينما يبدل..وصبيت الاكل
باسم...تسلمين...ورد اتحملي اعرف هواي ديضغطون عليج...من ارجع لازم اعرف منو سوة هيج
ورد...طرت من الفرحة بداخلي عبالك كل ناس صدكت برائتي..سلم وطلع ...بس فرحتي ماكملت ...وللحكاية تكملة