#الحب-والاعراف

مشاعر مختلطة

باسم...هي جاشلون طالعة بدون حجابج
ورد...فزيت على صوته ونبرة الغضب الي بيه...ماطلعة بعيد بالحديقة والكل نايم
باسم...شنهي ماحسبتي حساب الفلح دايرنا لو يمرون ويشوفون
ورد ...من يمر بهالوكت
باسم....شدراج...هاي اني مو مريت....ليش ماتحسبين حسابج عدل...وتلتزمين بعوايدنا....ترة احنة مو بغداد وتأخذين راحتج...هين مانقبل هالامور
ورد...الي يسمعك يكول اني طالعة مشلتحة اربع وعشرين ساعة ولو افرفر بين البيوت
باسم....ضبي حجيج زين
ورد...تعصبت ورفع صوتي...ماجاوزت وياك بالحجي انت تتجاوز...ماعرف شبيك كل ماتشوفني ترزل...عبالك ماخذة ورثك...اخخ ايدي...
باسم ...لزمتها من ايدها حيل....باعي لج احجي عدل ولا تعلين حسج ترى والي خلقج لسانج اكصه...واعيد تربيتج
ورد...اني مرباية لا تغلط ....اخ ايدي ...ظل يضغط على يدي
باسم...امشي ولي مناه لا راويج الويل
هد يدي ومشيت والدمعة بعيني بس ماشوفته دموعي ماريد يشمت بيه ...شكد اكرهه
باسم....السلام عليكم خلي احجيلكم عن نفسي اني مواليد ١٩٨٣ بوكت اجت ورد جان عمري ٢٢ سنة طالب مرحلة اخيرة هندسة....طويل وجسمي معضل لان بالعطلة اطلع اشتغل وية اهلي بكاعنا...اسمر صاحب لحية خفيفة وعيون كبار اغلب عيون العائلة بين الزرك والرصاصي لان ولد العم ...عيوني رصاصي تتاخذ لون لبسي....طبعي عصبي حيل..وحجابتي ماشية بيتنا وحتى بيت عمامي اكثر من بقية ولد عمي...يكولون ماخذ سخصية جدك ...ومااقبل على الخطأ....بالكلية عندي بس زمالة وية اي بنية ...ماحبيت اول وتالي ازوج وحدة من بنات عمي...مو ضعف شخصية لا...بس داشوف بالكلية البنات شلون تصادق واكو هنا يجن يصارحني..طبعا ماعمم هم اكو الزينات ...تبقى بنت عمي ربت كدامي واعرف اخلاقها وطباعها...وماريد اخالف اهلي محد يسوة اغضبهم...وتجربة عمي عباس اكبر دليل...من مات جان عمريض ١٢ سنة يعني عشت كل مشاكله..وتالي هو راح بعز شبابه...والي حبها وعاند اهله وعافهم على مودها راحت ازوجت بعد ٣ سنوات من وافاته وخلفت وعاشت حياتها ...حتى بناتها رؤى ولمى عافتهم...وماسألت ابد عنهن ...بس ورد....بقت وياه...هي اصلا جابتها من جانت يم اهلها يعني ابد ماشايفها...ابوي قبل اشهر كال راح نجيب بنت عمك ...
يوم رجعنا عدنا عطلة نص السنة ....
ابو قاسم...بوية عشانا اليوم يم عمكم....باسم مارحت سلمت على حبوبتك ..وهم تشوف بنت عمك
باسم...لا بوية ...كلت فد مرة بالليل اسلم على الكل
ام قاسم...جا كالو ماتشبه ابوها بشي وصدج من شفتها ...شفت نور جدامي..
ابو قاسم...صدج هي شكلها امها ...بس نفس طباع عباس ...من تحجي اشوفنه هو شلون جان يتحجى
باسم...(اخذني الفضول اشوفها من كد مايحجون عنها ).
اني تاخرت بالليل وية جماعتي جوي يسلمون علي وخجلت اعوفهم...من دخلت اسلم ماجانت موجودة ...شوي ودخلت بنت ..جنها غزال...الطول والرشاقة والبياض..والعيون سود مجرورة
والشعر اسود لون الليل ظافرته..والانفة بالمشي والنظرة...تحسها ملكة وماعاجبها احد.حسيت كلبي دك بعنف...شجرالي حتى هي اصغر مني بهواي ....والاضرب  اخوتها حاجزيها لي...
مرت الايام وكل ماشوفها نفس دكت الكلب...شيطان داخلي يدفعني ارزلها واطلع قهري بيها ...اليوم ماجاني نوم ..طلعت اتمشى ماشوفن...غير ورد كاعدة بالحديقة شعرها مفلول ونازل ولابسة دشداشة ماروني وهي بيضة وكاعدة تقرا...حسيت كلبي راد يوكف...ظليت صافن عليها...ورحت عليها رزلتها شلون تطلع هيج...حسيت الغيرة صعدت براسي..لو واحد غيري شايفها..
بس طولت لسانها واني ماحب المرة الكوية والي ترادد ولو..ردت امد يدي عليها ...ولزمتها من ايدها ....من هديتها مشت من يمي بكبرياء شوطت كلبي...
ورد ...امتحنت نهاية السنة ومن خلصت ام علي طلعت الضيم بية...شحجيلكم ...ماعرف ليش ماتحبني...لمن اشكي لامي سافرت وماعرف وين صارت...لو لبيبتي المريضة وكوة تكوم من مكانها...لو لاختي لمى الي تتجنب تحجي وياي ودائما تخجلني ....مرة طكت روحي لان نظفت ومن اجت مرت عمي ظلت تحجي
ورد...اكولج عمة شو شماسوي مايعجبج ...
ام علي....انتي لسانج طويل وتراددين ...ممرباية
ورد...مرباية ونص ومحد جبركم تاخذوني من اهلي
ام علي...ذولة هلج...ومنو رباج امج ام رجولة
ورد...لا تغلطين على امي مو يمج هية حتى تجاوزين عليها
كامت تريد تضربني...طبعا صوتنا عالي..واجت زينب ولمى..عاد زينب لزمتها.ولمى ولا يمها عبالك مشمتة بية
زينب...صدك جذب عمة تخلين بالج وية طفلة
ام علي...وينها الطفلة بعمرها مخلفة علي وحسين اني
اني عفتها ورحت يم بيبيتي ابجي...زينب دزت على رؤى وقرروا اروح يمهم فترة ...وللحكاية تكملة...