#الحب-والاعراف

شهكة دمع

ورد...مثل ما انت ماتبطل عادة تظهر فجأة...التفت واكف ومتجي على الباب ومكتف ايديه
باسم…شلونج ورد
ورد...الحمد لله ...انت شلونج
باسم...دارجة...شعندج كاعدة لهل حزرة
ورد...ما اجاني نوم ....شوكت اجيت...تمشى لحد ماوصل مقابيلي
باسم...امس بالليل وصلت...على الخير الكلية
ورد...خير اليصيبك...تعرف اخباري زين...
باسم....تبقين بنت عمي ..جنت اباوع عليها واسولف وية نفسي شكد مشتاقلج يابعد كليبي كبرانا وردتي وصايرة مرة مو ذيج الطفلة الشلعت كلبي....نفسي اضمج لصدري وشم عطرج الي مانسيته...
ورد...باسم ظل صافن علي ومايحجي واني نفسي اشبع من عيونه ..كلما اشوفه لهن لون شكل ...شوي سمعن صياح فزينا عبالك جنة بحلم طلعنا نركض ...عرفنا الصوت جاي من بيت عمي ابو علي...ماتت بيبيتي...شكد بجيت عليها وشفت حتى عمامي وولدهم ماتو بجي ..جانت شمعة البيت...اوووف يابوية حتى ريحتك راحت مني ....نكلبت العالم عليه ...وللصبح محد نام الكل يبجي اخذوها الصبح للنجف واحنة ظلينا نحضر البيت والغدة واني اشتغل وابجي ...رؤى جابتلي دشداشة سودة...واني واكفة بالمطبخ فات امير...تفاجأ بشوفتي
امير...ورد شلونج ماعرفن انتي هين
ورد..انت شلونك امير...البارحة اجيت..شخبارك
امير...الحمد لله...بخير مادام انتي بخير....(اخ يابنت عمي عبالي نسيت ومن شفت رجعتيلي لكلبي دكاته...شنهي مكتوب علي مانساج ولا ارتاح بلياج ) احجي وية نفسي
ورد...عساك دوم بخير
اجو من الدفن وية توزيع المي سمعتني
ام علي...كرفتها مو زينة ياستار ...وية جدومها تجلب المشاكل والشر...
اني كلش نقهرت من حجايتها وذكرت عمي مايريدني اوصل هنا طلعت بوجهي لبيت عمي ابو قاسم...ودموعي تجري  واول ماوصلت المطبخ كعدت ابجي بالكاع ...ابجي على بيبتي وعلى حظي وية الي يسموهم اهلي..ابجي على اختي لمى الي فانت ومن دون الكل ماسلمت علي ..حسيت واحد كعد كبالي رفعت عيني
باسم..شبيج ورد ...ليش عفتي العزة وجييتي هنا
ورد...ماكدرت اجاوبه ...اختنكت بعبرتي
باسم...من داطلع من الجادر شفت ورد طلعت تركض لبيتنا لحكتها لكيتها كاعدة بالكاع وتنحب ...من رفعت عينه شفت دموعه شلال...زرفت كلبي شكد شفت الدمع بعينها يلمع بس ماجانت تبجي كدامي ابد...
باسم...فهميني ورد شجرالج ...من كد ماجانت تبجي بشهيك جريتها لحضني ...شبكتها حيل بكد قسوة ليالي بعدها...فهميني من وياج
ورد...ماحسيت الا اني بحضن باسم وعطره الي ما انساه ملة انفاسي ...شبكته وادري غلط الي اسويه...بس بعد ما اعتقد اكدر اشوفه ...نتبهت لنفسي شدسوي...بعدت عنه...مد ايده مسح ادموعي
باسم..دموعج يحركن كلبي...يابعد انا وهلي وكل طوايفي
ورد...ياما بجيت بسببك بس اول مرة ماتكون انت السبب
باسم...ادري جرحتج هواي ...بس من نار كلبي.
ورد...باسم اريد ارجع لبيتنا...شوفلي احد يرجعني
باسم...وجا تريدين أمن اي احد على درتي...صبري شوي بعد الثالث انا اوديج وعندي حجي وياج
ورد...شنو خير ان شاء الله
باسم...مو وكتها الحين...كومي غسلي صرتي طماطاية...ولا طلعين زلم واكفة كوم بالباب..
عافني وطلع كمت غسلت ...ونمت ...باقي ايام الفاتحة بقيت بيت عمي ابو قاسم...مرة جعت وما احب اكل الفواتح ...طلعت طماطة اكلي
باسم...عود مو تنسين الطاوة وتحركينا....
التفت شفته شايل هبة بنت رؤى ...ماراح تنسى هالموقف
باسم...ابد....هاج هباوي طكت بجي
ورد...شعجب انت جايبها...
باسم..سمعتها تبجي وهاي عزيزة كلبي...اخذتها منه
ورد...شمعنى
باسم...لان تشبهج حيل ...وعافني وطلع...صاير حيل جريء ويذب حجي اوووف ياكلبي لا تتعلق بشي ترة تتعب بعدين
من خلصت الفاتحة ...كال لاهله راح اوصل ورد.ومناك ابقي السيارة يم بيت خالي واطلع للبصرة...
وطلعنا بعد ماسلمت على الكل...وبدينا الطريق واني اكول هسة راح يحجي...وللحكاية تكملة