#الحب-والاعراف

ظلم لا حدود له

شفت باسم وياه علي...متت بدمي هذا شجابه مو بالبصرة هو ...على الصوت اكثر بس صرت مااسمع ولا افهم الي يكولوه من الخوف..اجت مرت خالي...تسال شكو ...
دخل خالي عصبي بس هو رجال جبير بالعمر ..
ابو امجد...تعاي خالو ذولة ولد عمج...
ورد...شيريدون خالو مارجع
ابو امجد...اطلعي كولي هذا الحجي لهم...ماقبلوا يدخلون جوة
طلعت واني مرعوبة بس خليت عباية على راسي ...لان جنت لابسة تراك تي شيرت مالته طويل...
من خطيت باب المطبخ باسم رفع عينه علي...جانت اطك شرار...جمدتني نظرته
باسم....ها بنت عمي ...هيج يطلع منج
ورد...باسم مارجع وياكم ..ابقى هنا راح تجي امي..ماحس الا خطوتين وهو يمي لزم ايدي بقوة وجرني
باسم...هو مو على كيفج ماعندج اهل وتشردين ...
ورد...اني ماشردت...وجان هو يجر بية للباب
ابو امجد...عمي على كيفك وين عايشين ...عوف البنية
بس لا حياة لمن تنادي...ماعرف شلون صار الموقف بس حسبت نشمرت بالسيارة بالكشن الورة ..وعلي صعد يسوق وباسم بصفه...التفت شفت خالي يصيح خطية نقهرت عليه وطلعت مرت خالي وراه..ونتبهت اكو سيارة بعد تمشي ورانا بيها كم واحد اصور حسين و الباقي ماشفتهم زين...يعني محسبين حساب عركة لو لزم الامر...اني اباوع واحاول افتح الباب...ايدي ترجف واتلمس بالباب ماتندل اليدة...من لكيتها جانت الباب مقفولة...علي جان يمشي بسرعة...وساكتين
باسم...جري عباتج على راسج.
عباتي وكعت من جرني وصارت كلها مي اطرافها ...بيومها الخوف الي بيه ماينوصف...مدري من السرعة مال السيارة ...
مدري من الي ينتظرني هناك...علي بقى على نفس السرعة والهدوء يكتل..محد نطق كلمة ..لحد ماطلعنا من بغداد بعدها مسافة ....طبك السيارة يم استراحة ونزلوا اثنينهم..عبالك واحد يفهم على الخ من الحركة وهم قفلو البوب...هسة اني وين اروح حتى لو اريد ...رجع باسم...
باسم...ماتدرين تنكشرين للحمام بعد مانوكف...
ورد ...اشرت براسي اي...فتح الباب ونزلت ...ضربني هوا العباية مبللة ومالبسة شي ثخين رجفت...هو انتبه علي
وصلني للحمامات وبقى واكف برة ..اني بقيت ارجف من البرد...
من رجعنا
باسم...شمالج طكطكين...
ورد...مابية شي ...تلمس عباتي...
باسم...جامالابسة شي ثجيل...
ماجاوبته...صعدني وراح ...رجع جايب اكل ...وبطانية شمرها علي...وخلى الاكل يمي....نزعت العباية ولفيت نفسي بالبطانية ...بس ما أكلت وتمددت على الكشن اريد انام واخلص من القلق والخوف...بعد ماحسيت بشي..لحد ماسمعت الباب ينفتح وصوت باسم...البسي عباتج وانزلي...
يمة بلحظتها لو انذبح ماكو قطرة دم بية ...نزلت وجرني من ايدي للهول جانوا كاعدين عمامي كلهم...ظليت اباوع بالوجوه ...
ابوعلي...هاي تاليتها بنت عباس ...تشردين...جامالج جبير...لو مستصغرة هالشوارب
ورد...ماشردت وية واحد...شردت من ظلمكم ...ولا جني بنت اخوكم الميت...تريد تزوجني غصب
ابوعلي...ولسانج اطول منج ...ردنا نستر عرضنا بعد سويتيه
ورد...ماسويت شي ...وماعندي شي وية احد ...تحجي الشوارب...وينها من مرتك خلتني خدامة وذل بية
ماحسيت لا جاني منه راشدي صم اذني ...
ابو علي ...صح ماعدنا شوارب بيها خير...مخليج براحتج تجاوزين....بنت ام رجولة...جرني من شعري ...جا يا سكط شردج
ورد...ماشردت وية ...ومعليك من امي ...نزع عكاله ماشفت الا باسم حط ايده على العكال..
باسم...عمي عوفها لي
ابو علي...هاك بوية اريدن اعرف منو هزمها ....وسوت من مصيبة
باسم اخذ العكال منه واجى جرني لغرفتي...جان يمشي سريع واني وراه اباوع بالوجوه بلكت واحد يرحمني...من طلعنا من المضيف ...شفت النسوان منجمعات ركضت رؤى وهي تبحي
رؤى...باسم الله عليك عوفها خيي موهيج ...دفعها
ام علي...خلي يربيها هالدايحة ...ماجابت غير الشر وياها
شمرني بالغرفة وسد الباب..
باسم...احجي منو وداج لبغداد..اني ظليت اباوع عليه وترجع نظراتي على العكال الي بيده
ورد...هي هاي الرجولة عدكم...كملت الحجاية وماشوف الا رفعة ايده والعكال نزل عليه...صحت من الالم ..بس خليت ايدي على حلكي ماردت احد يشمت بية
باسم...راح اشوفنج شلون دوسين علينا ...ويضرب بية ...احجي منو ...
ورد...شردت من ظلمكظ ...ماترحمون باحد...بس ظاهركم الي يشوفه يكول هنيالهم...زاد بالضرب واني بعد ماكدر احجي ..اخر شي دكرفصت بالزاوية وهو يضرب واني اون بسكوت...
باسم...شكد كوية والله لاشوفج المر لحد ماتحجين ...فتح الباب وطلع...ودخلت رؤى تركض...من شافتني كامت تعيط وتبجي جان منظري بشع ملابسي تشككت من الضرب وجسمي مشطب واجت مها وياها باوعت لمى بالباب وتبجي من شافت منظري...كومتني رؤى ومها ...وية الكومة وكعت وبعد ماحسبت على شي...وللحكاية تكملة ...٠٠